Bola - 2011 WBT (NT) Non Drama

<div class="version vid333 iso6393bnp" data-vid="333" data-iso6393="bnp">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">E Isu i Pesi Rike na Matenga</div><div class="r">(Mateo 28:1-10; Markus 16:1-8; Ioanes 20:1-10)</div><div class="p"> 1Na hatelanga pokopoko na mugana parava na vik, e huriki a ngatavine ri bole a mangisipa ri rata puru, ri bole lakea na babe. 2Na tahuna ri bele, ri masia a kedo ni kule vuroki na matana babe. 3Na tahuna ri dili pololilo i uka ma ri masia a podane Isu, e Bakovi Dagi. 4Ri luhoi viliha lae. A bakovi ala rua ru rodo a varakia i para hidihidi ru bele vakaturutu, ru pesi tabukoi ne ria. 5E huriki a ngatavine ri mangenge ri lolu puru na malala. Lakea a bakovi nga ru taki ria, ru ta maea, &#8220;I navai mu matakana a bakovi mahuri na tanga ne huriki ri mate? 6#Luk 9:22I uka ma ia koea. I pesi rike pali na matenga. Mu luhoia a ngava i taki mua vona o Galili? 7I taki mua, i ta maea, &#8216;A Tuna Bakovi bara ni habi ne huriki a bakovi hale, ri paditatea na kai tavalavala. Muri, na toluna parava, bara i pesi rike mule na matenga.&#8217;&#8221;</div><div class="p"> 8Muri ri longovisi a ngavane Isu, 9ri pe a babe, ri vano, ri vakalongo e huriki a apostolo ala ravulu a polona i taku turana e huriki a murimuri ranga. 10Ra ngatavine nga e Maria Magdala, e Ioana, e Maria kinane Iakop, e huriki a ngatavine ranga. Ria kunana ri vano, ri vakalongo e huriki a apostolo vona a maki i bele na babe. 11Pali e huriki a apostolo ri luhoi ta ngava tavula kunana, i uka ma ri luhoi ge muholi. 12Pali e Petrus i pesi rike, i nunu lakea na babe. I tuku dili, i masia a lavalava ni bunu a podane Isu vona. I matai lobo, i hamule na tanga, i luhoi hatekea ra maki i bele.</div><div class="s1">E Isu i Bele na Dala Lakea o Emaus</div><div class="r">(Markus 16:12-13)</div><div class="p"> 13Na parava iea kunana, a murimuri ala rua ru laho lakea na tanga e Emaus. Ra tanga iea i basi popote ne Ierusalem, a maravana a kilomita i ravulu a polona i taku. 14Na tahuna ru lalaho ru tuverei na maka maki i bele. 15Na tahuna ru vatuverei, ru vanana vona a maki i bele, e Isu i valai tabukoi ne rua i laho turane rua, 16pali i uka ma ru matakilalea.</div><div class="p"> 17Muri e Isu i nana rua, &#8220;A ra muru vatuverei vona na dala?&#8221;</div><div class="p">Lakea a murimuri nga ru pesi tata ru mata tangitangi. 18A viri tara ne rua, a rana e Kleopas, i koli i ta maea, &#8220;Ioe kunana a mosi ne Ierusalem, o uka ma o lohoka vona a maki i bele vonga?&#8221;</div><div class="p"> 19E Isu i koli i ta maea, &#8220;A ra maki?&#8221;</div><div class="p">Lakea ru ta maea, &#8220;A maki i bele ne Isu o Nasaret. Ia a propet i tahoka a nitora dagi na nitana, a nitora dagi na ni rata a nivakasiri na matana Vure, na matane huriki a bakovi, a ngatavine. 20E huriki a matakari, a prister dagi ne mia ri habia na limane huriki a Rom, ri gi paditatea na kai tavalavala. 21#Luk 19:11; Apo 1:6Pali mia mi luhoi ia ta ge korimule e huriki a Israel. Pali ngane a toluna parava. 22Mona e huriki a ngatavine ri vakaturutu mia vona tara ngava. Baroko na hatelanga ri lakea na babe, 23pali i uka ma ri masia vonga a podane Isu. Ri hamule ri vakalongo mia ta ri matai a agelo ala rua, ru taki ria ne Isu i mahuri mule! 24#Ion 20:3-10Muri e huriki ranga ne mia ri lakea na babe. Ri matai a maki i manga a ngava i taki e huriki a ngatavine, pali i uka ma ri masia e Isu.&#8221;</div><div class="p"> 25Muri e Isu i taki rua i ta maea, &#8220;Muru manga, muru maradoi hateka ni luhoi a ngava lobo i taki e huriki a propet. 26#Luk 9:22E huriki a propet ri takia e Kristo ge bole a nimadihi taro, muri ge bole a bagetuanga vona.&#8221; 27#Sng 22:1-21; Ais 53Muri i vakatubu ne Moses i valai ne huriki a propet lobo, i tuveve polo ne rua a maki lobo ni here puru mai ia na Hinere.</div><div class="p"> 28To valai tabukoi na tanga dagi e Emaus, lakea e Isu i rata manga ge laho polo&#173;polo. 29Lakea ru takia, ru ta maea, &#8220;O made turane maria, i malunga pali a hini, i popote ge rodo.&#8221; Lakea i vano i made turane rua.</div><div class="p"> 30Na tahuna to made halui a dede ta to go kani, lakea e Isu i bolea a bret, i vasileki langa vona, i kevea i habia ne rua. 31Ngane i malaharere a matane rua, ru matakilalea e Isu. Na tahuna ru matakilalea, i malaviriri kunana i marakavelu. 32Lakea ru vanana, ru ta maea, &#8220;Muholi hateka, i rikerike a hatene tarua, na tahuna te lalaho na dala, i ta turane tarua, i tuveve puru ne tarua a ngava lobo na Hinere.&#8221;</div><div class="p"> 33Ru malaga malaviriri, ru hamule lakea o Ierusalem. Ru luve taho vonga e huriki a apostolo ala ravulu a polona i taku turane huriki ranga, ri vapopo vonga. 34#1Ko 15:4-5Lakea ri vakalongo rua, &#8220;Muholi hateka! E Bakovi Dagi i pesi rike mule na nimate, i vakasiria ne Simon.&#8221; 35Muri ru vakalongo ria vona a maki i bele ne rua na dala, ru matakilalea e Isu na tahuna i keve a bret.</div><div class="s1">E Isu i Bele ne Huriki a Murimuri Vona</div><div class="r">(Mateo 28:16-20; Markus 16:14-18; Ioanes 20:19-23)</div><div class="p"> 36Ru tabana ni tuverei, lakea e Isu i bele ne ria, i pesi na kurukurune ria, i ta maea, &#8220;A nivalemu ge turane mua.&#8221;</div><div class="p"> 37 # 
 Mat 14:26
 Ri turutu, ri mangenge, ri luhoi ta ia a hanitu. 38Lakea e Isu i taki ria i ta maea, &#8220;I navai mu turutu? I navai mu luhoi viliha lae? 39Mu matai a limagu a vahagu. Iau kunana! Mu nugu kilangagu. A hanitu i uka bobona a tuhana ge manga nau.&#8221;</div><div class="p"> 40E Isu i taki lobo a ngava nga, lakea i vakasiri ria vona a limana, a vahana.</div><div class="p"> 41Ri tabana ma ri luhoi kamumu, a vuhuna ri turutu ri vivi vona, lakea i taki ria, &#8220;Mu tahoka a maki ni kani koea?&#8221; 42Lakea ri habi vona a manu ni langani. 43E Isu i kani na matane ria a manu.</div><div class="p"> 44 # 
 Luk 9:22
 Lakea i taki ria, i ta maea, &#8220;Mu luhoi kado na tahuna a turane mua rira? A taki a maki ni here puru virihi mai iau bara i bele. Ra ngava lobo ni here puru na vinara ne Moses, na Hinere ne huriki a propet, na Linge.&#8221;</div><div class="p"> 45Muri e Isu i vakapalala a gine ria, ri gi lohoka na ngava ni here puru na Hinere. 46Lakea e Isu i taki ria i ta maea, &#8220;A ngava ni here puru i taki e Kristo ge bole a nimadihi taro, muri na parava i tolu ge pesi rike mule na matenga. 47Mu vakatubu o Ierusalem, mu vara na tanga lobo na malala a ngava ne huriki ri gi pulo a vilone ria, lakea a Vure ge puga vuroki a naro hale ne ria. 48#Ion 15:27; Apo 1:8Mua kunana mu matai a maka maki nga. 49#Ion 14:16; 15:26; Apo 1:4Iau ga rudu vilia a Hanu Kiripiripi ra i taki mua vona hosi e Tata. Mu dava iea o Ierusalem, ge harena na tahuna mu bole a nitora na Vure.&#8221;</div><div class="s1">E Isu i Sike na Hunu</div><div class="r">(Markus 16:19-20; Apostolo 1:9-12)</div><div class="p"> 50Muri i tuli ria lakea o Betani. Na tahuna ri bele vonga, i toto rike a limana i vakabagetu ria.Jesus 51Na tahuna i vakabagetu ria lobo, ni bole sike na hunu, i pe ria. 52Ri kavurikea. Muri ri hamule lakea o Ierusalem ri pitei na dala. 53Na parava vakaroro ri made na roho na Vure, ri kavurikea.</div>
 </div>
 </div>
</div>

Na hatelanga pokopoko na mugana parava na vik, e huriki a ngatavine ri bole a mangisipa ri rata puru, ri bole lakea na babe. Na tahuna ri bele, ri masia a kedo ni kule vuroki na matana babe. Na tahuna ri dili pololilo i uka ma ri masia a podane Isu, e Bakovi Dagi. Ri luhoi viliha lae. A bakovi ala rua ru rodo a varakia i para hidihidi ru bele vakaturutu, ru pesi tabukoi ne ria. E huriki a ngatavine ri mangenge ri lolu puru na malala. Lakea a bakovi nga ru taki ria, ru ta maea, “I navai mu matakana a bakovi mahuri na tanga ne huriki ri mate? I uka ma ia koea. I pesi rike pali na matenga. Mu luhoia a ngava i taki mua vona o Galili? I taki mua, i ta maea, ‘A Tuna Bakovi bara ni habi ne huriki a bakovi hale, ri paditatea na kai tavalavala. Muri, na toluna parava, bara i pesi rike mule na matenga.’”
Muri ri longovisi a ngavane Isu, ri pe a babe, ri vano, ri vakalongo e huriki a apostolo ala ravulu a polona i taku turana e huriki a murimuri ranga. Ra ngatavine nga e Maria Magdala, e Ioana, e Maria kinane Iakop, e huriki a ngatavine ranga. Ria kunana ri vano, ri vakalongo e huriki a apostolo vona a maki i bele na babe. Pali e huriki a apostolo ri luhoi ta ngava tavula kunana, i uka ma ri luhoi ge muholi. Pali e Petrus i pesi rike, i nunu lakea na babe. I tuku dili, i masia a lavalava ni bunu a podane Isu vona. I matai lobo, i hamule na tanga, i luhoi hatekea ra maki i bele.


Na parava iea kunana, a murimuri ala rua ru laho lakea na tanga e Emaus. Ra tanga iea i basi popote ne Ierusalem, a maravana a kilomita i ravulu a polona i taku. Na tahuna ru lalaho ru tuverei na maka maki i bele. Na tahuna ru vatuverei, ru vanana vona a maki i bele, e Isu i valai tabukoi ne rua i laho turane rua, pali i uka ma ru matakilalea.
Muri e Isu i nana rua, “A ra muru vatuverei vona na dala?”
Lakea a murimuri nga ru pesi tata ru mata tangitangi. A viri tara ne rua, a rana e Kleopas, i koli i ta maea, “Ioe kunana a mosi ne Ierusalem, o uka ma o lohoka vona a maki i bele vonga?”
E Isu i koli i ta maea, “A ra maki?”
Lakea ru ta maea, “A maki i bele ne Isu o Nasaret. Ia a propet i tahoka a nitora dagi na nitana, a nitora dagi na ni rata a nivakasiri na matana Vure, na matane huriki a bakovi, a ngatavine. E huriki a matakari, a prister dagi ne mia ri habia na limane huriki a Rom, ri gi paditatea na kai tavalavala. Pali mia mi luhoi ia ta ge korimule e huriki a Israel. Pali ngane a toluna parava. Mona e huriki a ngatavine ri vakaturutu mia vona tara ngava. Baroko na hatelanga ri lakea na babe, pali i uka ma ri masia vonga a podane Isu. Ri hamule ri vakalongo mia ta ri matai a agelo ala rua, ru taki ria ne Isu i mahuri mule! Muri e huriki ranga ne mia ri lakea na babe. Ri matai a maki i manga a ngava i taki e huriki a ngatavine, pali i uka ma ri masia e Isu.”
Muri e Isu i taki rua i ta maea, “Muru manga, muru maradoi hateka ni luhoi a ngava lobo i taki e huriki a propet. E huriki a propet ri takia e Kristo ge bole a nimadihi taro, muri ge bole a bagetuanga vona.” Muri i vakatubu ne Moses i valai ne huriki a propet lobo, i tuveve polo ne rua a maki lobo ni here puru mai ia na Hinere.
To valai tabukoi na tanga dagi e Emaus, lakea e Isu i rata manga ge laho polo­polo. Lakea ru takia, ru ta maea, “O made turane maria, i malunga pali a hini, i popote ge rodo.” Lakea i vano i made turane rua.
Na tahuna to made halui a dede ta to go kani, lakea e Isu i bolea a bret, i vasileki langa vona, i kevea i habia ne rua. Ngane i malaharere a matane rua, ru matakilalea e Isu. Na tahuna ru matakilalea, i malaviriri kunana i marakavelu. Lakea ru vanana, ru ta maea, “Muholi hateka, i rikerike a hatene tarua, na tahuna te lalaho na dala, i ta turane tarua, i tuveve puru ne tarua a ngava lobo na Hinere.”
Ru malaga malaviriri, ru hamule lakea o Ierusalem. Ru luve taho vonga e huriki a apostolo ala ravulu a polona i taku turane huriki ranga, ri vapopo vonga. Lakea ri vakalongo rua, “Muholi hateka! E Bakovi Dagi i pesi rike mule na nimate, i vakasiria ne Simon.” Muri ru vakalongo ria vona a maki i bele ne rua na dala, ru matakilalea e Isu na tahuna i keve a bret.


Ru tabana ni tuverei, lakea e Isu i bele ne ria, i pesi na kurukurune ria, i ta maea, “A nivalemu ge turane mua.”
Ri turutu, ri mangenge, ri luhoi ta ia a hanitu. Lakea e Isu i taki ria i ta maea, “I navai mu turutu? I navai mu luhoi viliha lae? Mu matai a limagu a vahagu. Iau kunana! Mu nugu kilangagu. A hanitu i uka bobona a tuhana ge manga nau.”
E Isu i taki lobo a ngava nga, lakea i vakasiri ria vona a limana, a vahana.
Ri tabana ma ri luhoi kamumu, a vuhuna ri turutu ri vivi vona, lakea i taki ria, “Mu tahoka a maki ni kani koea?” Lakea ri habi vona a manu ni langani. E Isu i kani na matane ria a manu.
Lakea i taki ria, i ta maea, “Mu luhoi kado na tahuna a turane mua rira? A taki a maki ni here puru virihi mai iau bara i bele. Ra ngava lobo ni here puru na vinara ne Moses, na Hinere ne huriki a propet, na Linge.”
Muri e Isu i vakapalala a gine ria, ri gi lohoka na ngava ni here puru na Hinere. Lakea e Isu i taki ria i ta maea, “A ngava ni here puru i taki e Kristo ge bole a nimadihi taro, muri na parava i tolu ge pesi rike mule na matenga. Mu vakatubu o Ierusalem, mu vara na tanga lobo na malala a ngava ne huriki ri gi pulo a vilone ria, lakea a Vure ge puga vuroki a naro hale ne ria. Mua kunana mu matai a maka maki nga. Iau ga rudu vilia a Hanu Kiripiripi ra i taki mua vona hosi e Tata. Mu dava iea o Ierusalem, ge harena na tahuna mu bole a nitora na Vure.”


Muri i tuli ria lakea o Betani. Na tahuna ri bele vonga, i toto rike a limana i vakabagetu ria.Jesus Na tahuna i vakabagetu ria lobo, ni bole sike na hunu, i pe ria. Ri kavurikea. Muri ri hamule lakea o Ierusalem ri pitei na dala. Na parava vakaroro ri made na roho na Vure, ri kavurikea.

Escucha a Lukas 24