Luka 1
1
1Mondo Thiofilo, ji mathoth jotieko temo ndiko radwok ma gigipiny m'otieko timere i dier wan. 2Jondiko gima jono ma joneno gigipiny me gi waŋ gin jowaco riwan wok i cakirok aka bende jobedo jonyay wac me. 3Onyo an bende paka atieko kikaŋasa wac me maber wok i cakirok mere, aparo ni ber andiki rin gime m'acano maber. 4Atimo ama aka ŋey ibino niaŋ maber odoco kwoŋ adieri ma gigipiny m'otiek fonjin me.
Ilanga nywolirok pa Yohana Jakibatisa
5 #
1 Kigana 24:10
I ndir ma Herode obed'iye kere ma Yuda, onwaŋo nitie jacway ri Were i wi migam m'ilwoŋo ni Zekaria, ma wok i nono pa Abija; aka go oyido nigi cege ma nyakwar Aron m'ilwoŋo ni Elizabeth. 6Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse. 7To oyido jongoye gi nyathi, rupiri Elizabeth oyido kinywol, aka joje onwaŋo jotieko ti. 8To munyo weso pa Zekaria gin otundo ma tic ma cwayo, 9paka cik pa joma cwayo wi migam nitie ma donjo i Ot pa Were waŋo buban, kwir omako Zekaria. 10Aka lwak ji oyido jokwayo gi woko i hongo ma waŋo buban. 11Gikenyo malaika pa Rwoth omenyere rigo m'ocungo yuthenge maracuc ma migam m'iwaŋ'iye buban. 12Zekaria obwok swa munyo oneno go. 13To malaika owaco rigo ni, “Ikir'ibedi gi lworo Zekaria, kole Were owinjo kwayo perin, aka dhako perin Elizabeth bino nywolo rin wodin, aka ibino cwoko nyinge ni Yohana. 14Ibino limo kisangala gi siem, odoko ji mathoth jobino kisangala gi nywolirok pere; 15#Kwan 6:3ato go bino bedo ŋatadwoŋ ruwaŋ Rwoth; aka go kilamadho vini kosa medho moro je ma mero jo, aka Cuny Maleŋ bino poŋ i go, kada ma fodi go ni iy min. 16Go bino dwoko cuny Joisiraili bongi Rwoth Were pajo; 17#Mal 4:5; Mat 11:14; 17:13kendo go bino telo yuwiy Rwoth paka jamikwenda pere i dwoŋ gi meni paka apa Elia jatuci wac Were. Go bino dwoko cuny bacere ji bongi nyithindho pajo; aka bino miyo jocay jowogiki i yo pa ji m'otire; go bino miyo ji pa Rwoth yikirok ri Rwoth.”
18Aka Zekaria owaco ri malaika ni, “Anoŋey nedi gino? Kole atieko ti aka dhako paran bende oti.” 19#Dan 8:16; 9:21Aka malaika owaco rigo ni, “An Gabriel m'acungo ruwaŋ Were; aka ooran luwo kodin gi kelo rin wac maber me. 20To paka ikiyeyo mikwenda paran, ma bino timere i ndir mere, ikibino luwo cuka ndelo ma gigipiny me otimer'iye.”
21Ji oyido jokuro Zekaria woko; to jouro swa paka go ogalo ameno i Ot pa Were. 22Munyo go owok woko, k'onyalo luwo gi jo, to joparo ni go oneno gimoro i Ot pa Were; riameno go otimo rijo ranyuth, rupiri go oyido olokere obadha. 23Munyo hongo pere ma tic orumo, go odok peco pere. 24Rumacen cege, Elizabeth ogamo iye to pondo hongo ma dwe abic munyo waco ni, 25“Rwoth otimo ran ama i ndir me munyo oparo kwoŋan, to kwanyo kwoŋan wickwot i waŋ ji.” 26Munyo Elizabeth otieko dwe aucel gi iye, Were ooro malaika Gabriel i tindi ma Galili m'ilwoŋo ni Nazareth, 27#Mat 1:18bongi nyako mambula, m'onwaŋo openjere gi jayac m'ilwoŋo ni Yozefu, nyakwar Daudi; aka nyako no oyido nyinge Maria. 28Malaika obino bonge to waco rigo ni, “Yoga, ijasilwany, Rwoth nitie kodin!” 29Go obwok swa munyo owinjo moth me, kende oparo g'icunye dwoŋ moth me. 30To malaika no waco rigo ni, “Maria, ikir'ibedi gi lworo, rupiri ijasilwany ruwaŋ Were. 31#Mat 1:21Kole ibino gamo iyin, t'inywolo wodin; aka ibino cwoko nyinge ni Yesu. 32#2 Sam 7:12,13,16; Isa 9:6Go bino bedo ŋatadwoŋ, aka ibino lwoŋo go ni Wod pa Were Madwoŋ Maloyo; aka Rwoth Were bino miyo go kom ma ker pa Daudi, kwari mere. 33Go bino dhumo nyikway Yakobo cil gi cil aka Ker pere bino ngoye gike.”
34To Maria openjo malaika ni, “Gime obedi nedi ma to an abedo nyako mambula?” 35To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were. 36Aka pama, wat perin Elizabeth gi tiyo pere bende otieko ogamo iye nyathi majayac; aka me dwe pere mar'aucel, ŋata yado ilwoŋo ni kinywol. 37#Cak 18:14Kole ri Were ongoye gima kinyalere.” 38Maria owaco ni, “An abedo ŋeca pa Rwoth; weyi wotimere ran paka iwaco no.” Gikenyo malaika oweyo go.
Maria wendo ri Elizabeth
39I hongo no Maria omako royo mayot to kidho i piny matendere tendere, yu tindi ma Yuda. 40Go odonjo i ot pa Zekaria to m'otho Elizabeth. 41Gikenyo tekin Elizabeth winjo moth pa Maria, nyathi manitie i iye ogweco. Cuny Maleŋ opoŋ kwoŋ Elizabeth 42to luwo gi dwonde ma malo munyo waco ni, “Ijasilwany kwoŋ mon, Nyathi m'ilanywolo bende jasilwany! 43Me silwany aŋo ma min Rwoth gipi obino bongan ka? 44Kole tekin awinjo moth perin to nyathi ma iyan gweco gi kisangala. 45In ijasilwany m'iyeyo ni mikwenda pa Rwoth rin bino timere adieri.”
Wer pa Maria ma foyo Were
46Maria owaco ni,
Adundo paran foyo Rwoth,
47aka cunyan sangala i Were Jaboth paran.
48 #
1 Sam 1:11
Kole go oneno bwonirok pa ŋeca pere!
Aka wok gunyo ni nono je bino lwoŋan ni jasilwany.
49Kole Were ma jameni otimo ran gigipiny madongo.
Nyingi go leŋ.
50Go timo ŋono ri joma lworo go,
wok i luse ji acel tundo i luse man.
51Go orieyo cinge ma nyutho meni pere,
aka otieko kedho woko joma pakere i paro ma cuny jo.
52 #
Yob 5:11; 12:19 Go oŋilo woko kerin madongo wi kombere pajo,
aka otiŋo malo joma bwonere.
53Go oyeŋo joma kec neko gi gigipiny mabeyo,
aka oriemo woko joŋaŋo gi cingi gin nono.
54Go okonyo ŋeca pere Isiraili,
munyo opoyo wor pere
55 #
Cak 17:7
#1 Sam 2:1-10m'ociko kwarere mawan,
ri Abraham gi nyikwaye je cil gi cil!
56Maria obedo bongi Elizabeth cegin dwe adek to nyaka dok peco.
Nywolirok pa Yohana Jakibatisa
57Ndelo pa Elizabeth otundo ma nywol, to nywolo nyathi ma jacwo. 58Joger pere kodi wade pere jowinjo ni Rwoth otimo rigo wor madwoŋ aka josangala swa gi go. 59#Jolevi 12:3I ndelo mar'aboro jobino thumo nyathi, aka onwaŋo jomito cwoko nyinge ni Zekaria paka bamere. 60To yokimere waco ni, “K'ameno, ibino lwoŋo go ni Yohana.” 61Jowaco rigo ni, “Kole ongoye moro i nono mewin m'ilwoŋo gi nyinge no!” 62Aka jomiyo bamere ranyuth ma penjo go paka go mito wolwoŋi nyathi no. 63Go okwanyo gindiko, to ndiko ni, “Nyinge Yohana.” Ji je jouro swa! 64Gikenyo won to Zekaria yawo dhoke to lewe gonyere, to cako luwo munyo foyo Were. 65To lworo omako joger pajo je, kendo oluwi kwoŋ gigipiny me i Yuda parom. 66Joma jowinjo je jorwako wac no i cuny jo munyo jowaco ni, “Kosa nyathi me obedi ŋa? Kole cingi Rwoth ni kwoŋe.”
Zekaria tuco wac kwoŋ nyathi no
67Aka Cuny Maleŋ opoŋ kwoŋ Zekaria bamere, to luwo munyo waco ni,
68“Wofoy Rwoth Were pa Isiraili!
Kole go olimo ji pere to botho jo.
69Omiyo wan Jaboth ma jameni
i nono pa Daudi jatic pere,
70paka cango oluwo gi i dhok jotuci wac pere maleŋ wok con,
71nike bino botho wan kwoŋ jokwor mawan
kodi kwoŋ joma mon kodi wan bende;
72kareno nyutho wor ri kwarere mawan,
gi poyo cikirok pere maleŋ,
73kwoŋirok ma cango go otimo ri kwari wan Abraham,
nike bino botho wan wok i cingi jokwor mawan,
74ŋey watiy rigo m'ongoye lworo,
75i leŋo kodi tiro i waŋe, i kwo mawan gipi.
76 #
Mal 3:1
Aka in, nyathi me, ibino lwoŋin ni jatuci wac pa Were Madwoŋ Maloyo,
kole ibino telo Rwoth kidho yiko rigo royo;
77gi miyo ji pere rieko ma both
ka Were ocwako reco pajo.
78Ro wor mathoth ma Were mawan nitie gine,
go bino miyo waŋceŋ gulo to ŋamba ma both wok riwan,
79 #
Isa 9:1
ma bino kelo lero ri joma ni mudho,
kodi i tho ma mito umo jo,
to tiro tiendi wan i royo ma siem.”
80Nyathi no odongo to bedo gi meni i cunye kendo obedo i thim cuka ndelo otundo to nyuthere kamaler ri Joisiraili.
Currently Selected:
Luka 1: DHOPE
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Luka 1
1
1Mondo Thiofilo, ji mathoth jotieko temo ndiko radwok ma gigipiny m'otieko timere i dier wan. 2Jondiko gima jono ma joneno gigipiny me gi waŋ gin jowaco riwan wok i cakirok aka bende jobedo jonyay wac me. 3Onyo an bende paka atieko kikaŋasa wac me maber wok i cakirok mere, aparo ni ber andiki rin gime m'acano maber. 4Atimo ama aka ŋey ibino niaŋ maber odoco kwoŋ adieri ma gigipiny m'otiek fonjin me.
Ilanga nywolirok pa Yohana Jakibatisa
5 #
1 Kigana 24:10
I ndir ma Herode obed'iye kere ma Yuda, onwaŋo nitie jacway ri Were i wi migam m'ilwoŋo ni Zekaria, ma wok i nono pa Abija; aka go oyido nigi cege ma nyakwar Aron m'ilwoŋo ni Elizabeth. 6Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse. 7To oyido jongoye gi nyathi, rupiri Elizabeth oyido kinywol, aka joje onwaŋo jotieko ti. 8To munyo weso pa Zekaria gin otundo ma tic ma cwayo, 9paka cik pa joma cwayo wi migam nitie ma donjo i Ot pa Were waŋo buban, kwir omako Zekaria. 10Aka lwak ji oyido jokwayo gi woko i hongo ma waŋo buban. 11Gikenyo malaika pa Rwoth omenyere rigo m'ocungo yuthenge maracuc ma migam m'iwaŋ'iye buban. 12Zekaria obwok swa munyo oneno go. 13To malaika owaco rigo ni, “Ikir'ibedi gi lworo Zekaria, kole Were owinjo kwayo perin, aka dhako perin Elizabeth bino nywolo rin wodin, aka ibino cwoko nyinge ni Yohana. 14Ibino limo kisangala gi siem, odoko ji mathoth jobino kisangala gi nywolirok pere; 15#Kwan 6:3ato go bino bedo ŋatadwoŋ ruwaŋ Rwoth; aka go kilamadho vini kosa medho moro je ma mero jo, aka Cuny Maleŋ bino poŋ i go, kada ma fodi go ni iy min. 16Go bino dwoko cuny Joisiraili bongi Rwoth Were pajo; 17#Mal 4:5; Mat 11:14; 17:13kendo go bino telo yuwiy Rwoth paka jamikwenda pere i dwoŋ gi meni paka apa Elia jatuci wac Were. Go bino dwoko cuny bacere ji bongi nyithindho pajo; aka bino miyo jocay jowogiki i yo pa ji m'otire; go bino miyo ji pa Rwoth yikirok ri Rwoth.”
18Aka Zekaria owaco ri malaika ni, “Anoŋey nedi gino? Kole atieko ti aka dhako paran bende oti.” 19#Dan 8:16; 9:21Aka malaika owaco rigo ni, “An Gabriel m'acungo ruwaŋ Were; aka ooran luwo kodin gi kelo rin wac maber me. 20To paka ikiyeyo mikwenda paran, ma bino timere i ndir mere, ikibino luwo cuka ndelo ma gigipiny me otimer'iye.”
21Ji oyido jokuro Zekaria woko; to jouro swa paka go ogalo ameno i Ot pa Were. 22Munyo go owok woko, k'onyalo luwo gi jo, to joparo ni go oneno gimoro i Ot pa Were; riameno go otimo rijo ranyuth, rupiri go oyido olokere obadha. 23Munyo hongo pere ma tic orumo, go odok peco pere. 24Rumacen cege, Elizabeth ogamo iye to pondo hongo ma dwe abic munyo waco ni, 25“Rwoth otimo ran ama i ndir me munyo oparo kwoŋan, to kwanyo kwoŋan wickwot i waŋ ji.” 26Munyo Elizabeth otieko dwe aucel gi iye, Were ooro malaika Gabriel i tindi ma Galili m'ilwoŋo ni Nazareth, 27#Mat 1:18bongi nyako mambula, m'onwaŋo openjere gi jayac m'ilwoŋo ni Yozefu, nyakwar Daudi; aka nyako no oyido nyinge Maria. 28Malaika obino bonge to waco rigo ni, “Yoga, ijasilwany, Rwoth nitie kodin!” 29Go obwok swa munyo owinjo moth me, kende oparo g'icunye dwoŋ moth me. 30To malaika no waco rigo ni, “Maria, ikir'ibedi gi lworo, rupiri ijasilwany ruwaŋ Were. 31#Mat 1:21Kole ibino gamo iyin, t'inywolo wodin; aka ibino cwoko nyinge ni Yesu. 32#2 Sam 7:12,13,16; Isa 9:6Go bino bedo ŋatadwoŋ, aka ibino lwoŋo go ni Wod pa Were Madwoŋ Maloyo; aka Rwoth Were bino miyo go kom ma ker pa Daudi, kwari mere. 33Go bino dhumo nyikway Yakobo cil gi cil aka Ker pere bino ngoye gike.”
34To Maria openjo malaika ni, “Gime obedi nedi ma to an abedo nyako mambula?” 35To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were. 36Aka pama, wat perin Elizabeth gi tiyo pere bende otieko ogamo iye nyathi majayac; aka me dwe pere mar'aucel, ŋata yado ilwoŋo ni kinywol. 37#Cak 18:14Kole ri Were ongoye gima kinyalere.” 38Maria owaco ni, “An abedo ŋeca pa Rwoth; weyi wotimere ran paka iwaco no.” Gikenyo malaika oweyo go.
Maria wendo ri Elizabeth
39I hongo no Maria omako royo mayot to kidho i piny matendere tendere, yu tindi ma Yuda. 40Go odonjo i ot pa Zekaria to m'otho Elizabeth. 41Gikenyo tekin Elizabeth winjo moth pa Maria, nyathi manitie i iye ogweco. Cuny Maleŋ opoŋ kwoŋ Elizabeth 42to luwo gi dwonde ma malo munyo waco ni, “Ijasilwany kwoŋ mon, Nyathi m'ilanywolo bende jasilwany! 43Me silwany aŋo ma min Rwoth gipi obino bongan ka? 44Kole tekin awinjo moth perin to nyathi ma iyan gweco gi kisangala. 45In ijasilwany m'iyeyo ni mikwenda pa Rwoth rin bino timere adieri.”
Wer pa Maria ma foyo Were
46Maria owaco ni,
Adundo paran foyo Rwoth,
47aka cunyan sangala i Were Jaboth paran.
48 #
1 Sam 1:11
Kole go oneno bwonirok pa ŋeca pere!
Aka wok gunyo ni nono je bino lwoŋan ni jasilwany.
49Kole Were ma jameni otimo ran gigipiny madongo.
Nyingi go leŋ.
50Go timo ŋono ri joma lworo go,
wok i luse ji acel tundo i luse man.
51Go orieyo cinge ma nyutho meni pere,
aka otieko kedho woko joma pakere i paro ma cuny jo.
52 #
Yob 5:11; 12:19 Go oŋilo woko kerin madongo wi kombere pajo,
aka otiŋo malo joma bwonere.
53Go oyeŋo joma kec neko gi gigipiny mabeyo,
aka oriemo woko joŋaŋo gi cingi gin nono.
54Go okonyo ŋeca pere Isiraili,
munyo opoyo wor pere
55 #
Cak 17:7
#1 Sam 2:1-10m'ociko kwarere mawan,
ri Abraham gi nyikwaye je cil gi cil!
56Maria obedo bongi Elizabeth cegin dwe adek to nyaka dok peco.
Nywolirok pa Yohana Jakibatisa
57Ndelo pa Elizabeth otundo ma nywol, to nywolo nyathi ma jacwo. 58Joger pere kodi wade pere jowinjo ni Rwoth otimo rigo wor madwoŋ aka josangala swa gi go. 59#Jolevi 12:3I ndelo mar'aboro jobino thumo nyathi, aka onwaŋo jomito cwoko nyinge ni Zekaria paka bamere. 60To yokimere waco ni, “K'ameno, ibino lwoŋo go ni Yohana.” 61Jowaco rigo ni, “Kole ongoye moro i nono mewin m'ilwoŋo gi nyinge no!” 62Aka jomiyo bamere ranyuth ma penjo go paka go mito wolwoŋi nyathi no. 63Go okwanyo gindiko, to ndiko ni, “Nyinge Yohana.” Ji je jouro swa! 64Gikenyo won to Zekaria yawo dhoke to lewe gonyere, to cako luwo munyo foyo Were. 65To lworo omako joger pajo je, kendo oluwi kwoŋ gigipiny me i Yuda parom. 66Joma jowinjo je jorwako wac no i cuny jo munyo jowaco ni, “Kosa nyathi me obedi ŋa? Kole cingi Rwoth ni kwoŋe.”
Zekaria tuco wac kwoŋ nyathi no
67Aka Cuny Maleŋ opoŋ kwoŋ Zekaria bamere, to luwo munyo waco ni,
68“Wofoy Rwoth Were pa Isiraili!
Kole go olimo ji pere to botho jo.
69Omiyo wan Jaboth ma jameni
i nono pa Daudi jatic pere,
70paka cango oluwo gi i dhok jotuci wac pere maleŋ wok con,
71nike bino botho wan kwoŋ jokwor mawan
kodi kwoŋ joma mon kodi wan bende;
72kareno nyutho wor ri kwarere mawan,
gi poyo cikirok pere maleŋ,
73kwoŋirok ma cango go otimo ri kwari wan Abraham,
nike bino botho wan wok i cingi jokwor mawan,
74ŋey watiy rigo m'ongoye lworo,
75i leŋo kodi tiro i waŋe, i kwo mawan gipi.
76 #
Mal 3:1
Aka in, nyathi me, ibino lwoŋin ni jatuci wac pa Were Madwoŋ Maloyo,
kole ibino telo Rwoth kidho yiko rigo royo;
77gi miyo ji pere rieko ma both
ka Were ocwako reco pajo.
78Ro wor mathoth ma Were mawan nitie gine,
go bino miyo waŋceŋ gulo to ŋamba ma both wok riwan,
79 #
Isa 9:1
ma bino kelo lero ri joma ni mudho,
kodi i tho ma mito umo jo,
to tiro tiendi wan i royo ma siem.”
80Nyathi no odongo to bedo gi meni i cunye kendo obedo i thim cuka ndelo otundo to nyuthere kamaler ri Joisiraili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.