Popular Bible Verses from Los Hechos 7

Share

Tá súkun na yu̱ú sata ra Esteban ta xa̱á ra káꞌan ra xiꞌin Ndioxi, káchi ra saa: ―Tata Jesús, ndikiꞌin un ya vaꞌa i ―káchi ra. Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

Tá káa tai, saa káa nuu ndivi nuu índuꞌu i xáꞌnda chiñu i nuu ndiꞌi naꞌa. Ta nuu ñuꞌú, tá káa nuu ndíkundee xaꞌa i, saa káa ya. Tá tu tá káa nuu ndi̱kundee xaꞌa i, saa káa ñuu ivi, ¿ta maa kuchiñu vi naꞌa sikuaꞌa na veꞌe nuu koo i?

Tá xi̱ni soꞌo na xa̱á káꞌan ra ta ndi̱kasi ndaꞌa na soꞌo na ya köo kúni na kuni soꞌo na ya káꞌan ra. Ñaa ndee ka vi ndi̱ndaꞌi koꞌo ndiꞌi na, ta iin ndi̱katin na ti̱in na ra. Ti̱in na ra ta̱va na ra kuaꞌan ra xiꞌin na nda nuu ñuu. Ta ikán ta̱va na toto súkun na. Ñaa xa̱á na kóꞌni na yu̱ú sata ra xáꞌni ñaꞌa na. Ta íyo iin ra kuâán, ra náni Saulo, ra ikán ndi̱kuiso chiñu xiꞌin toto sukun na.