Naṉ. 28
28
1Riwikia nuna takui̱ Isak Jakupan untsuk shiir awajás umik chicharuk “Ámeka ju̱yá̱ Kanaannumia̱ núwa̱ka peṉké nuatkaip. 2Antsu Patanarám nuṉkanam apachrum Pitiuirai̱ weme ame íichrum Rapana nawantri̱ nuatkata. 3Kame Ashí Tujintkiachu Yus shiir awajtámas tí untsurí napampátmarti. Tura amiiní̱ya̱ tí nukap aents mátsatka ajasárti. 4Tura amincha nuyá̱ amé shuarnasha Aprajáman shiir awajsámia núnisaṉ Niṉki shiir awajtámsati. Tura pujamna ju̱ nuṉkanmaṉ tarimiat ajasam pujusta. Warí Aprajáman Yus súsachukait” tímiayi.
5Nuna ti akupkámiayi. Tura aparí̱ timia asa Jakupka Patanarámnum Rapanai̱ jeamiayi. Rapancha Pitiuira uchirí̱yayi. Tura Riwikia umai̱yayi. Pitiuirka Aram shuarauyayi. Tura Riwikiaka Jakupan tura Esaun nukurí̱yayi.
Esaú ápatma
6Tura Isak Jakupan shiir awajás Kanaanmaya̱ nuwa̱ nuattsuk Patanarámnumia̱ nuatkatniuitme tusa jintintrámun Esausha nekaamiayi. 7Núnisaṉ Jakupka aparí̱n tura nukurí̱ncha umirainiak Patanarámnum wemia nunasha nekamiayi. 8Áintsaṉ Esauka ni aparí̱ Isak Kanaannumia̱ nuwa̱nka nua̱tka̱i̱n táman nekáa 9chíkich nuwa̱ncha aya̱riat Aprajáma uchirí̱ Ismaerai̱ wémiayi. Tura Ismaera nawantri̱n Nepayúta umai̱n Majarátan nuatkamiayi.
Uunt Yus Pitirnum Jakupan wantintiukma
10Tura Jakupka nukurí̱ wetá tutai Pirshiwianmaya̱ jiinkí̱ Aran péprunam jeataj tusa wémiayi. 11Tura jeatsuk jintiá kíntiamuk kayá atamprus kanarmiayi. 12Nui̱ mesekranam yakí̱ watai̱ nuṉkaya̱ nayaimpiniam áchitkiamunam Yusa suntari̱ nuṉká akaikiar yakiini̱ wakar ajainian wáinmiayi. 13Túmainiamunam yakí̱ Uunt Yus pujan wáinmiayi. Tura chicharuk “Witjiai ame apachrumi Aprajáman tura ame apan Isaka Yusri̱. Tura ame tepamna jú̱ nuṉkan ámin tura amé shuarnasha súsartatjai. 14Tura amé shuarka tí untsurí ajasártatui. Túrunawar naikmia imianú núkap ajasár arakaani̱sha nuṉkaani̱sha ántsaṉ etsa̱ jintiainmaani̱sha tura etsa̱ akatainmaani̱sha ashí nuṉkan enetkartatui. Túrunawarmatai aminí̱ya̱ tura amé shuarai̱ya̱ ashí nuṉkanmaya̱ aents shiir awajnásartatui. Naṉ. 12:3; 13:16; 22:17; Kar. 3:8,15-16 15Nekaata, ámiji̱a̱i̱ṉkia Wi pujajai. Tui̱ wétatam nui̱sha ámiji̱a̱i̱ tuke pujustatjai. Wi tájamna jú̱naka umirtsukka iniaisashtatjame. Antsu ataksha ju̱i̱ nuṉkemíni̱ṉ awaiṉkittiajme” Uunt Yus Jakupan mesekranam tímiayi.
16Nuya̱ṉka Jakup mesekramar shintiar chichaak “Nekas Uunt Yus tímiaja̱i̱sha pujawai. Maa, nuna nekaachmajai” tímiayi. 17Tusa Jakupsha tí ashamkamiayi. Tura chichaak “Ju̱ka ju̱i̱ṉkia tí ashammai núṉkaiti. Warí ju̱i̱ti Uunt Yusa je̱e̱. Tura nayaimpi wáitiri̱nti” tímiayi. 18Nuyá̱ peṉké kashik nantaki̱ kayan atamprus tepes kanarmia nuna achik Yusa náari̱n pachis shiir awajeak asuitin ukatak apujamiayi. 19Tura nui̱ yaunchu uunt pepru náari̱n Rus tú anaikiamu amia nuna Jakupka yapajtiua Pitir#28:19 Ni chichame̱ja̱i̱ Pitirka “Yusa je̱e̱” tawai. anaikiamiayi.
20-21Tura Jakup Yusan enentáimtus “Wats nekas winia wáitkiuṉka tura nemartakka yurumátniuncha entsartinniasha surakuiṉkia ukunam winia aparuí̱ péṉker waketkitniun yáiṉkiuṉka nuiṉkia nekas winia Uunt Yusur átatui. 22Tura kayan awajá ikiuajna ju̱, Uunt Yusa je̱e̱ átatui” tímiayi. Nuyá̱ Yusan chichareak “Ashí surustatmena nuya̱n tiásnumia̱n chikichkiniak akankan tuke amattajai Uunt Yusru” tímiayi Jakup.
Currently Selected:
Naṉ. 28: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Naṉ. 28
28
1Riwikia nuna takui̱ Isak Jakupan untsuk shiir awajás umik chicharuk “Ámeka ju̱yá̱ Kanaannumia̱ núwa̱ka peṉké nuatkaip. 2Antsu Patanarám nuṉkanam apachrum Pitiuirai̱ weme ame íichrum Rapana nawantri̱ nuatkata. 3Kame Ashí Tujintkiachu Yus shiir awajtámas tí untsurí napampátmarti. Tura amiiní̱ya̱ tí nukap aents mátsatka ajasárti. 4Tura amincha nuyá̱ amé shuarnasha Aprajáman shiir awajsámia núnisaṉ Niṉki shiir awajtámsati. Tura pujamna ju̱ nuṉkanmaṉ tarimiat ajasam pujusta. Warí Aprajáman Yus súsachukait” tímiayi.
5Nuna ti akupkámiayi. Tura aparí̱ timia asa Jakupka Patanarámnum Rapanai̱ jeamiayi. Rapancha Pitiuira uchirí̱yayi. Tura Riwikia umai̱yayi. Pitiuirka Aram shuarauyayi. Tura Riwikiaka Jakupan tura Esaun nukurí̱yayi.
Esaú ápatma
6Tura Isak Jakupan shiir awajás Kanaanmaya̱ nuwa̱ nuattsuk Patanarámnumia̱ nuatkatniuitme tusa jintintrámun Esausha nekaamiayi. 7Núnisaṉ Jakupka aparí̱n tura nukurí̱ncha umirainiak Patanarámnum wemia nunasha nekamiayi. 8Áintsaṉ Esauka ni aparí̱ Isak Kanaannumia̱ nuwa̱nka nua̱tka̱i̱n táman nekáa 9chíkich nuwa̱ncha aya̱riat Aprajáma uchirí̱ Ismaerai̱ wémiayi. Tura Ismaera nawantri̱n Nepayúta umai̱n Majarátan nuatkamiayi.
Uunt Yus Pitirnum Jakupan wantintiukma
10Tura Jakupka nukurí̱ wetá tutai Pirshiwianmaya̱ jiinkí̱ Aran péprunam jeataj tusa wémiayi. 11Tura jeatsuk jintiá kíntiamuk kayá atamprus kanarmiayi. 12Nui̱ mesekranam yakí̱ watai̱ nuṉkaya̱ nayaimpiniam áchitkiamunam Yusa suntari̱ nuṉká akaikiar yakiini̱ wakar ajainian wáinmiayi. 13Túmainiamunam yakí̱ Uunt Yus pujan wáinmiayi. Tura chicharuk “Witjiai ame apachrumi Aprajáman tura ame apan Isaka Yusri̱. Tura ame tepamna jú̱ nuṉkan ámin tura amé shuarnasha súsartatjai. 14Tura amé shuarka tí untsurí ajasártatui. Túrunawar naikmia imianú núkap ajasár arakaani̱sha nuṉkaani̱sha ántsaṉ etsa̱ jintiainmaani̱sha tura etsa̱ akatainmaani̱sha ashí nuṉkan enetkartatui. Túrunawarmatai aminí̱ya̱ tura amé shuarai̱ya̱ ashí nuṉkanmaya̱ aents shiir awajnásartatui. Naṉ. 12:3; 13:16; 22:17; Kar. 3:8,15-16 15Nekaata, ámiji̱a̱i̱ṉkia Wi pujajai. Tui̱ wétatam nui̱sha ámiji̱a̱i̱ tuke pujustatjai. Wi tájamna jú̱naka umirtsukka iniaisashtatjame. Antsu ataksha ju̱i̱ nuṉkemíni̱ṉ awaiṉkittiajme” Uunt Yus Jakupan mesekranam tímiayi.
16Nuya̱ṉka Jakup mesekramar shintiar chichaak “Nekas Uunt Yus tímiaja̱i̱sha pujawai. Maa, nuna nekaachmajai” tímiayi. 17Tusa Jakupsha tí ashamkamiayi. Tura chichaak “Ju̱ka ju̱i̱ṉkia tí ashammai núṉkaiti. Warí ju̱i̱ti Uunt Yusa je̱e̱. Tura nayaimpi wáitiri̱nti” tímiayi. 18Nuyá̱ peṉké kashik nantaki̱ kayan atamprus tepes kanarmia nuna achik Yusa náari̱n pachis shiir awajeak asuitin ukatak apujamiayi. 19Tura nui̱ yaunchu uunt pepru náari̱n Rus tú anaikiamu amia nuna Jakupka yapajtiua Pitir#28:19 Ni chichame̱ja̱i̱ Pitirka “Yusa je̱e̱” tawai. anaikiamiayi.
20-21Tura Jakup Yusan enentáimtus “Wats nekas winia wáitkiuṉka tura nemartakka yurumátniuncha entsartinniasha surakuiṉkia ukunam winia aparuí̱ péṉker waketkitniun yáiṉkiuṉka nuiṉkia nekas winia Uunt Yusur átatui. 22Tura kayan awajá ikiuajna ju̱, Uunt Yusa je̱e̱ átatui” tímiayi. Nuyá̱ Yusan chichareak “Ashí surustatmena nuya̱n tiásnumia̱n chikichkiniak akankan tuke amattajai Uunt Yusru” tímiayi Jakup.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.