Luku 17
17
Tar kɔru tar dɔ dəw tə̂
1Jeju pa arə njê-njaje goe tə̂ nan: «Nɛ̂n kə̂ a dda karə dəw oso mə majang tə̂ a to kə ndɔ tɔyn. A to ndoo nya karə dəw kə̂ a kərə njê-marɛ̂je karə dosoje mə majang tə̂. 2Karə n̂-tɔ ər kə̂ ɔɔy gɔsɛ̂ tə̂ dilɛ̂ mə ba-katə tə̂ maji arɛ̂ uta karə n̂-dda narə ngonn-kâra horo ngann marɛ̂je tə̂ nəənn oso mə majang tə̂. 3Aaje rɔse! Bbo ngokɔin dda majang a, ə-pa kəmɛ̂ tə̂, â bbo n̂-turu məɛ̂ a, ɔru tar dɔɛ̂ tə̂. 4A bbo ndɔ tə̂ kə̂ kâra baa njaa n̂-dda səi majang gɔl siri ngaâ n̂-təl rɔi tə̂ gɔl siri tɔ, n̂-pa nari nan: ‹M-ndiki ta kinya ddəw majang kə̂ m-dda› le a, ɔru tar dɔɛ̂ tə̂.»
Tar mə-kunn
5 Njê-kaw-kulaje paje arə Əbbə-dəwje nan: «Ə-dda mə-kunn ləje arə bo.» 6A Əbbə-dəwje ilade tə̂ nan: «Bbo mə-kunn ləse to ngaji tokə lə kandə mutardə kə tɛn baa le a, â kasəje ta pa karə kakə sikɔmɔr nəənn nan: ‹Ɔru rɔi kə ngirai tɔyn aw maan rɔi baâ› a, nâ koo tase.»
Njê-njaje go Jeju tə̂ toje to njê-kulaje baa
7«Nân horose tə̂ nəənn, bbo nje-kula laa aw ndɔɔ wase aw ngəm nɛ̂n-kuulje ngaâ bbo nje-kula laa le in muû təl a, a pa karɛ̂ nan: ‹Ə-ddee njangə isi ta nɛ̂n-kusa tə̂ usa› wa? 8Nâ pa baann ang. Nâ pa nan: ‹Ə-dda nɛ̂n-kusa kə̂ lo-kul tə̂ arəm, ula kubbu kə̂ maji bbo ə-ddee kə nɛ̂n-kusa le arəm musa, ta arəm nɛ̂n may. Goe tə̂ bba ta əi kara usa nɛ̂n ta ay nɛ̂n.› 9Nâ karə wooyo nje-kula le mba kula kə̂ n̂-dda kə turu ndue le wa? Nâ dda baann ang.
10«Ddəw kâra baa, sese kara, bbo ə-ddaje nɛ̂n tɔyn kə turu ndu kə̂ dunn darəse a, aw paje nan: N-to njê-kulaje baa. N-dda nɛ̂n kə̂ to tar ləje ta dda.»
Jeju aji njê-banjije dɔku
11Kaw lə Jeju kə Jerujalɛm a, n̂-nday horo nangə tə̂ kə̂ Samari kə Galile. 12Kar tə̂ kə̂ naw nandə mə marə bbe tə̂ a, njê-banjije dɔku ddeeje kə rɔɛ̂ tə̂. 13Darje ddəw əw bba n̂-paje kə taar nan: «Jeju, Nje-nɛ̂n-tɔju, oo kəm-to-ndoo ləje bbo!»
14Jeju oode a, pa arəde nan: «Aw tɔjuje rɔse njê-poloje Lubba.» Kar tə̂ kə̂ daw dawje a, rɔde təl ddee maji. 15Marɛ̂ kâra horode tə̂ oo rɔɛ̂ kə̂ ddee maji le a, uru təl ngaâ ɔsu gaji Lubba uru nɛ̂n əkii. 16Noso nangə̂, n̂-dəbbə kəmɛ̂ kə nangə̂ nɔn gɔl Jeju tə̂ ngaâ narɛ̂ wooyo. N̂-to dəw kə̂ Samari. 17Jeju duju tar nan: «Njê-banjije le dɔku tɔyn njaa rɔde ddee maji ang wa? A dede kə̂ jikara deeje dda wa? 18Bbayɛ̂ njaa to nje-mba nəənn â təl ddee mba kɔsu gaji Lubba wa?» 19Goe tə̂ a, n̂-pa narɛ̂ nan: «In taar aw lo ləi, mə-kunn ləi aji mban!»
Kɔn-mbay lə Lubba
20 Parijinyɛje dujuje Jeju ta gərə kar kə̂ kɔn-mbay lə Lubba le a ddee nɛ̂n, a nilade tə̂ nan: «Kɔn-mbay lə Lubba aw ddee tokə nɛ̂n kə̂ dəw aw oo kə kəmɛ̂ ang. 21‹Ooje, ye â nəənn› wase ‹ye â yoonn› Dəwje a paje baann ang. Mba kɔn-mbay lə Lubba le ee horose tə̂ mban.»
Ndɔ kə̂ Ngonn lə dəw a təl nɛ̂n
22Goe tə̂ a, Jeju pa arə njê-njaje goe tə̂ nan: «Marə ndɔje kə̂ aw ddeeje, maal koo marə ndɔ kâra horo ndɔje tə̂ lə Ngonn lə dəw a ddase, a â kooje ndɔ le ang. 23Dâ pa karəse nan: ‹Nee yoonn!› wase ‹Nee nəənn!› Awje loe tə̂ ang ddəm aynje ngɔru kə loe tə̂ ang ddəm. 24To ddəw kâra baa tokə ndi kə̂ təəl a, ndoko kɔyn dara tə̂ kâra uru ye tə̂ kə̂ kâra. Ndɔ təl lə Ngonn lə dəw a to tokə baann tɔ. 25A maji karə noo ndoo nya dɔngɔr ngaâ dəwje kə̂ bbasinɛn nəənn mbəteje bba. 26Ndɔ kə̂ Ngonn lə dəw a təl ddee nɛ̂n le, nɛ̂nje a toje tokə dɔ ndɔ tə̂ lə Nowe. 27Dɔ ndɔɛ̂ tə̂ənn le dəwje aw usaje, aw ayje, daw taaje naan, daw darəje ngaw wase dɛnɛ̂n ngannde ndərəng ndɔ tə̂ kə̂ Nowe andə nɛ̂n mə tɔkə to tə̂. Maann ndi taa lo arə dəwje le oyje tɔyn. 28Ndɔ təl lə Ngonn lə dəw a to tokə dɔ ndɔ lə Lotə. Dəwje aw usaje, aw ayje, aw ndokoje nɛ̂n, aw labbəje nɛ̂n, aw dubbuje nɛ̂n, aw ddaje kəyje. 29A ndɔ kə̂ Lotə unda nɛ̂n lo tee kə ddang mə bbe tə̂ kə̂ Sɔdɔm le, puru kə supərə#17:29 Supərə to marə nɛ̂n kə̂ kasɛ tokə bu-matə kə̂ aw ɔn puru ngaâ aw tunga nya ngaâ ətə maji ang. in darâ gayn tokə lə ndi ngaâ tɔl dəwje tɔyn. 30Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.
31«Dɔ ndɔɛ̂ tə̂ənn, bbo dəw isi dɔ kəy tə̂ ngaâ nɛ̂nje laa to mə kəy tə̂ a, maji karə n̂-ddisi mba koto ang#17:31 Matiye 24:17. Bbo dəw ee ndɔɔ̂ a, təl aw bbe ang. 32Oleje məse dɔ dɛnɛ̂n tə̂ lə Lotə. 33Dəw kə̂ aw sangə ddəw ta ngəm təbbə laa a, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂, a təl kinga təbbə laa le. 34M-pa marəse, mə tile tə̂ənn bbo dəwje joo toje dɔ tira tə̂ kâra baa a, dâ kunn marɛ̂ kâra, a dâ kinya ne kə̂ kâra. 35Dɛnɛ̂nje joo kə̂ aw uruje nɛ̂n birî naan tə̂, dâ kunn marɛ̂ kâra, a dâ kinya ne kə̂ kâra. [36Dingawje joo kə̂ eeje mə ndɔɔ tə̂, dâ kunn marɛ̂ kâra, a dâ kinya ne kə̂ kâra.]» 37Njê-njaje goe tə̂ dujeje nan: «Əbbə-dəwje, lo kə̂ dda bba nɛ̂njeenn a toje tə̂ wa?» Jeju ilade tə̂ nan: «Lo kə̂ niinn to tə̂ a, malje a mbɔnje naan tə̂.»
Currently Selected:
Luku 17: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA
Luku 17
17
Tar kɔru tar dɔ dəw tə̂
1Jeju pa arə njê-njaje goe tə̂ nan: «Nɛ̂n kə̂ a dda karə dəw oso mə majang tə̂ a to kə ndɔ tɔyn. A to ndoo nya karə dəw kə̂ a kərə njê-marɛ̂je karə dosoje mə majang tə̂. 2Karə n̂-tɔ ər kə̂ ɔɔy gɔsɛ̂ tə̂ dilɛ̂ mə ba-katə tə̂ maji arɛ̂ uta karə n̂-dda narə ngonn-kâra horo ngann marɛ̂je tə̂ nəənn oso mə majang tə̂. 3Aaje rɔse! Bbo ngokɔin dda majang a, ə-pa kəmɛ̂ tə̂, â bbo n̂-turu məɛ̂ a, ɔru tar dɔɛ̂ tə̂. 4A bbo ndɔ tə̂ kə̂ kâra baa njaa n̂-dda səi majang gɔl siri ngaâ n̂-təl rɔi tə̂ gɔl siri tɔ, n̂-pa nari nan: ‹M-ndiki ta kinya ddəw majang kə̂ m-dda› le a, ɔru tar dɔɛ̂ tə̂.»
Tar mə-kunn
5 Njê-kaw-kulaje paje arə Əbbə-dəwje nan: «Ə-dda mə-kunn ləje arə bo.» 6A Əbbə-dəwje ilade tə̂ nan: «Bbo mə-kunn ləse to ngaji tokə lə kandə mutardə kə tɛn baa le a, â kasəje ta pa karə kakə sikɔmɔr nəənn nan: ‹Ɔru rɔi kə ngirai tɔyn aw maan rɔi baâ› a, nâ koo tase.»
Njê-njaje go Jeju tə̂ toje to njê-kulaje baa
7«Nân horose tə̂ nəənn, bbo nje-kula laa aw ndɔɔ wase aw ngəm nɛ̂n-kuulje ngaâ bbo nje-kula laa le in muû təl a, a pa karɛ̂ nan: ‹Ə-ddee njangə isi ta nɛ̂n-kusa tə̂ usa› wa? 8Nâ pa baann ang. Nâ pa nan: ‹Ə-dda nɛ̂n-kusa kə̂ lo-kul tə̂ arəm, ula kubbu kə̂ maji bbo ə-ddee kə nɛ̂n-kusa le arəm musa, ta arəm nɛ̂n may. Goe tə̂ bba ta əi kara usa nɛ̂n ta ay nɛ̂n.› 9Nâ karə wooyo nje-kula le mba kula kə̂ n̂-dda kə turu ndue le wa? Nâ dda baann ang.
10«Ddəw kâra baa, sese kara, bbo ə-ddaje nɛ̂n tɔyn kə turu ndu kə̂ dunn darəse a, aw paje nan: N-to njê-kulaje baa. N-dda nɛ̂n kə̂ to tar ləje ta dda.»
Jeju aji njê-banjije dɔku
11Kaw lə Jeju kə Jerujalɛm a, n̂-nday horo nangə tə̂ kə̂ Samari kə Galile. 12Kar tə̂ kə̂ naw nandə mə marə bbe tə̂ a, njê-banjije dɔku ddeeje kə rɔɛ̂ tə̂. 13Darje ddəw əw bba n̂-paje kə taar nan: «Jeju, Nje-nɛ̂n-tɔju, oo kəm-to-ndoo ləje bbo!»
14Jeju oode a, pa arəde nan: «Aw tɔjuje rɔse njê-poloje Lubba.» Kar tə̂ kə̂ daw dawje a, rɔde təl ddee maji. 15Marɛ̂ kâra horode tə̂ oo rɔɛ̂ kə̂ ddee maji le a, uru təl ngaâ ɔsu gaji Lubba uru nɛ̂n əkii. 16Noso nangə̂, n̂-dəbbə kəmɛ̂ kə nangə̂ nɔn gɔl Jeju tə̂ ngaâ narɛ̂ wooyo. N̂-to dəw kə̂ Samari. 17Jeju duju tar nan: «Njê-banjije le dɔku tɔyn njaa rɔde ddee maji ang wa? A dede kə̂ jikara deeje dda wa? 18Bbayɛ̂ njaa to nje-mba nəənn â təl ddee mba kɔsu gaji Lubba wa?» 19Goe tə̂ a, n̂-pa narɛ̂ nan: «In taar aw lo ləi, mə-kunn ləi aji mban!»
Kɔn-mbay lə Lubba
20 Parijinyɛje dujuje Jeju ta gərə kar kə̂ kɔn-mbay lə Lubba le a ddee nɛ̂n, a nilade tə̂ nan: «Kɔn-mbay lə Lubba aw ddee tokə nɛ̂n kə̂ dəw aw oo kə kəmɛ̂ ang. 21‹Ooje, ye â nəənn› wase ‹ye â yoonn› Dəwje a paje baann ang. Mba kɔn-mbay lə Lubba le ee horose tə̂ mban.»
Ndɔ kə̂ Ngonn lə dəw a təl nɛ̂n
22Goe tə̂ a, Jeju pa arə njê-njaje goe tə̂ nan: «Marə ndɔje kə̂ aw ddeeje, maal koo marə ndɔ kâra horo ndɔje tə̂ lə Ngonn lə dəw a ddase, a â kooje ndɔ le ang. 23Dâ pa karəse nan: ‹Nee yoonn!› wase ‹Nee nəənn!› Awje loe tə̂ ang ddəm aynje ngɔru kə loe tə̂ ang ddəm. 24To ddəw kâra baa tokə ndi kə̂ təəl a, ndoko kɔyn dara tə̂ kâra uru ye tə̂ kə̂ kâra. Ndɔ təl lə Ngonn lə dəw a to tokə baann tɔ. 25A maji karə noo ndoo nya dɔngɔr ngaâ dəwje kə̂ bbasinɛn nəənn mbəteje bba. 26Ndɔ kə̂ Ngonn lə dəw a təl ddee nɛ̂n le, nɛ̂nje a toje tokə dɔ ndɔ tə̂ lə Nowe. 27Dɔ ndɔɛ̂ tə̂ənn le dəwje aw usaje, aw ayje, daw taaje naan, daw darəje ngaw wase dɛnɛ̂n ngannde ndərəng ndɔ tə̂ kə̂ Nowe andə nɛ̂n mə tɔkə to tə̂. Maann ndi taa lo arə dəwje le oyje tɔyn. 28Ndɔ təl lə Ngonn lə dəw a to tokə dɔ ndɔ lə Lotə. Dəwje aw usaje, aw ayje, aw ndokoje nɛ̂n, aw labbəje nɛ̂n, aw dubbuje nɛ̂n, aw ddaje kəyje. 29A ndɔ kə̂ Lotə unda nɛ̂n lo tee kə ddang mə bbe tə̂ kə̂ Sɔdɔm le, puru kə supərə#17:29 Supərə to marə nɛ̂n kə̂ kasɛ tokə bu-matə kə̂ aw ɔn puru ngaâ aw tunga nya ngaâ ətə maji ang. in darâ gayn tokə lə ndi ngaâ tɔl dəwje tɔyn. 30Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.
31«Dɔ ndɔɛ̂ tə̂ənn, bbo dəw isi dɔ kəy tə̂ ngaâ nɛ̂nje laa to mə kəy tə̂ a, maji karə n̂-ddisi mba koto ang#17:31 Matiye 24:17. Bbo dəw ee ndɔɔ̂ a, təl aw bbe ang. 32Oleje məse dɔ dɛnɛ̂n tə̂ lə Lotə. 33Dəw kə̂ aw sangə ddəw ta ngəm təbbə laa a, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂, a təl kinga təbbə laa le. 34M-pa marəse, mə tile tə̂ənn bbo dəwje joo toje dɔ tira tə̂ kâra baa a, dâ kunn marɛ̂ kâra, a dâ kinya ne kə̂ kâra. 35Dɛnɛ̂nje joo kə̂ aw uruje nɛ̂n birî naan tə̂, dâ kunn marɛ̂ kâra, a dâ kinya ne kə̂ kâra. [36Dingawje joo kə̂ eeje mə ndɔɔ tə̂, dâ kunn marɛ̂ kâra, a dâ kinya ne kə̂ kâra.]» 37Njê-njaje goe tə̂ dujeje nan: «Əbbə-dəwje, lo kə̂ dda bba nɛ̂njeenn a toje tə̂ wa?» Jeju ilade tə̂ nan: «Lo kə̂ niinn to tə̂ a, malje a mbɔnje naan tə̂.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ACOTBA