Mariko 16
16
Yesu cerino
(Mat 28:1-8; Luk 24:1-12; Yoh 20:1-10)
1Munyo ndelo ma Sabato orumo, Maria ma wok Magdala, kodi Maria min Yakobo, kodi Salome jonyewo mo maŋwe kur ma wiro gine delkwoŋ Yesu. 2Odikin worwor i ndelo marapena ma tic, munyo ceŋ nyaka gulo, jokidho i kaliel. 3Munyo fodi jo ni royo, wegi jopenjere kendi gin ni, “Ŋat'oŋil riwan woko kidi ma dhok kaliel?” 4Gikenyo joŋiyo yumalo to joneno ni kidi otiek ŋilo woko; kidi no oyido ombo swa. 5Gikenyo jodonjo i kaliel, to joneno jayac moro obedo piny yuracuc, oruko nanga matar, to lworo mako jo tektek.
6Jayac no owaco ni, “Wikiri wibedi gi lworo. Aŋeyo ni wirango Yesu Janazareth ma ceŋino ogur kwoŋ musalaba. Go ongoye ka; otieko cerino! Ere panen win kama ceŋino oketh'iye go. 7#Mat 26:32; Mar 14:28Onyo kidhi witer wac me ri jofonjirok pere, kiri ri Petero bende ni kole go otieko telo kidho riwin Galili; yukoro ama wibino nen'iye go paka ndir ca owaco riwin.”
8Gikenyo jowok i kaliel gi ŋwec, rupiri lworo gi bwok oyido opoŋ kwoŋ jo. Aka jok'owaco kada ri nyatoro, rupiri oyido jothoth gi lworo.
Yesu menyere ri Maria Magadalina
(Mat 28:9-10; Yoh 20:11-18)
9Munyo Yesu otieko cerino kwoŋ jom'otho, odikin worwor, i ndelo marapena ma tic, omenyere ri Maria ma wok Magdala, ma ndir no oriemo kwoŋe jwogi abirio. 10Dheno okidho to waco ri joma yado jowotho gi Yesu, m'oyido joywak gi geregere madit. 11To munyo jowinjo wac pere ni Yesu kwo aka ni otieko neno Yesu, jok'oyeyo wac no.
Yesu menyere ri jofonjirok ario
(Luk 24:13-35)
12Rumacen, Yesu omenyere ri jofonjirok moro ario munyo oyido jo ni royo jokidho loka moro. 13Jome bende jogik to jowaco ri jofonjirok wadi gin, to je jok'onyalo yeyo wac pajo.
Yesu menyere ri japar g'acel
(Mat 28:16-20; Luk 24:36-49; Yoh 20:19-23; Tim 1:6-8)
14Macowe, Yesu omenyere ri jofonjirok apar g'acel wegi munyo jocemo. Go opusa jo paka jok'obedo gi yeyo, aka odoko jobedo g'adundo manwaŋ, rupiri jokwero yeyo joma onwaŋo jotieko neno go munyo ocerino. 15#Tim 1:8Aka owaco rijo ni, “Kidhi win i piny je, wifonji nono je Wac Manyen Maber. 16Ŋat'oyey t'ibatisa go bino both; ŋat'okwer yeyo ilathumo banja rigo. 17Joma joyey jobino bedo gi ranyuth ma meni me: Jobino riemo woko jwogi i nyingan; jobino luwo dhodhok manyen. 18Jobino mako thwol, aka ka jomadhi kwir moro marac jokibino ramere; jobino ketho cingi gin kwoŋ jotwo to joboth.”
Itero Yesu i polo
(Luk 24:50-53; Tim 1:9-11)
19 #
Tim 1:9-11
Munyo Rwoth Yesu otieko luwo gi jo, oter go i polo to bedo yuracuc pa Were. 20Jofonjirok jokidho to jofonjo Wac Manyen Maber i iye je, munyo Rwoth tiyo gi jo aka ridho adieri ma fonji pajo gi ranyuth ma meni m'othielo wac no. Ameno.
Currently Selected:
Mariko 16: DHOPE
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Mariko 16
16
Yesu cerino
(Mat 28:1-8; Luk 24:1-12; Yoh 20:1-10)
1Munyo ndelo ma Sabato orumo, Maria ma wok Magdala, kodi Maria min Yakobo, kodi Salome jonyewo mo maŋwe kur ma wiro gine delkwoŋ Yesu. 2Odikin worwor i ndelo marapena ma tic, munyo ceŋ nyaka gulo, jokidho i kaliel. 3Munyo fodi jo ni royo, wegi jopenjere kendi gin ni, “Ŋat'oŋil riwan woko kidi ma dhok kaliel?” 4Gikenyo joŋiyo yumalo to joneno ni kidi otiek ŋilo woko; kidi no oyido ombo swa. 5Gikenyo jodonjo i kaliel, to joneno jayac moro obedo piny yuracuc, oruko nanga matar, to lworo mako jo tektek.
6Jayac no owaco ni, “Wikiri wibedi gi lworo. Aŋeyo ni wirango Yesu Janazareth ma ceŋino ogur kwoŋ musalaba. Go ongoye ka; otieko cerino! Ere panen win kama ceŋino oketh'iye go. 7#Mat 26:32; Mar 14:28Onyo kidhi witer wac me ri jofonjirok pere, kiri ri Petero bende ni kole go otieko telo kidho riwin Galili; yukoro ama wibino nen'iye go paka ndir ca owaco riwin.”
8Gikenyo jowok i kaliel gi ŋwec, rupiri lworo gi bwok oyido opoŋ kwoŋ jo. Aka jok'owaco kada ri nyatoro, rupiri oyido jothoth gi lworo.
Yesu menyere ri Maria Magadalina
(Mat 28:9-10; Yoh 20:11-18)
9Munyo Yesu otieko cerino kwoŋ jom'otho, odikin worwor, i ndelo marapena ma tic, omenyere ri Maria ma wok Magdala, ma ndir no oriemo kwoŋe jwogi abirio. 10Dheno okidho to waco ri joma yado jowotho gi Yesu, m'oyido joywak gi geregere madit. 11To munyo jowinjo wac pere ni Yesu kwo aka ni otieko neno Yesu, jok'oyeyo wac no.
Yesu menyere ri jofonjirok ario
(Luk 24:13-35)
12Rumacen, Yesu omenyere ri jofonjirok moro ario munyo oyido jo ni royo jokidho loka moro. 13Jome bende jogik to jowaco ri jofonjirok wadi gin, to je jok'onyalo yeyo wac pajo.
Yesu menyere ri japar g'acel
(Mat 28:16-20; Luk 24:36-49; Yoh 20:19-23; Tim 1:6-8)
14Macowe, Yesu omenyere ri jofonjirok apar g'acel wegi munyo jocemo. Go opusa jo paka jok'obedo gi yeyo, aka odoko jobedo g'adundo manwaŋ, rupiri jokwero yeyo joma onwaŋo jotieko neno go munyo ocerino. 15#Tim 1:8Aka owaco rijo ni, “Kidhi win i piny je, wifonji nono je Wac Manyen Maber. 16Ŋat'oyey t'ibatisa go bino both; ŋat'okwer yeyo ilathumo banja rigo. 17Joma joyey jobino bedo gi ranyuth ma meni me: Jobino riemo woko jwogi i nyingan; jobino luwo dhodhok manyen. 18Jobino mako thwol, aka ka jomadhi kwir moro marac jokibino ramere; jobino ketho cingi gin kwoŋ jotwo to joboth.”
Itero Yesu i polo
(Luk 24:50-53; Tim 1:9-11)
19 #
Tim 1:9-11
Munyo Rwoth Yesu otieko luwo gi jo, oter go i polo to bedo yuracuc pa Were. 20Jofonjirok jokidho to jofonjo Wac Manyen Maber i iye je, munyo Rwoth tiyo gi jo aka ridho adieri ma fonji pajo gi ranyuth ma meni m'othielo wac no. Ameno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.