Génesis 27
27
Jacobta Isaac bendisïkunqan
1Paqwë awkinna karmi Isaacqa reqikurqannatsu. Jukpinnam wamaqshu tsurin Esaúta qayarqan. Qayaptinnam nirqan: <<¿Imanantaq, tëtë?>>
2Tsënam Isaacqa nirqan: <<Noqaqa alläpa awkinnam kä. Tsënö këkar mana mäkïllapam wanukïkushaq. 3Flëchëkita aparkur jirkapa ëwë tsëchö animalta wanuratsir apamunëkipaq. 4Tsë ëtsapita gustanqä mikïta arurir qararamë. Tsëta mikurkurnam manaraq wanukur bendisïkushqëki>>.
5Esaúta tëtan tsënö ninqantam Rebeca wiyarqan. Tsëmi jirka animalta tsarimunanpaq Esaú jeqariptin 6Jacobta Rebeca nirqan: <<Wawqiki Esaúta tëtëki parlapanqantam wiyarqü. 7Pëtam mañakushqa jirka animalta tsariramur gustanqan mikïta arupunanpaq. Tsëta mikurkurshi Teyta Diospa nöpanchö bendisïkunqa. 8Kanan käyitsinqaqta shumaq wiyamë. 9Raslla ëwar chiwantsikkunapita ishkë allin kaq mallwa chiwata aparamï. Tsë ëtsapitam tëtëkipa yachënin mikïta rurapushaq. 10Tsëta aruramuptïnam tëtëki mikunanpaq apapunki. Tsëta mikurkurnam manaraq wanukur bendisïkushunki>>.
11Tsënö niptinnam mamäninta Jacob nirqan: <<Noqaqa manam wawqï Esaúnö shapratsu kä.#Gén. 25.25. 12Tëtä yatamarqa mäkurinqam. Ulipanqäta mäkurirqa bendicionninta qomänanpa rantinmi maldisimanqa>>.
13Tsënam mamänin nirqan: <<Tëtëki maldisishuptikiqa noqaman chämutsun. Ninqaqnölla ajalla ëwar mallwa chiwakunata apamï>>.
14Mamänin tsënö niptinnam Jacobqa ëwar ishkë mallwa chiwakunata apamurqan. Tsë ëtsapitanam Isaac yachanqan mikïta arurapurqan. 15Tsëpitanam Esaúpa churaraq allin kaq ratashninta Jacobta yakatsirqan. 16Y tëtan cuentata mana qokunanpaqnam chiwakunapa qaratsanwan Jacobpa rikranta y kunkanta wankupurqan. 17Arunqan mikïtanam y tantatanam wawan Jacobta qorirqan tëtanman apananpaq.
18Tëtanman chärirnam Jacob nirqan: <<¡Tëtë!>>
Isaacnam nirqan: <<¿Imanantaq, wamra? ¿Mëqan kaq tsurïtaq kanki?>>
19Jacobnam yaskirqan: <<Noqaqa wamaqshu tsuriki Esaúmi kä. Nimanqëkitam arumurqü. Kanan tarkamï. Tsarimunqä animalpa ëtsanta mikurkï bendisïkamänëkipaq>>.
20Tsëmi Isaac tapurqan: <<¿Imanöpataq rasllaqa tariramurqunki?>>
Tsënö niptinnam Jacob nirqan: <<Teyta Diosniki yanapamaptinmi raslla tarimurqü>>.
21Isaacnam nirqan: <<Rasunpa Esaú kanqëkita musyanäpaq mä witimï>>.
22Tsënam Jacobqa tëtanpa nöpanman witirqan. Yatëkurnam tëtan nirqan: <<Parlëninqa Jacobpanömi. Rikranqa Esaúpa rikrannömi>>.
23Esaúpa rikrannö shaprasapa kaptinmi yatëkarpis mäkurqantsu Jacob kanqanta. Bendisinanpaq këkarnam 24yapë tapurqan: <<¿Rasunpaku tsurï Esaú kanki?>>
Jacobnam yaskirqan: <<Rasunpam Esaú kä, tëtë>>.
25Tëtannam nirqan: <<Tsarimunqëki animalpa ëtsanta qarëkallämë. Mikur usharirnam bendisïkushqëki>>.
Tsënam Jacobqa mikïtawan vïnuta makyarqan. Isaacnam mikurqan y upurqan. 26Mikur usharirnam nirqan: <<Wamra, witimur mutsëkamë>>.
27Jacobnam witïkur mutsëkurqan. Mutsaptinnam Esaúpa ratashninpa pukutëninta mäkurirqan. Esaú kanqanta yarparmi bendisïkur nirqan:
<<Këqa tsurïpa pukutëninmi.
Teyta Dios bendicionninta churanqan chakranömi pukutëkanpis.
28Qam täranqëkiman Teyta Dios tamyëkatsimutsun.
Ëllïtapis mana puëdinqëkiyaq murunqëkipis wayïkullätsun.
Trïguïkipis vïnïkipis atska këkullätsun.
29Qamtaqa atska nunakunam sirwiyäshunki.
Tsënölla llapan marka nunakunapis puntëkiman qonqurikayämutsun.
Castëkikunapis munënikichö kayätsun.
Pëkunapis puntëkiman qonqurikayämutsun.
Qamta maldisishuqnikiqa maldisishqam kanqa.
Bendisishuqnikiqa bendisishqam kanqa>>.#Gén. 12.3; Heb. 11.20.
30Bendicionta chaskirir Jacob yarqurëkaptinnam Esaúqa tsarimunqan animalnin matankashqa chärirqan. 31Pëpis tëtanta gustanqan mikïtam arurapur apapurqan. Chäratsirnam nirqan: <<Sharkamï, tëtë, tsarimunqä animalpa ëtsanta mikurinëkipaq. Tsëpitana bendisïkallämë>>.
32Tsënö niptinnam Isaac tapurqan: <<¿Mëqan kaq tsurïtaq kanki?>>
Esaúnam nirqan: <<Wamaqshu tsuriki Esaúmi kä>>.
33Tsënam Isaacqa pasëpa tsuktsukyarninraq nirqan: <<Tsëpinqa ¿pitaq jirka animalta tsarïkur aruramur apamushqa? Tsë mikïtam manaraq chämuptiki llapanta mikurqü. Pënam llapan bendicionnïta chaskishqa>>.
34Tëtan tsënö niptinnam Esaúqa qaparipa qayaripa waqarnin nirqan: <<Tëtë, noqatapis bendicionta qoykallämë>>.
35Tsënö niptinnam Isaac nirqan: <<Wawqiki shamïkur ulipämaptinmi qamta qonaqpaq kaq bendiciontaqa pëtana qoykurqü>>.
36Tsënam Esaú nirqan: <<Tsënö kaptinchi Jacob#27.36 Jacob ninanqa atakanta aptan ninanmi y ulikuq ninanmi. shutin kananpaq churarqëki. Kananwanqa ishkë kutinam engañaman. Puntatam mayor kë derëchüta qochimashqa.#Gén. 25.29-34. Kanannam noqapaq kaq bendicionta chaskikurkushqa. ¿Manaku wallkallapis noqapaqqa bendición quedashqa, tëtë?>>
37Tsënö niptinnam Isaac nirqan: <<Jacobtanam nirqü munëninchö tsaräshunëkipaq y qampita mirënikikunapis pëpa munëninchö kayänanpaq. Tsënöllam nirqü trïgunpis üvasninpis atska kananpaq. Kanan ¿ima bendicionllatanaraq qoykushqëki, wamra?>>
38Tsënö niptinnam Esaúqa yapë nirqan: <<Tëtë, noqataqa ¿manaku jukllëllatapis bendicionta qoykamanki? Noqatapis bendicionta qoykallämë>>.
Tsënö nirmi qaparir qayarir tëtanta waqaparqan.#Heb. 12.17.
39Tsëmi Esaúta Isaac nirqan:
<<Mikï mana wayunqan chakrachömi y tamya mana kanqanchömi täranki.
40Espädëkiwan defendikurmi kawanki.
Wawqikipa munëninchömi kanki.
Tsënö karpis poderyuq tikrarmi makinpita yarqunki>>.#Heb. 11.20.
Esaúpita Jacob safar ewkunqan
41Tëtan bendicionta qonqan junaqpita patsam Esaúqa Jacobta alläpa chikirqan. Tsëmi kënö yarparqan: <<Tëtä wanuriptinmi wawqï kaptinpis wanutsishaq>>.
42Esaú tsënö yarpëkanqanta Rebeca musyëkurnam Jacobta qayëkatsir nirqan: <<Wawqiki Esaúmi wanutsishunëkipaq yarpëkan. 43Kanan willapanqaqta shumaq wiyamë. Haránchö turï Labán kaqman safar ewkï.#Gén. 24.28-30; 28.1-2. 44Pë kaqchö täkunki wawqikipa piñakïnin pasanqanyaq. 45Piñakïnin pasariptinnam qayatsishqëki kutikamunëkipaq. ¡Noqa manam munätsu ishkan wawäta juk junaqllachö oqrëkïta!>>
46Tsëpitanam qowan Isaacta Rebeca nirqan: <<Esaúpa warminkunata mana rikänä rëkur jina wanukümanpis. Kë Canaánchö heteo warmikunata Jacobpis ashiptinqa ¿imapaqnam kawashaqpis?>>
Currently Selected:
Génesis 27: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Génesis 27
27
Jacobta Isaac bendisïkunqan
1Paqwë awkinna karmi Isaacqa reqikurqannatsu. Jukpinnam wamaqshu tsurin Esaúta qayarqan. Qayaptinnam nirqan: <<¿Imanantaq, tëtë?>>
2Tsënam Isaacqa nirqan: <<Noqaqa alläpa awkinnam kä. Tsënö këkar mana mäkïllapam wanukïkushaq. 3Flëchëkita aparkur jirkapa ëwë tsëchö animalta wanuratsir apamunëkipaq. 4Tsë ëtsapita gustanqä mikïta arurir qararamë. Tsëta mikurkurnam manaraq wanukur bendisïkushqëki>>.
5Esaúta tëtan tsënö ninqantam Rebeca wiyarqan. Tsëmi jirka animalta tsarimunanpaq Esaú jeqariptin 6Jacobta Rebeca nirqan: <<Wawqiki Esaúta tëtëki parlapanqantam wiyarqü. 7Pëtam mañakushqa jirka animalta tsariramur gustanqan mikïta arupunanpaq. Tsëta mikurkurshi Teyta Diospa nöpanchö bendisïkunqa. 8Kanan käyitsinqaqta shumaq wiyamë. 9Raslla ëwar chiwantsikkunapita ishkë allin kaq mallwa chiwata aparamï. Tsë ëtsapitam tëtëkipa yachënin mikïta rurapushaq. 10Tsëta aruramuptïnam tëtëki mikunanpaq apapunki. Tsëta mikurkurnam manaraq wanukur bendisïkushunki>>.
11Tsënö niptinnam mamäninta Jacob nirqan: <<Noqaqa manam wawqï Esaúnö shapratsu kä.#Gén. 25.25. 12Tëtä yatamarqa mäkurinqam. Ulipanqäta mäkurirqa bendicionninta qomänanpa rantinmi maldisimanqa>>.
13Tsënam mamänin nirqan: <<Tëtëki maldisishuptikiqa noqaman chämutsun. Ninqaqnölla ajalla ëwar mallwa chiwakunata apamï>>.
14Mamänin tsënö niptinnam Jacobqa ëwar ishkë mallwa chiwakunata apamurqan. Tsë ëtsapitanam Isaac yachanqan mikïta arurapurqan. 15Tsëpitanam Esaúpa churaraq allin kaq ratashninta Jacobta yakatsirqan. 16Y tëtan cuentata mana qokunanpaqnam chiwakunapa qaratsanwan Jacobpa rikranta y kunkanta wankupurqan. 17Arunqan mikïtanam y tantatanam wawan Jacobta qorirqan tëtanman apananpaq.
18Tëtanman chärirnam Jacob nirqan: <<¡Tëtë!>>
Isaacnam nirqan: <<¿Imanantaq, wamra? ¿Mëqan kaq tsurïtaq kanki?>>
19Jacobnam yaskirqan: <<Noqaqa wamaqshu tsuriki Esaúmi kä. Nimanqëkitam arumurqü. Kanan tarkamï. Tsarimunqä animalpa ëtsanta mikurkï bendisïkamänëkipaq>>.
20Tsëmi Isaac tapurqan: <<¿Imanöpataq rasllaqa tariramurqunki?>>
Tsënö niptinnam Jacob nirqan: <<Teyta Diosniki yanapamaptinmi raslla tarimurqü>>.
21Isaacnam nirqan: <<Rasunpa Esaú kanqëkita musyanäpaq mä witimï>>.
22Tsënam Jacobqa tëtanpa nöpanman witirqan. Yatëkurnam tëtan nirqan: <<Parlëninqa Jacobpanömi. Rikranqa Esaúpa rikrannömi>>.
23Esaúpa rikrannö shaprasapa kaptinmi yatëkarpis mäkurqantsu Jacob kanqanta. Bendisinanpaq këkarnam 24yapë tapurqan: <<¿Rasunpaku tsurï Esaú kanki?>>
Jacobnam yaskirqan: <<Rasunpam Esaú kä, tëtë>>.
25Tëtannam nirqan: <<Tsarimunqëki animalpa ëtsanta qarëkallämë. Mikur usharirnam bendisïkushqëki>>.
Tsënam Jacobqa mikïtawan vïnuta makyarqan. Isaacnam mikurqan y upurqan. 26Mikur usharirnam nirqan: <<Wamra, witimur mutsëkamë>>.
27Jacobnam witïkur mutsëkurqan. Mutsaptinnam Esaúpa ratashninpa pukutëninta mäkurirqan. Esaú kanqanta yarparmi bendisïkur nirqan:
<<Këqa tsurïpa pukutëninmi.
Teyta Dios bendicionninta churanqan chakranömi pukutëkanpis.
28Qam täranqëkiman Teyta Dios tamyëkatsimutsun.
Ëllïtapis mana puëdinqëkiyaq murunqëkipis wayïkullätsun.
Trïguïkipis vïnïkipis atska këkullätsun.
29Qamtaqa atska nunakunam sirwiyäshunki.
Tsënölla llapan marka nunakunapis puntëkiman qonqurikayämutsun.
Castëkikunapis munënikichö kayätsun.
Pëkunapis puntëkiman qonqurikayämutsun.
Qamta maldisishuqnikiqa maldisishqam kanqa.
Bendisishuqnikiqa bendisishqam kanqa>>.#Gén. 12.3; Heb. 11.20.
30Bendicionta chaskirir Jacob yarqurëkaptinnam Esaúqa tsarimunqan animalnin matankashqa chärirqan. 31Pëpis tëtanta gustanqan mikïtam arurapur apapurqan. Chäratsirnam nirqan: <<Sharkamï, tëtë, tsarimunqä animalpa ëtsanta mikurinëkipaq. Tsëpitana bendisïkallämë>>.
32Tsënö niptinnam Isaac tapurqan: <<¿Mëqan kaq tsurïtaq kanki?>>
Esaúnam nirqan: <<Wamaqshu tsuriki Esaúmi kä>>.
33Tsënam Isaacqa pasëpa tsuktsukyarninraq nirqan: <<Tsëpinqa ¿pitaq jirka animalta tsarïkur aruramur apamushqa? Tsë mikïtam manaraq chämuptiki llapanta mikurqü. Pënam llapan bendicionnïta chaskishqa>>.
34Tëtan tsënö niptinnam Esaúqa qaparipa qayaripa waqarnin nirqan: <<Tëtë, noqatapis bendicionta qoykallämë>>.
35Tsënö niptinnam Isaac nirqan: <<Wawqiki shamïkur ulipämaptinmi qamta qonaqpaq kaq bendiciontaqa pëtana qoykurqü>>.
36Tsënam Esaú nirqan: <<Tsënö kaptinchi Jacob#27.36 Jacob ninanqa atakanta aptan ninanmi y ulikuq ninanmi. shutin kananpaq churarqëki. Kananwanqa ishkë kutinam engañaman. Puntatam mayor kë derëchüta qochimashqa.#Gén. 25.29-34. Kanannam noqapaq kaq bendicionta chaskikurkushqa. ¿Manaku wallkallapis noqapaqqa bendición quedashqa, tëtë?>>
37Tsënö niptinnam Isaac nirqan: <<Jacobtanam nirqü munëninchö tsaräshunëkipaq y qampita mirënikikunapis pëpa munëninchö kayänanpaq. Tsënöllam nirqü trïgunpis üvasninpis atska kananpaq. Kanan ¿ima bendicionllatanaraq qoykushqëki, wamra?>>
38Tsënö niptinnam Esaúqa yapë nirqan: <<Tëtë, noqataqa ¿manaku jukllëllatapis bendicionta qoykamanki? Noqatapis bendicionta qoykallämë>>.
Tsënö nirmi qaparir qayarir tëtanta waqaparqan.#Heb. 12.17.
39Tsëmi Esaúta Isaac nirqan:
<<Mikï mana wayunqan chakrachömi y tamya mana kanqanchömi täranki.
40Espädëkiwan defendikurmi kawanki.
Wawqikipa munëninchömi kanki.
Tsënö karpis poderyuq tikrarmi makinpita yarqunki>>.#Heb. 11.20.
Esaúpita Jacob safar ewkunqan
41Tëtan bendicionta qonqan junaqpita patsam Esaúqa Jacobta alläpa chikirqan. Tsëmi kënö yarparqan: <<Tëtä wanuriptinmi wawqï kaptinpis wanutsishaq>>.
42Esaú tsënö yarpëkanqanta Rebeca musyëkurnam Jacobta qayëkatsir nirqan: <<Wawqiki Esaúmi wanutsishunëkipaq yarpëkan. 43Kanan willapanqaqta shumaq wiyamë. Haránchö turï Labán kaqman safar ewkï.#Gén. 24.28-30; 28.1-2. 44Pë kaqchö täkunki wawqikipa piñakïnin pasanqanyaq. 45Piñakïnin pasariptinnam qayatsishqëki kutikamunëkipaq. ¡Noqa manam munätsu ishkan wawäta juk junaqllachö oqrëkïta!>>
46Tsëpitanam qowan Isaacta Rebeca nirqan: <<Esaúpa warminkunata mana rikänä rëkur jina wanukümanpis. Kë Canaánchö heteo warmikunata Jacobpis ashiptinqa ¿imapaqnam kawashaqpis?>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.