BEGGAR 37
37
Josapg Yuma Maanam
1Mwwg abwg dook, Kanaan gvdaho Jakub hvraq doonum.
2Soq tulu si Jakubg hotam tulungv.
Josap vnyw camleq kvn go akam dukho mwwg vbw tulu lvgab sviya-sibin pvtwngam rool yvmin gvnum. Mwv mwwg abwg nywxw Bilha gvla Jilpag nyega kov. Hoo Josap bulug almab nyinam mam mwwg abam betamnum. 3Israel Josapnvn mwwg ko tuup mwlwngam aby bobin yaanum, hoggab mwv mwwg nyekam konguq yukho ko bwwnum. Hoo mwv mwwg gab naleqgo kangam dvb poomo vj rumg mwjnum. 4Hvbmabde hwdlo mwwg vbw tulungv bulug abv mwam mwlwngam aby bobin yaanam mam cengtwl, bulv mwam oyumnum hoo mwam anyab agam goomanum.
5Ho Josap yuma ak maanum, hoo hwdlo mwv ham mwwg vbw tulungam betam yukam bulv vi yaiya go mwam oyumnum. 6Mwv bulam benum, “Taiya to, ngoqg yuma maanam sam: 7Kaato, ngulv rongo ho am agaq goqdunam, hoo kaato, ngoqg am agaqkv gorab layil dindab daqnum. Hoo kaato, nulug am agaqkv hoq bviywrho hookumnum hoo ngoqg agaqkam pvxwl xumnum.” 8Mwwg vbw tulungv mwam, “No jvqtw jaqb ngulug aoso lvpw atwb swwtayin i? Ho no jvqtw jaqb ngulug aoso pvvb bwwl doog tayin i?” Ho mwwg yumangam la mwwg gomcwram tatwl bulv mwam vi yaiya go oyumnum.
9Ho mwv yuma akta yuma maanum hoo ham mwwg vbw tulungam betamnum, “Kaato, ngo yuma akta yuma maanum. Kaato, doonyiv, poolv, hoo camleq akin takarv ngam pvxwl xumnum.” 10Hvbmabde hwdlo hoqham mwwg abam la vbw tulungam betam yin, mwwg abv mwam yolu ruql hoo mwam benum, “Hognvk yumangv no yuma maatnum? Ngo la noqg annv hoo noqg vbw tulungv, ngulv noqg agaho haalayil kedho pvxwl xumtayin yv?” 11Hoo mwwg vbw tulungv mwam kaaneqnum, hvbmabde mwwg abv agam goolin maab mwwtwqnum.
Josapnvn Mwwg Vbw Tulungv Puqnam
12Mwwg vbw tulungv mwwg abwg sviya-sibin pvtwngam Sekem ogumho roogaql yvgnum. 13Hoo Israel Josapnvn benum, “Noqg vbw tulungv sviya-sibin pvtwngam Sekem alo rool yvgdo? Soq haat, ngo nam bulug dookub kanam tayin.” Hoo mwv mwam benum, “Ngo si doodwn.” 14Ho mwv mwam benum, “Noqg vbw tulungv la sviya-sibin pvtwngv al dviya bwdwq wgdvl kaapel ngam agam betam to.” Ho mwv mwam Hebron lywpa hoqgv kanamnum, hoo mwv Sekem ho haaknum. 15Hoo nyi ak mwam nyoroho nyogaq gaqkarnam mam kaapanum. Hoo nyi akv mwam toxnum, “Hoggv no meegaq dvn?” 16“Ngoqg vbw tulungam ngo meegaq dvn hvl mwv benum.” Anya mwwpa gvdwl ngam betam tvb, bulv hogloq ho sviya-sibin pvtwngam rool yvgdo.” 17Hoo nyi akv benum, “Bulv soqgv wn kun, ‘Kuj ngulv Dotanwb wnuj hvl bemin sunam mam ngo tapa tvn.’” Ho Josap mwwg vbw tulug kokwb wmin gvnv bulam Dotanho kaapanum.
18Bulv mwam aado hoqgv kaapanum, hoo bulug ogumb mwv hvvnwq maatab bulv mwam mengdwb hvl hwws kunum. 19Bulv akwn-akwn bemin sunv benum, “Yuma maanbo akv haaiku. 20Kuj haato, ngulv mwam mengtwl ung golo joopaq tuj. Ho nyoro svdinv mwam cexnum hvl ngulv betuj, hoo ngulv kaaya tuj mwwg yuma maanamv hoggub nyiyi badwq.” 21Hvbmabde Reuben ham tapanum, mwam bulug alaq hoqgv ywwlin dvb mwwnv mwv benum, “Mwam ngulv mengma buj.” 22Hoo Reuben bulam benum, “Mwam ui lengdwb mviyoj; mwam soq deexa-rarag ung so joolwql apaqtuj, hvbmabde mwam alaq idaql mengmab”—ho mwam bulug alaq hoqgv mwv naalin layil mwwg abam jikur dukub mwwsnum. 23Ho hwdlo Josap mwwg vbw tulug dook ho hvvc yukho, bulv mwwg kangam alwb naleqgo poory-pooga dvb mvtwl koonam vjam twqbinum. 24Hoo bulv mwam boolayil mwam ung ura gol joolwqnum. Unghv asarnum; hoqho iss doomanum.
25Ho bulv dvdwb doanum. Hoo bulv nywrabl kaanamv Ismaiyel nyi tulu hoqgv kwm-kor mvnbo nyi dvpar go Gilead hoqgv hoodul doonum, bulv bulug svjin tuluho swwxw, takin, takeq-taiyab nwwnan, hoo mirram baqm tvl, bulv Ijipt baql dvb hvl bulug lamtaho wdunum. 26Ho Juda mwwg vbw-bor tulungam benum, “Ngulv ngulug boram mengtwl svmangam kvsnamv hoggv ngulv kaapa tayin? 27Haato kuj ngulv mwam Ismaiyel nyi tulungam puqtuj, hoo ngulug alaqkv mwwg aoho idaq yooju, hoggab mwv ngulug borv, ngulug atwg soodin akinv.” Hoo mwwg vbw-bor tulungv mwam loomin gvnum. 28Ho Midian nyi tulu pudu ruunbov wpeqnum. Hoo bulv Josapnvn ung hoqgv lvvgwb seelinum, hoo mwam rup sikil camnyi gob puqknum. Bulv Josapnvn Ijipt booknum.
29Hwdlo Reuben ungho wkurl kaaknamv Josap ung uraho dook maanum, mwwg vjam mwv puc-puiywl mvsnum 30hoo mwwg bor tulug dookub mwv hookurl benum, “Nyega kov dookma, hoo ngo sija, hogloqb wta yukun?” 31Ho bulv Josapg kamtam naalayil hoo sibin dorg mengnum hoo kamtam uiho swwbamnum. 32Hoo bulv kangam dvb naleqgo poory-pooga bo vjam bulug ab dookho baqa layil benum, “Soq sam ngulv kaapa yin; soq si noqg ko tuup vj goi yv ma vj maai yv kaacin kaato.” 33Hoo mwv ham kaacinl hoo benum, “Si ngoqg ko tuupwg vj go. Nyorog svdinv mwam mengp kude. Sam mwum dvb nyima Josapnvn cimwq-ceiyaql mvkbade.” 34Ho Jakub mwwg vjam swrmwq tvl hoo mwwg hwwpo ho tuila vjam kootwl hoo mwwg ko gab aal naleqgo nyix-riil doonum. 35Mwwg ko tuup tulungv la mwwg nyem ko mwlwngv mwam bet-bela dvb benum, hvbmabde mwv bet-bela kumanum. Ngam bet-bela maab, ngo Sux-ywlwb ig dvl hvraqb ngoqg ko gab ngo nyix-riidu tayin.” Soq sib mwwg abv mwwg gab xabnum. 36Kokw so Midian nyi tulungv mwam Ijiptho Parog sipai saab rvkybo keptenwg, Potiparwg imiqho puqlwqnum.
Currently Selected:
BEGGAR 37: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
BEGGAR 37
37
Josapg Yuma Maanam
1Mwwg abwg dook, Kanaan gvdaho Jakub hvraq doonum.
2Soq tulu si Jakubg hotam tulungv.
Josap vnyw camleq kvn go akam dukho mwwg vbw tulu lvgab sviya-sibin pvtwngam rool yvmin gvnum. Mwv mwwg abwg nywxw Bilha gvla Jilpag nyega kov. Hoo Josap bulug almab nyinam mam mwwg abam betamnum. 3Israel Josapnvn mwwg ko tuup mwlwngam aby bobin yaanum, hoggab mwv mwwg nyekam konguq yukho ko bwwnum. Hoo mwv mwwg gab naleqgo kangam dvb poomo vj rumg mwjnum. 4Hvbmabde hwdlo mwwg vbw tulungv bulug abv mwam mwlwngam aby bobin yaanam mam cengtwl, bulv mwam oyumnum hoo mwam anyab agam goomanum.
5Ho Josap yuma ak maanum, hoo hwdlo mwv ham mwwg vbw tulungam betam yukam bulv vi yaiya go mwam oyumnum. 6Mwv bulam benum, “Taiya to, ngoqg yuma maanam sam: 7Kaato, ngulv rongo ho am agaq goqdunam, hoo kaato, ngoqg am agaqkv gorab layil dindab daqnum. Hoo kaato, nulug am agaqkv hoq bviywrho hookumnum hoo ngoqg agaqkam pvxwl xumnum.” 8Mwwg vbw tulungv mwam, “No jvqtw jaqb ngulug aoso lvpw atwb swwtayin i? Ho no jvqtw jaqb ngulug aoso pvvb bwwl doog tayin i?” Ho mwwg yumangam la mwwg gomcwram tatwl bulv mwam vi yaiya go oyumnum.
9Ho mwv yuma akta yuma maanum hoo ham mwwg vbw tulungam betamnum, “Kaato, ngo yuma akta yuma maanum. Kaato, doonyiv, poolv, hoo camleq akin takarv ngam pvxwl xumnum.” 10Hvbmabde hwdlo hoqham mwwg abam la vbw tulungam betam yin, mwwg abv mwam yolu ruql hoo mwam benum, “Hognvk yumangv no yuma maatnum? Ngo la noqg annv hoo noqg vbw tulungv, ngulv noqg agaho haalayil kedho pvxwl xumtayin yv?” 11Hoo mwwg vbw tulungv mwam kaaneqnum, hvbmabde mwwg abv agam goolin maab mwwtwqnum.
Josapnvn Mwwg Vbw Tulungv Puqnam
12Mwwg vbw tulungv mwwg abwg sviya-sibin pvtwngam Sekem ogumho roogaql yvgnum. 13Hoo Israel Josapnvn benum, “Noqg vbw tulungv sviya-sibin pvtwngam Sekem alo rool yvgdo? Soq haat, ngo nam bulug dookub kanam tayin.” Hoo mwv mwam benum, “Ngo si doodwn.” 14Ho mwv mwam benum, “Noqg vbw tulungv la sviya-sibin pvtwngv al dviya bwdwq wgdvl kaapel ngam agam betam to.” Ho mwv mwam Hebron lywpa hoqgv kanamnum, hoo mwv Sekem ho haaknum. 15Hoo nyi ak mwam nyoroho nyogaq gaqkarnam mam kaapanum. Hoo nyi akv mwam toxnum, “Hoggv no meegaq dvn?” 16“Ngoqg vbw tulungam ngo meegaq dvn hvl mwv benum.” Anya mwwpa gvdwl ngam betam tvb, bulv hogloq ho sviya-sibin pvtwngam rool yvgdo.” 17Hoo nyi akv benum, “Bulv soqgv wn kun, ‘Kuj ngulv Dotanwb wnuj hvl bemin sunam mam ngo tapa tvn.’” Ho Josap mwwg vbw tulug kokwb wmin gvnv bulam Dotanho kaapanum.
18Bulv mwam aado hoqgv kaapanum, hoo bulug ogumb mwv hvvnwq maatab bulv mwam mengdwb hvl hwws kunum. 19Bulv akwn-akwn bemin sunv benum, “Yuma maanbo akv haaiku. 20Kuj haato, ngulv mwam mengtwl ung golo joopaq tuj. Ho nyoro svdinv mwam cexnum hvl ngulv betuj, hoo ngulv kaaya tuj mwwg yuma maanamv hoggub nyiyi badwq.” 21Hvbmabde Reuben ham tapanum, mwam bulug alaq hoqgv ywwlin dvb mwwnv mwv benum, “Mwam ngulv mengma buj.” 22Hoo Reuben bulam benum, “Mwam ui lengdwb mviyoj; mwam soq deexa-rarag ung so joolwql apaqtuj, hvbmabde mwam alaq idaql mengmab”—ho mwam bulug alaq hoqgv mwv naalin layil mwwg abam jikur dukub mwwsnum. 23Ho hwdlo Josap mwwg vbw tulug dook ho hvvc yukho, bulv mwwg kangam alwb naleqgo poory-pooga dvb mvtwl koonam vjam twqbinum. 24Hoo bulv mwam boolayil mwam ung ura gol joolwqnum. Unghv asarnum; hoqho iss doomanum.
25Ho bulv dvdwb doanum. Hoo bulv nywrabl kaanamv Ismaiyel nyi tulu hoqgv kwm-kor mvnbo nyi dvpar go Gilead hoqgv hoodul doonum, bulv bulug svjin tuluho swwxw, takin, takeq-taiyab nwwnan, hoo mirram baqm tvl, bulv Ijipt baql dvb hvl bulug lamtaho wdunum. 26Ho Juda mwwg vbw-bor tulungam benum, “Ngulv ngulug boram mengtwl svmangam kvsnamv hoggv ngulv kaapa tayin? 27Haato kuj ngulv mwam Ismaiyel nyi tulungam puqtuj, hoo ngulug alaqkv mwwg aoho idaq yooju, hoggab mwv ngulug borv, ngulug atwg soodin akinv.” Hoo mwwg vbw-bor tulungv mwam loomin gvnum. 28Ho Midian nyi tulu pudu ruunbov wpeqnum. Hoo bulv Josapnvn ung hoqgv lvvgwb seelinum, hoo mwam rup sikil camnyi gob puqknum. Bulv Josapnvn Ijipt booknum.
29Hwdlo Reuben ungho wkurl kaaknamv Josap ung uraho dook maanum, mwwg vjam mwv puc-puiywl mvsnum 30hoo mwwg bor tulug dookub mwv hookurl benum, “Nyega kov dookma, hoo ngo sija, hogloqb wta yukun?” 31Ho bulv Josapg kamtam naalayil hoo sibin dorg mengnum hoo kamtam uiho swwbamnum. 32Hoo bulv kangam dvb naleqgo poory-pooga bo vjam bulug ab dookho baqa layil benum, “Soq sam ngulv kaapa yin; soq si noqg ko tuup vj goi yv ma vj maai yv kaacin kaato.” 33Hoo mwv ham kaacinl hoo benum, “Si ngoqg ko tuupwg vj go. Nyorog svdinv mwam mengp kude. Sam mwum dvb nyima Josapnvn cimwq-ceiyaql mvkbade.” 34Ho Jakub mwwg vjam swrmwq tvl hoo mwwg hwwpo ho tuila vjam kootwl hoo mwwg ko gab aal naleqgo nyix-riil doonum. 35Mwwg ko tuup tulungv la mwwg nyem ko mwlwngv mwam bet-bela dvb benum, hvbmabde mwv bet-bela kumanum. Ngam bet-bela maab, ngo Sux-ywlwb ig dvl hvraqb ngoqg ko gab ngo nyix-riidu tayin.” Soq sib mwwg abv mwwg gab xabnum. 36Kokw so Midian nyi tulungv mwam Ijiptho Parog sipai saab rvkybo keptenwg, Potiparwg imiqho puqlwqnum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.