Popular Bible Verses from Génesis 28

Share

Noqaqa imëpis qamwanmi këkäshaq. Mëpa ëwaptikipis manam jaqishqëkitsu. Mëpitapis kë partimanmi kutitsimushqëki. Mana qonqëtam llapan äninqaqkunata cumplishaq>>.

Tsënöllam TEYTA DIOSTA rikarqan escalërapa puntanchö shëkaqta. Pëmi nirqan: <<Noqam kä awilïki Abraham y tëtëki Isaac creyikunqan TEYTA DIOS. Kë punïkanqëki pampatam qamta y mirënikikunata qoykuyashqëki.

Punïkanqanpita riyarkamurnam Jacob nirqan: <<Rasunpam TEYTA DIOSQA këchö këkan. Këchö këkashqanta manam musyarqätsu>>.

Tsëchömi Teyta Diosta mañakur Jacob kënö nirqan: <<Teyta, kanan ëwar alli purimunäpaq yanapëkallämë. Janapitapis pachapitapis mana pishipänäpaq yanapëkallämë. Tëtäpa wayinman yamëlla kutimuptïqa qamllam DIOSNï kanki. Kë jawinqä rumim señal kanqa këchö pïmëpis adorayäshunëkipaq. Llapan bendicionta qomanqëkipitam diezmuta qampaq imëpis churamushaq>>.

Mirënikikunam polvunöraq yupëtapis mana puëdipaq kayanqa. Tsurikikunapita mirarmi mëtsëpapis witsikäyanqa. Qam rëkurmi y mirënikikuna rëkurmi llapan nación nunakunapis bendicionnïta chaskiyanqa.

Puntatam tsë amänunchö markapa shutin karqan Luz. Jacobnam tsë markapa shutin churarqan Bet-el nir.