BEGGAR 19
19
Pwnbov Lotnvn Ywwlinam
1Gumtw vnyiv ariyum Sodomho haaknum, hoo Lot Sodomg toggoqho doodunam. Hwdlo Lot bulam kaapayin, mwv bulam kvvrwq dvb gorab banv kedho bump tvl pvxwl xumnum 2hoo benum, “Ngoqg bir at tulunga, noqg nyera nammwb haat bvka hoo nulv hurs moomiq tvl soi doope bvka. Ho nulv komcib gorab layil hoo nulug wtungam wto.” Bulv benum, “Ma, ngulv soi bopam lamtag toodum cuukiq golo dootayin.” 3Hvbmabde mwv bulam vcjaqb nwwteql benum; hoggab bulv mwwg dookub wbnv hoo mwwg nammwb haanum. Hoo mwv bulam durum dvgnum hoo opap kiilwq maanam wtw kvbjnum, hoo bulv dvnum.
4Hvbmabde bulv yuba maatab, bopamg nyi tulungv, Sodomg nyi tulungv, yaapangv la axangv, vtwr-anya nyi hoqgv naarab layil nyiilu mwlwngv nammam doqyumnum. 5Hoo bulv Lotwg goqnum, “Soi noqg dookub haan bo nyi tuluhv hoglo? Bulam ngulug agaho so boolin to, ho ngulv bulam cengtayin.” 6Lot haagag nyi tulu dookub lengnum, ho mwv langk yaab viyap pam ciqkurl ciqtumnum, 7hoo benum, “Ngo nulam xuml bedwn, ngoqg vbw-bor tulu, nyic-nyia jaqb nyimabv. 8Kaato, ngo nyem ko mvvngam vnyi go doodwn. Ngo bulam nulam boolin jitayin, hoo bulam nulv hoggv nyinw dvn ham nyito. Soq nyi tulu sam hog akkam nyimabv, hoggab bulv ngoqg namlo nyiinwb haapan.” 9Hvbmabde bulv benum, “Daqgin to!” Hoo bulv benum, “Soq nyi si nyoodo hoqgv haanum, hoo mwv hvvky gob nyipa ku! Ngulv nam bulam koi yaadwb almab nyitayin.” Ho bulv Lotwn vcjaqb ceekol ceqjab kunum, hoo ogumb hvvnwq kunv viyap pam tuutab daqsv twqb tuuknum. 10Hvbmabde nyi vnyig alaqkv ilin banv Lotwn nam urab bulug lvgab boanum hoo viyap pam ciqtumnum. 11Hoo bulv nam haagaho daqn boam anyo koi ximab mwlwngam nyiqcw tvl jwwnum, ho bulv viyap pam meepa kumab atv-atv nyelin kunum.
12Ho nyi tulungv Lotwn benum, “Noqg imiq nyiv so dood nvi yv? Maqbv, nyega kov, nyem kov, ho bopam uraso asaqkv dood nvi yv, bulam nyook soqgv lvvgwb boolin to. 13Hoggab ngulv soq nyook sam twryum tadkun, hoggab soq nyiilug sogoq goqnamv vcjaqb At Swg agaho hvvc paku, hoo At Sw ngulam sam twrm dvb kanam pakun.” 14Ho Lot lvvgwb lengb nv mwwg nyem koam nyem naata bo maqb tulungam benum, “Nyebiab gorabto! Soq nyook soqgv lengleqto, hoggab At Sw bopam sam twryum tadku.” Hvbmabde mwam mwwg maqb tulungv sood nago mwwnum.
15Ar dooko koar komar kalam, gumtwngv Lotwn dwqdwq jaqb begamv, “Nyebia jaqb gorabto! Noqg nywxwngam la noqg lvgab doonbo nyem ko vnyiam naato, hvbma baloqkam bopam mam laqm-baqm tanam hoqgv nulam kam mvtaq tayi.” 16Hvbmabde mwv nyikwq-nyimwqnum. Ho nyi vnyiv mwam la mwwg nywxwngam hoo mwwg nyem ko vnyiam alaqkv twqlinum, At Sw mwam aya mwwpanum, hoo bulv mwam lvvgwb boolinum hoo mwam bopam lvvg ho doomnum. 17Hoo bulv bulam lvvgwb boolin yikho, akwn hv benum, “Noqg swwg gab keto. Kookur kamabv ho lywpa ho hoglo kam doqnu maabv. Diisw gvda tulub keto, hvbma baloqkam nam twrtaq tai.” 18Hoo Lot bulam benum, “Oa, ngoqg bir ata, hvb nyimab. 19Kaato, noqg nyerangv noqg kaagaho mwwsw dvb nyip nyiloqkam, hoo no ngam vc loodab aya mwwpanam mam kaakinl ngam ywwlin paku. Hvbmabde ngo diisw yornwb keca nyoma, hvb nyima baloqkam ngam ciqcaq-bviyaqkv mviya tai hoo ngo sitai. 20Kaato, soq bopam si keleqdvb aado haajaq ma, hoo hoqhv anyo bo akv. Ngam hoqb keleq mvtbv—soq si anyo ak hvvma yv? —hoo ngoqg swwgam ywwlin tayin!” 21Mwv mwam benum, “Kaato, ngo soq sam nam mwwswl jigyin, ho noqg agam goonam bopam ham ngo twrram. 22Nyebia jaqb hoqb keto, hoggab no alo wc maady deedib ngo hog akkam nyila ram.” Hoqgab bopam hoqg eminam Joar hvl goqnum.
Pwnbov Sodom mam Twrmnam
23Hwdlo Lot Joarho hvvc yukho doonyiv gvda so caalin kunum. 24Ho At Sw Sodom la Gomorrag aoho tvlw-mwjwram la wm mam ao toloqkv At Sw nyodob holwq mvnum. 25Hoo bopam tulungam, hoo lywpa tulungam, hoo bopam tuluho nyi doonbo mwlwngam, hoo kedho swwnbo mwlwngam mwv twryumnum. 26Hvbmabde Lotwg nywxwngv mwwg langk ho wnbov langkwb kookurnum, hoo mwn al swwrwb nyiknum.
27Hoo Abraham ar komc hoq nyookub wknv At Sw agaho daqnum. 28Hoo mwv Sodom la Gomorra daiyab hoo hoq gvda lywpa daiyab kaababl kaanum, hoo mwv kaanum hoo kaato, gvda hoqg mwkv muqya apob mvram mwk hvb juucanum.
29Hwdlo Lotwg doogw ko bopam tulungam mwv twryum yukho, hoqhv hvb nyiknum, hwdlo lywpag bopam tulungam Pwnbov twryikho, Pwnbov Abrahamnvn mwwpanum hoo Lotwn hoq twryum ko pengko hoqgv boolinum.
Lot la Mwwg Ko Nyem Tulu
30Lot Joar hoqgv lvvgwb wlayil mwwg nyem ko vnyig lvgab diisw gvdaho doonum, hoggab mwv Joarho doodwb bosnum. Hoqgab mwwg nyem ko vnyig lvgab mwv lwwpwq golo doonum. 31Hoo any akv bwrm mam benum, “Ngulug abv nyekam yuku, hoo gvda so ngulug dookub nyi haady bo dooma, gvdag nyem wcwngam wdwb. 32Kuj haato, ngulv ngulug abab opo hooyaq tvl, hoo ngulv mwwg lvgab yuba tuj, ho ngulug abwg hosiqkam ngulv swwlin mvtuj.” 33Ho bulug abab hoq aiho bulv opo hooyaqnum. Hoo any akv mwnwg ab lvgab yubanum. Hwdlo mwn yubanum ho hwdlo mwn gorabnum mwv cengmanum.
34Aal loogwn so any akv bwrm mam benum, “Kaato, moi ngoqg ab lvgab ngo yubanum. Kuj soikam mwam opo hooyaq tuj. Ho no wgdvl mwwg lvgab yuba ta, ho ngulug abwg hosiqkam ngulv swwlin mvtuj.” 35Ho bulv hoq ai hookam bulug abab opo hooyaqnum. Hoo bwrm akv gorab banv mwwg lvgab yubanum, hoo mwn hwdlo yubanum ho mwn hwdlo gorabnum mwv cengmanum. 36Hoqgab Lotwg nyem ko vnyi-vnyiv bulug abwg hoqgv ko gvknum. 37Any akv nyega ko ak bwwnum hoo mwwg eminam Moab hvl goqnum. Soolo mwv Moab nyi tulug abwb nyidkun. 38Bwrm akv kam nyega ko ak bwwnum hoo mwwg eminam Ben-ammi hvl goqnum. Soolo mwv Ammon nyi tulug abwb nyidkun.
Currently Selected:
BEGGAR 19: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
BEGGAR 19
19
Pwnbov Lotnvn Ywwlinam
1Gumtw vnyiv ariyum Sodomho haaknum, hoo Lot Sodomg toggoqho doodunam. Hwdlo Lot bulam kaapayin, mwv bulam kvvrwq dvb gorab banv kedho bump tvl pvxwl xumnum 2hoo benum, “Ngoqg bir at tulunga, noqg nyera nammwb haat bvka hoo nulv hurs moomiq tvl soi doope bvka. Ho nulv komcib gorab layil hoo nulug wtungam wto.” Bulv benum, “Ma, ngulv soi bopam lamtag toodum cuukiq golo dootayin.” 3Hvbmabde mwv bulam vcjaqb nwwteql benum; hoggab bulv mwwg dookub wbnv hoo mwwg nammwb haanum. Hoo mwv bulam durum dvgnum hoo opap kiilwq maanam wtw kvbjnum, hoo bulv dvnum.
4Hvbmabde bulv yuba maatab, bopamg nyi tulungv, Sodomg nyi tulungv, yaapangv la axangv, vtwr-anya nyi hoqgv naarab layil nyiilu mwlwngv nammam doqyumnum. 5Hoo bulv Lotwg goqnum, “Soi noqg dookub haan bo nyi tuluhv hoglo? Bulam ngulug agaho so boolin to, ho ngulv bulam cengtayin.” 6Lot haagag nyi tulu dookub lengnum, ho mwv langk yaab viyap pam ciqkurl ciqtumnum, 7hoo benum, “Ngo nulam xuml bedwn, ngoqg vbw-bor tulu, nyic-nyia jaqb nyimabv. 8Kaato, ngo nyem ko mvvngam vnyi go doodwn. Ngo bulam nulam boolin jitayin, hoo bulam nulv hoggv nyinw dvn ham nyito. Soq nyi tulu sam hog akkam nyimabv, hoggab bulv ngoqg namlo nyiinwb haapan.” 9Hvbmabde bulv benum, “Daqgin to!” Hoo bulv benum, “Soq nyi si nyoodo hoqgv haanum, hoo mwv hvvky gob nyipa ku! Ngulv nam bulam koi yaadwb almab nyitayin.” Ho bulv Lotwn vcjaqb ceekol ceqjab kunum, hoo ogumb hvvnwq kunv viyap pam tuutab daqsv twqb tuuknum. 10Hvbmabde nyi vnyig alaqkv ilin banv Lotwn nam urab bulug lvgab boanum hoo viyap pam ciqtumnum. 11Hoo bulv nam haagaho daqn boam anyo koi ximab mwlwngam nyiqcw tvl jwwnum, ho bulv viyap pam meepa kumab atv-atv nyelin kunum.
12Ho nyi tulungv Lotwn benum, “Noqg imiq nyiv so dood nvi yv? Maqbv, nyega kov, nyem kov, ho bopam uraso asaqkv dood nvi yv, bulam nyook soqgv lvvgwb boolin to. 13Hoggab ngulv soq nyook sam twryum tadkun, hoggab soq nyiilug sogoq goqnamv vcjaqb At Swg agaho hvvc paku, hoo At Sw ngulam sam twrm dvb kanam pakun.” 14Ho Lot lvvgwb lengb nv mwwg nyem koam nyem naata bo maqb tulungam benum, “Nyebiab gorabto! Soq nyook soqgv lengleqto, hoggab At Sw bopam sam twryum tadku.” Hvbmabde mwam mwwg maqb tulungv sood nago mwwnum.
15Ar dooko koar komar kalam, gumtwngv Lotwn dwqdwq jaqb begamv, “Nyebia jaqb gorabto! Noqg nywxwngam la noqg lvgab doonbo nyem ko vnyiam naato, hvbma baloqkam bopam mam laqm-baqm tanam hoqgv nulam kam mvtaq tayi.” 16Hvbmabde mwv nyikwq-nyimwqnum. Ho nyi vnyiv mwam la mwwg nywxwngam hoo mwwg nyem ko vnyiam alaqkv twqlinum, At Sw mwam aya mwwpanum, hoo bulv mwam lvvgwb boolinum hoo mwam bopam lvvg ho doomnum. 17Hoo bulv bulam lvvgwb boolin yikho, akwn hv benum, “Noqg swwg gab keto. Kookur kamabv ho lywpa ho hoglo kam doqnu maabv. Diisw gvda tulub keto, hvbma baloqkam nam twrtaq tai.” 18Hoo Lot bulam benum, “Oa, ngoqg bir ata, hvb nyimab. 19Kaato, noqg nyerangv noqg kaagaho mwwsw dvb nyip nyiloqkam, hoo no ngam vc loodab aya mwwpanam mam kaakinl ngam ywwlin paku. Hvbmabde ngo diisw yornwb keca nyoma, hvb nyima baloqkam ngam ciqcaq-bviyaqkv mviya tai hoo ngo sitai. 20Kaato, soq bopam si keleqdvb aado haajaq ma, hoo hoqhv anyo bo akv. Ngam hoqb keleq mvtbv—soq si anyo ak hvvma yv? —hoo ngoqg swwgam ywwlin tayin!” 21Mwv mwam benum, “Kaato, ngo soq sam nam mwwswl jigyin, ho noqg agam goonam bopam ham ngo twrram. 22Nyebia jaqb hoqb keto, hoggab no alo wc maady deedib ngo hog akkam nyila ram.” Hoqgab bopam hoqg eminam Joar hvl goqnum.
Pwnbov Sodom mam Twrmnam
23Hwdlo Lot Joarho hvvc yukho doonyiv gvda so caalin kunum. 24Ho At Sw Sodom la Gomorrag aoho tvlw-mwjwram la wm mam ao toloqkv At Sw nyodob holwq mvnum. 25Hoo bopam tulungam, hoo lywpa tulungam, hoo bopam tuluho nyi doonbo mwlwngam, hoo kedho swwnbo mwlwngam mwv twryumnum. 26Hvbmabde Lotwg nywxwngv mwwg langk ho wnbov langkwb kookurnum, hoo mwn al swwrwb nyiknum.
27Hoo Abraham ar komc hoq nyookub wknv At Sw agaho daqnum. 28Hoo mwv Sodom la Gomorra daiyab hoo hoq gvda lywpa daiyab kaababl kaanum, hoo mwv kaanum hoo kaato, gvda hoqg mwkv muqya apob mvram mwk hvb juucanum.
29Hwdlo Lotwg doogw ko bopam tulungam mwv twryum yukho, hoqhv hvb nyiknum, hwdlo lywpag bopam tulungam Pwnbov twryikho, Pwnbov Abrahamnvn mwwpanum hoo Lotwn hoq twryum ko pengko hoqgv boolinum.
Lot la Mwwg Ko Nyem Tulu
30Lot Joar hoqgv lvvgwb wlayil mwwg nyem ko vnyig lvgab diisw gvdaho doonum, hoggab mwv Joarho doodwb bosnum. Hoqgab mwwg nyem ko vnyig lvgab mwv lwwpwq golo doonum. 31Hoo any akv bwrm mam benum, “Ngulug abv nyekam yuku, hoo gvda so ngulug dookub nyi haady bo dooma, gvdag nyem wcwngam wdwb. 32Kuj haato, ngulv ngulug abab opo hooyaq tvl, hoo ngulv mwwg lvgab yuba tuj, ho ngulug abwg hosiqkam ngulv swwlin mvtuj.” 33Ho bulug abab hoq aiho bulv opo hooyaqnum. Hoo any akv mwnwg ab lvgab yubanum. Hwdlo mwn yubanum ho hwdlo mwn gorabnum mwv cengmanum.
34Aal loogwn so any akv bwrm mam benum, “Kaato, moi ngoqg ab lvgab ngo yubanum. Kuj soikam mwam opo hooyaq tuj. Ho no wgdvl mwwg lvgab yuba ta, ho ngulug abwg hosiqkam ngulv swwlin mvtuj.” 35Ho bulv hoq ai hookam bulug abab opo hooyaqnum. Hoo bwrm akv gorab banv mwwg lvgab yubanum, hoo mwn hwdlo yubanum ho mwn hwdlo gorabnum mwv cengmanum. 36Hoqgab Lotwg nyem ko vnyi-vnyiv bulug abwg hoqgv ko gvknum. 37Any akv nyega ko ak bwwnum hoo mwwg eminam Moab hvl goqnum. Soolo mwv Moab nyi tulug abwb nyidkun. 38Bwrm akv kam nyega ko ak bwwnum hoo mwwg eminam Ben-ammi hvl goqnum. Soolo mwv Ammon nyi tulug abwb nyidkun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.