APAN AQAO: 32
32
Eso We' Jho" Qhug' Nae" Qhid' Mae" Yaku Seim" Nyhang" Ra" Khyo
1Yaku wa yao" gyaung: khyo mae xo' ye" lo" na: au:-mug: lagyo: damyo" yao: re li" qhug' ako". 2Yaku wa yao: bam re the' myao lao"- ce wa Mao"So: jamu ngad: ra"- ga: ta" mung: ai: jo, qo re Mahanaim ga: mhang" ra".
3Yaku wa Edom mung" mae na: ra" yao: mao: Eso jhao" yao" gau: qhid' khae" yang: lagyo: qere nhao: ke' ra". 4Yao: wa ai: Edom lagyo: qere ceru: yeta" ge,- ni" jeim pho" ngo Yaku wa La Ban we' yena mung: ngo dam: tug' lo nae". Ana" joe" sho' thao gyo" pye' va" khyo lau re nga" Asang Eso re kyo" ke' ra". 5Ngo wa nung:- loze- yao- cad' be,- jham we' jeim qe re sang yaug ngad va". Nao lham: ngaui nae" rure myid: lao" yang: Asang re ngo dao: pyang: ke' ra"- ga: mho' ke' ra".
6Lagyo: qe Yaku jhao" dam: tug' joe" lo gelao"- yao: bam wa- ngonhaung" ni" mao: Eso jhao" ye: co' va". Yao: wa nao we' qhug' nae" qhid' mae" jin" jin" li" na: ava". Yao: wa byu byid yo we' daga" ngad: ra"- ga: ta" ako". 7Yaku wa gyo" gyaug mung: myid qug: myid ci" ra". Aimung: yao: wa yao: we' daga" ngad: ra" mo, re shid' phung: kho' ra". Yao" yao cad' be,- nung:- gola:u jham rere: shid' phung: kho' ra". 8Eso joe" li" mung: sao qhid' phung: re gye li" kad' re- gatau: phung: qo" loe li" nae" ga: yao: myid: jho: ra".
9Ailao"- Yaku wa- nga" phug' Abraham nho: Mao"So nga" pho" Isag nho: Mao"So we"- ngore tae" gyo: byid: la, wo"- Asang we" nao wa ngore nga" mug: khyo we' nga" amyu" qejhao" tug' phao: lo" wa,- nao wa ngore ja: khao: ngo" mae gai kad' byid: nae"- ga: ta" to" ra". 10Ni" jeim pho" ngore nao qhu" byid' ra" nhag' khyag' ru alhab' we' dao:so: zaung: ra" khyo jham re ngo kham: yu man: qi" yaug mangad:- ngo wa Yodan gyaung: re zaung: bao" dalam: za: ci yang: gau" de; li" va". Ana" ngo wa ce: shid' phung: we' daga" dam: tug' lo va". 11Ngo re nga" mao: Eso nho: lo, mae" khyad' yu la,- ein: akyu" mho' ra". Ngo gyaug: ra"- yao: joe" li" mung: ngonhaung" re gye li" kad' yang: ngonhaung" alhab' re li" se' pye' nae". Yao: myhi" qere we' zoshao qere lhao" re: li" se' pye' nae" rure ngo gyaug: ra". 12Nao wa ngore ja: khao: ngo" mae gai kad' byid: mung: khag' maqo" nghe' ra" panglai: qid yae cao" mae" ma coe nho" myo" laug: ra" myid:zo: qe byid: nae" ga: nao ngore dao:so: byid' to" rure myid: beim: wa,- ga: akyu" mho' ra".
13-15Ai: jo, qo mae damyi: geim" na: pye' thao yao: wa yao: mao: Eso qhid' mae" jhaung qhu" khyo" yao" gug'nyhug' mae" cad' myhi" 200 dau:- cad' lo: 20 dau:- yao myhi" 200 dau:- yao lo: 20 dau:- nug: jhaug' ra" gola:u myhi" 30 dau: anau" jham- nung: mo" 40 dau:- nung: lo: 10 dau:- loze amo" 20 dau:- loze lo: 10 dau: khyin: yu: ra". 16Aijham re aphung: khyo" kho' mung: yao" jeim qe mae" dayaug daphung: re qu" nhao: ra". Yaku wa yao: bam re daphung: we' daphung: jho" kyo yang: nga" qhid' au: mae ye" lo" ge,- ga: ta" ra". 17Aimung: yao: wa sao qhid' mae" jeim pho" re- nga" mao: Eso nao we' qhug' yang:- ni" Asang khag' ngad: i? Nao khai: khyo ye" lo" na: i? Ce: ni" qhid' au: mae" gug'nyhug' jham re khag' sang: ra" i?- ga: nao re yao: myid: lao". 18Nao wa ceru: phaug' tau: ca"- aijham wa ni" jeim pho" Yaku nho: ngad: ako". Yao: wa yao" Asang Eso qhid' mae" jhaung qhu" khyo" byid' ke' ru ngad: ra". Yaku yao: wa ngonhaung" thao mae ngad: ra"- ga: ta" nae" amyin" byid' ke' ra". 19Yaku wa jeim shid' yaug ein: yaug re we' sam yaug ein: yaug re gug'nyhug' phung: jham re qu" ra" gatau: jeim alhab' mo, rere: naonhaung" Eso we' jho" qhug' gelao"- ceru: ta" ca" ga: amyin" daja: za: byid' ra". 20Naonhaung" wa- ngad va"-ni" jeim pho" Yaku wa ngonhaung" thao mae ngad: ra" ein: ta" ca" ko" ra"- ga: re: amyin" byid' ra". Yaku wa jhaung qhu" jham: yang yao: re aung: yu: li" nae"-yao: we' ngo jho" qhug' lao"- yao: wa ngore qobo khyad' byid' re khyad' byid: maba- ga: myid: ra". 21Yaku wa jhaung qhu" jham re yao" qhid' au: khyo byid' ke' mung:- ai: myi jamu mae thang: na: jo; ra".
Penie Jo, Qo Mae Yaku- Mug: Lagyo: We' Jho" Zhaug' Ra" Khyo
22Ai: myi mae yao: Yaku wa to" mung:- yao" yham sang myhi" shid' yaug- yao" myingai shid' yaug yao" zoshao daxe: dayaug re jhui" yu mung:- Yabog gyaung: re gau" de; ye" ra". 23Yaku wa yao: bam re bin: kau" te' thao- yao: wa yao: sang: ra" gu: alhab' rere: kau" te' ke' ra". 24Ngadqere: yao: wa dayaug za: thao mae thang: gyo" ra".
Ailao" byu dayaug joe" li" mung: mug: bo" sho' yao: we' jho" zhaug' ako". 25Ai: yaug wa yao: makhao" aung: rure myao lao"- yao: wa Yaku nho: paung jhaung re thaung" ke' mung: paung qug: shai" lo" byaug: ra". 26Ai: yaug wa ngore lhag' ke' la, se,- mug: bo" li" na: ava"- ga: ta" ra".
Yaku wa ngore mashaman" byid: byid: wa nao re malhag' ke' nae"- ga: tau" ra".
27Ailao" ai byu yaug wa ni" mang pe" ngad: i? ga: myid' ra".
Yao: wa Yaku ngad: ga: phaug' tau" ra".
28Aiyaug wa ni" mang wa Yaku mangad: lo nae" ngad: ra". Nao wa Mao"So we' re: byu qe we' re: jho" zhaug' aung: pye' ava". Airumung: ni" mang wa Israel ngad: li" nae"- ga: ta" ra".
29Ailao" Yaku wa ana" ngore ni" mang ta" kyo: la,- ga: ta" ra".
Ngadqere: aiyaug wa nao pe"mung: nga" mang re ba nug: i? ga: tau: mung: ai: thao yao: wa Yaku re shaman" byid' ra".
30Yaku wa- ngo wa Mao"So re myo, khung: te' te' yao: the' myao va". Ngadqere: ngo ana" joe" sho' daui: na: jo, shi"- ga: ta" ra". Aimung: yao: wa ai: jo, qo re Penie ga: mhang" ra". 31Penie mae" Yaku to" lo" na: au:- ba thug' li" ra". Yao: wa yao" paung qug: shai" lo" byaug yang: yao" khyid lhag' byaug: ra". 32Israel byumyu" qe wa paung jhaung qug: xo' ra" gatau mae" shogyi: re ana" ba joe" sho' lhao" re: mazo: ngad: ako". Pe"mung:ga"re Yaku nho: paung jhaung shogyi: re thaung" shai" pye' byid: yang: ngad: ra".
Currently Selected:
APAN AQAO: 32: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
APAN AQAO: 32
32
Eso We' Jho" Qhug' Nae" Qhid' Mae" Yaku Seim" Nyhang" Ra" Khyo
1Yaku wa yao" gyaung: khyo mae xo' ye" lo" na: au:-mug: lagyo: damyo" yao: re li" qhug' ako". 2Yaku wa yao: bam re the' myao lao"- ce wa Mao"So: jamu ngad: ra"- ga: ta" mung: ai: jo, qo re Mahanaim ga: mhang" ra".
3Yaku wa Edom mung" mae na: ra" yao: mao: Eso jhao" yao" gau: qhid' khae" yang: lagyo: qere nhao: ke' ra". 4Yao: wa ai: Edom lagyo: qere ceru: yeta" ge,- ni" jeim pho" ngo Yaku wa La Ban we' yena mung: ngo dam: tug' lo nae". Ana" joe" sho' thao gyo" pye' va" khyo lau re nga" Asang Eso re kyo" ke' ra". 5Ngo wa nung:- loze- yao- cad' be,- jham we' jeim qe re sang yaug ngad va". Nao lham: ngaui nae" rure myid: lao" yang: Asang re ngo dao: pyang: ke' ra"- ga: mho' ke' ra".
6Lagyo: qe Yaku jhao" dam: tug' joe" lo gelao"- yao: bam wa- ngonhaung" ni" mao: Eso jhao" ye: co' va". Yao: wa nao we' qhug' nae" qhid' mae" jin" jin" li" na: ava". Yao: wa byu byid yo we' daga" ngad: ra"- ga: ta" ako". 7Yaku wa gyo" gyaug mung: myid qug: myid ci" ra". Aimung: yao: wa yao: we' daga" ngad: ra" mo, re shid' phung: kho' ra". Yao" yao cad' be,- nung:- gola:u jham rere: shid' phung: kho' ra". 8Eso joe" li" mung: sao qhid' phung: re gye li" kad' re- gatau: phung: qo" loe li" nae" ga: yao: myid: jho: ra".
9Ailao"- Yaku wa- nga" phug' Abraham nho: Mao"So nga" pho" Isag nho: Mao"So we"- ngore tae" gyo: byid: la, wo"- Asang we" nao wa ngore nga" mug: khyo we' nga" amyu" qejhao" tug' phao: lo" wa,- nao wa ngore ja: khao: ngo" mae gai kad' byid: nae"- ga: ta" to" ra". 10Ni" jeim pho" ngore nao qhu" byid' ra" nhag' khyag' ru alhab' we' dao:so: zaung: ra" khyo jham re ngo kham: yu man: qi" yaug mangad:- ngo wa Yodan gyaung: re zaung: bao" dalam: za: ci yang: gau" de; li" va". Ana" ngo wa ce: shid' phung: we' daga" dam: tug' lo va". 11Ngo re nga" mao: Eso nho: lo, mae" khyad' yu la,- ein: akyu" mho' ra". Ngo gyaug: ra"- yao: joe" li" mung: ngonhaung" re gye li" kad' yang: ngonhaung" alhab' re li" se' pye' nae". Yao: myhi" qere we' zoshao qere lhao" re: li" se' pye' nae" rure ngo gyaug: ra". 12Nao wa ngore ja: khao: ngo" mae gai kad' byid: mung: khag' maqo" nghe' ra" panglai: qid yae cao" mae" ma coe nho" myo" laug: ra" myid:zo: qe byid: nae" ga: nao ngore dao:so: byid' to" rure myid: beim: wa,- ga: akyu" mho' ra".
13-15Ai: jo, qo mae damyi: geim" na: pye' thao yao: wa yao: mao: Eso qhid' mae" jhaung qhu" khyo" yao" gug'nyhug' mae" cad' myhi" 200 dau:- cad' lo: 20 dau:- yao myhi" 200 dau:- yao lo: 20 dau:- nug: jhaug' ra" gola:u myhi" 30 dau: anau" jham- nung: mo" 40 dau:- nung: lo: 10 dau:- loze amo" 20 dau:- loze lo: 10 dau: khyin: yu: ra". 16Aijham re aphung: khyo" kho' mung: yao" jeim qe mae" dayaug daphung: re qu" nhao: ra". Yaku wa yao: bam re daphung: we' daphung: jho" kyo yang: nga" qhid' au: mae ye" lo" ge,- ga: ta" ra". 17Aimung: yao: wa sao qhid' mae" jeim pho" re- nga" mao: Eso nao we' qhug' yang:- ni" Asang khag' ngad: i? Nao khai: khyo ye" lo" na: i? Ce: ni" qhid' au: mae" gug'nyhug' jham re khag' sang: ra" i?- ga: nao re yao: myid: lao". 18Nao wa ceru: phaug' tau: ca"- aijham wa ni" jeim pho" Yaku nho: ngad: ako". Yao: wa yao" Asang Eso qhid' mae" jhaung qhu" khyo" byid' ke' ru ngad: ra". Yaku yao: wa ngonhaung" thao mae ngad: ra"- ga: ta" nae" amyin" byid' ke' ra". 19Yaku wa jeim shid' yaug ein: yaug re we' sam yaug ein: yaug re gug'nyhug' phung: jham re qu" ra" gatau: jeim alhab' mo, rere: naonhaung" Eso we' jho" qhug' gelao"- ceru: ta" ca" ga: amyin" daja: za: byid' ra". 20Naonhaung" wa- ngad va"-ni" jeim pho" Yaku wa ngonhaung" thao mae ngad: ra" ein: ta" ca" ko" ra"- ga: re: amyin" byid' ra". Yaku wa jhaung qhu" jham: yang yao: re aung: yu: li" nae"-yao: we' ngo jho" qhug' lao"- yao: wa ngore qobo khyad' byid' re khyad' byid: maba- ga: myid: ra". 21Yaku wa jhaung qhu" jham re yao" qhid' au: khyo byid' ke' mung:- ai: myi jamu mae thang: na: jo; ra".
Penie Jo, Qo Mae Yaku- Mug: Lagyo: We' Jho" Zhaug' Ra" Khyo
22Ai: myi mae yao: Yaku wa to" mung:- yao" yham sang myhi" shid' yaug- yao" myingai shid' yaug yao" zoshao daxe: dayaug re jhui" yu mung:- Yabog gyaung: re gau" de; ye" ra". 23Yaku wa yao: bam re bin: kau" te' thao- yao: wa yao: sang: ra" gu: alhab' rere: kau" te' ke' ra". 24Ngadqere: yao: wa dayaug za: thao mae thang: gyo" ra".
Ailao" byu dayaug joe" li" mung: mug: bo" sho' yao: we' jho" zhaug' ako". 25Ai: yaug wa yao: makhao" aung: rure myao lao"- yao: wa Yaku nho: paung jhaung re thaung" ke' mung: paung qug: shai" lo" byaug: ra". 26Ai: yaug wa ngore lhag' ke' la, se,- mug: bo" li" na: ava"- ga: ta" ra".
Yaku wa ngore mashaman" byid: byid: wa nao re malhag' ke' nae"- ga: tau" ra".
27Ailao" ai byu yaug wa ni" mang pe" ngad: i? ga: myid' ra".
Yao: wa Yaku ngad: ga: phaug' tau" ra".
28Aiyaug wa ni" mang wa Yaku mangad: lo nae" ngad: ra". Nao wa Mao"So we' re: byu qe we' re: jho" zhaug' aung: pye' ava". Airumung: ni" mang wa Israel ngad: li" nae"- ga: ta" ra".
29Ailao" Yaku wa ana" ngore ni" mang ta" kyo: la,- ga: ta" ra".
Ngadqere: aiyaug wa nao pe"mung: nga" mang re ba nug: i? ga: tau: mung: ai: thao yao: wa Yaku re shaman" byid' ra".
30Yaku wa- ngo wa Mao"So re myo, khung: te' te' yao: the' myao va". Ngadqere: ngo ana" joe" sho' daui: na: jo, shi"- ga: ta" ra". Aimung: yao: wa ai: jo, qo re Penie ga: mhang" ra". 31Penie mae" Yaku to" lo" na: au:- ba thug' li" ra". Yao: wa yao" paung qug: shai" lo" byaug yang: yao" khyid lhag' byaug: ra". 32Israel byumyu" qe wa paung jhaung qug: xo' ra" gatau mae" shogyi: re ana" ba joe" sho' lhao" re: mazo: ngad: ako". Pe"mung:ga"re Yaku nho: paung jhaung shogyi: re thaung" shai" pye' byid: yang: ngad: ra".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009