Génesis 15
15
Abramta Teyta Dios äninqan
1Tsëpitanam Abramta revelarnin Teyta Dios nirqan: <<Abram, ama mantsakëtsu. Noqam escüdïki këkä. Qammanmi bendicionnïta churamushaq>>.
2Tsënö niptinnam Abramqa nirqan: <<Teyta Dios, tsurï mana këkaptinqa ¿pïnïpaqraq imëka qomanqëkikunapis kanqa? Wanukuptïqa llapan imëkäkunawanpis Damascupita sirwimaq Eliezerllachi quedanqa. 3Tsurinnaq kanäpaq permitikaptikiqa podernïchö yuriq sirwimaqnïllachi llapan imëkäwanpis quedanqa>>.
4Tsënö niptinnam Teyta Dios nirqan: <<Manam sirwishuqnikitsu imëkiwanpis quedanqa, sinöqa kikikipa tsurikim heredëruqa kanqa>>.
5Tsëpitanam waqtaman pushëkur Abramta Teyta Dios nirqan: <<Ciëluta rikë. ¿Qoyllurkunata yupëta puëdinkiku?>>
Nirirnam nirqan: <<Mirënikikunapis tsënömi kayanqa>>.#Rom. 4.18; Heb. 11.12.
6Tsë ninqanta Abram creyiptinmi jutsannaqtana Teyta Dios chaskirqan.#Rom. 4.3, 9, 22; Gál. 3.6; Stg. 2.23. 7Tsëpitanam Teyta Dios nirqan: <<Noqaqa Teyta Diosmi kä. Caldeo nunakuna täräyashqan Ur markapitam jorqamurqaq kë rikätsinqaq chakrakunata herenciëki qoykunaqpaq>>.
8Abramnam tapurqan: <<Teyta Dios, ¿imanöpataq musyashaq kë markakuna noqapaq rasunpa kananta?>>
9Tsënam Teyta Dios nirqan: <<Apamï juk wishita, juk chiwata y juk üshata. Tsë wätakuna kayätsun kima watayuqlla. Tsënölla apamï juk kullkuta y juk llullu urpëta>>.
10Tsënö niptinnam Abram tsë wätakunata apëkur pullanpa ishkëman roqurir frenti frenti churarqan. Urpëtawan kullkutaqa manam ishkëman roqurqantsu.#Jer. 34.18-19. 11Tsë churanqan ëtsaman wiskurkuna uräyämuptinnam Abram chishakurqan. 12Inti jeqëkaptinnam Abramqa feyupa punukäkïkurqan. Tsëmi suëñïninchö pasëpa paqaschönö këkar alläpa mantsakëkurqan.
13Tsënam Teyta Dios nirqan: <<Qampita miraqkunam chusku pachak (400) wata juk markachö nunakunapa esclävun kar jipayanqa.#Éxo. 1.1-14; Hech. 7.6. 14Tsënö kaptinpis tsë marka nunakunatam castigashaq. Tsëpitanam qampita mirënikikunata atska riquëzayuqta jorqamushaq.#Éxo. 12.36; Hech. 7.7. 15Manaraq tsëkuna pasaptinmi awkinyashqëkiyaq qamqa alli kawanki. Tsëpitanam wanukur unë castëkikuna kaqman ewkunki. 16Chusku pachak wata pasariptinran mirënikikuna kë tëkanqëkiman kutiyämunqa. Kutiyämunanpaqqa këchö täraq amorreo nunakuna alläpa jutsayuqnam kayanqa>>.
17Patsa paqasyärishqana këkaptinmi nina shanshallantin#15.17a Wakin nunakunaqa shankallantin niyanmi. qoyëkaq kallana y shukshu puntanchö rawrëkaq nina yurirkurqan. Tsëkunam churarëkaq ëtsakuna chöpinpa pasarqan.#15.17b Tsë witsan tsëchö täkuq nunakunapa costumbrin kënömi karqan: Imatapis änikunqanta cumplinanpaq parlarqa wätakunata pullanpa ishkëman roqurirmi frenti frenti churayaq. Tsëpitanam churayanqan ëtsakuna chöpinpa kënö nir pasayaq: <<Noqatapis ishkëman roqurayämätsun änikunqäta mana cumpliptïqa>>. Tsëmi nina shanshallantin qoyëkaq kallana y shukshu puntanchö rawrëkaq nina ëtsakuna chöpinpa pasëkaqta rikar Abram mäkurirqan roqunqan wätakunapa chöpinpa kikin Teyta Dios pasanqanta. Tsënö pasarmi Abramta Teyta Dios käyitsirqan äninqanta cumplinanpaq. 18Tsë junaqmi Abramwan pactuta rurar Teyta Dios kënö nirqan: <<Kë markatam Egipto mayupita hasta Éufrates jatun mayuyaq mirënikikunata qoykushaq.#Hech. 7.5. 19Tsëchömi tëkäyan ceneo nunakuna, cenezeo nunakuna, cadmoneo nunakuna, 20heteo nunakuna, ferezeo nunakuna, refaíta nunakuna, 21amorreo nunakuna, cananeo nunakuna, gergeseo nunakuna y jebuseo nunakuna>>.
Currently Selected:
Génesis 15: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.