APAN AQAO: 28
28
1Ailao" Isag wa Yaku re khai: yu mung: au" yang:- yao: re Khanan myiqe: re lo, daxo'- yu wa,- 2Airu: kad' nae" atha"- ni" phug' Bethuela yham jo; ra" Mesopotamia mung" khyo ye: mung: ai: mae na ko" ra" ni" phaung" La Ban nho: myiqe: zo: qe mae" myiqe: nau" dayaug re lo, yexo' yu wa,- 3Nao wa byumyu" myo: sho' nho: yao: pho" boe" li" sho'- qam: bo: thao" ra" Mao"So wa ni" lo, xo' rumae shaman" byid: mung:- nao re zo: dau myo: sho' byid: vashao:- 4Yao: wa Abraham re shaman" byid' ru we' dakhyo:- nao re we' ni" myid:zo: qere shaman" byid: vashao:- Abraham re Mao"So byid' to" ra"- ana" nao na: jo; ra" ce: mug: re nao sang: yu vashao: wo"- ga: ta" ra". 5Isag wa Yaku re- La Ban jhao" Mesopotamia mung" khyo nhao: ke' ra". La Ban wa Aramean byumyu" Bethuela nho: yauggai zo: ngad mung:- Eso we' Yaku nhae to: yao: myhi" Rebekha nho: yao: mao: ngad: ra".
Eso Yham Sang Myhi" Gatau Dam: Yu: Ra" Khyo
6Airu: Isag wa Yaku re shaman" byid: mung:- yham sang myhi" ye: yu nae" qhid' mae" Mesopotamia mung" khyo ye: nhao: ke' ra" ga" rure Eso the' gyo" ra". Ailao" Eso wa Isag yang Yaku re shaman" byid' ra" au: Khanan myiqe: re lo, maxo' nae" qhid' mae" Yaku re amyin" byid' ke' rure re: ba: yu: ra". 7Amung: Yaku wa yao: pho" we' yao: myhi" tao: nho dao: tae" gyo: mung:- Mesopotamia mung" khyo ye" lo" byaug: rure Eso ba: ra". 8Ailao" Eso wa yao: pho" Isag wa Khanan myiqe: qe we' mavang" rure ba: gyo" yu: ra". 9Airumung: yao: wa Abraham nho: yauggai zo: Ishmae jhao" ye: mung:- Nebaiod nho: nhae: mo" ngad: ra"- Ishmae nho: myiqe: zo: Mahalad re lo, xo' yu: ra".
Yaku Bethela Mae Yab Mo, Mo; Ra" Khyo
10Yaku wa Bersheba mae" Haran khyo to" lo" ra". 11Ba vao yo, re yao: wa gyang" lho" ra" dajo, qo khyo joe" lo mung:- aitau mae jamu kad' ra". Yao: wa laug baui dabaui mae au: khau" khau" yang: yab: jo, ra". 12Ailao" yao: wa yab mo, mae myid gaung mae" mug:gaung khyo myhi: ra" zam thao dalam: mae mug: lagyo: qe wa ai: dao mae do, do, gyo" gyo" kad' na ko" ru we'- 13Asang wa yao" nhae mae ye; jo, yang: ngo wa Abraham we' Isag nho: Asang Mao"So ngad: ngo wa nao lang" jo; ra" ce: mug: myid re nao re we' ni" myid:zo: qere byid: nae". 14Yao: bam wa myid gaung mae" phalhug nho" myo" laug: li" genae". Yao: bam wa yao: bam: mug: myid re shad' khao: ngo" khyo ce" ye" li" genae". Amung: ngo wa nao we' ni" myid:zo: qekhyo" yang byumyu" alhab' re shaman" byid: nae". 15Qu" wa,- ngo wa nao we' daga" na mung: nao khai: ye: khai: nao re gug: gam byid: nae". Amung: ngo wa nao re ce: mug: myid khyo dam: jhui" tug' lo nae" ngo wa nao re byid' to" ra" dao:so: alhab' re mabin: kad' byid: byid: wa nao re mato: co' nae"- ga: ta" rure yab mo, mo; ra".
16Yaku wa so" li" mung:- Asang wa cetau mae na: ra"- yao: wa ce jo, qo mae na: rure ngo maba nhaung -ga: ta" ra". 17Yao: wa gyaug: ru we' jo, qo wa gyai gyaug ca" ra" jo, qo ngad nhaung ce: jo, qo wa Mao"So yham ngad nhaung- ce: jo, qo wa mug:gaung khyo bung" ra" kham: dung: yao: ngad nhaung -ga: ta" ra".
18Yaku wa thao: ba ne, seim no' mae" to" mung:- yao: au: khau" khau" ra" laug baui re gaug: yu yang: aire myid: beim: nae" aso: khyo" tau: zhaug' ra". Ai: thao yao: wa ai: dao mae zhanlun xau vhe' sheim: mung: Mao"So re qhaug' byid' ra". 19Yao: wa ai: jo, qo re Bethela ga: mhang" ra".(Ai mae" vogaung" mang wa qhid' phyao: Luza ga: mang: ra".) 20Ai: thao Yaku wa Asang re nao ngo we' daga" ngad mung: ngo ye" lo" ra" gyaung: khyo mae gug: gam byid' yang: zo:ve we' mai bau: ngore byid' ru we'- 21nga" pho" yham khyo pe" maqo lo:- ngo dam: tug' joe" lo yang: ngad: re wa nao wa nga" Mao"So ngad: li" nae". 22Ngo zhaug' to" ra" ce: myid: beim: nae" aso: laug baui wa nao re caung:pa" byid: nae" jo, qo boe" li" mung: nao: yang ngore byid' ra" gu: ja: khao: ngo" mae" daxe bam mae" dabam re ngo nao re qhaug' byid: nae"- ga: thao: ce' to" ra".
Currently Selected:
APAN AQAO: 28: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
APAN AQAO: 28
28
1Ailao" Isag wa Yaku re khai: yu mung: au" yang:- yao: re Khanan myiqe: re lo, daxo'- yu wa,- 2Airu: kad' nae" atha"- ni" phug' Bethuela yham jo; ra" Mesopotamia mung" khyo ye: mung: ai: mae na ko" ra" ni" phaung" La Ban nho: myiqe: zo: qe mae" myiqe: nau" dayaug re lo, yexo' yu wa,- 3Nao wa byumyu" myo: sho' nho: yao: pho" boe" li" sho'- qam: bo: thao" ra" Mao"So wa ni" lo, xo' rumae shaman" byid: mung:- nao re zo: dau myo: sho' byid: vashao:- 4Yao: wa Abraham re shaman" byid' ru we' dakhyo:- nao re we' ni" myid:zo: qere shaman" byid: vashao:- Abraham re Mao"So byid' to" ra"- ana" nao na: jo; ra" ce: mug: re nao sang: yu vashao: wo"- ga: ta" ra". 5Isag wa Yaku re- La Ban jhao" Mesopotamia mung" khyo nhao: ke' ra". La Ban wa Aramean byumyu" Bethuela nho: yauggai zo: ngad mung:- Eso we' Yaku nhae to: yao: myhi" Rebekha nho: yao: mao: ngad: ra".
Eso Yham Sang Myhi" Gatau Dam: Yu: Ra" Khyo
6Airu: Isag wa Yaku re shaman" byid: mung:- yham sang myhi" ye: yu nae" qhid' mae" Mesopotamia mung" khyo ye: nhao: ke' ra" ga" rure Eso the' gyo" ra". Ailao" Eso wa Isag yang Yaku re shaman" byid' ra" au: Khanan myiqe: re lo, maxo' nae" qhid' mae" Yaku re amyin" byid' ke' rure re: ba: yu: ra". 7Amung: Yaku wa yao: pho" we' yao: myhi" tao: nho dao: tae" gyo: mung:- Mesopotamia mung" khyo ye" lo" byaug: rure Eso ba: ra". 8Ailao" Eso wa yao: pho" Isag wa Khanan myiqe: qe we' mavang" rure ba: gyo" yu: ra". 9Airumung: yao: wa Abraham nho: yauggai zo: Ishmae jhao" ye: mung:- Nebaiod nho: nhae: mo" ngad: ra"- Ishmae nho: myiqe: zo: Mahalad re lo, xo' yu: ra".
Yaku Bethela Mae Yab Mo, Mo; Ra" Khyo
10Yaku wa Bersheba mae" Haran khyo to" lo" ra". 11Ba vao yo, re yao: wa gyang" lho" ra" dajo, qo khyo joe" lo mung:- aitau mae jamu kad' ra". Yao: wa laug baui dabaui mae au: khau" khau" yang: yab: jo, ra". 12Ailao" yao: wa yab mo, mae myid gaung mae" mug:gaung khyo myhi: ra" zam thao dalam: mae mug: lagyo: qe wa ai: dao mae do, do, gyo" gyo" kad' na ko" ru we'- 13Asang wa yao" nhae mae ye; jo, yang: ngo wa Abraham we' Isag nho: Asang Mao"So ngad: ngo wa nao lang" jo; ra" ce: mug: myid re nao re we' ni" myid:zo: qere byid: nae". 14Yao: bam wa myid gaung mae" phalhug nho" myo" laug: li" genae". Yao: bam wa yao: bam: mug: myid re shad' khao: ngo" khyo ce" ye" li" genae". Amung: ngo wa nao we' ni" myid:zo: qekhyo" yang byumyu" alhab' re shaman" byid: nae". 15Qu" wa,- ngo wa nao we' daga" na mung: nao khai: ye: khai: nao re gug: gam byid: nae". Amung: ngo wa nao re ce: mug: myid khyo dam: jhui" tug' lo nae" ngo wa nao re byid' to" ra" dao:so: alhab' re mabin: kad' byid: byid: wa nao re mato: co' nae"- ga: ta" rure yab mo, mo; ra".
16Yaku wa so" li" mung:- Asang wa cetau mae na: ra"- yao: wa ce jo, qo mae na: rure ngo maba nhaung -ga: ta" ra". 17Yao: wa gyaug: ru we' jo, qo wa gyai gyaug ca" ra" jo, qo ngad nhaung ce: jo, qo wa Mao"So yham ngad nhaung- ce: jo, qo wa mug:gaung khyo bung" ra" kham: dung: yao: ngad nhaung -ga: ta" ra".
18Yaku wa thao: ba ne, seim no' mae" to" mung:- yao: au: khau" khau" ra" laug baui re gaug: yu yang: aire myid: beim: nae" aso: khyo" tau: zhaug' ra". Ai: thao yao: wa ai: dao mae zhanlun xau vhe' sheim: mung: Mao"So re qhaug' byid' ra". 19Yao: wa ai: jo, qo re Bethela ga: mhang" ra".(Ai mae" vogaung" mang wa qhid' phyao: Luza ga: mang: ra".) 20Ai: thao Yaku wa Asang re nao ngo we' daga" ngad mung: ngo ye" lo" ra" gyaung: khyo mae gug: gam byid' yang: zo:ve we' mai bau: ngore byid' ru we'- 21nga" pho" yham khyo pe" maqo lo:- ngo dam: tug' joe" lo yang: ngad: re wa nao wa nga" Mao"So ngad: li" nae". 22Ngo zhaug' to" ra" ce: myid: beim: nae" aso: laug baui wa nao re caung:pa" byid: nae" jo, qo boe" li" mung: nao: yang ngore byid' ra" gu: ja: khao: ngo" mae" daxe bam mae" dabam re ngo nao re qhaug' byid: nae"- ga: thao: ce' to" ra".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009