SAN MARCOS 7
7
1Yūcuán na te tēe grupo fariseo jiín jecu tēe cástéén tutu ley Yaā Dios, ni quendacoo de ñuu Jerusalén, te ni quecoo de nuū Jesús. 2Te tēe un ní cajito de jeē sava tēe cáscuáha jíín Jesús, ni cayeji jnehén de staā, chi tu ní cásquícu de costumbre jeē nándahá de nuū Yaā Dios. Te ni cacahān sɨquɨ̄ de. 3Chi tēe fariseo jiín ndɨhɨ ñayuu hebreo, névāha i costumbre jenahán jéē ma cáji i staā núu tu nandahá váha i xīhna gā. 4Te núu ni ndecoo i jeē ni jéngoo i nuū yáhu, te tu cáyeji i te núu tu nandahá i. Te íyó cuéhē gā costumbre jenahán jeē casquícu i, nájnūhun jeē ndúndoo taza, tɨndohō, cohō cáa, jíín jíto. 5Te tēe fariseo jiín tée cástéén tutu ley Yaā Dios, ni cacajnūhún de ya:
Tēe cáscuáha jíín ró, ¿naun tu cásquícu de costumbre ñayuu jenahán? Chi sa cáyeji jnehén de staā, achí de.
6Te ni cahān yā jiín de:
Ndaā ni nacani Isaías jnūhun sɨquɨ̄ rō jijnáhan ró jéē tēe stáhú‑ni cácuu ró. Chi súcuan ni tee de jnūhun ni cahān Yaā Dios nde jenahán:
Ñayuu yáha chi máá yuhu‑ni i cájetáhú i ruhū,
te nasūu ndé jiín ini jiín ánuá i.
7Te cáchiñúhún sáá‑ni i ruhū,
chi jnūhun cástéén i cúu jniñu ní candacu tēe,
te nasūu jéē ní ndacu máá rí cúu.
Achí Yaā Dios. Achí Isaías. 8Súcuan cácuu ró, chi ni casiáá rō jniñu ní ndacu Yaā Dios nuū rō, te cásquícu ró costumbre jeē ní cajequin ñayuu, jeē ndúndoo tɨndohō jiín taza. Te cuehē gā costumbre súcuan cásquícu ró, áchí yá.
9Te suni ni cahān yā:
Cásiáá rō jniñu ní ndacu Yaā Dios, návāha squícu ró costumbre ni cajequin máá ró. 10Chi Moisés ni cahān de: Coo yɨ́ñúhún ró jiín tátá rō jiín náná rō. Te núu ndé ɨɨn cahān sɨquɨ̄ tatá chí sɨ́quɨ̄ naná, na cúū nahín. Achí Moisés. 11Te máá ró chi cácahān rō jeē cuu cahān ɨɨn tēe jíín tátá de náná de: Ma cúu chindéé ñáhán ná níhín cuáha na jéē cáji ni jéē cúhun ní, chi ndɨhɨ jeē névāha ná, chi Corbán cúu, áchí ró. (Te jnūhun Corbán cuní cahān jeē ni sócō nuū Yaā Dios.) 12Te cácahān rō jeē núu súcuan cahān ɨɨn tēe, te tuá cánuú chindéé ñáhán de tátá de náná de. 13Te súcuan cástɨ́vɨ ró jniñu ní ndacu Yaā Dios, jeē sɨquɨ́ costumbre ni cajequin ñayuu jenahán vēji. Te cuehē gā jniñu súcuan cásáha ró, áchí yá.
14Te ni cana tucu ya ñayuu cuehē ún, te ni cahān yā jiín i:
Cuni sōho vāha ró jíjnáhan ró, te chuhun ni rō: 15Tāca jéē iyó, te núu ni quɨ̄vɨ yuhu ñayuu te tu cújnéhén i sáha. Chi jeē quénda ini anuá ñayuu, yūcuan cúu jeē cujnéhén i sáha. 16Tāca róhó jéē jíni sōho, na chúsóhó ró, áchí yá.
17Te ni stóo ya ñayuu cuehē ún, te ni quɨ̄vɨ ya ini vehe. Te tēe cáscuáha ún, ni cacajnūhún de ya sɨquɨ̄ jnúhun yátá yáha jéē ni cáhān yā. 18Te ni cahān yā jiín de:
¿A máá ró suni ná tu jecūhun ni rō, chí naún? ¿A tu cájini rō jeē tāca jéē quɨ́vɨ ini ñayuu, ma cúu cujnéhén i sáha? 19Chi tu quɨ́vɨ ini anuá i, chi chīji i quɨ́vɨ, te quénda‑ni cuahān, achí yá.
Súcuan ni steén yā jeē tāca jéē yéji ñayuu, tu cújnéhén ánuá i sáha. 20Te ni cahān gā yā:
Jeē quénda ini anuá ñayuu, yūcuan cúu jeē cujnéhén i sáha. 21Chi nde ini anuá ñayuu quénda jeē jéni néé ni, jeē casɨ́quɨ́ ndéē jnáhan, jeē jíca jnéní, jeē jéhni ndɨ̄yɨ, 22jeē sacuíhná, jeē ndíyo ni ndajníñu jnáhan, jeē sáha néé, jeē stahú jnáhan, jeē máni cuēchi sáha, jeē cucuésún ni, jeē cahán yāa sɨ́quɨ̄ jnáhan, jeē sandúxí máá, jeē canéé xínī. 23Tācá jniñu néé yáha, máni ini anuá ñayuu quénda, te cújnéhén i sáha, áchí yá.
Ñahan ɨnga nación jeē ní candíje nīhin
(Mt. 15.21‑28)
24Te ni quenda ya yūcuan cuáhān yā región Tiro jiín Sidón. Te ni quɨ̄vɨ ya ɨɨn vehe, te cúní yā jeē tú ni ɨɨn ñayuu cuni jeē íne ya yūcuán. Te vēsú súcuan, te tu ní cúu cone sāhi yá. 25Te ɨɨn ñahan íyó séhe sɨ́hɨ́ ña jeē ñúhun tachī ini i, ni nihīn‑ni ña jnūhun jeē íne ya. Te ni quee ña, te ni jecuɨñɨ̄ yɨtɨ́ ña nuū jehé yā. 26Te ñahan ñuu jicá cúu ña, chi nde Sirofenicia cúu nación ña. Te ni cahān ndahú ña jíín yá jeē na quénehen ya tachī ini sēhe sɨ́hɨ́ ña. 27Te ni cahān Jesús jiín ña:
Nasūu núū maá ní vēji ná, chi máni nuū ñáyuu cácuu sēhe Israel. Chi tu íyó váha jeē quénde yō staā sēhe te cuāha yó núū ína, achí yá.
28Te ni cahān ña:
Jendaá cahán ni Tátā, te chindéé ñáhán ní sáña vēsú cúu ná nájnūhun ina. Chi suni máá tɨ́ cáhīin tɨ chīji mesa, cánihīn tɨ̄ staā cuechí jéē cóyo yuhu sūchi lúlí cáyeji tɨ̄, achí ña.
29Yūcuán na te ni cahān yā jiín ña:
Vāha ni cahān ní. Cuáhán ní núu súcuan, chi je ni quenda tachī ún ini sēhe sɨ́hɨ́ ní, achí yá.
30Te ni najinū ña vehe ña, te ni jito ña jeē catú sēhe sɨ́hɨ́ ña nuū jíto, te je ni quenda tachī ún ini i.
Jeē ní nasávāha ya ɨɨn tēe sóhó cástété
31Te ni quenda tucu ya región Tiro, ni yāha ya Sidón jiín táca ñuu Decápolis, te ni jinū yā mar Galilea. 32Te ni caquindeca i ɨɨn tēe sóhó cástété nuū yā, te ni cacahān ndahú i jíín yá jeē na sóó yá ndaha ya sɨquɨ̄ de. 33Te ni quenehen sɨ́ɨn ya de nuū ñáyuu cuehē ún, te ni chune ya xinī ndáha ya sōho de, te ni tesɨ̄hɨ yá, te ni quehé yá yaá de. 34Te ni ndacoto ya ichi ándɨvɨ́, te ni jitū ni yā, te ni cahān yā:
Efata, achí yá, jeē cuní cahān: Nanune.
35Te ni nanune‑ni sōho de, te ni nduvāha yáá de, te ni nacahān vāha de. 36Te ni ndacu ya jniñu nuū ñáyuu un jéē ma cáchi i nuū ní ɨɨn. Te vēsú ni cahān nīhin ya jiín i, te víhyá gā ni cajete i jnūhun. 37Te yōhyo ni canaa ni i cájito i, te ni cacahān i:
Vāha sáha ya tācá jniñu, chi nde tēe cásóhó, cánacuni sōho de, te tēe cándāa ñɨ́hɨ́n, cánacahān vāha de sáha ya, achí i.
Jeē ni scáji yā cuūn mil ñayuu
(Mt. 15.32‑39)
Currently Selected:
SAN MARCOS 7: mibDBL
Highlight
Share
Copy
Want to have your highlights saved across all your devices? Sign up or sign in
© 1973, Wycliffe Bible Translators, Inc. All rights reserved.
SAN MARCOS 7
7
1Yūcuán na te tēe grupo fariseo jiín jecu tēe cástéén tutu ley Yaā Dios, ni quendacoo de ñuu Jerusalén, te ni quecoo de nuū Jesús. 2Te tēe un ní cajito de jeē sava tēe cáscuáha jíín Jesús, ni cayeji jnehén de staā, chi tu ní cásquícu de costumbre jeē nándahá de nuū Yaā Dios. Te ni cacahān sɨquɨ̄ de. 3Chi tēe fariseo jiín ndɨhɨ ñayuu hebreo, névāha i costumbre jenahán jéē ma cáji i staā núu tu nandahá váha i xīhna gā. 4Te núu ni ndecoo i jeē ni jéngoo i nuū yáhu, te tu cáyeji i te núu tu nandahá i. Te íyó cuéhē gā costumbre jenahán jeē casquícu i, nájnūhun jeē ndúndoo taza, tɨndohō, cohō cáa, jíín jíto. 5Te tēe fariseo jiín tée cástéén tutu ley Yaā Dios, ni cacajnūhún de ya:
Tēe cáscuáha jíín ró, ¿naun tu cásquícu de costumbre ñayuu jenahán? Chi sa cáyeji jnehén de staā, achí de.
6Te ni cahān yā jiín de:
Ndaā ni nacani Isaías jnūhun sɨquɨ̄ rō jijnáhan ró jéē tēe stáhú‑ni cácuu ró. Chi súcuan ni tee de jnūhun ni cahān Yaā Dios nde jenahán:
Ñayuu yáha chi máá yuhu‑ni i cájetáhú i ruhū,
te nasūu ndé jiín ini jiín ánuá i.
7Te cáchiñúhún sáá‑ni i ruhū,
chi jnūhun cástéén i cúu jniñu ní candacu tēe,
te nasūu jéē ní ndacu máá rí cúu.
Achí Yaā Dios. Achí Isaías. 8Súcuan cácuu ró, chi ni casiáá rō jniñu ní ndacu Yaā Dios nuū rō, te cásquícu ró costumbre jeē ní cajequin ñayuu, jeē ndúndoo tɨndohō jiín taza. Te cuehē gā costumbre súcuan cásquícu ró, áchí yá.
9Te suni ni cahān yā:
Cásiáá rō jniñu ní ndacu Yaā Dios, návāha squícu ró costumbre ni cajequin máá ró. 10Chi Moisés ni cahān de: Coo yɨ́ñúhún ró jiín tátá rō jiín náná rō. Te núu ndé ɨɨn cahān sɨquɨ̄ tatá chí sɨ́quɨ̄ naná, na cúū nahín. Achí Moisés. 11Te máá ró chi cácahān rō jeē cuu cahān ɨɨn tēe jíín tátá de náná de: Ma cúu chindéé ñáhán ná níhín cuáha na jéē cáji ni jéē cúhun ní, chi ndɨhɨ jeē névāha ná, chi Corbán cúu, áchí ró. (Te jnūhun Corbán cuní cahān jeē ni sócō nuū Yaā Dios.) 12Te cácahān rō jeē núu súcuan cahān ɨɨn tēe, te tuá cánuú chindéé ñáhán de tátá de náná de. 13Te súcuan cástɨ́vɨ ró jniñu ní ndacu Yaā Dios, jeē sɨquɨ́ costumbre ni cajequin ñayuu jenahán vēji. Te cuehē gā jniñu súcuan cásáha ró, áchí yá.
14Te ni cana tucu ya ñayuu cuehē ún, te ni cahān yā jiín i:
Cuni sōho vāha ró jíjnáhan ró, te chuhun ni rō: 15Tāca jéē iyó, te núu ni quɨ̄vɨ yuhu ñayuu te tu cújnéhén i sáha. Chi jeē quénda ini anuá ñayuu, yūcuan cúu jeē cujnéhén i sáha. 16Tāca róhó jéē jíni sōho, na chúsóhó ró, áchí yá.
17Te ni stóo ya ñayuu cuehē ún, te ni quɨ̄vɨ ya ini vehe. Te tēe cáscuáha ún, ni cacajnūhún de ya sɨquɨ̄ jnúhun yátá yáha jéē ni cáhān yā. 18Te ni cahān yā jiín de:
¿A máá ró suni ná tu jecūhun ni rō, chí naún? ¿A tu cájini rō jeē tāca jéē quɨ́vɨ ini ñayuu, ma cúu cujnéhén i sáha? 19Chi tu quɨ́vɨ ini anuá i, chi chīji i quɨ́vɨ, te quénda‑ni cuahān, achí yá.
Súcuan ni steén yā jeē tāca jéē yéji ñayuu, tu cújnéhén ánuá i sáha. 20Te ni cahān gā yā:
Jeē quénda ini anuá ñayuu, yūcuan cúu jeē cujnéhén i sáha. 21Chi nde ini anuá ñayuu quénda jeē jéni néé ni, jeē casɨ́quɨ́ ndéē jnáhan, jeē jíca jnéní, jeē jéhni ndɨ̄yɨ, 22jeē sacuíhná, jeē ndíyo ni ndajníñu jnáhan, jeē sáha néé, jeē stahú jnáhan, jeē máni cuēchi sáha, jeē cucuésún ni, jeē cahán yāa sɨ́quɨ̄ jnáhan, jeē sandúxí máá, jeē canéé xínī. 23Tācá jniñu néé yáha, máni ini anuá ñayuu quénda, te cújnéhén i sáha, áchí yá.
Ñahan ɨnga nación jeē ní candíje nīhin
(Mt. 15.21‑28)
24Te ni quenda ya yūcuan cuáhān yā región Tiro jiín Sidón. Te ni quɨ̄vɨ ya ɨɨn vehe, te cúní yā jeē tú ni ɨɨn ñayuu cuni jeē íne ya yūcuán. Te vēsú súcuan, te tu ní cúu cone sāhi yá. 25Te ɨɨn ñahan íyó séhe sɨ́hɨ́ ña jeē ñúhun tachī ini i, ni nihīn‑ni ña jnūhun jeē íne ya. Te ni quee ña, te ni jecuɨñɨ̄ yɨtɨ́ ña nuū jehé yā. 26Te ñahan ñuu jicá cúu ña, chi nde Sirofenicia cúu nación ña. Te ni cahān ndahú ña jíín yá jeē na quénehen ya tachī ini sēhe sɨ́hɨ́ ña. 27Te ni cahān Jesús jiín ña:
Nasūu núū maá ní vēji ná, chi máni nuū ñáyuu cácuu sēhe Israel. Chi tu íyó váha jeē quénde yō staā sēhe te cuāha yó núū ína, achí yá.
28Te ni cahān ña:
Jendaá cahán ni Tátā, te chindéé ñáhán ní sáña vēsú cúu ná nájnūhun ina. Chi suni máá tɨ́ cáhīin tɨ chīji mesa, cánihīn tɨ̄ staā cuechí jéē cóyo yuhu sūchi lúlí cáyeji tɨ̄, achí ña.
29Yūcuán na te ni cahān yā jiín ña:
Vāha ni cahān ní. Cuáhán ní núu súcuan, chi je ni quenda tachī ún ini sēhe sɨ́hɨ́ ní, achí yá.
30Te ni najinū ña vehe ña, te ni jito ña jeē catú sēhe sɨ́hɨ́ ña nuū jíto, te je ni quenda tachī ún ini i.
Jeē ní nasávāha ya ɨɨn tēe sóhó cástété
31Te ni quenda tucu ya región Tiro, ni yāha ya Sidón jiín táca ñuu Decápolis, te ni jinū yā mar Galilea. 32Te ni caquindeca i ɨɨn tēe sóhó cástété nuū yā, te ni cacahān ndahú i jíín yá jeē na sóó yá ndaha ya sɨquɨ̄ de. 33Te ni quenehen sɨ́ɨn ya de nuū ñáyuu cuehē ún, te ni chune ya xinī ndáha ya sōho de, te ni tesɨ̄hɨ yá, te ni quehé yá yaá de. 34Te ni ndacoto ya ichi ándɨvɨ́, te ni jitū ni yā, te ni cahān yā:
Efata, achí yá, jeē cuní cahān: Nanune.
35Te ni nanune‑ni sōho de, te ni nduvāha yáá de, te ni nacahān vāha de. 36Te ni ndacu ya jniñu nuū ñáyuu un jéē ma cáchi i nuū ní ɨɨn. Te vēsú ni cahān nīhin ya jiín i, te víhyá gā ni cajete i jnūhun. 37Te yōhyo ni canaa ni i cájito i, te ni cacahān i:
Vāha sáha ya tācá jniñu, chi nde tēe cásóhó, cánacuni sōho de, te tēe cándāa ñɨ́hɨ́n, cánacahān vāha de sáha ya, achí i.
Jeē ni scáji yā cuūn mil ñayuu
(Mt. 15.32‑39)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1973, Wycliffe Bible Translators, Inc. All rights reserved.