Popular Bible Verses from Juan 10

Share

Li j'elec' chije ja' no'ox yabtel ta x'elc'aj, ta xmilvan, ta soquesvan. Yan li vu'une ja' tal cac'be xcuxlejalic, jech mu'yuc c'usi yan tsc'anic o.

Vu'un li lequil jchabichijune. Li lequil jchabichije chac' sba ta milel ta scoj li xchijtaque.

Li jchijtaque cha'ibicun li jc'ope xchi'uc xcotquinan, jech chists'aclinicun batel.

Vu'un ta xcac' cuxiicuc sbatel osil. Mu xbatic o ta ch'ayel, xchi'uc mu'yuc boch'o xu' yu'un chispojbun loq'uel ta jc'ob.

Vu'un li ti'coralune; scotol li boch'otic ta x'ochic ta jtojole ja' chcolic. Jech xloc' x'ochic no'ox ta scoralic, jech tsta lec sve'elic.

Vu'un li lequil jchabichijune. Li jchijtaque xcotquinan, jech xiyotquinicun ec.

Yu'un li Jtot ti laj yac'bun ta jc'obe, ja' toj ech'em smuc'ul ta scotol. Mu'yuc boch'o xu' yu'un ta spojbe loq'uel ta sc'ob li Jtote. Li vu'une jununcutic xchi'uc li Jtote —xi li Jesuse.

Jech chac c'u cha'al xiyotquinun li jtote, jech xcotquin ec. Ja' yu'un ta xcac' jba ta milel yu'unic scotol li chijetique.

Mu'yuc boch'o xu' yu'un chismilun. Slequil co'nton jtuc ta xcac' jba ta milel. Xu' cu'un ta xcac' jba ta milel. Xu' cu'un chicha'cuxi noxtoc, yu'un ja' jech smantal li Jtote —xi.

Li Jesuse jech laj yal noxtoc: —Jamal chacalboxuc ava'yic, vu'un li sti' scoralil chij c'otemune.

Yan li boch'o ja' no'ox ta sa' tojele, ti mu ja'uc yu'un li chijetique, c'alal chil chtal jti'vanej bolome, te tscomtsan li chijetique; ta xjatov batel ta anil. Jech te chlaj ta bolom li chijetique; te tanpuc chbatic o.

Li Jesuse jech laj yal noxtoc: —Jamal chacalboxuc ava'yic, li boch'o muc ta sti' scoraluc chij ta x'oche, me ta xbit no'ox ochel ta pat corale, ja' j'elec' chijetic, ja' j'uts'intavanejetic.