Gyenesis 11
11
Babel Abantsentsen
1Nna asaase nyinara hɔn kasaa kor. 2Na ɔbaa dɛ, wotuu kwan rokɔ boka no, wohun asaase tɛtɛr bi wɔ Sinar asaase do; na wɔtsenaa hɔ. 3Na wɔsesee hɔnho dɛ, Wɔmbra, wɔmma yengu ntayaa, na yɛnto ma ɔmben. Na ntayaa no yɛɛ hɔn mbobaa, na hua yɛɛ hɔn dɛtse. 4Na wɔsee dɛ, Wɔmbra, wɔmma yɛnkyekyer kurow, na yɛntow abantsentsen a n’etsifi bodu sor, na wɔmma yɛmfa ngye dzin; amma yaammpetse asaase nyinara enyi. 5Na EWURADZE sianee bɔhwɛɛ kurow no nye abantsentsen no a adasamba rotow no. 6Na EWURADZE see dɛ, Hwɛ, wɔyɛ ɔman kor, na hɔn nyinara hɔn kasaa kor; na dza wɔahyɛ ase reyɛ nye yi: na afei biribiara a wobosusu dɛ wɔbɛyɛ no, bibiribiara nnkotum esiw hɔn kwan. 7Wɔmbra, wɔmma yensian, na yɛnkɔtoto hɔn kasaa wɔ hɔ, amma obi aanntse ne nyɛnko ne nsɛm ase. 8Na ofi hɔ nna EWURADZE bɔɔ hɔn petsee asaase nyinara enyi: na wogyaa kurow no kyekyer. 9Dɛm ntsi wɔfrɛɛ ne dzin Babel; osiandɛ hɔ na EWURADZE totoo asaase nyinara hɔn kasaa: na hɔ na EWURADZE fi bɔɔ hɔn petsee asaase nyinara enyi.
Sem Asefo
10Iyinom nye Sem n’ebusuasantsen: nsuyirii no ekyir mfe ebien no, nna Sem edzi mfe ɔha, na ɔwoo Arpaksad. 11Sem woo Arpaksad n’ekyir no odzii mfe ahaenu, na ɔwoo mbabanyin nye mbabaa.
12Na Arpaksad dzii mfe eduasa enum no, na ɔwoo Sela: 13na Arpaksad woo Sela no n’ekyir odzii mfe ahaanan ebiasa na ɔwoo mbabanyin nye mbabaa.
14Sela dzii mfe eduasa, na ɔwoo Eber: 15na Sela woo Eber n’ekyir odzii mfe ahaanan ebiasa, na ɔwoo mbabanyin nye mbabaa.
16Na Eber dzii mfe eduasa anan, na ɔwoo Peleg: 17na Eber woo Peleg no n’ekyir odzii mfe ahaanan eduasa, na ɔwoo mbabanyin nye mbabaa.
18Peleg dzii mfe eduasa no ɔwoo Reu: 19na ɔwoo Reu n’ekyir no odzii mfe ahaenu nye akron, na ɔwoo mbabanyin nye mbabaa.
20Reu dzii mfe eduasa ebien, na ɔwoo Serug: 21na Serug n’ekyir no odzii mfe ahaenu nye esuon, na ɔwoo mbabanyin nye mbabaa.
22Na Serug dzii mfe eduasa, na ɔwoo Nahor: 23na Nahor n’ekyir no odzii mfe ahaenu, na ɔwoo mbabanyin nye mbabaa.
24Nahor dzii mfe eduonu akron, na ɔwoo Tera: 25na ɔwoo Tera no n’ekyir odzii mfe ɔha duakron, na ɔwoo mbabanyin nye mbabaa.
26Na Tera dzii mfe eduosuon, na ɔwoo Abram, Nahor, nye Haran.
Tera N’asefo
27Afei iyinom nye Tera n’asefo. Tera woo Abram, Nahor, nye Haran; na Haran woo Lot. 28Na Haran wui wɔ n’egya Tera enyim wɔ asaase a wɔwoo no do no do, wɔ Kaldeafo Ur. 29Na Abram nye Nahor warwaree: Abram ne yer ne dzin dze Sarai; na Nahor ne yer ne dzin dze Milka. Haran a ɔyɛ Milka n’egya, nye Iska n’egya no ne babaa a. 30Nna Sarai yɛ ɔbɔnyin; onnyi ba. 31Na Tera faa ne ba Abram, ne nana Lot a ɔyɛ Haran ne ba no nye Abram ne yer Sarai na ɔnye hɔn sii mu fi Kaldeafo Ur, dɛ wɔrokɔ Keenan asaase do; na wɔbaa Haran bɛtsenaa hɔ. 32Na Tera ne nda yɛɛ mfe ahaenu nye enum: na owui wɔ Haran.
Currently Selected:
Gyenesis 11: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Gyenesis 11
11
Babel Abantsentsen
1Nna asaase nyinara hɔn kasaa kor. 2Na ɔbaa dɛ, wotuu kwan rokɔ boka no, wohun asaase tɛtɛr bi wɔ Sinar asaase do; na wɔtsenaa hɔ. 3Na wɔsesee hɔnho dɛ, Wɔmbra, wɔmma yengu ntayaa, na yɛnto ma ɔmben. Na ntayaa no yɛɛ hɔn mbobaa, na hua yɛɛ hɔn dɛtse. 4Na wɔsee dɛ, Wɔmbra, wɔmma yɛnkyekyer kurow, na yɛntow abantsentsen a n’etsifi bodu sor, na wɔmma yɛmfa ngye dzin; amma yaammpetse asaase nyinara enyi. 5Na EWURADZE sianee bɔhwɛɛ kurow no nye abantsentsen no a adasamba rotow no. 6Na EWURADZE see dɛ, Hwɛ, wɔyɛ ɔman kor, na hɔn nyinara hɔn kasaa kor; na dza wɔahyɛ ase reyɛ nye yi: na afei biribiara a wobosusu dɛ wɔbɛyɛ no, bibiribiara nnkotum esiw hɔn kwan. 7Wɔmbra, wɔmma yensian, na yɛnkɔtoto hɔn kasaa wɔ hɔ, amma obi aanntse ne nyɛnko ne nsɛm ase. 8Na ofi hɔ nna EWURADZE bɔɔ hɔn petsee asaase nyinara enyi: na wogyaa kurow no kyekyer. 9Dɛm ntsi wɔfrɛɛ ne dzin Babel; osiandɛ hɔ na EWURADZE totoo asaase nyinara hɔn kasaa: na hɔ na EWURADZE fi bɔɔ hɔn petsee asaase nyinara enyi.
Sem Asefo
10Iyinom nye Sem n’ebusuasantsen: nsuyirii no ekyir mfe ebien no, nna Sem edzi mfe ɔha, na ɔwoo Arpaksad. 11Sem woo Arpaksad n’ekyir no odzii mfe ahaenu, na ɔwoo mbabanyin nye mbabaa.
12Na Arpaksad dzii mfe eduasa enum no, na ɔwoo Sela: 13na Arpaksad woo Sela no n’ekyir odzii mfe ahaanan ebiasa na ɔwoo mbabanyin nye mbabaa.
14Sela dzii mfe eduasa, na ɔwoo Eber: 15na Sela woo Eber n’ekyir odzii mfe ahaanan ebiasa, na ɔwoo mbabanyin nye mbabaa.
16Na Eber dzii mfe eduasa anan, na ɔwoo Peleg: 17na Eber woo Peleg no n’ekyir odzii mfe ahaanan eduasa, na ɔwoo mbabanyin nye mbabaa.
18Peleg dzii mfe eduasa no ɔwoo Reu: 19na ɔwoo Reu n’ekyir no odzii mfe ahaenu nye akron, na ɔwoo mbabanyin nye mbabaa.
20Reu dzii mfe eduasa ebien, na ɔwoo Serug: 21na Serug n’ekyir no odzii mfe ahaenu nye esuon, na ɔwoo mbabanyin nye mbabaa.
22Na Serug dzii mfe eduasa, na ɔwoo Nahor: 23na Nahor n’ekyir no odzii mfe ahaenu, na ɔwoo mbabanyin nye mbabaa.
24Nahor dzii mfe eduonu akron, na ɔwoo Tera: 25na ɔwoo Tera no n’ekyir odzii mfe ɔha duakron, na ɔwoo mbabanyin nye mbabaa.
26Na Tera dzii mfe eduosuon, na ɔwoo Abram, Nahor, nye Haran.
Tera N’asefo
27Afei iyinom nye Tera n’asefo. Tera woo Abram, Nahor, nye Haran; na Haran woo Lot. 28Na Haran wui wɔ n’egya Tera enyim wɔ asaase a wɔwoo no do no do, wɔ Kaldeafo Ur. 29Na Abram nye Nahor warwaree: Abram ne yer ne dzin dze Sarai; na Nahor ne yer ne dzin dze Milka. Haran a ɔyɛ Milka n’egya, nye Iska n’egya no ne babaa a. 30Nna Sarai yɛ ɔbɔnyin; onnyi ba. 31Na Tera faa ne ba Abram, ne nana Lot a ɔyɛ Haran ne ba no nye Abram ne yer Sarai na ɔnye hɔn sii mu fi Kaldeafo Ur, dɛ wɔrokɔ Keenan asaase do; na wɔbaa Haran bɛtsenaa hɔ. 32Na Tera ne nda yɛɛ mfe ahaenu nye enum: na owui wɔ Haran.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.