Popular Bible Verses from Génesis 32

Share

28 (29) Tsëmi nirqan: <<Kananpitaqa mananam Jacobnatsu shutiki kanqa, sinöqa Israelnam. Tsënö shutiki kanqa Dioswanpis nunakunawanpis maqanakur vencinqëkipitam>>.

26 (27) Tsëmi tsë nuna Jacobta nirqan: <<Patsam waräkaramun. ¡Jaqiramëna!>> Tsënam Jacob yaskirqan: <<Manaraq bendisimaptikiqa manam jaqishqëkitsu>>.

24 (25) Y kikinqa mana tsimpashpam quedakurqan. Tsë paqasmi juk nuna warätsiq pëwan maqanakurqan.

30 (31) Ewkuptinnam Jacob nirqan: <<Teyta Dioswanmi cära cära tinkurqü. Tsënö tinkïkarpis manam wanurqütsu>>. Tsëpitam tsë partipa shutin churarqan Peniel nishpa.

25 (26) Jacobta imanöpapis vencita mana puëdirmi titaq chanka moqunta ulluratsirqan.

27 (28) Tsënam Jacobta tapurqan: <<¿Imataq shutiki?>> Pënam yaskirqan: <<Shutïqa Jacobmi>>.

29 (30) Tsënam Jacobpis tapurqan: <<Qampa shutikiqa ¿imataq?>> Tsënam tsë nuna nirqan: <<¿Imapaqtaq shutïta tapumanki?>> Tsëpitanam Jacobta bendisïkurqan.

10 (11) Jutsasapa këkaptïpis ankupämarnïmi yanapamarqunki. Jordán mayutapis tukrüllawanmi pasar ewkurqä. Kananqa wätäkuna atska kapamaptinmi ishkë purwaman rakinäpaqpis kapaman.

32 (33) Tsënö ullutsishqa kaptinmi Israel nunakunaqa wätata pishtar kananyaqpis tseqllaman tinkuq ankutaqa mana mikuyantsu.

9 (10) Tsënö rurarirnam Teyta Diosta kënö mañakurqan: <<Awilü Abrahamwan tëtä Isaac creyikunqan TEYTA DIOS, kikikim nimarqëki castäkuna täräyanqan partiman kutikamunäpaq. Tsënöllam änimarqëki yanapamänëkipaq.

11 (12) Tsënölla wawqï Esaúpita kananpis salvëkallämë, Teyta. Alläpam mantsä warmïkunata y wamräkunata wanïkatsiyänanta.