Olianyanpi kin 21
21
1Unkan hena eḣpewicunyanpi, qa pacanan iyeunyanpi, hehan Kos ekta owotanna unkupi, qa ihanḣanna hehan Rodos ekta, qa hetanhan Patara en iyounhipi.
2Qa hen wita wata wan Phenike ekta watom ye kte cin iyeunyanpi, qa he en unkopapi, qa hetanhan unyanpi.
3Qa Kupros taninyan wanunyakapi, hehan catka tanhan eḣpeya unhiyupi, qa Suria ekta watom unkupi, qa Turos en unhdihunipi, hen wata taku ohnaka kin waḣetajupi kta.
4Unkan waonspewicakiyapi kin iyewicunyanpi, qa hen anpetu śakowin unkokiḣpapi; hena e qe Woniya Wakan eciyatanhan Palos Jerusalem ekta ye kte śni, keciyapi.
5Tuka anpetu kin hena wanna unkihunnipi, hehan hetanhan inaunpapi, qa hena iś tawicupi śiceca ko owasin opapi, otonwe itankata hehanyan, qa huta kin ekta canpeśka makehde inaunjinpi, qa ptaya ceunkiyapi.
6Unkan hehan nape unkiciyuzapi, qa unkiś wata kin en unkopapi, tuka iyepi kin ekta hdapi.
7Unkan Turos etanhan watom unkupi kin he ihunni unkiyapi, hehan Ptolemais ekta unhipi; qa hunkawanjin kiciyapi kin nape wicunyuzapi, qa anpetu wanjidan om unkanpi.
8Unkan ihanḣanna qehan, tona Palos kici unyakonpi kin, hetanhan inaunpapi, qa Kesarea en iyounhipi; qa Philip wotanin waśte oyake cin he ti kin en unyanpi, śakowinpi qon he wanji ee, qa he kici unyakonpi.
9Unkan he cunwintku topa witanśna unpi, hena wokcanpi ece.
10Unkan hen anpetu otaowanji unkanpi kin icunhan, wicaśta wokcan wan Agabos eciyapi, Juda makoce kin hetanhan apamahde hi.
11Qa en unhiyupi qehan, Palos ipiyaka tawa kin icu, qa on siha nape ko iyaihdaśke c̣a, Woniya Wakan kin heya ce, Wicaśta tuwe ipiyaka kin de tawa hecinhan, he Juda wicaśta, Jerusalem ekta, hecen kaśkapi kta, qa Ikcewicaśta kin nape kin en wicaqupi kta ce, eya.
12Unkan he naunḣonpi; qehan, tona en tipi kin hena om, ceunkiyapi, Jerusalem ekta ye kte śni.
13Tuka Palos, Token ecanonpi qa yaceyapi, qa hecen cante mayadutakunipi śni he, Jesus Itancan caje kin on Jerusalem ekta makaśkapi, qa nakun maṭe kta e wiyeya manka ce, eya.
14Unkan wicada śni qehan, unkayaśtanpi qa, Itancan tawacin kin ecen econpi nunwe, unkeyapi.
15Unkan anpetu kin hena iyohakam owasin piunkic̣iyapi, qa Jerusalem ekta itawankanhde unyanpi.
16Nakun Kesarea etanhan waonspewicakiyapi kin wanjikji unkopapi, qa wanji Mnason eciyapi kin he aupi, he Kupros etanhan, wanakaja waonspekiyapi kin heca, he ti kin en unyakonpi kta.
17Unkan Jerusalem ekta iyounhipi, hehan hunkawanjinkiciyapi kin iyuśkinyan tin unkicopi.
18Unkan ihanḣanna kin hehan, Palos kici Jakob ekta unyanpi; unkan hunkawicayapi kin owasin en yukanpi.
19Hena nape wicayuze c̣a, hehan Ikcewicaśta kin ekta iye woyake cin on token Wakantanka econ qon owasin ecekcen owicakiyaka.
20Unkan hena naḣonpi qehan, Itancan kin idowanpi qa Palos heciyapi, Cinye, Juda wicaśta kektopawinge ota wicadapi, qa owasin wicoope kin sutaya awakicinpi kin he wandaka.
21Qa niye, Juda oyate Ikcewicaśta ehna yakonpi kin hena owasin Moses toope kin ahduśtanpi kta e onspewicayakiye c̣a, cinca bawicakiciḣdayapi kte śni, qa wicoḣan kin hena eciyatanhan manipi kte śni, keha keyapi e naḣonpi.
22Heon toketu kta he. Awicakehan wicota kin kawitaya iheyapi kte. Wanna yahi kin he naḣonpi.
23Hecen token unkeniciyapi kin de ecen econ wo. Wicaśta tom token iciconzapi kin hena om unyakonpi.
24Hena owicape c̣a, om ihduska, qa mazaska on owicakiya wo, hecen paha kin hduśdapi kta. Unkan hecen token oniyakapi naḣonpi qon hena taku śni, qa niś eya owotanna mayani, qa wicoope kin opeya yaun kin he owasin sdonyapi kta.
25Tuka Ikcewicaśta, tona wicadapi kin hena wowapi wicunkicagapi, qa wicoḣan kin dena takudan opapi kte śni unkeyapi qon, tuka taku wakagapi wakiyuśnapi, qa we, qa taku we ye śni yuṭapi kin, qa wiinaḣmanpi kin hena en ihdoipi kte śni ce, hecedan unkeyapi.
26Hehan Palos wicaśta kin hena owicape c̣a, ihanḣanna kin hehan om ihduska, qa ihduskapi anpetu kin wanna henakeca kte cin he yuotanin kta e tipi wakan kin tin iyaya; taku qapi wan otoiyohi on wośnapi kta hehantu.
27Unkan anpetu śakowin qon wanna henakeca kte hehan Juda wicaśta, Asia etanhan upi qon hena tipi wakan kin en un wanyakapi qehan, oyate kin owasin iyowicapaśtakapi qa Palos iyaḣpayapi;
28Qa hotaninpi, Israel wicaśta kin, ounkiya po; wicaśta kin de oyate kin en, qa wicoope kin, qa nakun tipi kin de aie c̣a, owancaya hecen onspewicakiya; qa nakun Helenes wicaśta kin tipi wakan kin en awicahi, qa hecen tipi iyotan waśte kin de aśamya ce, eyapi.
29He itokam Trophimos, Ephesos wicaśta kin heca, e otonwe kin en kici un qon he wanyakapi, unkan he Palos tipi wakan kin en ahi, kecinpi.
30Unkan otonwe kin ocowasin nina oqoyapi, oyate kin kawitaya iheyapi, qa Palos icupi, qa tipi wakan kin etanhan tankan yusdohan ayapi, unkan ecahankeya tiyopa kin ecen iyeyapi.
31Wanna ktepi kta e akitapi, hehan akicita tancan wicobe yuhe cin he, Jerusalem owancaya owodutaton ce, eya okiyakapi kin he naḣon;
32Qa kohanna akicita, akicita tancan ko iwicacu, qa inyang ye c̣a ekta wicai. Unkan akicita tancan akicita ko wanwicayakapi qehan, Palos apapi kin ayuśtanpi.
33Hehan akicita tancan kin en ye c̣a, icu, qa maza icicaḣiḣa nom on kaśke wicaśi; qa he tuwe kin, qa token econ kin he, eya iwicawanga.
34Tuka oyate kin hunḣ taku eya hotaninpi, qa hunḣ iś togye eyapi. Unkan owodutaton kin on wowicake kin sdonya okitpani, heon conkaśke kin mahen aye wicaśi.
35Unkan can iyadipi kin en hdipi, hehan akicita kin yuha ayapi, oyate kin aoṭins upi kin heon etanhan.
36Oyate kin iyuḣpa ihakam yapiqa, Yutokan aya po, eya hotaninpi.
37Unkan conkaśke kin mahen ayapi kta, hehan Palos akicita tancan kin heciya, Taku eciciye kta tuka ce iyowinmayakiye kta he. Unkan iś, Helenes iapi kin onnispe he, eya.
38Egupta wicaśta anpetu kin dena itokam icage c̣a, wicaśta wabotica kin hecapi kektopawinge topa ihakam ḣewoskan makoce kin ekta awicaye ciqon he niye śni he.
39Unkan Palos, Juda wicaśta Kilikia en, Taraos otonwe kin hotanhan waun, otonwe śice śni en imacaga. Ceciciya ce, oyate kin taku ewicawakiye kta, iyowinmakiya wo, eya.
40Hecen iyowinkiya; unkan Palos can iyadipi kin akan inajin, qa oyate kin namwicakicawin. Unkan inina yukanpi qehan, Hebrew iapi kin on ie c̣a, hewicakiya;
Currently Selected:
Olianyanpi kin 21: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Olianyanpi kin 21
21
1Unkan hena eḣpewicunyanpi, qa pacanan iyeunyanpi, hehan Kos ekta owotanna unkupi, qa ihanḣanna hehan Rodos ekta, qa hetanhan Patara en iyounhipi.
2Qa hen wita wata wan Phenike ekta watom ye kte cin iyeunyanpi, qa he en unkopapi, qa hetanhan unyanpi.
3Qa Kupros taninyan wanunyakapi, hehan catka tanhan eḣpeya unhiyupi, qa Suria ekta watom unkupi, qa Turos en unhdihunipi, hen wata taku ohnaka kin waḣetajupi kta.
4Unkan waonspewicakiyapi kin iyewicunyanpi, qa hen anpetu śakowin unkokiḣpapi; hena e qe Woniya Wakan eciyatanhan Palos Jerusalem ekta ye kte śni, keciyapi.
5Tuka anpetu kin hena wanna unkihunnipi, hehan hetanhan inaunpapi, qa hena iś tawicupi śiceca ko owasin opapi, otonwe itankata hehanyan, qa huta kin ekta canpeśka makehde inaunjinpi, qa ptaya ceunkiyapi.
6Unkan hehan nape unkiciyuzapi, qa unkiś wata kin en unkopapi, tuka iyepi kin ekta hdapi.
7Unkan Turos etanhan watom unkupi kin he ihunni unkiyapi, hehan Ptolemais ekta unhipi; qa hunkawanjin kiciyapi kin nape wicunyuzapi, qa anpetu wanjidan om unkanpi.
8Unkan ihanḣanna qehan, tona Palos kici unyakonpi kin, hetanhan inaunpapi, qa Kesarea en iyounhipi; qa Philip wotanin waśte oyake cin he ti kin en unyanpi, śakowinpi qon he wanji ee, qa he kici unyakonpi.
9Unkan he cunwintku topa witanśna unpi, hena wokcanpi ece.
10Unkan hen anpetu otaowanji unkanpi kin icunhan, wicaśta wokcan wan Agabos eciyapi, Juda makoce kin hetanhan apamahde hi.
11Qa en unhiyupi qehan, Palos ipiyaka tawa kin icu, qa on siha nape ko iyaihdaśke c̣a, Woniya Wakan kin heya ce, Wicaśta tuwe ipiyaka kin de tawa hecinhan, he Juda wicaśta, Jerusalem ekta, hecen kaśkapi kta, qa Ikcewicaśta kin nape kin en wicaqupi kta ce, eya.
12Unkan he naunḣonpi; qehan, tona en tipi kin hena om, ceunkiyapi, Jerusalem ekta ye kte śni.
13Tuka Palos, Token ecanonpi qa yaceyapi, qa hecen cante mayadutakunipi śni he, Jesus Itancan caje kin on Jerusalem ekta makaśkapi, qa nakun maṭe kta e wiyeya manka ce, eya.
14Unkan wicada śni qehan, unkayaśtanpi qa, Itancan tawacin kin ecen econpi nunwe, unkeyapi.
15Unkan anpetu kin hena iyohakam owasin piunkic̣iyapi, qa Jerusalem ekta itawankanhde unyanpi.
16Nakun Kesarea etanhan waonspewicakiyapi kin wanjikji unkopapi, qa wanji Mnason eciyapi kin he aupi, he Kupros etanhan, wanakaja waonspekiyapi kin heca, he ti kin en unyakonpi kta.
17Unkan Jerusalem ekta iyounhipi, hehan hunkawanjinkiciyapi kin iyuśkinyan tin unkicopi.
18Unkan ihanḣanna kin hehan, Palos kici Jakob ekta unyanpi; unkan hunkawicayapi kin owasin en yukanpi.
19Hena nape wicayuze c̣a, hehan Ikcewicaśta kin ekta iye woyake cin on token Wakantanka econ qon owasin ecekcen owicakiyaka.
20Unkan hena naḣonpi qehan, Itancan kin idowanpi qa Palos heciyapi, Cinye, Juda wicaśta kektopawinge ota wicadapi, qa owasin wicoope kin sutaya awakicinpi kin he wandaka.
21Qa niye, Juda oyate Ikcewicaśta ehna yakonpi kin hena owasin Moses toope kin ahduśtanpi kta e onspewicayakiye c̣a, cinca bawicakiciḣdayapi kte śni, qa wicoḣan kin hena eciyatanhan manipi kte śni, keha keyapi e naḣonpi.
22Heon toketu kta he. Awicakehan wicota kin kawitaya iheyapi kte. Wanna yahi kin he naḣonpi.
23Hecen token unkeniciyapi kin de ecen econ wo. Wicaśta tom token iciconzapi kin hena om unyakonpi.
24Hena owicape c̣a, om ihduska, qa mazaska on owicakiya wo, hecen paha kin hduśdapi kta. Unkan hecen token oniyakapi naḣonpi qon hena taku śni, qa niś eya owotanna mayani, qa wicoope kin opeya yaun kin he owasin sdonyapi kta.
25Tuka Ikcewicaśta, tona wicadapi kin hena wowapi wicunkicagapi, qa wicoḣan kin dena takudan opapi kte śni unkeyapi qon, tuka taku wakagapi wakiyuśnapi, qa we, qa taku we ye śni yuṭapi kin, qa wiinaḣmanpi kin hena en ihdoipi kte śni ce, hecedan unkeyapi.
26Hehan Palos wicaśta kin hena owicape c̣a, ihanḣanna kin hehan om ihduska, qa ihduskapi anpetu kin wanna henakeca kte cin he yuotanin kta e tipi wakan kin tin iyaya; taku qapi wan otoiyohi on wośnapi kta hehantu.
27Unkan anpetu śakowin qon wanna henakeca kte hehan Juda wicaśta, Asia etanhan upi qon hena tipi wakan kin en un wanyakapi qehan, oyate kin owasin iyowicapaśtakapi qa Palos iyaḣpayapi;
28Qa hotaninpi, Israel wicaśta kin, ounkiya po; wicaśta kin de oyate kin en, qa wicoope kin, qa nakun tipi kin de aie c̣a, owancaya hecen onspewicakiya; qa nakun Helenes wicaśta kin tipi wakan kin en awicahi, qa hecen tipi iyotan waśte kin de aśamya ce, eyapi.
29He itokam Trophimos, Ephesos wicaśta kin heca, e otonwe kin en kici un qon he wanyakapi, unkan he Palos tipi wakan kin en ahi, kecinpi.
30Unkan otonwe kin ocowasin nina oqoyapi, oyate kin kawitaya iheyapi, qa Palos icupi, qa tipi wakan kin etanhan tankan yusdohan ayapi, unkan ecahankeya tiyopa kin ecen iyeyapi.
31Wanna ktepi kta e akitapi, hehan akicita tancan wicobe yuhe cin he, Jerusalem owancaya owodutaton ce, eya okiyakapi kin he naḣon;
32Qa kohanna akicita, akicita tancan ko iwicacu, qa inyang ye c̣a ekta wicai. Unkan akicita tancan akicita ko wanwicayakapi qehan, Palos apapi kin ayuśtanpi.
33Hehan akicita tancan kin en ye c̣a, icu, qa maza icicaḣiḣa nom on kaśke wicaśi; qa he tuwe kin, qa token econ kin he, eya iwicawanga.
34Tuka oyate kin hunḣ taku eya hotaninpi, qa hunḣ iś togye eyapi. Unkan owodutaton kin on wowicake kin sdonya okitpani, heon conkaśke kin mahen aye wicaśi.
35Unkan can iyadipi kin en hdipi, hehan akicita kin yuha ayapi, oyate kin aoṭins upi kin heon etanhan.
36Oyate kin iyuḣpa ihakam yapiqa, Yutokan aya po, eya hotaninpi.
37Unkan conkaśke kin mahen ayapi kta, hehan Palos akicita tancan kin heciya, Taku eciciye kta tuka ce iyowinmayakiye kta he. Unkan iś, Helenes iapi kin onnispe he, eya.
38Egupta wicaśta anpetu kin dena itokam icage c̣a, wicaśta wabotica kin hecapi kektopawinge topa ihakam ḣewoskan makoce kin ekta awicaye ciqon he niye śni he.
39Unkan Palos, Juda wicaśta Kilikia en, Taraos otonwe kin hotanhan waun, otonwe śice śni en imacaga. Ceciciya ce, oyate kin taku ewicawakiye kta, iyowinmakiya wo, eya.
40Hecen iyowinkiya; unkan Palos can iyadipi kin akan inajin, qa oyate kin namwicakicawin. Unkan inina yukanpi qehan, Hebrew iapi kin on ie c̣a, hewicakiya;
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.