Popular Bible Verses from SAN MARCOS 6

Share

Te ni cahān yā jiín de: Na quíngoo yó ɨɨn lugar nuū tú ñayuu, te ndetātu yó jecu, achí yá. Chi cuehē ñayuu cuahān i vēji i nuū yā, te ni tu ní núne ya jeē cáji yā staā jiín de.

Te ni cahān yā jiín i: Tāca tée nácani jnūhun Yaā Dios, íyó yɨ́ñúhún ñayuu jiín de, chi máni ñayuu ñuu maá de, jíín jnáhan de, jíín ñáyuu vehe de cúu jeē tu íyó yɨ́ñúhún jíín de. Achí yá.

Te nuū ní quenda Jesús ini barco, te ni jito ya ñayuu cuehē ún. Te ni cundáhú ni yā i, chi cúu i nájnūhun lanchi jeē tú jitoho tɨ̄. Te ni steén yā cuehē jnūhun nuū i.

Te tu ní cúu sáha ya cuehē jniñu jéhnu yūcuán. Chi jecu‑ni ñayuu cácuhū ni soó yá ndaha ya sɨquɨ̄ i, te ni nasávāha ya i. Te náā ni yā jíto ya jeē tu cácandíje ñayuu jijnáhan i. Yūcuán na te ni jica cuu ya tācá ñuu yajni, ni steén yā jnūhun.

Te ni quihin ya ndɨhúhún staā jiín úū chācá un, te ni ndacoto ya ichi ándɨvɨ́, te ni nacuatáhú yá. Te ni tahú cuéchí yá staā ún, te ni jēhe ya nuū tée cáscuáha jíín yá, te máá de ni casaja de nuū ñáyuu cuehē ún. Te suni ni jēhe ya ndɨndúú chācá, ni casaja de nuū i. Te ndɨvii i ni cayeji, te ni candutú chíji i. Yūcuán na te ni canastútú de pedazo staā jiín cháca jéē ní quendōo, te ni chitú úxī uū jīca.