Popular Bible Verses from San Mateo 8

Share

Dan me se maꞌa̱n Jesús cataj a: ―Me cheꞌé chuꞌviꞌ ndoꞌo nimán soj ga̱. Yoꞌ me se ataa cuchuma̱n sa̱ꞌ rá soj ni̱ꞌyaj soj manj ado̱nj ―taj Jesús rihaan nij soꞌ a. Ga̱a ne̱ canicunꞌ caya̱ soꞌ, ne̱ nucua̱j caꞌmii soꞌ rihaan na do̱ꞌ, rihaan nana̱ do̱ꞌ a. Ga̱a ne̱ cunuu dínj uxrá rihaan na laguaná yoꞌ, quiꞌyaj Jesús na̱nj ado̱nj.

Ga̱a ne̱ cataj uún tanuu capitán yoꞌ a: ―Señor, né si̱j sa̱ꞌ mé ꞌu̱nj maꞌ. Ne nó xcúún ꞌu̱nj catu̱u̱ so̱ꞌ rá veꞌ tucuaj qui̱ꞌyáj a̱ maꞌ. Ma̱an se caꞌne̱ꞌ u̱u̱n so̱ꞌ suun se vaa nahu̱un se‑mo̱zó ꞌu̱nj, ga̱a ne̱ nahu̱un maꞌa̱n soꞌ ado̱nj.

Dan me se, ga̱a cuno Jesús nana̱ caꞌmii tanuu capitán yoꞌ, ne̱ caráyaꞌa̱nj Jesús, ne̱ cataj soꞌ rihaan nij síí noco̱ꞌ rej xco̱ soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán síí yaníj nihánj a̱ maꞌ.

Canica̱j uún Jesús cataj Jesús rihaan tanuu capitán yoꞌ a: ―Caꞌve̱e caꞌa̱nj so̱ꞌ ya̱j a. Ya̱ cuchumán rá so̱ꞌ se vaa nahu̱un se‑mo̱zó so̱ꞌ qui̱ꞌyáj a. Ne̱ nahu̱un soꞌ chugua̱nj ―taj Jesús rihaan soꞌ a. Ne̱ veé ma̱an orá yoꞌ roꞌ, nahuun sa̱ꞌ se‑mo̱zó tanuu capitán yoꞌ, quiꞌyaj Jesús ado̱nj.

Ne̱ caráyaꞌa̱nj nij snóꞌo yoꞌ niꞌya̱j nij soꞌ man Jesús, cataj nij soꞌ a: ―Da̱j si̱j me síí nihánj ga̱. ꞌO̱ se nda̱a nana̱ nda̱a na uno aꞌmii soꞌ asunj ―taj nij soꞌ rihaan tuviꞌ nij soꞌ a.