YouVersion Logo
Search Icon

Ebhikorwa bhya Abhatumwa Obhutangati

Obhutangati
Omukaami wa ekitabho kya Ebhikorwa bhya Abhatumwa ꞉aariga ari Ruuka. Omwene niwe ꞉aakaamire ekitabho kya Amangʼana Amajomu kinu ekibhirikirwa ati Ruuka. Ruuka ꞉aariga atari Muyawudi. ꞉Aariga ari amwi na omutumwa Pawuro mu-ngʼendo gya Pawuro egya okuraasha Amangʼana Amajomu ganu agaaikira Yeesu Kiriisitu (Abhakorosaayi 4:10-14). Pawuro omwene ꞉aaikire ati, Ruuka ꞉aariga ari owumwi wa abhasakisi bhanu ꞉bhaariga mbamusakira (2 Timoteeyo 4:11; Firimooni 1:24). Na ꞉aariga ari muragusi, ˆnaabhasakiraga bhunu ꞉bhaarwaraga (Abhakorosaayi 4:14).
Ruuka ꞉aakaamire ekitabho kya Ebhikorwa bhya Abhatumwa agati wa emyaka gya 60-64 Yeesu aamarire okwibhurwa, mu-kabhaga kayo ꞉aariga ari amwi na Pawuro mu-musi gwa Ruumi.
Ekitabho kya Ebhikorwa bhya Abhatumwa ni mugenderesho gwa ekitabho kya Ruuka. Ekitabho kya Ebhikorwa bhya Abhatumwa ekyambira anu amangʼana ga ekitabho kya Ruuka agateera. Mu-kitabho kya Ebhikorwa bhya Abhatumwa, Ruuka kaaikira amangʼana amajomu muno ganu ꞉aarorere ku-bhwambiro bhwa riikanisa rya okwamba. Obhukene bhwaye obhunene ꞉bhwariga bhuri okweresha kutyo Nyamuwanga ꞉aasweranyiishe Amangʼana Amajomu ganu agaaikira Yeesu, na kutyo ꞉aakusiishe riikanisa na okuriyaana giinonkwe okuturira ku-mirimu gya Mwoyo Omutaakatiifu.

Highlight

Share

Copy

None

Want to have your highlights saved across all your devices? Sign up or sign in