Yohana 11
11
Iticwu na Lazaru
1Unde iki ti rinyi-wu si Lazaru nae kicaeb. Awu ta uwae uten ti Betani ti aba mbiya-wu Mberimu ti Marta. 2Awu Mberimu si unda wu ti sa kindob ti ku nung kuyang yaen si ijwe Itsekuru-ti Yesu ti kucang, u ye ikyinn risu-wu fen yi atang. Ru ba sang kiye iki, Lazaru wune nae kicaeb. 3Aba ambakaya-wu tom atom ru ka uwog Yesu baa, “Itsekuru, urwan-fu nae kicaeb.”
4Kiye ti Yesu fxen ira yine awu ri te ande ti putsa wu baa, “Kicaeb yine u nda-yi Lazaru iticwu be. Ayi si ikyaen ti yi u nda Rimam kuko, ti Umbae Rimam ama ā tu itiyetso.” 5Ikyaen yine, ko ti Yesu site ure te Marta ti kaya-wu ti Lazaru meme, 6kiye ti awu fxen baa, Lazaru na nae kicaeb, awu som ti uwog ti awu ta atang ka kyi usir ifaen. 7Isim yine awu ri te ande ti putsa wu baa, “Ni nwunn ti ti kafe ru ti yi uten ti Yawudiya.”
8Ande ti putsa-wu aba ri te wu baa, “A! A! Unde ti uwe, fengo rwen-yi be ti Mbayawuda ti ta akwen ku sha ti a na u jwunn wen fu ti atxom, ama afu ku sha ti fu u kafe ru ti yi atang a?” 9Yesu sunn ira te ba baa, “Ande ku sae uwog tsi ti kiskinn fifae ru ba sang ureb. Asiti unde a ku kyang ikyin usir taen awu u kyen-wu kufxen be, ikyaen ti, awu ku sae uwog ti saen kyag na usir. 10Amaa asiti awu a ku kyang ikyin utitang awu u kyen kufxen ikyaen ti, awu site-wu urwa be.” 11Isim ti Yesu ri mam fe ira yine awu ri kyi baa, “Urwan-ti Lazaru si pu wu kicwag uwe akwen. Ame u ru ka atang ti m kaa shwu wu shwu.”
12Ande ti putsa wu ri te wu baa, “Itsekuru, asiti awu a nae kicwag awu u shwur pu wu.” 13Imbyi ira yi ti Yesu ri, awu ku ri baa, Lazaru na cwu pu wu. Amaa, aba ku tang-ba baa, ayi na si kicwag ti cwag ne. 14Ikyaen yine Yesu ri te ba farang baa, “Lazaru cwu pu wu, 15amaa ikyaen ira-ni ame ku tsen utob ti m ta-m atang te wu be. Iken yine nde ikyaen ti ni na ru uwae kinjo. Ni sunwunn ti ti ru yi uwog-wu.”
16Toma, ti a ku kunn wu baa, Umbashe#11:16 Didimos. Imbyi rinyi wune unjwu Girik si “Umbashe”., ri te ande ti putsa Yesu ti tsitsi baa, “Ni ru ba ti ti putsa-wu ru ti ti ru ka te wu cwu te atso.”
Itinwunn Lazaru Uwae Iticwu
17Kiye ti Yesu ru ba sang Betani atang, awu nung ti a sa rukom Lazaru nae pu ba uwae kuskab ka pu wu usir inje.#11:17 Mbayawuda ku kab baa, unde a cwu, kusung-wu tsi ku ji ti uwog ti unde wu cwu atang ka fob usir ita, ko iki be awu u sang kyi uwae ijwe unde wu u shwur. Usir ti inje, awu u nwunn ru, ama ande u site-ba ti uwae ti tsi ti awu u kafe ba be. 18Fengo ti sa tsi Urushelima ru ka Betani ka-yi lamba ifaen be. 19Ikyaen yine Mbayawuda ko timambe nwunn Urushelima ti a na u ru ba nung Marta ti Mberimu ti a na ri jim ba utob ikyaen iticwu na inja-ba.
20Kiye ti Marta fxen ye baa, Yesu na ru ku ba, awu nwunn ruye u ka kyangte wu fengo, ama Mberimu som ti uwae kusog. 21Marta ri te Yesu baa, “Itsekuru-m, a baa, afu na ta ike inja-m ú cwu-wu be! 22Amaa ame nung pu m baa, tine, afu a jwam Rimam awu u nde iken meme ti afu ku sha.” 23Yesu ri te wu baa, “Inja-fu u kafe ba ti unyang-wu.” 24Marta ri baa, “Ame nung pu m baa, awu u nwunn uwae kuskab uwae usir ti ricwunnkyi.” 25Yesu ri te wu baa, “Ame ti si itinwunn uwae iticwu. Ame ti si unyang. Unde titini ti awu a ru uwae kinjo uwog-m, awu u tsi ti user ko ti awu a cwu. 26Unde titini ti a site unyang u ru uwae kinjo uwog-m, awu u cwu-wu cwu ama be. Afu ru uwae kinjo ti ira yine a?”
27Awu ri te Yesu baa, “Een, Itsekuru-m, ame ru pu m uwae kinjo baa, afu ti na si unde wu ti Rimam tsab tsi. Afu na si Umbae Rimam ti a ri baa, awu na ku ba sang utense.”
Yesu Jwub Ira
28Ti Marta ri mam ira yine awu kafe ru ka kunn kaya-wu Mberimu ira ti kitam u ri te wu baa, “Unde ti uwe ta ike u ku rang fu rang.” 29Ti Mberimu fxen ira yine awu nwunn ruye ti ritsen u ru ka tu Yesu. 30Yesu ta ti isim uten uwog ti Marta tu wu, u sang ba-wu uwae uten atang khika be. 31Kiye ti Mberimu nwunn ti kife u ter ruye yi ise, ande ti ta uwae kusog atang u ku ri jim wu utob, ruye ama u putsa wu. Aba ku tang-ba baa, awu na ku ru yi kuskab Lazaru ti wu na u ru ka jwub ira atang.
32Kiye ti Mberimu ru ka sang uwog ti Yesu ta atang awu jwunn ikyig uwe-wu u ri baa, “Itsekuru, a baa afu na ta ike, inja-m ú cwu-wu be.” 33Ti Yesu nung Mberimu ti Mbayawuda ti te wu ta tetso meme-ba ku jwub ira, ayi ten wu utob. 34Awu rang ba baa, “Ani sa rukom wu nae aka?” Aba ri te wu baa, “Itsekuru, ba sae.”
35Yesu ta iten ayib bxib. 36Mbayawuda ti ta atang ri baa, “Ni nung itso ure ti awu ye te Lazaru!” 37Ama ariki uwae-ba ri baa, “Unde ti mbubta ayib unde ti mbub ayib si si unde wune be a? Imi ti nde awu nde-wu fengo ti Lazaru u nwangru be? Awu nde tu-wu ti wu byangkyi iticwu Lazaru be a.”
Itishwur Lazaru
38Iken yi ten sang ka kyi utob Yesu cwucwo, ama awu nwunn u ru ka kuskab atang. Kuskab wu si uwáe kutxú, ama a kaen kutxom ba cwunn kyi wu. 39Yesu ri te ba baa, “Ni kaen kutxom wune ru atang.” Marta, kaya unde ti cwucwu wu, ri baa, “Itsekuru, uwog wune u shinnkyi ti akong, ikyaen ti, a nji wu nde pu yi usir inje yaka.” 40Yesu ri te wu baa, “Ame ri te m afu baa, afu na a ru uwae kinjo afu na u nung kuko Rimam, be a?” 41Ama aba kaenra kutxom wu ru. Yesu sae ayib tso yi apupwen u ri baa, “Ame fxaefa te fu Itse-m ti afu naa kutong u ku fxen m. 42Ame nung pu m baa, afu na ku fxen m ko kiye titini, amaa ame ku ri ira yine ikyaen ande ti ta ike ne, ikyaen ti ā nungye baa, afu ti na tom m ba utense.” 43Isim ti awu ri mam fe ira yine, awu kunn ira ti ribom-wu meme baa, “Lazaru, ruye ba!” 44Unde ti cwucwu wu ruye ba tsi, afxen-wu te ajwo-wu yir kyi ti atupwa iticwu. Kutupwa iki yir sang kutxuwe-wu. Yesu ri te ba baa, “Ni saen atupwa yine ru ti ni ya wu ta ti wu ru.”
A Myae Fengo ti A u Wen Yesu
(Matiyu 26:1-5; Markus 14:1-2; Luka 22:1-2)
45Ande yang-ba ti ru ba ku nung Mberimu, nung iken ti Yesu nde u ru uwae kinjo uwog-wu. 46Ama ariki uwae-ba kafe ru ka ri te ande ti kumbub Farisi iken ti Yesu nde. 47Ikyaen yine aba ande ti Farisi ti ande ti uwe akwen Rimam ru ka kunn byir ande ndufu ti ku myae ira meme u ru ka ri te ba baa, “Ati u nde rimang? Unde wune ku nde wande ti tsotso ti ku fur ayib. 48Asiti ati a byang kyi-ti awu be, meme ande u ru uwae kinjo uwog-wu, ama ande ti Roma u ru ba mbub kusog Rimam-ti si u twenji uten-ti meme.” 49Kinjo uwae-ba ti a ku kunn rinyi-wu baa Kayafas, awu ti si kukwen Rimam tiyang uwae kusang wu, nwunn u ri baa, “Ani nung-ni ira iki be! 50Ani nung-ni ti ayi nyang skeb ti unde kinjo ā cwu ricwu ikyaen ande ti tsitsi meme be a? Ayi a si-yi ahan be, ande ti Roma u ru ba twenji ande-ti patag?”
51Kayafas ri-wu ira yine ti risu-wu be. Awu ri ira yine ikyaen ti, awu ti si kukwen Rimam tiyang uwae kusang wu. Rimam nda wu ya iskin baa, Yesu na u cwu ikyaen Mbayawuda meme. 52Si-yi nyáng aba ande ti uten Yawuda amam be, ayi si ikyaen ti awu u kunn byir anyisu na Rimam meme ti shag fa shag fa, ti aba na ru ba ren ba ti uwog kinjo.
53Ikyaen ira yine, iken ti tsi usir wune ru fe yi uwe, andufu ku kwab ti a na u wen Yesu wen. 54Ikyaen yine Yesu ku kyang-wu ikyin wurr uwae uten Yawudiya cwucwo be. Awu nwunn u ru yi uwog iki ti fer ti kutur u ka som uten ti a ku kunn wu baa, Efiremu. Uwog wune awu te ande ti putsa wu som atang. 55Kiye kyang ku yaen ku pu wu ti Mbayawuda ku nde Ukwab Itiyafe, ti aba ku tangsom ti itiruye-ba uwae uten ti Ejib. Ande nwunn ruye ko umbae uten titini uwae uten atang tso yi Urushelima. 56Ti aba ru ka sang pu ba atang, aba ku sha rifab Yesu. Aba funn uwae kusog Rimam u ku rang atso baa, “Ani ku tang baa, awu na u ru ba uwog Ukwab wune njwaa?” 57Aba ande ndufu ti ku fen Rimam ti Ande ti kumbub Farisi ya iskin te ande baa, unde titini ti a nung pu wu uwog ti Yesu na ta atang, awu na ri te ba te ti a na u ye wu.
Currently Selected:
Yohana 11: kubNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Yohana 11
11
Iticwu na Lazaru
1Unde iki ti rinyi-wu si Lazaru nae kicaeb. Awu ta uwae uten ti Betani ti aba mbiya-wu Mberimu ti Marta. 2Awu Mberimu si unda wu ti sa kindob ti ku nung kuyang yaen si ijwe Itsekuru-ti Yesu ti kucang, u ye ikyinn risu-wu fen yi atang. Ru ba sang kiye iki, Lazaru wune nae kicaeb. 3Aba ambakaya-wu tom atom ru ka uwog Yesu baa, “Itsekuru, urwan-fu nae kicaeb.”
4Kiye ti Yesu fxen ira yine awu ri te ande ti putsa wu baa, “Kicaeb yine u nda-yi Lazaru iticwu be. Ayi si ikyaen ti yi u nda Rimam kuko, ti Umbae Rimam ama ā tu itiyetso.” 5Ikyaen yine, ko ti Yesu site ure te Marta ti kaya-wu ti Lazaru meme, 6kiye ti awu fxen baa, Lazaru na nae kicaeb, awu som ti uwog ti awu ta atang ka kyi usir ifaen. 7Isim yine awu ri te ande ti putsa wu baa, “Ni nwunn ti ti kafe ru ti yi uten ti Yawudiya.”
8Ande ti putsa-wu aba ri te wu baa, “A! A! Unde ti uwe, fengo rwen-yi be ti Mbayawuda ti ta akwen ku sha ti a na u jwunn wen fu ti atxom, ama afu ku sha ti fu u kafe ru ti yi atang a?” 9Yesu sunn ira te ba baa, “Ande ku sae uwog tsi ti kiskinn fifae ru ba sang ureb. Asiti unde a ku kyang ikyin usir taen awu u kyen-wu kufxen be, ikyaen ti, awu ku sae uwog ti saen kyag na usir. 10Amaa asiti awu a ku kyang ikyin utitang awu u kyen kufxen ikyaen ti, awu site-wu urwa be.” 11Isim ti Yesu ri mam fe ira yine awu ri kyi baa, “Urwan-ti Lazaru si pu wu kicwag uwe akwen. Ame u ru ka atang ti m kaa shwu wu shwu.”
12Ande ti putsa wu ri te wu baa, “Itsekuru, asiti awu a nae kicwag awu u shwur pu wu.” 13Imbyi ira yi ti Yesu ri, awu ku ri baa, Lazaru na cwu pu wu. Amaa, aba ku tang-ba baa, ayi na si kicwag ti cwag ne. 14Ikyaen yine Yesu ri te ba farang baa, “Lazaru cwu pu wu, 15amaa ikyaen ira-ni ame ku tsen utob ti m ta-m atang te wu be. Iken yine nde ikyaen ti ni na ru uwae kinjo. Ni sunwunn ti ti ru yi uwog-wu.”
16Toma, ti a ku kunn wu baa, Umbashe#11:16 Didimos. Imbyi rinyi wune unjwu Girik si “Umbashe”., ri te ande ti putsa Yesu ti tsitsi baa, “Ni ru ba ti ti putsa-wu ru ti ti ru ka te wu cwu te atso.”
Itinwunn Lazaru Uwae Iticwu
17Kiye ti Yesu ru ba sang Betani atang, awu nung ti a sa rukom Lazaru nae pu ba uwae kuskab ka pu wu usir inje.#11:17 Mbayawuda ku kab baa, unde a cwu, kusung-wu tsi ku ji ti uwog ti unde wu cwu atang ka fob usir ita, ko iki be awu u sang kyi uwae ijwe unde wu u shwur. Usir ti inje, awu u nwunn ru, ama ande u site-ba ti uwae ti tsi ti awu u kafe ba be. 18Fengo ti sa tsi Urushelima ru ka Betani ka-yi lamba ifaen be. 19Ikyaen yine Mbayawuda ko timambe nwunn Urushelima ti a na u ru ba nung Marta ti Mberimu ti a na ri jim ba utob ikyaen iticwu na inja-ba.
20Kiye ti Marta fxen ye baa, Yesu na ru ku ba, awu nwunn ruye u ka kyangte wu fengo, ama Mberimu som ti uwae kusog. 21Marta ri te Yesu baa, “Itsekuru-m, a baa, afu na ta ike inja-m ú cwu-wu be! 22Amaa ame nung pu m baa, tine, afu a jwam Rimam awu u nde iken meme ti afu ku sha.” 23Yesu ri te wu baa, “Inja-fu u kafe ba ti unyang-wu.” 24Marta ri baa, “Ame nung pu m baa, awu u nwunn uwae kuskab uwae usir ti ricwunnkyi.” 25Yesu ri te wu baa, “Ame ti si itinwunn uwae iticwu. Ame ti si unyang. Unde titini ti awu a ru uwae kinjo uwog-m, awu u tsi ti user ko ti awu a cwu. 26Unde titini ti a site unyang u ru uwae kinjo uwog-m, awu u cwu-wu cwu ama be. Afu ru uwae kinjo ti ira yine a?”
27Awu ri te Yesu baa, “Een, Itsekuru-m, ame ru pu m uwae kinjo baa, afu ti na si unde wu ti Rimam tsab tsi. Afu na si Umbae Rimam ti a ri baa, awu na ku ba sang utense.”
Yesu Jwub Ira
28Ti Marta ri mam ira yine awu kafe ru ka kunn kaya-wu Mberimu ira ti kitam u ri te wu baa, “Unde ti uwe ta ike u ku rang fu rang.” 29Ti Mberimu fxen ira yine awu nwunn ruye ti ritsen u ru ka tu Yesu. 30Yesu ta ti isim uten uwog ti Marta tu wu, u sang ba-wu uwae uten atang khika be. 31Kiye ti Mberimu nwunn ti kife u ter ruye yi ise, ande ti ta uwae kusog atang u ku ri jim wu utob, ruye ama u putsa wu. Aba ku tang-ba baa, awu na ku ru yi kuskab Lazaru ti wu na u ru ka jwub ira atang.
32Kiye ti Mberimu ru ka sang uwog ti Yesu ta atang awu jwunn ikyig uwe-wu u ri baa, “Itsekuru, a baa afu na ta ike, inja-m ú cwu-wu be.” 33Ti Yesu nung Mberimu ti Mbayawuda ti te wu ta tetso meme-ba ku jwub ira, ayi ten wu utob. 34Awu rang ba baa, “Ani sa rukom wu nae aka?” Aba ri te wu baa, “Itsekuru, ba sae.”
35Yesu ta iten ayib bxib. 36Mbayawuda ti ta atang ri baa, “Ni nung itso ure ti awu ye te Lazaru!” 37Ama ariki uwae-ba ri baa, “Unde ti mbubta ayib unde ti mbub ayib si si unde wune be a? Imi ti nde awu nde-wu fengo ti Lazaru u nwangru be? Awu nde tu-wu ti wu byangkyi iticwu Lazaru be a.”
Itishwur Lazaru
38Iken yi ten sang ka kyi utob Yesu cwucwo, ama awu nwunn u ru ka kuskab atang. Kuskab wu si uwáe kutxú, ama a kaen kutxom ba cwunn kyi wu. 39Yesu ri te ba baa, “Ni kaen kutxom wune ru atang.” Marta, kaya unde ti cwucwu wu, ri baa, “Itsekuru, uwog wune u shinnkyi ti akong, ikyaen ti, a nji wu nde pu yi usir inje yaka.” 40Yesu ri te wu baa, “Ame ri te m afu baa, afu na a ru uwae kinjo afu na u nung kuko Rimam, be a?” 41Ama aba kaenra kutxom wu ru. Yesu sae ayib tso yi apupwen u ri baa, “Ame fxaefa te fu Itse-m ti afu naa kutong u ku fxen m. 42Ame nung pu m baa, afu na ku fxen m ko kiye titini, amaa ame ku ri ira yine ikyaen ande ti ta ike ne, ikyaen ti ā nungye baa, afu ti na tom m ba utense.” 43Isim ti awu ri mam fe ira yine, awu kunn ira ti ribom-wu meme baa, “Lazaru, ruye ba!” 44Unde ti cwucwu wu ruye ba tsi, afxen-wu te ajwo-wu yir kyi ti atupwa iticwu. Kutupwa iki yir sang kutxuwe-wu. Yesu ri te ba baa, “Ni saen atupwa yine ru ti ni ya wu ta ti wu ru.”
A Myae Fengo ti A u Wen Yesu
(Matiyu 26:1-5; Markus 14:1-2; Luka 22:1-2)
45Ande yang-ba ti ru ba ku nung Mberimu, nung iken ti Yesu nde u ru uwae kinjo uwog-wu. 46Ama ariki uwae-ba kafe ru ka ri te ande ti kumbub Farisi iken ti Yesu nde. 47Ikyaen yine aba ande ti Farisi ti ande ti uwe akwen Rimam ru ka kunn byir ande ndufu ti ku myae ira meme u ru ka ri te ba baa, “Ati u nde rimang? Unde wune ku nde wande ti tsotso ti ku fur ayib. 48Asiti ati a byang kyi-ti awu be, meme ande u ru uwae kinjo uwog-wu, ama ande ti Roma u ru ba mbub kusog Rimam-ti si u twenji uten-ti meme.” 49Kinjo uwae-ba ti a ku kunn rinyi-wu baa Kayafas, awu ti si kukwen Rimam tiyang uwae kusang wu, nwunn u ri baa, “Ani nung-ni ira iki be! 50Ani nung-ni ti ayi nyang skeb ti unde kinjo ā cwu ricwu ikyaen ande ti tsitsi meme be a? Ayi a si-yi ahan be, ande ti Roma u ru ba twenji ande-ti patag?”
51Kayafas ri-wu ira yine ti risu-wu be. Awu ri ira yine ikyaen ti, awu ti si kukwen Rimam tiyang uwae kusang wu. Rimam nda wu ya iskin baa, Yesu na u cwu ikyaen Mbayawuda meme. 52Si-yi nyáng aba ande ti uten Yawuda amam be, ayi si ikyaen ti awu u kunn byir anyisu na Rimam meme ti shag fa shag fa, ti aba na ru ba ren ba ti uwog kinjo.
53Ikyaen ira yine, iken ti tsi usir wune ru fe yi uwe, andufu ku kwab ti a na u wen Yesu wen. 54Ikyaen yine Yesu ku kyang-wu ikyin wurr uwae uten Yawudiya cwucwo be. Awu nwunn u ru yi uwog iki ti fer ti kutur u ka som uten ti a ku kunn wu baa, Efiremu. Uwog wune awu te ande ti putsa wu som atang. 55Kiye kyang ku yaen ku pu wu ti Mbayawuda ku nde Ukwab Itiyafe, ti aba ku tangsom ti itiruye-ba uwae uten ti Ejib. Ande nwunn ruye ko umbae uten titini uwae uten atang tso yi Urushelima. 56Ti aba ru ka sang pu ba atang, aba ku sha rifab Yesu. Aba funn uwae kusog Rimam u ku rang atso baa, “Ani ku tang baa, awu na u ru ba uwog Ukwab wune njwaa?” 57Aba ande ndufu ti ku fen Rimam ti Ande ti kumbub Farisi ya iskin te ande baa, unde titini ti a nung pu wu uwog ti Yesu na ta atang, awu na ri te ba te ti a na u ye wu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017