Roma 8
8
1Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.
2Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.
3Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.
4Hecen tona wicaceḣpi kin eciyatanhan maunnipi śni, tuka Woniya eciyatanhan, unkiyepi en woope wicoowotanna kin ecetu kta.
5Tona wicaceḣpi eciyatanhan un kin hena wicaceḣpi taku tawa kin awacinpi; qa tona Woniya kin eciyatanhan un kin hena taku Woniya tawa kin awacinpi.
6Wicaceḣpi awacinpi kin he wiconṭe kin ee; tuka Woniya awacinpi kin he wiconi qa wookiyo kin hee.
7Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.
8Hecen tona wicaceḣpi kin en un kin hena Wakantanka iyokipi yapi kta okitpanipi.
9Tuka niyepi wicaceḣpi kin en yaunpi śni, Woniya kin en yaunpi, Wakantanka Taniya kin niyepi kin en ounye cinhan, Qa tuwe Messiya Taniya kin yuhe śni kinhan he tawa śni.,
10Qa Messiya en niunpi kinhan, wicatancan kin he woaḣtani eciyatanhan ta, tuka wicanagi kin he wiconi un, wicoowotanna eciyatanhan.
11Tuwe Jesus wicaṭe cin etanhan najin kiye ciqon he Taniya kin niyepi en ounye cinhan, tuwe Messiya wicaṭe cin etanhan najin kiye ciqon hee nitancan ṭapi kte cin ekicetu ye kta, iye Taniya Wakan niyepi en ounye cin he eciyatanhan.
12Heon etanhan, mihunkawanji, wicaceḣpi kin takudan ikicazo śni unyakonpi, on etanhan wicaceḣpi kin eciyatanhan unnipi kta.
13Wicaceḣpi kin eciyatanhan yanipi kinhan niṭapi kta; tuka Woniya kin eciyatanhan wicatancan wicoḣan kin ṭe yakiyapi kinhan yanipi kta.
14Wakantanka Taniya kin tona yus awicaye cin hena Wakantanka cinca wicaye cin eepi.
15Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.
16Qa Wakantanka cinca kin heuncapi e unnagipi kin kici Woniya kin e unyuotaninpi.
17Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.
18De nakaha wicokakije kin he, wowitan unkiyepi en ecadan yutaninpi kte cin kici akiyecen yawapi kta e iyecece śni wadaka.
19Wakantanka cinca wicayutaninpi kte cin on taku kagapi kin cantokpaniyan ape yanka.
20Taku kagapi kin he woecetu śni kin en ihukuya ye kta cin śni, tuka tuwe woape on he wowidagye cin hee on etanhan.
21Qa taku kagapi kin hee kaeś wicaḣwin wowidagyapi kin etanhan kiyuśkapi kta, qa Wakantanka cincawicaye cin ihduhapi wowitan kin en yeyapi kta.
22Taku icage cin owasin dehanyan witaya comnihdazi, qa hokśiksuya un e sdonunyanpi.
23Qa hecedan śni, tuka unkiś eya Woniya kin taku tokaheya icaḣya unhapi kin, unkiyepi qe comniunhdazipi, qaatayedan cinca yapi kte cin unkapepi, unkitancanpi ekicetu ye kte cin hee.
24Woape kin on niunyanpi; tuka woape wanyakapi kin he woape kin ee śni, tuwe taku wanyake cinhan tokeca e nahaḣin ape yanka he.
25Tuka taku wanunyakapi śni kin he unkapepi hecinhan, hehan wacintankapi on unkicupi kta e ape unyakonpi ece.
26Qa nakun Woniya kin iś waunsakapi śni kin en icunhan ounkiyapi ece. Token woeekiye unkeyapi kte cin sdonunkiyapi śni, tuka Woniya kin e qe unkiyepi on wocekiye eya, howayapi oyagpica śni kin on.
27Qa tuwe wicacante iyukcan kin he Woniya kin token wacin yuze cin sdonya, he Wakantanka tawacin kin eciyatanhan tona owotanna un kin hena on wocekiye eya ece.
28Unkan Wakantanka waśte dakapi kin hena taku owasin tanyan owicakiḣan ece e sdonunyanpi, tona iye tawacin kin eciyatanhan wicakicopi kin hena.
29Tona otokaheya tanhan sdonwicakiye ciqon hena wicakicenza, iye Cinhintku nuncage kin en icagapi kte cin heon, qa hecen he hunkawanjitku ota ehna tokapa kta.
30Qa tona wicakiconze ciqon hena wicakico; qa tona wicakicoqon hena wicayaowotanna; qa tona wicayaowotanna qon hena iś eya wioayutan.
31Heon etanhan hena taku kin en taku unkeyapi kta he. Wakantanka unkicipi un kinhan, tuwe kaśeunyanpi kta he.
32Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.
33Tona Wakantanka wicakaḣnige cin hena tuwe taku iyawicaonpe kta he. Wicayaowotanna kin he Wakantanka kin ee ce.
34Tuwe wayaco kta he. Tuwe ṭe ciqon he Messiya ee, qa ake piya ikicage cin hee, Wakantanka etapa kin eciyatanhan yanke c̣a, unkiyepi on wocekiye eciya.
35Tuwe Messiya towaśte kin etanhan unyuśpapi kta he. Wicokakije, wośitkihda, wicokicize, wicaakiḣan, tancowicakadan, wokokipe, qa maza sagye okihi kta he.
36(Owapi qon he hecetu, Niye kin on anpetu ohinniyan unktepi unyakonpi, taḣinca ktepi kte cin iyecen unyawapi ce.)
37Tuka hena taku kin owasin en, tuwe canteunkiyapi qon he eciyatanhan, tanyan ohiye unyakonpi.
38Heon, wiconṭe, qa wiconi, qa maḣpiya ohnihde cin hena, qa wokiconze kin, qa wicowaśake kin, qa taku nakaha un kin taku u kte cin ko;
39Qa taku wankantuya un kin, qa taku mahentuya un kin, qa taku icage cin tokeca, takuan Wakantanka towaśte, Jesus Messiya Itancan unkiyapi en un kin, he etanhan unyuśpapi kte śni e sdonwaye ḣinca.
Currently Selected:
Roma 8: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Roma 8
8
1Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.
2Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.
3Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.
4Hecen tona wicaceḣpi kin eciyatanhan maunnipi śni, tuka Woniya eciyatanhan, unkiyepi en woope wicoowotanna kin ecetu kta.
5Tona wicaceḣpi eciyatanhan un kin hena wicaceḣpi taku tawa kin awacinpi; qa tona Woniya kin eciyatanhan un kin hena taku Woniya tawa kin awacinpi.
6Wicaceḣpi awacinpi kin he wiconṭe kin ee; tuka Woniya awacinpi kin he wiconi qa wookiyo kin hee.
7Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.
8Hecen tona wicaceḣpi kin en un kin hena Wakantanka iyokipi yapi kta okitpanipi.
9Tuka niyepi wicaceḣpi kin en yaunpi śni, Woniya kin en yaunpi, Wakantanka Taniya kin niyepi kin en ounye cinhan, Qa tuwe Messiya Taniya kin yuhe śni kinhan he tawa śni.,
10Qa Messiya en niunpi kinhan, wicatancan kin he woaḣtani eciyatanhan ta, tuka wicanagi kin he wiconi un, wicoowotanna eciyatanhan.
11Tuwe Jesus wicaṭe cin etanhan najin kiye ciqon he Taniya kin niyepi en ounye cinhan, tuwe Messiya wicaṭe cin etanhan najin kiye ciqon hee nitancan ṭapi kte cin ekicetu ye kta, iye Taniya Wakan niyepi en ounye cin he eciyatanhan.
12Heon etanhan, mihunkawanji, wicaceḣpi kin takudan ikicazo śni unyakonpi, on etanhan wicaceḣpi kin eciyatanhan unnipi kta.
13Wicaceḣpi kin eciyatanhan yanipi kinhan niṭapi kta; tuka Woniya kin eciyatanhan wicatancan wicoḣan kin ṭe yakiyapi kinhan yanipi kta.
14Wakantanka Taniya kin tona yus awicaye cin hena Wakantanka cinca wicaye cin eepi.
15Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.
16Qa Wakantanka cinca kin heuncapi e unnagipi kin kici Woniya kin e unyuotaninpi.
17Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.
18De nakaha wicokakije kin he, wowitan unkiyepi en ecadan yutaninpi kte cin kici akiyecen yawapi kta e iyecece śni wadaka.
19Wakantanka cinca wicayutaninpi kte cin on taku kagapi kin cantokpaniyan ape yanka.
20Taku kagapi kin he woecetu śni kin en ihukuya ye kta cin śni, tuka tuwe woape on he wowidagye cin hee on etanhan.
21Qa taku kagapi kin hee kaeś wicaḣwin wowidagyapi kin etanhan kiyuśkapi kta, qa Wakantanka cincawicaye cin ihduhapi wowitan kin en yeyapi kta.
22Taku icage cin owasin dehanyan witaya comnihdazi, qa hokśiksuya un e sdonunyanpi.
23Qa hecedan śni, tuka unkiś eya Woniya kin taku tokaheya icaḣya unhapi kin, unkiyepi qe comniunhdazipi, qaatayedan cinca yapi kte cin unkapepi, unkitancanpi ekicetu ye kte cin hee.
24Woape kin on niunyanpi; tuka woape wanyakapi kin he woape kin ee śni, tuwe taku wanyake cinhan tokeca e nahaḣin ape yanka he.
25Tuka taku wanunyakapi śni kin he unkapepi hecinhan, hehan wacintankapi on unkicupi kta e ape unyakonpi ece.
26Qa nakun Woniya kin iś waunsakapi śni kin en icunhan ounkiyapi ece. Token woeekiye unkeyapi kte cin sdonunkiyapi śni, tuka Woniya kin e qe unkiyepi on wocekiye eya, howayapi oyagpica śni kin on.
27Qa tuwe wicacante iyukcan kin he Woniya kin token wacin yuze cin sdonya, he Wakantanka tawacin kin eciyatanhan tona owotanna un kin hena on wocekiye eya ece.
28Unkan Wakantanka waśte dakapi kin hena taku owasin tanyan owicakiḣan ece e sdonunyanpi, tona iye tawacin kin eciyatanhan wicakicopi kin hena.
29Tona otokaheya tanhan sdonwicakiye ciqon hena wicakicenza, iye Cinhintku nuncage kin en icagapi kte cin heon, qa hecen he hunkawanjitku ota ehna tokapa kta.
30Qa tona wicakiconze ciqon hena wicakico; qa tona wicakicoqon hena wicayaowotanna; qa tona wicayaowotanna qon hena iś eya wioayutan.
31Heon etanhan hena taku kin en taku unkeyapi kta he. Wakantanka unkicipi un kinhan, tuwe kaśeunyanpi kta he.
32Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.
33Tona Wakantanka wicakaḣnige cin hena tuwe taku iyawicaonpe kta he. Wicayaowotanna kin he Wakantanka kin ee ce.
34Tuwe wayaco kta he. Tuwe ṭe ciqon he Messiya ee, qa ake piya ikicage cin hee, Wakantanka etapa kin eciyatanhan yanke c̣a, unkiyepi on wocekiye eciya.
35Tuwe Messiya towaśte kin etanhan unyuśpapi kta he. Wicokakije, wośitkihda, wicokicize, wicaakiḣan, tancowicakadan, wokokipe, qa maza sagye okihi kta he.
36(Owapi qon he hecetu, Niye kin on anpetu ohinniyan unktepi unyakonpi, taḣinca ktepi kte cin iyecen unyawapi ce.)
37Tuka hena taku kin owasin en, tuwe canteunkiyapi qon he eciyatanhan, tanyan ohiye unyakonpi.
38Heon, wiconṭe, qa wiconi, qa maḣpiya ohnihde cin hena, qa wokiconze kin, qa wicowaśake kin, qa taku nakaha un kin taku u kte cin ko;
39Qa taku wankantuya un kin, qa taku mahentuya un kin, qa taku icage cin tokeca, takuan Wakantanka towaśte, Jesus Messiya Itancan unkiyapi en un kin, he etanhan unyuśpapi kte śni e sdonwaye ḣinca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.