Johannes 9
9
1Jesus ye cin tahepi, wicaśta wan toka tonpi ehantanhan tonwe śni un e he wanyaka.
2Unkan waonspewicakiye cin wiwangapi qa heyapi; Itancan, tuwe waḣtani he, wicaśta kin de atkuku, hunku, iyeka, wanji tukte waḣtani he, on iśta gonga tonpi he.
3Jesus waaynpte; He iye, qa atkuku, hunku, wanji waḣtanipi on hecece śni; tuka Wakantanka oḣan kin e he ayutaninpi kta e heon.
4Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.
5Tohanyan wicaśta opeya waun kin, oyate iyoyamwicawaya ece, eya.
6Hena heye c̣a hehan makata tagośa, qa tage on upśija kage c̣a, iśtagonge cin iśta kin en upśija ikiciun;
7Qa heciya; Siloam miniyowe, yeśipi eyapi kin he kapi, he ekta ye c̣a en ihdujaja wo. Unkan ekta i, qa on ihdujaja qa hdi, unkan wawanyaka.
8Heon itan anog tipi, qa tona wicaśta iśtagonge cin wanyakapi ece qon hena, Tuwe timata iyotang un qon he dee se, eyapi.
9Wanjikji, He dee ce, eyapi: qa toktokeca iś, He de iyececa ce: tuka iye kin, He miye ce, eya.
10Unkan, Tokiya tanhan de on niiśta kin dumdaya he, eciyapi.
11Unkan iye waayupte c̣a heya; Wicaśta wan Jesus eciyapikin he upśija kage c̣a, iśta anokatanhan imiciun, qa, Siloam miniowe kin ekta ye ca, mini on ihdujaja wo, emakiya qehan, ekta wai, qa mihdujaja, unkan watonwan, eya.
12Unkan, Wicaśta kin he tukte e he, eciyapi. Sdonwaye śni ce, eya.
13Wicaśta iśtagonge ciqon he Pharisee kin en wicakaipi.
14Unkan anpetu wakan icunhan, Jesus upśija kage c̣a on wicaśta kin he iśta yukawakiya.
15Hehan Pharisee kin iś ake, token on iśta yukawapi hecinhan he iwangapi. Unkan, Upsija e iśta kin en imaun qa mihdujaja, unkan watonwan, ewicakiya.
16Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.
17Ake wicaśta iśtagonge ciqon heciyapi; Qa niś token eyakiya he, iśta tonweniye cin. Unkan, He wicaśta wokcan kin heca ce, eya.
18Wicaśta kin he iśta gonga tuka ihnuhanna tonwe cin he Juda oyate kin wicadapi śni, heon tuwe iśta tonweyeyapi kin atkuku hunku ko wicakicopi;
19Qa wiwicawangapi qa heyapi; De nicincapi qa tonwe śni tonpi kehapi he; qa tokiyatanhan nakaha tonwan he.
20Atkuku hunku ko waayuptapi qa heyapi; De unkicincapi tonwe śni tonpi he sdonunyanpi;
21Tuka nakaha tokiya tanhan on tonwe cin de sdonunyanpi śni. Qa iśta yukawa kin de nakun sdonunyanpi śni; iś eya hokśike śni kin, iye iwanga po, toketu kin he ecen eye kta ce.
22Juda oyate kowicakipapi, qa heon etanhan atkuku hunku kici hecen eyapi. Tuwe, Messiya kin hee, taninyan eye cinhan, he omniciye tipi kin etanhan tankan iyeyapi kta, Juda oyate kin wanna wakiconzapi.
23He etanhan, Iye eś hokśike śni kin, iye atayedan winungapi śni, atkuku hunku kici eyapi.
24Hehan ake icinonpa wicaśta iśtagonge ciqon ho wiwangapi qa heciyapi; Wakantanka woyatan qu wo; wicaśta kin he waḣtani sa sdonunyanpi ce.
25Iye waayupte c̣a heya; He waḣtani sa hecinhan sdonwaye śni; tuka taku wanji sdonwaya; iśtamagonga tuka nakaha watonwe cin he.
26Unkan, Taku tokanicon qa on iśta kin niyukawa he, ake eciyapi.
27Unkan awicayupte; Wanna eya keś ociciyakapi, tuka nayaḣonpi śni; ake icinonpa nayaḣonpi yacinpi he; niś eya waonspewicakiye cin hen ope nihdawapi kta he, eya.
28Hehan iwaḣtedapi śni qa heyapi; Waonspewicakiye cin he wanji niye; tuka Moses waonspewicakiye cin he unkiyepi.
29Wakan tanka Moses he okiya sdonunyanpi, tuka wicaśta kin de tokiyatanhan u kin sdonunyanpi śni ce.
30Unkan wicaśta kin he waayupte c̣a hewicakiya; Taku wowinihan kin he dee; naka ista mayumdaya, tuka tokiyatanhan u kin sdonyayapi śni.
31Waḣtanipi sa kin hena Wakantanka anawicagoptan śni ece, tuka tuwe Wakantanka yuonihan, qa tawacin okicipe cin, hee Wakantanka anakigoptan e sdonunyanpi.
32Otokaheya tanhan tuwe wicaśta tonwe śni tonpi iśta kiyukawa oyakapi kin tuwedan naḣon śni ce.
33Wicaśta kin de Wakantanka eciyatanhan śni unkanś takudan okihi kte śni ce, eya.
34Unkan waayuptapi qa, Woaḣtani ocowasin ehna nitonpi, tuka waonspeunyakiyapi kta kecanni he, eciyapi; qa tankan iyeyapi.
35Tankan iyeyapi kin he Jesus naḣon; qa akipa, unkan, Wakantanka Cinhintku kin wicayada he, eciya.
36Iye waayupte c̣a, He tuwe he, itancan, wicawada kta ce, eya.
37Wandake c̣a he iye e oniciya, Jesus eya.
38Unkan, Itancan wicawada, eyaya itokam canpeśka makehde inajin.
39Unkan Jesus heya; Oyate kin de ekta wicawahi, wicaśta tone tonwe śni kin hena tonwanpi kta, qa tona tonwe cin hena iśtagongapi kta, he woyaco kin hduha wani ce.
40Unkan Pharisee kicicapi kin hena naḣonpi, unkan, Unkiś eya iśtaungongapi he, eciyapi.
41Iśtanigongapi unkanś woaḣtani wanin yaunpi kta; tuka nakaha, Untonwanpi ce, ehapi; heon woaḣtani niyukanpi, Jesus ewicakiya.
Currently Selected:
Johannes 9: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Johannes 9
9
1Jesus ye cin tahepi, wicaśta wan toka tonpi ehantanhan tonwe śni un e he wanyaka.
2Unkan waonspewicakiye cin wiwangapi qa heyapi; Itancan, tuwe waḣtani he, wicaśta kin de atkuku, hunku, iyeka, wanji tukte waḣtani he, on iśta gonga tonpi he.
3Jesus waaynpte; He iye, qa atkuku, hunku, wanji waḣtanipi on hecece śni; tuka Wakantanka oḣan kin e he ayutaninpi kta e heon.
4Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.
5Tohanyan wicaśta opeya waun kin, oyate iyoyamwicawaya ece, eya.
6Hena heye c̣a hehan makata tagośa, qa tage on upśija kage c̣a, iśtagonge cin iśta kin en upśija ikiciun;
7Qa heciya; Siloam miniyowe, yeśipi eyapi kin he kapi, he ekta ye c̣a en ihdujaja wo. Unkan ekta i, qa on ihdujaja qa hdi, unkan wawanyaka.
8Heon itan anog tipi, qa tona wicaśta iśtagonge cin wanyakapi ece qon hena, Tuwe timata iyotang un qon he dee se, eyapi.
9Wanjikji, He dee ce, eyapi: qa toktokeca iś, He de iyececa ce: tuka iye kin, He miye ce, eya.
10Unkan, Tokiya tanhan de on niiśta kin dumdaya he, eciyapi.
11Unkan iye waayupte c̣a heya; Wicaśta wan Jesus eciyapikin he upśija kage c̣a, iśta anokatanhan imiciun, qa, Siloam miniowe kin ekta ye ca, mini on ihdujaja wo, emakiya qehan, ekta wai, qa mihdujaja, unkan watonwan, eya.
12Unkan, Wicaśta kin he tukte e he, eciyapi. Sdonwaye śni ce, eya.
13Wicaśta iśtagonge ciqon he Pharisee kin en wicakaipi.
14Unkan anpetu wakan icunhan, Jesus upśija kage c̣a on wicaśta kin he iśta yukawakiya.
15Hehan Pharisee kin iś ake, token on iśta yukawapi hecinhan he iwangapi. Unkan, Upsija e iśta kin en imaun qa mihdujaja, unkan watonwan, ewicakiya.
16Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.
17Ake wicaśta iśtagonge ciqon heciyapi; Qa niś token eyakiya he, iśta tonweniye cin. Unkan, He wicaśta wokcan kin heca ce, eya.
18Wicaśta kin he iśta gonga tuka ihnuhanna tonwe cin he Juda oyate kin wicadapi śni, heon tuwe iśta tonweyeyapi kin atkuku hunku ko wicakicopi;
19Qa wiwicawangapi qa heyapi; De nicincapi qa tonwe śni tonpi kehapi he; qa tokiyatanhan nakaha tonwan he.
20Atkuku hunku ko waayuptapi qa heyapi; De unkicincapi tonwe śni tonpi he sdonunyanpi;
21Tuka nakaha tokiya tanhan on tonwe cin de sdonunyanpi śni. Qa iśta yukawa kin de nakun sdonunyanpi śni; iś eya hokśike śni kin, iye iwanga po, toketu kin he ecen eye kta ce.
22Juda oyate kowicakipapi, qa heon etanhan atkuku hunku kici hecen eyapi. Tuwe, Messiya kin hee, taninyan eye cinhan, he omniciye tipi kin etanhan tankan iyeyapi kta, Juda oyate kin wanna wakiconzapi.
23He etanhan, Iye eś hokśike śni kin, iye atayedan winungapi śni, atkuku hunku kici eyapi.
24Hehan ake icinonpa wicaśta iśtagonge ciqon ho wiwangapi qa heciyapi; Wakantanka woyatan qu wo; wicaśta kin he waḣtani sa sdonunyanpi ce.
25Iye waayupte c̣a heya; He waḣtani sa hecinhan sdonwaye śni; tuka taku wanji sdonwaya; iśtamagonga tuka nakaha watonwe cin he.
26Unkan, Taku tokanicon qa on iśta kin niyukawa he, ake eciyapi.
27Unkan awicayupte; Wanna eya keś ociciyakapi, tuka nayaḣonpi śni; ake icinonpa nayaḣonpi yacinpi he; niś eya waonspewicakiye cin hen ope nihdawapi kta he, eya.
28Hehan iwaḣtedapi śni qa heyapi; Waonspewicakiye cin he wanji niye; tuka Moses waonspewicakiye cin he unkiyepi.
29Wakan tanka Moses he okiya sdonunyanpi, tuka wicaśta kin de tokiyatanhan u kin sdonunyanpi śni ce.
30Unkan wicaśta kin he waayupte c̣a hewicakiya; Taku wowinihan kin he dee; naka ista mayumdaya, tuka tokiyatanhan u kin sdonyayapi śni.
31Waḣtanipi sa kin hena Wakantanka anawicagoptan śni ece, tuka tuwe Wakantanka yuonihan, qa tawacin okicipe cin, hee Wakantanka anakigoptan e sdonunyanpi.
32Otokaheya tanhan tuwe wicaśta tonwe śni tonpi iśta kiyukawa oyakapi kin tuwedan naḣon śni ce.
33Wicaśta kin de Wakantanka eciyatanhan śni unkanś takudan okihi kte śni ce, eya.
34Unkan waayuptapi qa, Woaḣtani ocowasin ehna nitonpi, tuka waonspeunyakiyapi kta kecanni he, eciyapi; qa tankan iyeyapi.
35Tankan iyeyapi kin he Jesus naḣon; qa akipa, unkan, Wakantanka Cinhintku kin wicayada he, eciya.
36Iye waayupte c̣a, He tuwe he, itancan, wicawada kta ce, eya.
37Wandake c̣a he iye e oniciya, Jesus eya.
38Unkan, Itancan wicawada, eyaya itokam canpeśka makehde inajin.
39Unkan Jesus heya; Oyate kin de ekta wicawahi, wicaśta tone tonwe śni kin hena tonwanpi kta, qa tona tonwe cin hena iśtagongapi kta, he woyaco kin hduha wani ce.
40Unkan Pharisee kicicapi kin hena naḣonpi, unkan, Unkiś eya iśtaungongapi he, eciyapi.
41Iśtanigongapi unkanś woaḣtani wanin yaunpi kta; tuka nakaha, Untonwanpi ce, ehapi; heon woaḣtani niyukanpi, Jesus ewicakiya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.