GÉNESIS 22
22
Abrahampa Isaacta sacrificasqan
1Chaykuna qhepatataq Diosqa Abrahamta probarqan, niykurqantaq:
—Abraham, nispa.
Paytaq kutichirqan:
—Uyarishaykin, nispa.
2Hinan nirqan:
—Kunanqa munasqayki sapallan churiyki Isaacta pusay, hinaspa Moriah kinrayman riy, chaypi payta ruphachina sacrificiota haywamuway ñoqa nisqayki chay huknin orqo patapi, nispa.
3Hinaqtinmi Abrahamqa tutallamanta sayarispa asnonta caronarqan, iskay kamachinta churin Isaactawan waqyarqan. Llant'atapas ruphachina sacrificiopaq llant'arqan, hinaspanmi puririrqan Diospa nisqan cheqasman. 4Kinsakaq p'unchaypitaq Abrahamqa qhawarirqan, hinaspan karumanta chayneqta rikurqan. 5Hinaspanmi Abrahamqa kamachikunata nirqan:
—Kaypi asnontin suyashawayku, ñoqawan waynawantaq haqaykama risaqku, yupaychamusaqku, hinaspataq qankunaman kutimusaqku, nispa.
6Hinaspan Abrahamqa ruphachina sacrificiopaq llant'ata hoqarispa churin Isaacman q'epichirqan, paytaq ninata cuchillotawan makinpi aparikurqan, iskayninkutaq kuska rirqanku. 7Isaactaq taytan Abrahamta nirqan:
—Taytáy, nispa.
Paytaq kutichirqan:
—¿Ima ninkin, churíy? nispa.
Isaactaq nirqan:
—Kayqa ninapas llant'apas, ¿maytaq borregori ruphachina sacrificiopaq? nispa.
8Chaymi Abrahamqa kutichirqan:
—Churíy, kikin Diosmi ruphachina sacrificiopaq borregota churamunqa, nispa.
Iskayninkutaq risharqanku. 9Diospa nisqan cheqasman chayaspankutaq, Abrahamqa altarta perqarqan, hinaspan llant'ata chayman tawqaykurqan. Churin Isaacta mayt'uykuspataq altar pata llant'aman churaykurqan. 10Hinaspan Abrahamqa cuchillota hoqarirqan churinta nak'ananpaq, 11chayllamanmi Señor Diospa angelninqa hanaq pachamanta waqyamuspa nirqan:
—¡Abraham, Abraham! nispa.
Paytaq kutichirqan:
—Uyarishaykin, nispa.
12Hinan nimurqan:
—Ama waynaman makiykita haywariychu, amataq imanaypaschu, yachaniñan Diosta manchakushasqaykita, manan sapan churiyki qoyta hark'akuwarqankichu, nispa.
13Hinan Abrahamqa qhepanta qhawarikuspa rikurqan huk anejota waqranmanta huk ch'aphra-ch'aphrapi chakaykusqata. Hinaspan payqa asuykuspa anejota hap'irqan, churinpa rantinpitaq ruphachispa sacrificiota haywarqan. 14Hinaspanmi Abrahamqa chayneqta suticharqan “Señor Diosmi churamunqa”, nispa. Chaymi kunankama “Señor Diospa orqonpin churamusqa kanqa”, nispa nisqa.
15Señor Diospa angelnintaq hanaq pachamanta iskaykaq kutita Abrahamta waqyarqan, 16-18hinaspan nirqan:
—Señor Diosmi nin:
Kayta ruwasqaykirayku, manataq sapan churiykita qoyta hark'akuwasqaykiraykupiwanmi ñoqaqa sutiypi jurani anchatapuni qanta saminchanaypaq. Anchatapunin mirayniykita askhayachisaq hanaq pacha ch'askakunata hina, mama qocha pata aqota hina. Mirayniykin awqaykikunata atipanqa, kay llapan ayllukunan mirayninta hina saminchawayku ninqaku, simiyta kasukusqaykirayku, nispa, nispan.
19Abrahamtaq kamachinkunaman kutimpurqan, hinaspan Beersebaman kuska ripurqanku. Beersebapin Abrahamqa tiyarqan.
20Chaykuna qhepatataq Abrahamman willarqanku:
Milkapas wawqeyki Nakorpaqmi wachakun 21phiwi Uzta, wawqen Buzta, Aranpa taytan Kemuelta, 22Kisedta, Hazota, Pildasta, Jidlafta, Betueltawan, nispa. 23Betueltaq Rebecaq taytan karqan. Chay pusaq wawakunatan Milka wachakurqan Abrahampa wawqen Nakorpaq.
24Nakorpa tiyaqmasin Reumpas wachakullarqantaq Tebata, Gahamta, Tahasta, Maakatawan.
Currently Selected:
GÉNESIS 22: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
GÉNESIS 22
22
Abrahampa Isaacta sacrificasqan
1Chaykuna qhepatataq Diosqa Abrahamta probarqan, niykurqantaq:
—Abraham, nispa.
Paytaq kutichirqan:
—Uyarishaykin, nispa.
2Hinan nirqan:
—Kunanqa munasqayki sapallan churiyki Isaacta pusay, hinaspa Moriah kinrayman riy, chaypi payta ruphachina sacrificiota haywamuway ñoqa nisqayki chay huknin orqo patapi, nispa.
3Hinaqtinmi Abrahamqa tutallamanta sayarispa asnonta caronarqan, iskay kamachinta churin Isaactawan waqyarqan. Llant'atapas ruphachina sacrificiopaq llant'arqan, hinaspanmi puririrqan Diospa nisqan cheqasman. 4Kinsakaq p'unchaypitaq Abrahamqa qhawarirqan, hinaspan karumanta chayneqta rikurqan. 5Hinaspanmi Abrahamqa kamachikunata nirqan:
—Kaypi asnontin suyashawayku, ñoqawan waynawantaq haqaykama risaqku, yupaychamusaqku, hinaspataq qankunaman kutimusaqku, nispa.
6Hinaspan Abrahamqa ruphachina sacrificiopaq llant'ata hoqarispa churin Isaacman q'epichirqan, paytaq ninata cuchillotawan makinpi aparikurqan, iskayninkutaq kuska rirqanku. 7Isaactaq taytan Abrahamta nirqan:
—Taytáy, nispa.
Paytaq kutichirqan:
—¿Ima ninkin, churíy? nispa.
Isaactaq nirqan:
—Kayqa ninapas llant'apas, ¿maytaq borregori ruphachina sacrificiopaq? nispa.
8Chaymi Abrahamqa kutichirqan:
—Churíy, kikin Diosmi ruphachina sacrificiopaq borregota churamunqa, nispa.
Iskayninkutaq risharqanku. 9Diospa nisqan cheqasman chayaspankutaq, Abrahamqa altarta perqarqan, hinaspan llant'ata chayman tawqaykurqan. Churin Isaacta mayt'uykuspataq altar pata llant'aman churaykurqan. 10Hinaspan Abrahamqa cuchillota hoqarirqan churinta nak'ananpaq, 11chayllamanmi Señor Diospa angelninqa hanaq pachamanta waqyamuspa nirqan:
—¡Abraham, Abraham! nispa.
Paytaq kutichirqan:
—Uyarishaykin, nispa.
12Hinan nimurqan:
—Ama waynaman makiykita haywariychu, amataq imanaypaschu, yachaniñan Diosta manchakushasqaykita, manan sapan churiyki qoyta hark'akuwarqankichu, nispa.
13Hinan Abrahamqa qhepanta qhawarikuspa rikurqan huk anejota waqranmanta huk ch'aphra-ch'aphrapi chakaykusqata. Hinaspan payqa asuykuspa anejota hap'irqan, churinpa rantinpitaq ruphachispa sacrificiota haywarqan. 14Hinaspanmi Abrahamqa chayneqta suticharqan “Señor Diosmi churamunqa”, nispa. Chaymi kunankama “Señor Diospa orqonpin churamusqa kanqa”, nispa nisqa.
15Señor Diospa angelnintaq hanaq pachamanta iskaykaq kutita Abrahamta waqyarqan, 16-18hinaspan nirqan:
—Señor Diosmi nin:
Kayta ruwasqaykirayku, manataq sapan churiykita qoyta hark'akuwasqaykiraykupiwanmi ñoqaqa sutiypi jurani anchatapuni qanta saminchanaypaq. Anchatapunin mirayniykita askhayachisaq hanaq pacha ch'askakunata hina, mama qocha pata aqota hina. Mirayniykin awqaykikunata atipanqa, kay llapan ayllukunan mirayninta hina saminchawayku ninqaku, simiyta kasukusqaykirayku, nispa, nispan.
19Abrahamtaq kamachinkunaman kutimpurqan, hinaspan Beersebaman kuska ripurqanku. Beersebapin Abrahamqa tiyarqan.
20Chaykuna qhepatataq Abrahamman willarqanku:
Milkapas wawqeyki Nakorpaqmi wachakun 21phiwi Uzta, wawqen Buzta, Aranpa taytan Kemuelta, 22Kisedta, Hazota, Pildasta, Jidlafta, Betueltawan, nispa. 23Betueltaq Rebecaq taytan karqan. Chay pusaq wawakunatan Milka wachakurqan Abrahampa wawqen Nakorpaq.
24Nakorpa tiyaqmasin Reumpas wachakullarqantaq Tebata, Gahamta, Tahasta, Maakatawan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.