San Lucas 7
7
Nahuun se‑mo̱zó ꞌo̱ tanuu capitán, quiꞌyaj Jesús a
1Quisíj caꞌmii Jesús nu̱ꞌ nana̱ yoꞌ cuno nij yuvii̱, ga̱a ne̱ caꞌanj soꞌ chumanꞌ Capernaum a. 2Dan me se yáán ꞌo̱ tanuu capitán romanó ꞌni̱j raꞌa cientó tanuu chumanꞌ yoꞌ a. Ne̱ vaa ꞌo̱ se‑mo̱zó soꞌ síí ꞌe̱e̱ uxrá rá soꞌ man, ne̱ ranꞌ uxrá mozó yoꞌ, ne̱ da̱j doj cavi̱ꞌ soꞌ a. 3Dan me se cuno tanuu capitán yoꞌ cheꞌé Jesús, ne̱ caꞌnéé soꞌ do̱j síí uun chij rihaan nij yuvii̱ israelitá cuchi̱ꞌ nij soꞌ rihaan Jesús, ne̱ cachi̱nj niꞌya̱j nij soꞌ rihaan Jesús se vaa caꞌna̱ꞌ soꞌ tinahu̱un soꞌ se‑mo̱zó tanuu capitán yoꞌ a. 4Dan me se cuchiꞌ nij síí uun chij yoꞌ rihaan Jesús, ga̱a ne̱ cachíín niꞌya̱j uxrá nij soꞌ rihaan Jesús, cataj nij soꞌ a:
―Síí sa̱ꞌ me tanuu capitán yoꞌ, ne̱ cheꞌé dan vaa cheꞌé ya̱ qui̱ꞌyáá so̱ꞌ da̱nj cheꞌé soꞌ ado̱nj. 5ꞌE̱e̱ rá soꞌ man níꞌ si̱j israelitá, ne̱ maꞌa̱n soꞌ quiꞌyaj veꞌ nuu chre̱ꞌ núj tu̱cuꞌyón núj stucua̱nj Moisés ado̱nj ―taj nij soꞌ rihaan Jesús a.
6Ne̱ caꞌanj Jesús ga̱ nij soꞌ, ne̱ da̱j doj cuchi̱ꞌ nij soꞌ veꞌ, ga̱a ne̱ caꞌnéé tanuu capitán yoꞌ man tuviꞌ soꞌ caꞌa̱nj cara̱nꞌ man Jesús, ne̱ cataj nij soꞌ a:
―Se̱ caráya̱ꞌáán so̱ꞌ, maan maestro. ꞌO̱ se né si̱j sa̱ꞌ me soꞌ, taj soꞌ maꞌ. Ne nó xcúún soꞌ catu̱u̱ so̱ꞌ rá veꞌ tucuá soꞌ, taj soꞌ maꞌ. 7Cheꞌé dan ne quisi̱j rá maꞌa̱n soꞌ caꞌna̱ꞌ soꞌ rihaan so̱ꞌ, taj soꞌ maꞌ. Ma̱an se caꞌne̱ꞌ u̱u̱n so̱ꞌ suun se vaa nahu̱un se‑mo̱zó soꞌ, ga̱a ne̱ nahu̱un maꞌa̱n se‑mo̱zó soꞌ, taj soꞌ na̱nj á. 8Ne̱ cataj soꞌ se vaa vaa síí rii taꞌngaꞌ rihaan soꞌ, ne̱ rii taꞌngaꞌ soꞌ rihaan tanuu, ne̱ taj soꞌ rihaan tanuu se vaa caꞌa̱nj nij soꞌ, ne̱ ꞌanj nij soꞌ, ne̱ taj soꞌ rihaan nij tanuu se vaa caꞌna̱ꞌ nij soꞌ, ne̱ ꞌnaꞌ nij soꞌ rihaan soꞌ, ne̱ taj soꞌ da̱j quiꞌya̱j se‑mo̱zó soꞌ, ne̱ veé da̱nj ꞌyaj soꞌ ado̱nj ―taj nij tuviꞌ tanuu capitán yoꞌ rihaan Jesús a.
9Dan me se ga̱a cuno Jesús nana̱ caꞌmii tuviꞌ tanuu capitán yoꞌ, ne̱ caꞌanj rá Jesús, ne̱ canica̱j soꞌ cataj soꞌ rihaan nij síí noco̱ꞌ rej xco̱ soꞌ a:
―Cuano̱ nihánj me cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán nihánj a̱ maꞌ ―taj Jesús rihaan nij soꞌ a.
10Dan me se canica̱j uún nij tuviꞌ tanuu capitán yoꞌ caꞌanj nij soꞌ tucuá soꞌ, ne̱ ga̱a cuchiꞌ nij soꞌ, ne̱ a̱j nahuun se‑mo̱zó tanuu capitán yoꞌ, quiꞌyaj Jesús a.
Cunuu iꞌna̱ꞌ uún taꞌníí ꞌo̱ chana̱ caviꞌ nica̱, quiꞌyaj Jesús a
11Dan me se cachén do̱j güii, ga̱a ne̱ caꞌanj Jesús chumanꞌ cuꞌna̱j Naín ga̱ nij síí tucuꞌyón snana̱ soꞌ ga̱ ri̱i̱ uxrá yuvii̱ a. 12Nichrunꞌ nij soꞌ tuꞌva chumanꞌ, ne̱ dan me se nariꞌ tuviꞌ Jesús ga̱ nij síí caꞌanj cachi̱nꞌ ꞌo̱ xnangá a. Ne̱ síí caviꞌ me se o̱rúnꞌ soꞌ me taꞌníí chana̱ caviꞌ nica̱, ne̱ va̱j ꞌo̱ xꞌneꞌ noco̱o yuvii̱ ma̱n chumanꞌ yoꞌ ga̱ nii soꞌ rihaan santó a. 13Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a:
―Se̱ taꞌveé so̱ꞌ maꞌ ―taj soꞌ a.
14Ga̱a ne̱ caꞌanj Jesús canó raꞌa soꞌ man chrúún ta̱j xnangá, ga̱a ne̱ canicunꞌ nij síí ta̱j chihá xnangá a. Ga̱a ne̱ cataj Jesús rihaan síí caviꞌ a:
―Cu̱nó so̱ꞌ aꞌmij, ne̱ na̱xaga̱a̱ so̱ꞌ, xnij ―taj Jesús rihaan síí caviꞌ yoꞌ a.
15Ga̱a ne̱ cunuu iꞌna̱ꞌ ya̱ uún xnii, ne̱ naxaga̱a̱ soꞌ, ga̱a ne̱ guun cheꞌe̱ xnii caꞌmii soꞌ a. Ga̱a ne̱ narqué Jesús xnii man nii xnii a.
16Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.
17Ga̱a ne̱ cuchiꞌ nana̱ rihaan nij yuvii̱ ma̱n estadó Judea do̱ꞌ, rihaan nu̱ꞌ nij yuvii̱ ma̱n anica̱j estadó Judea cheꞌé se vaa quiꞌyaj Jesús a.
Caꞌmii Jesús cheꞌé Juan Síí Cutaꞌ Ne man yuvii̱ a
18Dan me se cuno nij síí tucuꞌyón snana̱ Juan nu̱ꞌ se vaa quiꞌyaj Jesús, ga̱a ne̱ cataj xnaꞌanj nij soꞌ rihaan Juan a. Ga̱a ne̱ canacúún Juan man vi̱j síí tucuꞌyón snana̱ soꞌ caꞌna̱ꞌ ro̱j soꞌ rihaan soꞌ, 19ga̱a ne̱ caꞌnéé soꞌ man ro̱j soꞌ cuchi̱ꞌ ro̱j soꞌ rihaan Jesús Si̱j ꞌNi̱j Raꞌa man níꞌ a. Ne̱ nana̱ nihánj roꞌ, xna̱ꞌanj ro̱j soꞌ man Jesús, taj Juan rihaan ro̱j soꞌ a: “So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ.” Dan me nana̱ me rá Juan xna̱ꞌanj ro̱j soꞌ man Jesús a. 20Dan me se cuchiꞌ ro̱j soꞌ rihaan Jesús, ne̱ cataj ro̱j soꞌ a:
―Vi̱j ranꞌ rój me síí caꞌnéé Juan Síí Utaꞌ Ne man yuvii̱ caꞌna̱ꞌ rihaan so̱ꞌ xna̱ꞌanj rój ꞌo̱ nana̱ rihaan so̱ꞌ a. Ma̱ꞌán so̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ, ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ ―taj ro̱j soꞌ rihaan Jesús a.
21Ga̱a ne̱ veé ma̱an orá caꞌnaꞌ ro̱j síí caꞌnéé Juan man roꞌ, nahuun queꞌe̱e̱ ndoꞌo síí ranꞌ do̱ꞌ, curiha̱nj nana̱ chre̱e nimán queꞌe̱e̱ yuvii̱ do̱ꞌ, nachuguu̱n rihaan queꞌe̱e̱ síí tuchri̱i do̱ꞌ, quiꞌyaj Jesús a. 22Ga̱a ne̱ cataj xnaꞌanj Jesús rihaan ro̱j soꞌ a:
―Cavi̱i̱ ro̱j so̱j cuchi̱ꞌ uún ro̱j so̱j rihaan Juan, ne̱ cata̱j xnaꞌanj ro̱j so̱j rihaan soꞌ nu̱ꞌ nana̱ cuno ro̱j so̱j do̱ꞌ, nu̱ꞌ se vaa queneꞌen ro̱j so̱j do̱ꞌ á. ꞌO̱ se nij síí tuchri̱i roꞌ, naxraꞌ rihaan, ne̱ nij síí naꞌvee cache̱e̱ roꞌ, chéé nij soꞌ, ne̱ nij síí ranꞌ luj riꞌyuj roꞌ, nahuun sa̱ꞌ, ne̱ nij síí soꞌo̱ roꞌ, nachuguu̱n xréé nij soꞌ, ne̱ nij síí caviꞌ roꞌ, cunuu iꞌna̱ꞌ uún, ne̱ nij síí nique̱ roꞌ, uno nij soꞌ snana̱ Yaꞌanj nana̱ sa̱ꞌ a. Nu̱ꞌ nihánj cata̱j xnaꞌanj ro̱j so̱j rihaan Juan á. 23Ne̱ cata̱j uún ro̱j so̱j rihaan Juan se vaa cavi̱i̱ sa̱ꞌ soꞌ quiꞌya̱j Yaꞌanj, sese se̱ guun naꞌa̱j soꞌ ni̱ꞌyaj soꞌ manj a. Da̱nj caꞌmi̱i̱ ro̱j so̱j rihaan Juan ado̱nj ―taj Jesús rihaan ro̱j síí tucuꞌyón snana̱ Juan a.
24Dan me se ga̱a caꞌanj ro̱j síí caꞌanj suun cheꞌé Juan, ga̱a ne̱ guun cheꞌe̱ Jesús caꞌmii soꞌ rihaan cunuda̱nj nij yuvii̱ cheꞌé Juan Síí Utaꞌ Ne man yuvii̱ a:
―Asi̱j caꞌanj soj rej tacaan queneꞌe̱n soj man Juan roꞌ, ne̱ da̱j ga̱a̱ soꞌ queneꞌe̱n soj, rá soj ga̱. Ase vaa ꞌo̱ rcoo̱ naa̱n ndoꞌo ꞌyaj nana̱ vaa soꞌ, rá soj naꞌ. Guun vi̱j nimán soꞌ cheꞌé tucuáán noco̱ꞌ soꞌ, rá soj naꞌ. Taj maꞌ. 25Ma̱an se da̱j ga̱a̱ soꞌ rá soj, asi̱j caꞌanj soj queneꞌe̱n soj man soꞌ ga̱. Si̱j nu̱u̱ yatzíj laru̱u ndoꞌo me soꞌ, rá soj naꞌ. Taj maꞌ. ꞌO̱ se nij síí nu̱u̱ yatzíj sa̱ꞌ ndoꞌo do̱ꞌ, nij síí utunꞌ ndoꞌo saꞌanj do̱ꞌ, ya̱nj rá veꞌ tucuá síí nica̱j suun rey ado̱nj. 26Ma̱an se da̱j ga̱a̱ Juan rá soj, asi̱j caꞌanj soj queneꞌe̱n soj man soꞌ ga̱. Si̱j nataꞌ snana̱ Yaꞌanj me soꞌ, rá soj naꞌ. Ya̱ uxrá ado̱nj. Ne̱ cata̱j xnaꞌanj ꞌu̱nj rihaan soj se vaa si̱j noco̱o doj me soꞌ rihaan cunuda̱nj nij síí nataꞌ snana̱ Yaꞌanj ado̱nj. 27ꞌO̱ se nana̱ nihánj nana̱ no̱ rihaan Danj Yaꞌanj roꞌ, taj xnaꞌanj cheꞌé Juan a:
Ni̱ꞌyaj soj á.
Vaa síí caꞌanj suun cheꞌé ꞌu̱nj,
ne̱ caꞌne̱j ꞌu̱nj man soꞌ quita̱j ya̱a̱n soꞌ rihaan so̱ꞌ,
ne̱ nuchra̱nꞌ nimán yuvii̱
veꞌé caꞌmi̱i̱ nij yuvii̱ ga̱ so̱ꞌ, quiꞌya̱j soꞌ a.
Da̱nj taj Danj Yaꞌanj cheꞌé Juan a. 28Cuano̱ nihánj me se cata̱j xnaꞌanj ꞌu̱nj rihaan soj se vaa taj va̱j a̱ ꞌó yuvii̱ me síí noco̱o doj rihaan Juan Síí Utaꞌ Ne man yuvii̱ maꞌ. Tza̱j ne̱ cuano̱ roꞌ, síí noco̱ꞌ doj rej uun chij Yaꞌanj me síí noco̱o doj rihaan Juan a ―da̱nj cataj Jesús rihaan nij yuvii̱ yoꞌ a.
29Dan me se mán nu̱ꞌ nij yuvii̱, ne̱ nda̱a nij síí aꞌnéj impuestó roꞌ, ga̱a cuno nij soꞌ snana̱ Jesús, ne̱ cataj nij soꞌ se vaa sa̱ꞌ uxrá quiꞌyaj Yaꞌanj a. ꞌO̱ se si̱j cataꞌ ne quiꞌyaj Juan me nij soꞌ a. 30Tza̱j ne̱ nij síí naquiꞌyaj cu̱u stucua̱nj Moisés do̱ꞌ, nij síí fariseo do̱ꞌ, ne caꞌve̱j rá nij soꞌ cuno̱ nij soꞌ da̱j me rá Yaꞌanj quiꞌya̱j Yaꞌanj cheꞌé nij soꞌ maꞌ. ꞌO̱ se né si̱j cataꞌ ne quiꞌyaj Juan me nij síí naꞌvej rá maꞌ. 31Ga̱a ne̱ cataj uún Jesús rihaan nij yuvii̱ a:
―Ne̱ da̱j vaa nij soj si̱j ma̱n rihaan chumii̱ nihánj cuano̱, rá soj ga̱. Dan me se cata̱j xnaꞌanj ꞌu̱nj rihaan soj á. 32Ase vaa xnii caꞌanj rihaan yuꞌvee ne̱ tico ga̱ tuviꞌ roꞌ, vaa soj ado̱nj. Dan me se yáán nij xnii yoꞌ rihaan yoꞌóó, ne̱ aguáj nij xnii rihaan tuviꞌ nij xnii, taj nij xnii a: “Nica̱j núj rihuu, ne̱ goꞌ núj chraꞌ choco̱ꞌ, tza̱j ne̱ me cheꞌé ne raꞌa̱nj soj ga̱. Ne̱ goꞌ núj chraꞌ xnangá, tza̱j ne̱ me cheꞌé ne taꞌve̱e soj ga̱.” Da̱nj taj nij xnii rihaan tuviꞌ nij soꞌ a. 33ꞌO̱ se caꞌnaꞌ Juan Síí Utaꞌ Ne man yuvii̱, ga̱a ne̱ ne cha̱ soꞌ rachrúún do̱ꞌ, ne coꞌo̱ soꞌ na vinó do̱ꞌ, ga̱a ne̱ cheꞌé dan taj soj se vaa nu̱u̱ nana̱ chre̱e nimán soꞌ, taj soj a. 34Ne̱ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ga̱a ne̱ niha̱ꞌ rá ꞌu̱nj chá ꞌu̱nj do̱ꞌ, coꞌo ꞌu̱nj do̱ꞌ, ga̱a ne̱ cheꞌé dan taj uún soj se vaa síí cachén chá do̱ꞌ, síí cachén coꞌo do̱ꞌ, mé ꞌu̱nj, taj uún soj a. Ne̱ taj uún soj se vaa tuvíꞌ ꞌu̱nj me síí tihaꞌ yuꞌunj man yuvii̱ cheꞌé impuestó do̱ꞌ, ꞌó nij síí tumé cacunꞌ do̱ꞌ, taj soj a. Da̱nj tuꞌva soj, tza̱j ne̱ ne neꞌen uxrá soj maꞌ. 35Sese xca̱j soj cuentá da̱j vaa ꞌyaj rój, ne̱ gu̱un ya̱ rá soj se vaa si̱j cu̱u raa̱ me rój ga̱ Juan ado̱nj ―taj Jesús rihaan nij yuvii̱ a.
Naꞌnuꞌ ꞌo̱ chana̱ tacóó Jesús a
36Dan me se canacúún ꞌo̱ síí fariseo man Jesús cha̱ Jesús ga̱ soꞌ, ga̱a ne̱ catúj Jesús tucuá síí yoꞌ ne̱ caꞌanj ca̱yáán soꞌ a. 37Ne̱ dan me se yáán ꞌo̱ chana̱ niha̱ꞌ rá ga̱ chii chumanꞌ yoꞌ, ga̱a ne̱ cuno noꞌ nana̱ se vaa cuchiꞌ Jesús tucuá síí fariseo yoꞌ chá soꞌ, ga̱a ne̱ cheꞌé dan nica̱j noꞌ ꞌo̱ agaꞌ catzi̱i̱ veꞌé ndoꞌo vaa nu̱u̱ casté gunꞌ da̱j, caꞌanj noꞌ tucuá síí fariseo yoꞌ a. 38Ga̱a ne̱ caꞌanj ca̱yáán ru̱j noꞌ nichru̱nꞌ tacóó Jesús, ne̱ taꞌvee uxrá noꞌ, ne̱ naꞌnuꞌ noꞌ na rihaan noꞌ tacóó Jesús a. Ga̱a ne̱ ma̱an yuvé raa̱ noꞌ naꞌve noꞌ tacóó Jesús a. Cachrón tuꞌva̱ noꞌ tacóó Jesús, ga̱a ne̱ caxríj noꞌ casté gunꞌ da̱j tacóó soꞌ uún a. 39Dan me se ga̱a queneꞌen síí tucua̱ se vaa quiꞌyaj chana̱ man Jesús, ga̱a ne̱ guun rá soꞌ nana̱ nihánj niꞌya̱j soꞌ man Jesús a: “Sese ya̱ si̱j nataꞌ snana̱ Yaꞌanj me síí nihánj, ne̱ a̱j neꞌen soꞌ da̱j cha̱na̱ me chana̱ nihánj, se vaa chana̱ ata̱ cacunꞌ me noꞌ, ne̱ se̱ caꞌvej rá soꞌ quiꞌya̱j noꞌ da̱nj ga̱ soꞌ tza̱j maan ado̱nj”, guun rá síí tucua̱ yoꞌ a. 40Ga̱a ne̱ cataj Jesús rihaan soꞌ a:
―Vaa nana̱ me raj cata̱j ꞌu̱nj rihaan so̱ꞌ, Simón ―taj Jesús rihaan soꞌ a.
―Caꞌmi̱i̱ so̱ꞌ, maestro ―taj síí tucua̱ yoꞌ a.
41Ga̱a ne̱ nanó Jesús se‑cuento̱ vi̱j síí ꞌyaj xcúún a:
―Vi̱j síí ꞌyaj xcúún saꞌanj rihaan ꞌo̱ ruꞌvee me ro̱j soꞌ a. ꞌO̱ soꞌ roꞌ, ꞌyaj xcúún saꞌanj se vaa ꞌyaj canaán yuvii̱ ꞌyaj suun ꞌu̱nꞌ cientó güii, ne̱ ꞌó soꞌ roꞌ, ꞌyaj xcúún se vaa ꞌyaj canaán yuvii̱ ꞌyaj suun vi̱j chiha̱a̱ chi̱ꞌ (50) güii a. 42Tza̱j ne̱ taj saꞌanj rihaan ro̱j soꞌ na̱ruꞌvee ro̱j soꞌ rihaan ruꞌvee, ga̱a ne̱ cheꞌé dan cunuu ꞌe̱e̱ rá ruꞌvee man ro̱j soꞌ, ne̱ navij u̱u̱n xcúún xráá ro̱j soꞌ, quiꞌyaj ruꞌvee a. Me ro̱j soꞌ cara̱nꞌ doj rá ni̱ꞌyaj man ruꞌvee, rá so̱ꞌ ga̱ ―taj Jesús, xnáꞌanj soꞌ man síí cuꞌna̱j Simón yoꞌ a.
43―Cara̱nꞌ doj rá síí navij noco̱o doj xcúún xráá ni̱ꞌyaj soꞌ man ruꞌvee, cheꞌé se noco̱o doj se lu̱j quiꞌyaj ruꞌvee cheꞌé soꞌ, raj a ―taj Simón a.
―Veé da̱nj vaa ya̱ á ―taj Jesús rihaan soꞌ a.
44Ga̱a ne̱ canica̱j Jesús niꞌya̱j Jesús man chana̱, ga̱a ne̱ cataj soꞌ rihaan Simón a:
―Xca̱j so̱ꞌ cuentá se vaa quiꞌyaj chana̱ nihánj á. Caꞌnáꞌ ꞌu̱nj tucuá so̱ꞌ, tza̱j ne̱ taj na rqué so̱ꞌ naꞌnu̱j tacój maꞌ. Tza̱j ne̱ chana̱ nihánj me níí naꞌnuꞌ na rihaan noꞌ tacój, ne̱ ma̱an yuvé raa̱ noꞌ naꞌve noꞌ tacój na̱nj á. 45Caꞌnaj tucuá so̱ꞌ, tza̱j ne̱ ne cachro̱n tu̱ꞌvá so̱ꞌ manj maꞌ. Tza̱j ne̱ chana̱ nihánj roꞌ, nu̱ꞌ catúj ꞌu̱nj rá veꞌ, ne̱ nu̱ꞌ cachrón tuꞌva̱ noꞌ tacój, ne̱ veé ꞌo̱ achrón tuꞌva̱ noꞌ tacój na̱nj á. 46Taj va̱j casté caxríj so̱ꞌ raj maꞌ. Tza̱j ne̱ chana̱ nihánj me níí caxríj casté gunꞌ da̱j tacój ado̱nj. 47Cu̱nó so̱ꞌ caꞌmi̱j á. ꞌO̱ se nda̱ꞌ se níí tumé uxrá cacunꞌ me noꞌ, tza̱j ne̱ cheꞌé se caráyaꞌa̱nj ndoꞌo noꞌ niꞌya̱j noꞌ manj roꞌ, cheꞌé dan neꞌen níꞌ se vaa navij nu̱ꞌ scacu̱nꞌ noꞌ quiꞌyaj Yaꞌanj na̱nj ado̱nj. Ne̱ xa̱ꞌ síí navij do̱j scacu̱nꞌ quiꞌyaj Yaꞌanj, tza̱j ne̱ do̱j aráyaꞌa̱nj soꞌ niꞌya̱j soꞌ manj na̱nj ado̱nj ―taj Jesús rihaan Simón a.
48Ga̱a ne̱ cataj Jesús rihaan chana̱ yoꞌ a:
―Navij cacunꞌ tumé so̱ꞌ na̱nj á ―taj Jesús rihaan noꞌ a.
49Ga̱a ne̱ guun cheꞌe̱ nij síí ma̱n tucuá Simón caꞌmii nij soꞌ ga̱ tuviꞌ nij soꞌ, cataj nij soꞌ a:
―Da̱j si̱j me síí nihánj, ne̱ síj rá soꞌ cata̱j soꞌ se vaa navij cacunꞌ xráá yuvii̱, rá soj ga̱ ―taj nij soꞌ, xnáꞌanj nij soꞌ man tuviꞌ nij soꞌ a.
50Tza̱j ne̱ canica̱j uún Jesús, cataj soꞌ rihaan chana̱ a:
―Nani̱i̱ so̱ꞌ rihaan sayuun, cheꞌé se amán rá so̱ꞌ niꞌya̱j so̱ꞌ manj ado̱nj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á ―taj Jesús rihaan chana̱ yoꞌ a.
Currently Selected:
San Lucas 7: trc
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. 2024 segunda versión electrónica
San Lucas 7
7
Nahuun se‑mo̱zó ꞌo̱ tanuu capitán, quiꞌyaj Jesús a
1Quisíj caꞌmii Jesús nu̱ꞌ nana̱ yoꞌ cuno nij yuvii̱, ga̱a ne̱ caꞌanj soꞌ chumanꞌ Capernaum a. 2Dan me se yáán ꞌo̱ tanuu capitán romanó ꞌni̱j raꞌa cientó tanuu chumanꞌ yoꞌ a. Ne̱ vaa ꞌo̱ se‑mo̱zó soꞌ síí ꞌe̱e̱ uxrá rá soꞌ man, ne̱ ranꞌ uxrá mozó yoꞌ, ne̱ da̱j doj cavi̱ꞌ soꞌ a. 3Dan me se cuno tanuu capitán yoꞌ cheꞌé Jesús, ne̱ caꞌnéé soꞌ do̱j síí uun chij rihaan nij yuvii̱ israelitá cuchi̱ꞌ nij soꞌ rihaan Jesús, ne̱ cachi̱nj niꞌya̱j nij soꞌ rihaan Jesús se vaa caꞌna̱ꞌ soꞌ tinahu̱un soꞌ se‑mo̱zó tanuu capitán yoꞌ a. 4Dan me se cuchiꞌ nij síí uun chij yoꞌ rihaan Jesús, ga̱a ne̱ cachíín niꞌya̱j uxrá nij soꞌ rihaan Jesús, cataj nij soꞌ a:
―Síí sa̱ꞌ me tanuu capitán yoꞌ, ne̱ cheꞌé dan vaa cheꞌé ya̱ qui̱ꞌyáá so̱ꞌ da̱nj cheꞌé soꞌ ado̱nj. 5ꞌE̱e̱ rá soꞌ man níꞌ si̱j israelitá, ne̱ maꞌa̱n soꞌ quiꞌyaj veꞌ nuu chre̱ꞌ núj tu̱cuꞌyón núj stucua̱nj Moisés ado̱nj ―taj nij soꞌ rihaan Jesús a.
6Ne̱ caꞌanj Jesús ga̱ nij soꞌ, ne̱ da̱j doj cuchi̱ꞌ nij soꞌ veꞌ, ga̱a ne̱ caꞌnéé tanuu capitán yoꞌ man tuviꞌ soꞌ caꞌa̱nj cara̱nꞌ man Jesús, ne̱ cataj nij soꞌ a:
―Se̱ caráya̱ꞌáán so̱ꞌ, maan maestro. ꞌO̱ se né si̱j sa̱ꞌ me soꞌ, taj soꞌ maꞌ. Ne nó xcúún soꞌ catu̱u̱ so̱ꞌ rá veꞌ tucuá soꞌ, taj soꞌ maꞌ. 7Cheꞌé dan ne quisi̱j rá maꞌa̱n soꞌ caꞌna̱ꞌ soꞌ rihaan so̱ꞌ, taj soꞌ maꞌ. Ma̱an se caꞌne̱ꞌ u̱u̱n so̱ꞌ suun se vaa nahu̱un se‑mo̱zó soꞌ, ga̱a ne̱ nahu̱un maꞌa̱n se‑mo̱zó soꞌ, taj soꞌ na̱nj á. 8Ne̱ cataj soꞌ se vaa vaa síí rii taꞌngaꞌ rihaan soꞌ, ne̱ rii taꞌngaꞌ soꞌ rihaan tanuu, ne̱ taj soꞌ rihaan tanuu se vaa caꞌa̱nj nij soꞌ, ne̱ ꞌanj nij soꞌ, ne̱ taj soꞌ rihaan nij tanuu se vaa caꞌna̱ꞌ nij soꞌ, ne̱ ꞌnaꞌ nij soꞌ rihaan soꞌ, ne̱ taj soꞌ da̱j quiꞌya̱j se‑mo̱zó soꞌ, ne̱ veé da̱nj ꞌyaj soꞌ ado̱nj ―taj nij tuviꞌ tanuu capitán yoꞌ rihaan Jesús a.
9Dan me se ga̱a cuno Jesús nana̱ caꞌmii tuviꞌ tanuu capitán yoꞌ, ne̱ caꞌanj rá Jesús, ne̱ canica̱j soꞌ cataj soꞌ rihaan nij síí noco̱ꞌ rej xco̱ soꞌ a:
―Cuano̱ nihánj me cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán nihánj a̱ maꞌ ―taj Jesús rihaan nij soꞌ a.
10Dan me se canica̱j uún nij tuviꞌ tanuu capitán yoꞌ caꞌanj nij soꞌ tucuá soꞌ, ne̱ ga̱a cuchiꞌ nij soꞌ, ne̱ a̱j nahuun se‑mo̱zó tanuu capitán yoꞌ, quiꞌyaj Jesús a.
Cunuu iꞌna̱ꞌ uún taꞌníí ꞌo̱ chana̱ caviꞌ nica̱, quiꞌyaj Jesús a
11Dan me se cachén do̱j güii, ga̱a ne̱ caꞌanj Jesús chumanꞌ cuꞌna̱j Naín ga̱ nij síí tucuꞌyón snana̱ soꞌ ga̱ ri̱i̱ uxrá yuvii̱ a. 12Nichrunꞌ nij soꞌ tuꞌva chumanꞌ, ne̱ dan me se nariꞌ tuviꞌ Jesús ga̱ nij síí caꞌanj cachi̱nꞌ ꞌo̱ xnangá a. Ne̱ síí caviꞌ me se o̱rúnꞌ soꞌ me taꞌníí chana̱ caviꞌ nica̱, ne̱ va̱j ꞌo̱ xꞌneꞌ noco̱o yuvii̱ ma̱n chumanꞌ yoꞌ ga̱ nii soꞌ rihaan santó a. 13Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a:
―Se̱ taꞌveé so̱ꞌ maꞌ ―taj soꞌ a.
14Ga̱a ne̱ caꞌanj Jesús canó raꞌa soꞌ man chrúún ta̱j xnangá, ga̱a ne̱ canicunꞌ nij síí ta̱j chihá xnangá a. Ga̱a ne̱ cataj Jesús rihaan síí caviꞌ a:
―Cu̱nó so̱ꞌ aꞌmij, ne̱ na̱xaga̱a̱ so̱ꞌ, xnij ―taj Jesús rihaan síí caviꞌ yoꞌ a.
15Ga̱a ne̱ cunuu iꞌna̱ꞌ ya̱ uún xnii, ne̱ naxaga̱a̱ soꞌ, ga̱a ne̱ guun cheꞌe̱ xnii caꞌmii soꞌ a. Ga̱a ne̱ narqué Jesús xnii man nii xnii a.
16Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.
17Ga̱a ne̱ cuchiꞌ nana̱ rihaan nij yuvii̱ ma̱n estadó Judea do̱ꞌ, rihaan nu̱ꞌ nij yuvii̱ ma̱n anica̱j estadó Judea cheꞌé se vaa quiꞌyaj Jesús a.
Caꞌmii Jesús cheꞌé Juan Síí Cutaꞌ Ne man yuvii̱ a
18Dan me se cuno nij síí tucuꞌyón snana̱ Juan nu̱ꞌ se vaa quiꞌyaj Jesús, ga̱a ne̱ cataj xnaꞌanj nij soꞌ rihaan Juan a. Ga̱a ne̱ canacúún Juan man vi̱j síí tucuꞌyón snana̱ soꞌ caꞌna̱ꞌ ro̱j soꞌ rihaan soꞌ, 19ga̱a ne̱ caꞌnéé soꞌ man ro̱j soꞌ cuchi̱ꞌ ro̱j soꞌ rihaan Jesús Si̱j ꞌNi̱j Raꞌa man níꞌ a. Ne̱ nana̱ nihánj roꞌ, xna̱ꞌanj ro̱j soꞌ man Jesús, taj Juan rihaan ro̱j soꞌ a: “So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ.” Dan me nana̱ me rá Juan xna̱ꞌanj ro̱j soꞌ man Jesús a. 20Dan me se cuchiꞌ ro̱j soꞌ rihaan Jesús, ne̱ cataj ro̱j soꞌ a:
―Vi̱j ranꞌ rój me síí caꞌnéé Juan Síí Utaꞌ Ne man yuvii̱ caꞌna̱ꞌ rihaan so̱ꞌ xna̱ꞌanj rój ꞌo̱ nana̱ rihaan so̱ꞌ a. Ma̱ꞌán so̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ, ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ ―taj ro̱j soꞌ rihaan Jesús a.
21Ga̱a ne̱ veé ma̱an orá caꞌnaꞌ ro̱j síí caꞌnéé Juan man roꞌ, nahuun queꞌe̱e̱ ndoꞌo síí ranꞌ do̱ꞌ, curiha̱nj nana̱ chre̱e nimán queꞌe̱e̱ yuvii̱ do̱ꞌ, nachuguu̱n rihaan queꞌe̱e̱ síí tuchri̱i do̱ꞌ, quiꞌyaj Jesús a. 22Ga̱a ne̱ cataj xnaꞌanj Jesús rihaan ro̱j soꞌ a:
―Cavi̱i̱ ro̱j so̱j cuchi̱ꞌ uún ro̱j so̱j rihaan Juan, ne̱ cata̱j xnaꞌanj ro̱j so̱j rihaan soꞌ nu̱ꞌ nana̱ cuno ro̱j so̱j do̱ꞌ, nu̱ꞌ se vaa queneꞌen ro̱j so̱j do̱ꞌ á. ꞌO̱ se nij síí tuchri̱i roꞌ, naxraꞌ rihaan, ne̱ nij síí naꞌvee cache̱e̱ roꞌ, chéé nij soꞌ, ne̱ nij síí ranꞌ luj riꞌyuj roꞌ, nahuun sa̱ꞌ, ne̱ nij síí soꞌo̱ roꞌ, nachuguu̱n xréé nij soꞌ, ne̱ nij síí caviꞌ roꞌ, cunuu iꞌna̱ꞌ uún, ne̱ nij síí nique̱ roꞌ, uno nij soꞌ snana̱ Yaꞌanj nana̱ sa̱ꞌ a. Nu̱ꞌ nihánj cata̱j xnaꞌanj ro̱j so̱j rihaan Juan á. 23Ne̱ cata̱j uún ro̱j so̱j rihaan Juan se vaa cavi̱i̱ sa̱ꞌ soꞌ quiꞌya̱j Yaꞌanj, sese se̱ guun naꞌa̱j soꞌ ni̱ꞌyaj soꞌ manj a. Da̱nj caꞌmi̱i̱ ro̱j so̱j rihaan Juan ado̱nj ―taj Jesús rihaan ro̱j síí tucuꞌyón snana̱ Juan a.
24Dan me se ga̱a caꞌanj ro̱j síí caꞌanj suun cheꞌé Juan, ga̱a ne̱ guun cheꞌe̱ Jesús caꞌmii soꞌ rihaan cunuda̱nj nij yuvii̱ cheꞌé Juan Síí Utaꞌ Ne man yuvii̱ a:
―Asi̱j caꞌanj soj rej tacaan queneꞌe̱n soj man Juan roꞌ, ne̱ da̱j ga̱a̱ soꞌ queneꞌe̱n soj, rá soj ga̱. Ase vaa ꞌo̱ rcoo̱ naa̱n ndoꞌo ꞌyaj nana̱ vaa soꞌ, rá soj naꞌ. Guun vi̱j nimán soꞌ cheꞌé tucuáán noco̱ꞌ soꞌ, rá soj naꞌ. Taj maꞌ. 25Ma̱an se da̱j ga̱a̱ soꞌ rá soj, asi̱j caꞌanj soj queneꞌe̱n soj man soꞌ ga̱. Si̱j nu̱u̱ yatzíj laru̱u ndoꞌo me soꞌ, rá soj naꞌ. Taj maꞌ. ꞌO̱ se nij síí nu̱u̱ yatzíj sa̱ꞌ ndoꞌo do̱ꞌ, nij síí utunꞌ ndoꞌo saꞌanj do̱ꞌ, ya̱nj rá veꞌ tucuá síí nica̱j suun rey ado̱nj. 26Ma̱an se da̱j ga̱a̱ Juan rá soj, asi̱j caꞌanj soj queneꞌe̱n soj man soꞌ ga̱. Si̱j nataꞌ snana̱ Yaꞌanj me soꞌ, rá soj naꞌ. Ya̱ uxrá ado̱nj. Ne̱ cata̱j xnaꞌanj ꞌu̱nj rihaan soj se vaa si̱j noco̱o doj me soꞌ rihaan cunuda̱nj nij síí nataꞌ snana̱ Yaꞌanj ado̱nj. 27ꞌO̱ se nana̱ nihánj nana̱ no̱ rihaan Danj Yaꞌanj roꞌ, taj xnaꞌanj cheꞌé Juan a:
Ni̱ꞌyaj soj á.
Vaa síí caꞌanj suun cheꞌé ꞌu̱nj,
ne̱ caꞌne̱j ꞌu̱nj man soꞌ quita̱j ya̱a̱n soꞌ rihaan so̱ꞌ,
ne̱ nuchra̱nꞌ nimán yuvii̱
veꞌé caꞌmi̱i̱ nij yuvii̱ ga̱ so̱ꞌ, quiꞌya̱j soꞌ a.
Da̱nj taj Danj Yaꞌanj cheꞌé Juan a. 28Cuano̱ nihánj me se cata̱j xnaꞌanj ꞌu̱nj rihaan soj se vaa taj va̱j a̱ ꞌó yuvii̱ me síí noco̱o doj rihaan Juan Síí Utaꞌ Ne man yuvii̱ maꞌ. Tza̱j ne̱ cuano̱ roꞌ, síí noco̱ꞌ doj rej uun chij Yaꞌanj me síí noco̱o doj rihaan Juan a ―da̱nj cataj Jesús rihaan nij yuvii̱ yoꞌ a.
29Dan me se mán nu̱ꞌ nij yuvii̱, ne̱ nda̱a nij síí aꞌnéj impuestó roꞌ, ga̱a cuno nij soꞌ snana̱ Jesús, ne̱ cataj nij soꞌ se vaa sa̱ꞌ uxrá quiꞌyaj Yaꞌanj a. ꞌO̱ se si̱j cataꞌ ne quiꞌyaj Juan me nij soꞌ a. 30Tza̱j ne̱ nij síí naquiꞌyaj cu̱u stucua̱nj Moisés do̱ꞌ, nij síí fariseo do̱ꞌ, ne caꞌve̱j rá nij soꞌ cuno̱ nij soꞌ da̱j me rá Yaꞌanj quiꞌya̱j Yaꞌanj cheꞌé nij soꞌ maꞌ. ꞌO̱ se né si̱j cataꞌ ne quiꞌyaj Juan me nij síí naꞌvej rá maꞌ. 31Ga̱a ne̱ cataj uún Jesús rihaan nij yuvii̱ a:
―Ne̱ da̱j vaa nij soj si̱j ma̱n rihaan chumii̱ nihánj cuano̱, rá soj ga̱. Dan me se cata̱j xnaꞌanj ꞌu̱nj rihaan soj á. 32Ase vaa xnii caꞌanj rihaan yuꞌvee ne̱ tico ga̱ tuviꞌ roꞌ, vaa soj ado̱nj. Dan me se yáán nij xnii yoꞌ rihaan yoꞌóó, ne̱ aguáj nij xnii rihaan tuviꞌ nij xnii, taj nij xnii a: “Nica̱j núj rihuu, ne̱ goꞌ núj chraꞌ choco̱ꞌ, tza̱j ne̱ me cheꞌé ne raꞌa̱nj soj ga̱. Ne̱ goꞌ núj chraꞌ xnangá, tza̱j ne̱ me cheꞌé ne taꞌve̱e soj ga̱.” Da̱nj taj nij xnii rihaan tuviꞌ nij soꞌ a. 33ꞌO̱ se caꞌnaꞌ Juan Síí Utaꞌ Ne man yuvii̱, ga̱a ne̱ ne cha̱ soꞌ rachrúún do̱ꞌ, ne coꞌo̱ soꞌ na vinó do̱ꞌ, ga̱a ne̱ cheꞌé dan taj soj se vaa nu̱u̱ nana̱ chre̱e nimán soꞌ, taj soj a. 34Ne̱ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ga̱a ne̱ niha̱ꞌ rá ꞌu̱nj chá ꞌu̱nj do̱ꞌ, coꞌo ꞌu̱nj do̱ꞌ, ga̱a ne̱ cheꞌé dan taj uún soj se vaa síí cachén chá do̱ꞌ, síí cachén coꞌo do̱ꞌ, mé ꞌu̱nj, taj uún soj a. Ne̱ taj uún soj se vaa tuvíꞌ ꞌu̱nj me síí tihaꞌ yuꞌunj man yuvii̱ cheꞌé impuestó do̱ꞌ, ꞌó nij síí tumé cacunꞌ do̱ꞌ, taj soj a. Da̱nj tuꞌva soj, tza̱j ne̱ ne neꞌen uxrá soj maꞌ. 35Sese xca̱j soj cuentá da̱j vaa ꞌyaj rój, ne̱ gu̱un ya̱ rá soj se vaa si̱j cu̱u raa̱ me rój ga̱ Juan ado̱nj ―taj Jesús rihaan nij yuvii̱ a.
Naꞌnuꞌ ꞌo̱ chana̱ tacóó Jesús a
36Dan me se canacúún ꞌo̱ síí fariseo man Jesús cha̱ Jesús ga̱ soꞌ, ga̱a ne̱ catúj Jesús tucuá síí yoꞌ ne̱ caꞌanj ca̱yáán soꞌ a. 37Ne̱ dan me se yáán ꞌo̱ chana̱ niha̱ꞌ rá ga̱ chii chumanꞌ yoꞌ, ga̱a ne̱ cuno noꞌ nana̱ se vaa cuchiꞌ Jesús tucuá síí fariseo yoꞌ chá soꞌ, ga̱a ne̱ cheꞌé dan nica̱j noꞌ ꞌo̱ agaꞌ catzi̱i̱ veꞌé ndoꞌo vaa nu̱u̱ casté gunꞌ da̱j, caꞌanj noꞌ tucuá síí fariseo yoꞌ a. 38Ga̱a ne̱ caꞌanj ca̱yáán ru̱j noꞌ nichru̱nꞌ tacóó Jesús, ne̱ taꞌvee uxrá noꞌ, ne̱ naꞌnuꞌ noꞌ na rihaan noꞌ tacóó Jesús a. Ga̱a ne̱ ma̱an yuvé raa̱ noꞌ naꞌve noꞌ tacóó Jesús a. Cachrón tuꞌva̱ noꞌ tacóó Jesús, ga̱a ne̱ caxríj noꞌ casté gunꞌ da̱j tacóó soꞌ uún a. 39Dan me se ga̱a queneꞌen síí tucua̱ se vaa quiꞌyaj chana̱ man Jesús, ga̱a ne̱ guun rá soꞌ nana̱ nihánj niꞌya̱j soꞌ man Jesús a: “Sese ya̱ si̱j nataꞌ snana̱ Yaꞌanj me síí nihánj, ne̱ a̱j neꞌen soꞌ da̱j cha̱na̱ me chana̱ nihánj, se vaa chana̱ ata̱ cacunꞌ me noꞌ, ne̱ se̱ caꞌvej rá soꞌ quiꞌya̱j noꞌ da̱nj ga̱ soꞌ tza̱j maan ado̱nj”, guun rá síí tucua̱ yoꞌ a. 40Ga̱a ne̱ cataj Jesús rihaan soꞌ a:
―Vaa nana̱ me raj cata̱j ꞌu̱nj rihaan so̱ꞌ, Simón ―taj Jesús rihaan soꞌ a.
―Caꞌmi̱i̱ so̱ꞌ, maestro ―taj síí tucua̱ yoꞌ a.
41Ga̱a ne̱ nanó Jesús se‑cuento̱ vi̱j síí ꞌyaj xcúún a:
―Vi̱j síí ꞌyaj xcúún saꞌanj rihaan ꞌo̱ ruꞌvee me ro̱j soꞌ a. ꞌO̱ soꞌ roꞌ, ꞌyaj xcúún saꞌanj se vaa ꞌyaj canaán yuvii̱ ꞌyaj suun ꞌu̱nꞌ cientó güii, ne̱ ꞌó soꞌ roꞌ, ꞌyaj xcúún se vaa ꞌyaj canaán yuvii̱ ꞌyaj suun vi̱j chiha̱a̱ chi̱ꞌ (50) güii a. 42Tza̱j ne̱ taj saꞌanj rihaan ro̱j soꞌ na̱ruꞌvee ro̱j soꞌ rihaan ruꞌvee, ga̱a ne̱ cheꞌé dan cunuu ꞌe̱e̱ rá ruꞌvee man ro̱j soꞌ, ne̱ navij u̱u̱n xcúún xráá ro̱j soꞌ, quiꞌyaj ruꞌvee a. Me ro̱j soꞌ cara̱nꞌ doj rá ni̱ꞌyaj man ruꞌvee, rá so̱ꞌ ga̱ ―taj Jesús, xnáꞌanj soꞌ man síí cuꞌna̱j Simón yoꞌ a.
43―Cara̱nꞌ doj rá síí navij noco̱o doj xcúún xráá ni̱ꞌyaj soꞌ man ruꞌvee, cheꞌé se noco̱o doj se lu̱j quiꞌyaj ruꞌvee cheꞌé soꞌ, raj a ―taj Simón a.
―Veé da̱nj vaa ya̱ á ―taj Jesús rihaan soꞌ a.
44Ga̱a ne̱ canica̱j Jesús niꞌya̱j Jesús man chana̱, ga̱a ne̱ cataj soꞌ rihaan Simón a:
―Xca̱j so̱ꞌ cuentá se vaa quiꞌyaj chana̱ nihánj á. Caꞌnáꞌ ꞌu̱nj tucuá so̱ꞌ, tza̱j ne̱ taj na rqué so̱ꞌ naꞌnu̱j tacój maꞌ. Tza̱j ne̱ chana̱ nihánj me níí naꞌnuꞌ na rihaan noꞌ tacój, ne̱ ma̱an yuvé raa̱ noꞌ naꞌve noꞌ tacój na̱nj á. 45Caꞌnaj tucuá so̱ꞌ, tza̱j ne̱ ne cachro̱n tu̱ꞌvá so̱ꞌ manj maꞌ. Tza̱j ne̱ chana̱ nihánj roꞌ, nu̱ꞌ catúj ꞌu̱nj rá veꞌ, ne̱ nu̱ꞌ cachrón tuꞌva̱ noꞌ tacój, ne̱ veé ꞌo̱ achrón tuꞌva̱ noꞌ tacój na̱nj á. 46Taj va̱j casté caxríj so̱ꞌ raj maꞌ. Tza̱j ne̱ chana̱ nihánj me níí caxríj casté gunꞌ da̱j tacój ado̱nj. 47Cu̱nó so̱ꞌ caꞌmi̱j á. ꞌO̱ se nda̱ꞌ se níí tumé uxrá cacunꞌ me noꞌ, tza̱j ne̱ cheꞌé se caráyaꞌa̱nj ndoꞌo noꞌ niꞌya̱j noꞌ manj roꞌ, cheꞌé dan neꞌen níꞌ se vaa navij nu̱ꞌ scacu̱nꞌ noꞌ quiꞌyaj Yaꞌanj na̱nj ado̱nj. Ne̱ xa̱ꞌ síí navij do̱j scacu̱nꞌ quiꞌyaj Yaꞌanj, tza̱j ne̱ do̱j aráyaꞌa̱nj soꞌ niꞌya̱j soꞌ manj na̱nj ado̱nj ―taj Jesús rihaan Simón a.
48Ga̱a ne̱ cataj Jesús rihaan chana̱ yoꞌ a:
―Navij cacunꞌ tumé so̱ꞌ na̱nj á ―taj Jesús rihaan noꞌ a.
49Ga̱a ne̱ guun cheꞌe̱ nij síí ma̱n tucuá Simón caꞌmii nij soꞌ ga̱ tuviꞌ nij soꞌ, cataj nij soꞌ a:
―Da̱j si̱j me síí nihánj, ne̱ síj rá soꞌ cata̱j soꞌ se vaa navij cacunꞌ xráá yuvii̱, rá soj ga̱ ―taj nij soꞌ, xnáꞌanj nij soꞌ man tuviꞌ nij soꞌ a.
50Tza̱j ne̱ canica̱j uún Jesús, cataj soꞌ rihaan chana̱ a:
―Nani̱i̱ so̱ꞌ rihaan sayuun, cheꞌé se amán rá so̱ꞌ niꞌya̱j so̱ꞌ manj ado̱nj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á ―taj Jesús rihaan chana̱ yoꞌ a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. 2024 segunda versión electrónica