Mataayo 18
18
N‑niwe omokoro mo‑bhutëmi bho Mwishaaro?
(Maariko 9:33–37; Ruuka 9:46–48)
1Eriibhagha riyo, abhaanabheegha bha Yesu bhakamutambana, bhakamobhoori bhakabhugha, 2“N‑niwe omokoro ghokera abhande bhoose mo‑bhutëmi bho Mwishaaro?”
Yesu akamobherekera omoona omosuuhu, akamwimeereri ghateghate yaabho, 3akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro. 4Mbe, omooto wowoose uno akwinyööhi kinya omoona omosuuhu uno, uyo niwe akubha omokoro mo‑bhutëmi bho Mwishaaro. 5Wiiki, omooto wowoose uno akomughënëhi omoona omosuuhu kinya uno kwo riina reene, nangënëhiri eni.
Atöngërö ighoro e masaki
(Maariko 9:42–48; Ruuka 17:1–2)
6“Amare aribha anyi‑ho omooto uno akomorumeeri umu ghate e bhasuuhu bhano bhaghonkumi eni, aghëri akörë amasari, konga omooto kinya uyo abhöhëru orobhohe ro ghusëëra mwighöti, na komurëkëra mo‑ghetibhokera ke mo‑nyancha.
7“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo! 8Aribha n‑okubhökö koocho hamu oghoghoro koocho niko ghoghughëri ukörë amasari, okonunge na ghoghute kurë haare. Konga usöhë mo‑bhuhöru bho miishe ghyose otaanyi no oghoghoro hamu okubhökö, ghokera kubha na amabhökö ghombe hamu amaghoro ghombe, amare urëkëru mo‑mororo o miishe ghyose. 9Wiiki, aribha n‑eriiso reecho reghughëri ukörë amasari, oriihe na korite kurë haare! N‑ngʼoni usöhë mo‑bhuhöru bho miishe ghyose onyi ne eghitöngʼö, ghokera kubha na amiisho abhere, na kurëkëru mwiribha re mororo.”
Eghetuubhaani ke ngʼöndu ino ebhoriri
(Ruuka 15:3–7)
10Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [11Eni uno neenyi Omoona o Mooto ꞉niichiri mo‑se kubha nebhatoori bhano bhabhoriri.]
12“Morighi bhu? Erabha omooto anyi na changʼöndu eriighana, imu ghate yaabho ebhore, nibhu aghuköra? Taaghochetigha singa chiire miröngö kende na kende a‑gheghoro na ghuye koyitabhara yiire imu ebhoriri? 13Mahëënë ˆnekabhabhoorera, arayibhöna, naghuchömëru chwee gho ghiri e ngʼöndu yiire imu, ghokera changʼöndu chiire miröngö kende na kende chino chetaare chebhoriri. 14Hangʼu hangʼu, Taata waanyu uno anyi Mwishaaro taakwënda koru umu mo‑bhasuuhu bhano abhore.
Amangʼana gha ghuköra kwo mooto uno ataasiri
15“Aribha omokumi mughëndi waacho aghutasiiri, omutambane omoshaangʼi moonyi inyu bheene. Aribha arakoghwera, mbe, nookubha obhwine wiiki omokumi mughëndi waacho. 16Amare aribha angiri ghokoghwera, nooghi wimoki omooto owonde umu hamu bhabhere, kinya Amandëkö Amatööbhiyu ꞉ghaabhughiri kubha, ‘Kira eriisari reteneru ekiina kwo bhwibhateri bho bhaato bhabhere hamu bhatato.’#18:16 Mööhi Kohiita kwo Meghiro 19:15. 17Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.
18“Mahëënë ˆnekabhabhoorera, ghoose ghano moghwishereri abhaato bhakörë mo‑se ino, Eryobha ryose ndeghoghiishereri. Wiiki, ghoose ghano motaaghoghiishereri, Eryobha ryose retaaghoghiishereri.#18:18 Mööhi Mataayo 16:19. 19Wiiki ˆnekabhabhoorera kubha, aribha bhabhere ghate yaanyu bhiishereriini mo‑se ino gho ghano bhaghusabha, Taata waane uno anyi Mwishaaro nakobhakörëra. 20Nekobhugha hangʼu gho kubha aribha bhaanyi‑ho abhaato bhabhere hamu bhatato bhano bhatëmëriine kwo riina reene, na neeni neekubha haghirohamu nabho.”
Eghetuubhaani ke mooto uno ataakwabhëra
21Niho Bheetero aghaye o‑Yesu, akamobhoori akabhugha, “Oo Omutëmi, aribha omokumi mughëndi waane anköriire eriisari, nekwëndëru nemwabhërë karenge? Nemwabhërë mara mohungate?”
22Yesu akamugharokeri akabhugha, “Nteghokobhoorera kubha mara mohungate hangʼu, amare omwabhërë mughëndi waacho eriibhagha ryose otabhara.#18:22 Omwabhërë mughëndi waacho eriibhagha ryose otabhara. Ekeyunaani ngekobhugha kubha, Mohungate mara miröngö mohungate.
23“Gho ghiri iyo obhutëmi bho Mwishaaro mboghotora ghotuubhaana ne eghetuubhaani ke mutëmi umu uno ꞉ëndiri ghuköra omubharo o chambiiri cheeche na abhatamishi bha bhukangati bhooche. 24Eriibhagha omutëmi asëëmiri kubhara, abhaashirikare bhaache bhakamurëëta omutamishi umu ambërë yaache uno are na asiire e chambiiri chaaru chwee ekirëngërë ghe chataranta ebheku ikomi#18:24 Chataranta ebheku ikomi. Ataranta imu neere erarëngʼaana na amareho gha koreha omooto emeeka miröngö ebhere hamu ghokera hayo. (10,000). 25Omutamishi uyo taatoriri koreha asiire ino are nayo. Niho omutëmi akahatëka kubha bhamoghori iwe haghirohamu na mukaache, na abhaana bhaache ne ebheghiro bhyose bhino are nabhyo kubha amorehe.
26“Mbe, omutamishi uyo akabhuna ebheru ambërë e mutëmi, akamusasaama arabhugha, ‘Neghusabha ughanye hasuuhu, neghokoreha asiire yaacho yoose.’ 27Omutëmi uyo akamorigheri changori omutamishi waache, akamwabhëra, akamwisherereri kubha aghi, woose aghaye.
28“Hano omutamishi uyo ahorokiri anche, aghatëmëërana no omutamishi omughëndi waache uno are amoheere asiire e chatinaari eriighana rimu. Hayo hayo akamughööta mo‑kemero akamobhoorera akabhugha, ‘Reha asiire yaacho!’ 29Omutamishi mughëndi waache uyo akabhuna ebheru ambërë yaache, akamusasaama arabhugha, ‘Neghusabha ughanye hasuuhu, neghokoreha asiire yaacho yoose.’ 30Amare iwe akaanga, aghaye komubhöha mughëndi waache uyo mwighërëcha mbagha eriibhagha rino akoreha asiire iyo.
31“Hano abhatamishi abhaghëndi bhaache bhagharooche ghayo, bhakooghu kobhe chwee. Gho ghayo, bhaaghaye mo‑mutëmi waabho na komobhoorera ghoose ghano ꞉ghaaköruru. 32Niho omutëmi akamobherekera omutamishi uyo, akamobhoorera akabhugha, ‘Omutamishi omobhe iye! Mööhi hano unsabhiri kubha nekwabhërë asiire yaacho, neghakwabhëra ghoose ghayo! 33Kana, na niiye tokwëndëru komorigheri changori omutamishi mughëndi waacho uno kinya bhuno eni ꞉neekoroochiire changori?’
34“Niho omutëmi uyo aghakarara chwee, akahatëka abhaashirikare bhaache kubha bhamughöötë na komurëkëra mwighërëcha kubha bhamunyaaki mbagha hano akoreha asiire yoose.”
35Akamara, Yesu aghasiikëra akabhugha, “Taata waane uno anyi Mwishaaro nakobhakörëra na niinyu kinya bhuure bhuure, erabha mokwanga kwabhëra omokumi mughëndi waanyu kwo metema gheenyu ghyose.”
Currently Selected:
Mataayo 18: ntk
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved
Mataayo 18
18
N‑niwe omokoro mo‑bhutëmi bho Mwishaaro?
(Maariko 9:33–37; Ruuka 9:46–48)
1Eriibhagha riyo, abhaanabheegha bha Yesu bhakamutambana, bhakamobhoori bhakabhugha, 2“N‑niwe omokoro ghokera abhande bhoose mo‑bhutëmi bho Mwishaaro?”
Yesu akamobherekera omoona omosuuhu, akamwimeereri ghateghate yaabho, 3akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro. 4Mbe, omooto wowoose uno akwinyööhi kinya omoona omosuuhu uno, uyo niwe akubha omokoro mo‑bhutëmi bho Mwishaaro. 5Wiiki, omooto wowoose uno akomughënëhi omoona omosuuhu kinya uno kwo riina reene, nangënëhiri eni.
Atöngërö ighoro e masaki
(Maariko 9:42–48; Ruuka 17:1–2)
6“Amare aribha anyi‑ho omooto uno akomorumeeri umu ghate e bhasuuhu bhano bhaghonkumi eni, aghëri akörë amasari, konga omooto kinya uyo abhöhëru orobhohe ro ghusëëra mwighöti, na komurëkëra mo‑ghetibhokera ke mo‑nyancha.
7“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo! 8Aribha n‑okubhökö koocho hamu oghoghoro koocho niko ghoghughëri ukörë amasari, okonunge na ghoghute kurë haare. Konga usöhë mo‑bhuhöru bho miishe ghyose otaanyi no oghoghoro hamu okubhökö, ghokera kubha na amabhökö ghombe hamu amaghoro ghombe, amare urëkëru mo‑mororo o miishe ghyose. 9Wiiki, aribha n‑eriiso reecho reghughëri ukörë amasari, oriihe na korite kurë haare! N‑ngʼoni usöhë mo‑bhuhöru bho miishe ghyose onyi ne eghitöngʼö, ghokera kubha na amiisho abhere, na kurëkëru mwiribha re mororo.”
Eghetuubhaani ke ngʼöndu ino ebhoriri
(Ruuka 15:3–7)
10Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [11Eni uno neenyi Omoona o Mooto ꞉niichiri mo‑se kubha nebhatoori bhano bhabhoriri.]
12“Morighi bhu? Erabha omooto anyi na changʼöndu eriighana, imu ghate yaabho ebhore, nibhu aghuköra? Taaghochetigha singa chiire miröngö kende na kende a‑gheghoro na ghuye koyitabhara yiire imu ebhoriri? 13Mahëënë ˆnekabhabhoorera, arayibhöna, naghuchömëru chwee gho ghiri e ngʼöndu yiire imu, ghokera changʼöndu chiire miröngö kende na kende chino chetaare chebhoriri. 14Hangʼu hangʼu, Taata waanyu uno anyi Mwishaaro taakwënda koru umu mo‑bhasuuhu bhano abhore.
Amangʼana gha ghuköra kwo mooto uno ataasiri
15“Aribha omokumi mughëndi waacho aghutasiiri, omutambane omoshaangʼi moonyi inyu bheene. Aribha arakoghwera, mbe, nookubha obhwine wiiki omokumi mughëndi waacho. 16Amare aribha angiri ghokoghwera, nooghi wimoki omooto owonde umu hamu bhabhere, kinya Amandëkö Amatööbhiyu ꞉ghaabhughiri kubha, ‘Kira eriisari reteneru ekiina kwo bhwibhateri bho bhaato bhabhere hamu bhatato.’#18:16 Mööhi Kohiita kwo Meghiro 19:15. 17Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.
18“Mahëënë ˆnekabhabhoorera, ghoose ghano moghwishereri abhaato bhakörë mo‑se ino, Eryobha ryose ndeghoghiishereri. Wiiki, ghoose ghano motaaghoghiishereri, Eryobha ryose retaaghoghiishereri.#18:18 Mööhi Mataayo 16:19. 19Wiiki ˆnekabhabhoorera kubha, aribha bhabhere ghate yaanyu bhiishereriini mo‑se ino gho ghano bhaghusabha, Taata waane uno anyi Mwishaaro nakobhakörëra. 20Nekobhugha hangʼu gho kubha aribha bhaanyi‑ho abhaato bhabhere hamu bhatato bhano bhatëmëriine kwo riina reene, na neeni neekubha haghirohamu nabho.”
Eghetuubhaani ke mooto uno ataakwabhëra
21Niho Bheetero aghaye o‑Yesu, akamobhoori akabhugha, “Oo Omutëmi, aribha omokumi mughëndi waane anköriire eriisari, nekwëndëru nemwabhërë karenge? Nemwabhërë mara mohungate?”
22Yesu akamugharokeri akabhugha, “Nteghokobhoorera kubha mara mohungate hangʼu, amare omwabhërë mughëndi waacho eriibhagha ryose otabhara.#18:22 Omwabhërë mughëndi waacho eriibhagha ryose otabhara. Ekeyunaani ngekobhugha kubha, Mohungate mara miröngö mohungate.
23“Gho ghiri iyo obhutëmi bho Mwishaaro mboghotora ghotuubhaana ne eghetuubhaani ke mutëmi umu uno ꞉ëndiri ghuköra omubharo o chambiiri cheeche na abhatamishi bha bhukangati bhooche. 24Eriibhagha omutëmi asëëmiri kubhara, abhaashirikare bhaache bhakamurëëta omutamishi umu ambërë yaache uno are na asiire e chambiiri chaaru chwee ekirëngërë ghe chataranta ebheku ikomi#18:24 Chataranta ebheku ikomi. Ataranta imu neere erarëngʼaana na amareho gha koreha omooto emeeka miröngö ebhere hamu ghokera hayo. (10,000). 25Omutamishi uyo taatoriri koreha asiire ino are nayo. Niho omutëmi akahatëka kubha bhamoghori iwe haghirohamu na mukaache, na abhaana bhaache ne ebheghiro bhyose bhino are nabhyo kubha amorehe.
26“Mbe, omutamishi uyo akabhuna ebheru ambërë e mutëmi, akamusasaama arabhugha, ‘Neghusabha ughanye hasuuhu, neghokoreha asiire yaacho yoose.’ 27Omutëmi uyo akamorigheri changori omutamishi waache, akamwabhëra, akamwisherereri kubha aghi, woose aghaye.
28“Hano omutamishi uyo ahorokiri anche, aghatëmëërana no omutamishi omughëndi waache uno are amoheere asiire e chatinaari eriighana rimu. Hayo hayo akamughööta mo‑kemero akamobhoorera akabhugha, ‘Reha asiire yaacho!’ 29Omutamishi mughëndi waache uyo akabhuna ebheru ambërë yaache, akamusasaama arabhugha, ‘Neghusabha ughanye hasuuhu, neghokoreha asiire yaacho yoose.’ 30Amare iwe akaanga, aghaye komubhöha mughëndi waache uyo mwighërëcha mbagha eriibhagha rino akoreha asiire iyo.
31“Hano abhatamishi abhaghëndi bhaache bhagharooche ghayo, bhakooghu kobhe chwee. Gho ghayo, bhaaghaye mo‑mutëmi waabho na komobhoorera ghoose ghano ꞉ghaaköruru. 32Niho omutëmi akamobherekera omutamishi uyo, akamobhoorera akabhugha, ‘Omutamishi omobhe iye! Mööhi hano unsabhiri kubha nekwabhërë asiire yaacho, neghakwabhëra ghoose ghayo! 33Kana, na niiye tokwëndëru komorigheri changori omutamishi mughëndi waacho uno kinya bhuno eni ꞉neekoroochiire changori?’
34“Niho omutëmi uyo aghakarara chwee, akahatëka abhaashirikare bhaache kubha bhamughöötë na komurëkëra mwighërëcha kubha bhamunyaaki mbagha hano akoreha asiire yoose.”
35Akamara, Yesu aghasiikëra akabhugha, “Taata waane uno anyi Mwishaaro nakobhakörëra na niinyu kinya bhuure bhuure, erabha mokwanga kwabhëra omokumi mughëndi waanyu kwo metema gheenyu ghyose.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved