Maafiù 6:16-18

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ. Sèè mùŋ kuwo ke tɔùŋ, vìlè e ɗì mɔ̀ɛ̀ muŋ kpalèè niŋ ɓù, yèè muŋ gùà wɔ̀ŋ feìŋ mɔɔ̀ŋ wɔŋ nɔ̀ŋ janjai, wèè kɛ̀ anyuùŋ joo bà go nàŋ nyìmè kɛ̀ mùŋ yaà kè tɔùŋ. Wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.