Popular Bible Verses from Ruuka 11

Share

Arɨɨbhɨ imwɨ abhabhɨ, mwɨzɨ kʉbhaha abhaana bhaanyu ebhegero ɨbhɨzʉmu. Wuusʉ wa mwisaarʉ atakʉtʉra kʉbhaha Ekoro Ɨndɨndu kʉkɨraho, bhanʉ bhakʉmʉsabha?”

“Kʉgayo nɨrabhabhʉʉrɨra, mʉsabhɨ na niimwɨ mʉrahaabhwa, momohye na niimwɨ mʉrabhona. Muhunɨ ikisikʉ na niimwɨ muriigurirwa.

Wʉwʉʉsi wʉnʉ akʉsabha, arahaabhwa. Wʉnʉ akomohya, arabhona, na wʉnʉ akuhuna ikisikʉ, ariigurirwa.

Yɨɨsu akabhabhʉʉrɨra, “Hanʉ mʉkʉsabha Mungu, mubhugɨbhu, ‘Bhaabha [wɨɨtʉ wʉnʉ uri mwisaarʉ], iriina ryazʉ rikumibhwɨ. Ʉbhʉtɨmi bhwazʉ, bhuuzɨ. [Ubhwɨndi bhwazʉ bhokorwe mʉʉsɨ hanʉ chɨmbu mwisaarʉ iyo.]

Na otobheerere ʉbhʉbhɨ bhwɨtʉ, kʉ kʉbha na niitwɨ tʉrabhabheerera bhʉʉsi bhanʉ bhatʉsaririiryɨ. Na ʉtatusikirya mubhitiimotiimo [nawe ʉtʉsabhʉrɨ nʉ ʉmʉbhɨ wurya].’ ”

Otohe ibhyakurya bhyɨtʉ bhya kɨrakabhu.

“Amɨɨsʉ nego ɨkɨmʉrɨ chʉ ʉmʉbhɨrɨ. Arɨɨbhɨ mahʉru, ʉmʉbhɨrɨ gwazʉ gwʉsi gʉrabha nu ubhwɨrʉ. Nawe, amɨɨsʉ gaazʉ garɨɨbhɨ marwɨrɨ, ʉmʉbhɨrɨ gwazʉ gwʉsi gʉrabha kiirimya.

“Atareeho ʉmʉʉtʉ wʉnʉ akugwatya ɨkɨmʉrɨ, akʉmara akakikundikirya na rihʉʉzʉ. Nawe ahaakɨtʉʉra igʉrʉ wɨ ɨkɨkʉngʉ, korereke hanʉ abhaatʉ bhakusikɨra, bharore ubhwɨrʉ.