Abibilia Ngakiro Naajokak

<div class="version vid2657 iso6393tuv" data-vid="2657" data-iso6393="tuv">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Anyarae Akuj Aburam</div><div class="p"> 1Tolimok Ekapolon Akuj Aburam tama, &#8220;Tonyou anakwap kon, ana eyakasi ngiyenet kon, ka ngitunga a awi a apakon, tolot nakwap nakedodikini ayong iyong. 2Ketiliwori ayong iyong ebukut loapolon. Kapiari ayong iyong, etiliwo ekiro kon lo eyenikinitae nabo a ekiro kon eraunete luche lu epiaritae. 3#Tich 7:2-3; Ebura 11:8 Apiari ayong ngulu kipiarete iyong, ani ngini kilami iyong, elami ayong. Apiari ayong ngibukui daang kotere iyong.&#8221;#12:3 ngibukui ... kotere iyong; kori kalimokinete ayong ngibukui daang atamar topiarae loger lo kapiarea iyong. #Gal 3:8 </div><div class="p"> 4Sodi torotok Aburam loger lo alimokinitor Ekapolon Akuj ngesi, apot kirukosi ka Loti. Araakasi ngikaru a Aburam ngitomwon-kaarei ka ngikan na arotokinio alo Aran. 5Toriko Aburam Sarai na arai aberu keng, ka Loti lo arai lokookeng a lokaatokeng, tolemasi tani ebari daang lo apot kesi taanyut. Toriko tani ngikedalak lu aanyunete kesi alo Aran, toloto nakwap a Kanaan. 6Kitor Aburam kiding akwap ngina tanang Chekem ni ayei echoke lo italeunitoe ani enyaritae More. (Aringa ngitunga a akwap a Kanaan eyakasi neni ngirwa ngulu.) 7Tatakanu Ekapolon Akuj ani a Aburam tolimok tama, &#8220;Ainakini ayong ngalesea kon akwap naga.&#8221; Sodi todukok ngesi neni ekeno a ngakipeyos a Ekapolon Akuj ana atakanuuni anikeng. 8Ani erumor towosia moru lo ayei kide a Besel. Todukok ngesi eam neni. Ayei Besel lowae loa lotoo, toyei Ai lowae loa lokide. Todukok ngesi ekeno a ngakipeyos neni, sodi kilip enyarit ekiro a Ekapolon Akuj. 9#Tich 7:5; Gal 3:16 Sodi torubak awesit a Aburam elosi ngaren, eteni lowae loa Negeb.#12:9 Negeb; arai akwap ngina ariet.</div><div class="s">Aburam alo Misiri</div><div class="p"> 10Nakaneni min eron a akoro nakwap a Kanaan. Towosia Aburam nakwap a Misiri akiboi kaina kainyo arono akoro ngina noi. 11Ani enangete kesi diyete Misiri, tolimok Aburam aberu keng Sarai tama, &#8220;Ayeni ayong atamar irai iyong aberu nakebusean. 12Nakianyungareta iyong Ngimisiri, etamarete irai iyong aberu kang, sodi kataara ayong kimiekis iyong. 13Tolimok iyong kesi atamar irai iyong nakaatokang, sodi katosubere ayong naajokak, nabo atoyuun ayong kotere iyong.&#8221; 14Ani enangi Aburam Misiri, kingolikis Ngimisiri atamar ibus aberu keng noi. 15Ani eanyungarete ngikapolok a arieng a Parao, alo arai ekapolon a Misiri aberu ngina, toloto tolimokis Parao atamar ibus ngesi noi. Torikoroe aberu ngina kai a Parao. 16#Siak 20:2; 26:7 Tosubea ekapolon Parao Aburam ngakiro naajokak kotere Sarai. Nak Parao Aburam ngamesekin, ka ngaanei, ka ngaatuk, ka ngisikiria, ka ngikedalak, ta ngikaala.</div><div class="p"> 17Nakaneni kitoting Ekapolon Akuj Parao ka ngitunga a awi keng ngidekesinei luaronok noi ani alemarea Parao Sarai na arai aberu a Aburam. 18Sodi tanyarau Parao Aburam kingit tama, &#8220;Anukiro nugu kisubea iyong ayong? Nyo pekilimokinea iyong ayong atamar erai Sarai aberu kon? 19Nyoni ibalar iyong erai nakaatokon, sodi kimiek iyong ayong alemari ngesi toliwor aberu kang? Kingolik a, aberu kon naga, toriko tonyou tolot kane.&#8221; 20Kisuruor ekapolon ngolo ngitunga keng ngakiro a Aburam. Kitwarakis ngitunga ngulu Aburam anakwap kech. Kirukosi Aburam ka aberu keng, ta ibore daang ni arai ikeng.</div>
 </div>
 </div>
</div>

Tolimok Ekapolon Akuj Aburam tama, “Tonyou anakwap kon, ana eyakasi ngiyenet kon, ka ngitunga a awi a apakon, tolot nakwap nakedodikini ayong iyong. Ketiliwori ayong iyong ebukut loapolon. Kapiari ayong iyong, etiliwo ekiro kon lo eyenikinitae nabo a ekiro kon eraunete luche lu epiaritae. Apiari ayong ngulu kipiarete iyong, ani ngini kilami iyong, elami ayong. Apiari ayong ngibukui daang kotere iyong.”
Sodi torotok Aburam loger lo alimokinitor Ekapolon Akuj ngesi, apot kirukosi ka Loti. Araakasi ngikaru a Aburam ngitomwon-kaarei ka ngikan na arotokinio alo Aran. Toriko Aburam Sarai na arai aberu keng, ka Loti lo arai lokookeng a lokaatokeng, tolemasi tani ebari daang lo apot kesi taanyut. Toriko tani ngikedalak lu aanyunete kesi alo Aran, toloto nakwap a Kanaan. Kitor Aburam kiding akwap ngina tanang Chekem ni ayei echoke lo italeunitoe ani enyaritae More. (Aringa ngitunga a akwap a Kanaan eyakasi neni ngirwa ngulu.) Tatakanu Ekapolon Akuj ani a Aburam tolimok tama, “Ainakini ayong ngalesea kon akwap naga.” Sodi todukok ngesi neni ekeno a ngakipeyos a Ekapolon Akuj ana atakanuuni anikeng. Ani erumor towosia moru lo ayei kide a Besel. Todukok ngesi eam neni. Ayei Besel lowae loa lotoo, toyei Ai lowae loa lokide. Todukok ngesi ekeno a ngakipeyos neni, sodi kilip enyarit ekiro a Ekapolon Akuj. Sodi torubak awesit a Aburam elosi ngaren, eteni lowae loa Negeb.

Nakaneni min eron a akoro nakwap a Kanaan. Towosia Aburam nakwap a Misiri akiboi kaina kainyo arono akoro ngina noi. Ani enangete kesi diyete Misiri, tolimok Aburam aberu keng Sarai tama, “Ayeni ayong atamar irai iyong aberu nakebusean. Nakianyungareta iyong Ngimisiri, etamarete irai iyong aberu kang, sodi kataara ayong kimiekis iyong. Tolimok iyong kesi atamar irai iyong nakaatokang, sodi katosubere ayong naajokak, nabo atoyuun ayong kotere iyong.” Ani enangi Aburam Misiri, kingolikis Ngimisiri atamar ibus aberu keng noi. Ani eanyungarete ngikapolok a arieng a Parao, alo arai ekapolon a Misiri aberu ngina, toloto tolimokis Parao atamar ibus ngesi noi. Torikoroe aberu ngina kai a Parao. Tosubea ekapolon Parao Aburam ngakiro naajokak kotere Sarai. Nak Parao Aburam ngamesekin, ka ngaanei, ka ngaatuk, ka ngisikiria, ka ngikedalak, ta ngikaala.
Nakaneni kitoting Ekapolon Akuj Parao ka ngitunga a awi keng ngidekesinei luaronok noi ani alemarea Parao Sarai na arai aberu a Aburam. Sodi tanyarau Parao Aburam kingit tama, “Anukiro nugu kisubea iyong ayong? Nyo pekilimokinea iyong ayong atamar erai Sarai aberu kon? Nyoni ibalar iyong erai nakaatokon, sodi kimiek iyong ayong alemari ngesi toliwor aberu kang? Kingolik a, aberu kon naga, toriko tonyou tolot kane.” Kisuruor ekapolon ngolo ngitunga keng ngakiro a Aburam. Kitwarakis ngitunga ngulu Aburam anakwap kech. Kirukosi Aburam ka aberu keng, ta ibore daang ni arai ikeng.

Escucha a Akisiakinet 12