Popular Bible Verses from လုကာ 3

Share

ယောဟန်ဇာ့လောင်ဘာထော်ကူးအခိန်မွန်းနူ အဖင်ပရာတဟယ် တာဘလုန်းဆူးနူလော်။ ဘွေယေရှုမယ်လေဘလုန်းဆူးနူဒေါ် သဘားထောင်ခိန်နူဘုန်းနူခိန်မော့ခူဘောထောင် ဒေါ်ရာခါး သာ့စောင်းဆူး မာဒူးလူထောင်အနဲ မကိုက် ထူလွီးဒေါ် လောင်ဘို့ဒုန်းယေရှုလော်နူလော်။ ဘုန်နူ မော့ခူနူ တာငေါ့ပရီဒုန်း “နာနူမယ် ပရာဒုန်းခေးဘာလောဒေါ်ခေးအင်အော်နူလော်။ ခေးနူအော်ဒေါ်တာသူးမင်းသာ့မင်းဒူဒုန်းနာနူလော်” မယ်တာငေါ့ ထောင်ဖလောက်ဒုန်း​မော့ခူနူလော်။

အခူစားယောဟန်နူ နဲဝေသူးဒုန်း “ခေးမယ်ပရာဘလုန်းသူးဒေါ်ဆူးလော်။ မသော်မယ်ပရာဒုန်းအဒူဒေါ်ခေးကတူးလေနူလော်။ ခေးဇာ့ကုန်ဒေါ်ကဘလွတ်ကေးနူး အကားဖလာပူကိုး။ အဝေနူကဘလုန်းသူးဒေါ် သာ့စောင်းဆူးဒေါ်မီနူလော်။

အော်လုန်းထောင်ရှော့ သူးနဲဒုန်း သူးဆွားရိန်တာမာတာမှာဒေါ် သူးဇာ့မာပယ်နူကာ။ သူးဇာ့နသု့ဒုန်းသူးမယ် အာဗြဟံ အသင်ကူးဖော့ကာ။ တာဒုန်းခေးကနဲသူးမယ် ဘွေနူ ဒုန်းသူးကလဲနူလုန်းယိုးတဟယ်နူအမာထွားထောင် အဗြံဟံ အဖော့အယူဒါနူလော်။

ခါးယိုး ဖားဘွေနူပရာဒုန်း ဇာ့အော်ဒေါ်တာသိုက်ငှားလောင်ဇိန်နဲတဟယ်နူ အအော်ယာအနဲဒုန်း ဖင်တာကမာဒေါ်စရောင်ဝေသူးဒုန်းတာစရောင်ဒူနူလော်။ အခူစား ပရာတာဒုန်းဇာ့အော်ဒေါ် တာသိုက်ငှားလောင်ဇိန်နဲဒေါ် ဇာ့မာတာရူးတာရောက်တဟယ်နူ ကနူးဘာဘွေတာလားထောင်တာကမာဘုန် ကဘာတာဟွေးလောင်အော်ဒုန်းမီကားနူလော်” မယ်အဝေဆိန့်သိုက်ငှားပရာတဟယ်နူလော်။

မကိုက်တာရီလုန်းထောင်ဒုန်း ဝီးဟေရှာယအလိုင်ဆောင်းဆူးကူးနူ “ဒုန်းမုန်းလားကာားဂက်သွန်ကလဲပရာအော်တပရာဒုန်း အဆွားဒေါ်ကာ့ကကရီးတာနူမယ် ပရောင်လောင်ယာဘွေခလိုက်ကာ၊ မာဇုတ်ဇိန်ဘွေခလိုက်တဟယ်ကာ။ မာဘွေးဇိန်ဂက်တုန်ဒေါ်ခေါဒူခေါလုန်းတဟယ် မာဒွါးလောဆော့ကာ။ ဘုန်ဒေါ် ခလိုက်တကွေတဟယ်နူပရောင်ဇုတ်စေ ခလိုက်ဇာ့ဒါဇာ့ရောင့်တဟယ်ပရာင်ဖုတ်ပရာင်ရီရောင့်ဆော့ကာ။ အနူဒေါ်ပရာလောနူးတဟယ်နူ ကအုတ်ဆူဘာဘွေဘလိုင်လောင်ပရာမာပူးဘလွတ်တာအဘွေနူလော်။”