Popular Bible Verses from SAN LUCAS 11

Share

Núu súcuan te máá ró jijnáhan ró, vēsú ñáyuu iyó cuéchi cácuu ró, te cájini rō cuāha ró jéē váha nuū séhe ró. Te nagā ni cuu máá Tátá rō andɨvɨ́ jéē ma cuáha ya Espíritu Santo nuū ñáyuu jicán nuū yā. Achí yá.

Núu súcuan te cáhán rī jiín ró jijnáhan ró jeē suni súcuan cacān tahú rō nuū Yaā Dios, te cuāha ya nuū rō. Te nducú ró tāca jéē váha íyó núū yā, te nihīn rō sáha ya. Te cacān tahú rō nde nihīn rō, nájnūhun sáha ñayuu cahán yehyɨ́ ndé nune quɨ̄vɨ i.

Chi tāca ñáyuu jicán, cuāha ya nuū i. Te ñayuu nducú, suni nihīn i. Te ñayuu cahán, nune ya ichi nihīn i jeē cuní i.

Te ni cahān yā jiín de: Jeē cacán tahú rō, te suhva cahān rō: Tátá maá ná jijnáhan ná jéē ndeé ní andɨvɨ́, níní na cóo yɨ́ñúhún ná nuū ní, chi Yaā iī cúu ní. Te ñúhun ni na jéē yachī quiji quɨvɨ̄ ndacu ní jniñu nɨ́ɨ́ ñáyɨ̄vɨ yáha. Te na cóo tācá jniñu nújnahan ni ní, nájnūhun íyó ini andɨvɨ́, súcuan na cóo ini ñayɨ̄vɨ́.

Te cone cáhnu ni ni núū tāca cuéchi cásáha ná núū ní, nájnūhun cáhine cáhnu ni na núū ñáyuu casáha cuēchi nuū ná. Te ma cuáha ní jnúhun jeē coto ndee jexeén sāñá, chi sa suhva jnama ní sáña nuū tāca jéē neé. Achi rō jijnáhan ró. Achí yá.

Staā jeē cátecu na táca quɨ́vɨ̄, cuāha ní núū ná vijna.

Te tɨnūu ró cúu nájnūhun lámpara nuū yɨquɨ cúñu rō. Núu súcuan te núu tɨnūu ró íyó ndijin, te nɨ́ɨ́‑ni yɨquɨ cúñu rō cúndijin. Te núu tɨnūu ró tu íyó ndijin, te nɨ́ɨ́‑ni yɨquɨ cúñu rō iyó nee.

’Núu nástɨ́ɨn ñayuu ɨɨn lámpara, tu chísāhí i, ni tu chúne i chīji ɨɨn cajón. Chi sa suhva jéni i nuū sucún, návāha cundijin nuū ñáyuu quɨ́vɨcoo vehe.