Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">A juppootoppa oorri in kinnin piisa akka pato</div><div class="p"> 1Sitiiyyi orra ka Yesuusi kapopa de'e ka ishi kide, &#8220;Orra Kelila ete kalisoota kalinnooyye, Pilaatoosi ishootta leyshe ka diikaaysho isho kalisootaaysho ollin lahe.&#8221; 2Yesuusi ka ishootta oorshe ka kide, &#8220;Hela kuli orrose a Kelila a pateetta asse pahato ishootta qara kayte, a orra pila a Kelila piisa qara juppoota jaalene ishina pahata? 3Inna! In ishina kiini, &#8216;Oto juppootayshin oppa a oori a kinniniiyi, ishina a xaaysho mina'ewwi pattan.&#8217; 4Qoota namase kudanka sette, a Selehoomiiyyi, kawwatta qara qitte, ikka le'eneti desa maana dikannittan? Hela ishootta a orra Yursaalami kara kalo piisa qaropa, juppoota jaalene ishina pahata? 5Inna! In ishina kiini, oto juppootayshin oppa a oori a kinniniiyi, ishina kuli a xaaysho mina'ew asseew pattan.&#8221;</div><div class="s">Pahana a qoyrase hilteeta a dalta dalli in kinnin</div><div class="p"> 6Sekkamma Yesuusi pahanoosene ishootta lele ka kide, &#8220;Nama takka, qoyra hilteeta a dulaadi a dishma wayneeta oppa dishame qapa. Ka kide &#8216;Luukkatan qara teya ka aane&#8217; Umma we takkan nefo qara in teyne. 7Ka namase kela qonno kide, &#8216;Tin qoyroose a hilteeta qara dalta akkatta'e, para sessan tittiitaawe; umma delta takka nefo qara an teyne; amma oori alle mure. Maana'e patta piita dawni?&#8217; 8Namase kela qonno xoori i'ishi oorshe ka kide, &#8216;Poqallaayyo! Intoonno parose a yawsiti isha diishe ka, anka kela qoto ka kelopa kuufa haado. 9Oton iparanna dalta daleeyye, ipaxaari a taakiti alle muramaay.&#8217;&#8221;</div><div class="s">Yesuusi akkima sampata orra Yihutaatiiyi iskatteeta takka tultaadi xonnoonte dinshe</div><div class="p"> 10Yesuusi sampa Yihutaatiiyyi tikkasene a qinseeta a orra Yihuta oppa takka kelaayye orra kollinni. 11Iskatteeta takka, haka para kudanka setteeti a orritta tultoppa isheetta xonnoonshe ka eyye kitta. Isheetta qoota surraappa qepte malla, pakkanna ela kida ettaninni in kitto, 12Yesuusi ete isheetta akkeeyye, isheetta hale ka ishi kide, &#8220;Iskatteetayti, paaqaaytippa iddinte&#8221; 13Ka harkaadi isheetta qara qapade, ikka eennow jib kiite, ka qa'atte ka Waaqa kalataysatte.</div><div class="p"> 14Yesuusi qoota kuyyaata sampataati dinshe malla, saara tikase a qinseeta imiiroode, ka samayta kide, &#8220;Torpaappa kuyyaata lehi, a oppa koda kodannaane caay, kuyyawwoseneeti xooya ka dina diisheey, kuyyaata sampatatiiyyi in koddinin.&#8221; #sooka 20:9-10; ooreta 5:13-14 </div><div class="p"> 15Poqalla Yesuusi ka ishi oorshe ka kide, &#8220;Ishina pappahanassampayaay, ishina takka takkaayye sampatan, xormaayshin qaadda kela taaki harreetaayshin pora a oppa hiddamteeyye a furri a kittan ka faaka a qulli a kittan'e? 16Tin iskatteese sanynyeeta Aprihaami koddite; para kudanka sette piisa seetanan hidamte ka payyahate ka kuli isheetta paaqose a ishin hidamte ka payyahate kela kuyyaata sampatati furama isheetta parpaaccisni in kitto?&#8221;</div><div class="p"> 17Yesuusi haasoosen xaadinni, toorampayaadi piisa jeershe, samayta ka daxxoota a isha kode piisan xasoode.</div><div class="s">Pahanasene a uuqqinteeta leya</div><div class="r"> Maati 13:31-32; Maari 4:30-32</div><div class="p"> 18Yesuusi ikide, &#8220;Mankisteeta Waaqa maana pahata? Anka maana kapa isheetta ekkaysha? 19Isheetta uuqqinteeta leya a nama takka dulaadi oppa dishade'e pahata. Ikka kaante ka qoyra kutta koddite; Xampira ka taammaadi qara saatta saattaaden.&#8221;</div><div class="s">Pahanasene a haddaya</div><div class="r"> Maati 13:33</div><div class="p"> 20Yesuusi ka kideewwe, &#8220;Mankisteeta Waaqa maana kapa'en isheetta ekkaysha?</div><div class="p"> 21&#8220;Mankisteeta Waaqa, akka pukeessa piisa palayshane'e haddaya a iskatteeta takka qeette ka daamma kara pukeessite'e pahata.&#8221;</div><div class="s">Xarrase killaxa</div><div class="r"> Maati 7:13-14, 21-23</div><div class="p"> 22Sekamma Yesuusi ete Yursaalamipa annooyye, katamadda isho palewwaappanne tarpini ka ittura kollinni. 23Sitiiyyi nama takka ka isha kaassade ka kide, &#8220;Poqallaay, hela orra shakkaytaaw dina?&#8221;</div><div class="p">Yesuusi ka ishootta oorshe ka kide, 24&#8220;In ishina kiini, xarrase killa'a karan kulla japaada. Orra xarrose karan kulla heennado ilekaada, ma kulla in ettansho. 25Aappa tika ixa, ka xarra dufada; ishina ka lakoppa qa'attan ka xaroppa kokkoissan, ka &#8216;Poqallaay! atara ino tura pane!&#8217; kida paayyitan. Isha ka ishina oorsha ka kida, &#8216;Ayshaayye akka deeten, anti an ishina an upo.&#8217; 26Ishina ka ishi kiitane, &#8216;Ha ke ollin damme ka ke olli ikkine, akka mooraddaanno oppa ino kollisse.&#8217;</div><div class="p"> 27&#8220;Isha ka oppa ooraaw ka ishina kida, &#8216;Aysha akka deeten anti an upooy, ishina ukkuttoowwaay, piisanti ana kapa sekaada&#8217; #mas 6:8 28Akka Aprihaami ka Hisaaqi ka Yayqoopi, isho xuumampaya piisa mankisteeta Waaqati akkitan; ishina xoori laka tulopa katamtan. Ka pora pooytan ka ilkaaw ollin qomtan. #Maati 22:13; 25:30 29Orra lekayta ka qinda piirtotatidela ka a dumaateetati xata ka kammeela isho quta xata, ollopa de'a, ka mankisteeta Waaqatiiyyi ollin takka damta kute'a. #Maati 8:11-12</div><div class="p"> 30&#8220;Semalla a tura kammopa oora, a kamma ka turopa oora.&#8221; #Maati 19:30; 20:16; Maari 10:31 </div><div class="s">Yesuusi katama Yursaalami malla pooye</div><div class="r"> Maati 23:37-39</div><div class="p"> 31Sitiiyyi Feresaata oppaayye orra demo ka Yesuusi kapopa de'e ka ishi kide, &#8220;Herodisi ke ikassa faaniiy, piisse oppa alle aane.&#8221;</div><div class="p"> 32Yesuusi xoori i'ishootta kide, &#8220;Aanaka ka'altooseti kida, &#8216;Awwe ka parri kara'e, orriyyaan sooksha ka paaqolaya dinsha ka kuyyaata sessattatiiyyi kodiyyo dikkisha kiini. 33a koddito ma, awwe ka parri ka partaani kara'e, Yursaalamipa anta ana parpaaccisni. Xuumampayta, Yursaalami mali pora pilaati toota isha parpaaccisni in kitto.&#8217;</div><div class="p"> 34&#8220;Oo Yursaalami! oo Yursaalami! Ke a xuumampaya lennitto ka a ke karopa erkame dakaan dakkinitto, akkima lukkalitteeta jiwjiwaadi xoollaadi kelopa ollopa oorsannitto mina'e, anti meeqaannen hellaatti iskelopa oorsatta fade. Ke isho samaytaayti xoori ittiitten. 35Semmalla tikkaassin i'onan umma haka kiitane, &#8216;A maxxa Poqallaatin deeno, a eeppisamo&#8217; kara'e, ana a akkitan.&#8221; #mas 118:26; Er 22:5 </div>
 </div>
 </div>
</div>

Sitiiyyi orra ka Yesuusi kapopa de'e ka ishi kide, “Orra Kelila ete kalisoota kalinnooyye, Pilaatoosi ishootta leyshe ka diikaaysho isho kalisootaaysho ollin lahe.” Yesuusi ka ishootta oorshe ka kide, “Hela kuli orrose a Kelila a pateetta asse pahato ishootta qara kayte, a orra pila a Kelila piisa qara juppoota jaalene ishina pahata? Inna! In ishina kiini, ‘Oto juppootayshin oppa a oori a kinniniiyi, ishina a xaaysho mina'ewwi pattan.’ Qoota namase kudanka sette, a Selehoomiiyyi, kawwatta qara qitte, ikka le'eneti desa maana dikannittan? Hela ishootta a orra Yursaalami kara kalo piisa qaropa, juppoota jaalene ishina pahata? Inna! In ishina kiini, oto juppootayshin oppa a oori a kinniniiyi, ishina kuli a xaaysho mina'ew asseew pattan.”

Sekkamma Yesuusi pahanoosene ishootta lele ka kide, “Nama takka, qoyra hilteeta a dulaadi a dishma wayneeta oppa dishame qapa. Ka kide ‘Luukkatan qara teya ka aane’ Umma we takkan nefo qara in teyne. Ka namase kela qonno kide, ‘Tin qoyroose a hilteeta qara dalta akkatta'e, para sessan tittiitaawe; umma delta takka nefo qara an teyne; amma oori alle mure. Maana'e patta piita dawni?’ Namase kela qonno xoori i'ishi oorshe ka kide, ‘Poqallaayyo! Intoonno parose a yawsiti isha diishe ka, anka kela qoto ka kelopa kuufa haado. Oton iparanna dalta daleeyye, ipaxaari a taakiti alle muramaay.’”

Yesuusi sampa Yihutaatiiyyi tikkasene a qinseeta a orra Yihuta oppa takka kelaayye orra kollinni. Iskatteeta takka, haka para kudanka setteeti a orritta tultoppa isheetta xonnoonshe ka eyye kitta. Isheetta qoota surraappa qepte malla, pakkanna ela kida ettaninni in kitto, Yesuusi ete isheetta akkeeyye, isheetta hale ka ishi kide, “Iskatteetayti, paaqaaytippa iddinte” Ka harkaadi isheetta qara qapade, ikka eennow jib kiite, ka qa'atte ka Waaqa kalataysatte.
Yesuusi qoota kuyyaata sampataati dinshe malla, saara tikase a qinseeta imiiroode, ka samayta kide, “Torpaappa kuyyaata lehi, a oppa koda kodannaane caay, kuyyawwoseneeti xooya ka dina diisheey, kuyyaata sampatatiiyyi in koddinin.”
Poqalla Yesuusi ka ishi oorshe ka kide, “Ishina pappahanassampayaay, ishina takka takkaayye sampatan, xormaayshin qaadda kela taaki harreetaayshin pora a oppa hiddamteeyye a furri a kittan ka faaka a qulli a kittan'e? Tin iskatteese sanynyeeta Aprihaami koddite; para kudanka sette piisa seetanan hidamte ka payyahate ka kuli isheetta paaqose a ishin hidamte ka payyahate kela kuyyaata sampatati furama isheetta parpaaccisni in kitto?”
Yesuusi haasoosen xaadinni, toorampayaadi piisa jeershe, samayta ka daxxoota a isha kode piisan xasoode.


Yesuusi ikide, “Mankisteeta Waaqa maana pahata? Anka maana kapa isheetta ekkaysha? Isheetta uuqqinteeta leya a nama takka dulaadi oppa dishade'e pahata. Ikka kaante ka qoyra kutta koddite; Xampira ka taammaadi qara saatta saattaaden.”


Yesuusi ka kideewwe, “Mankisteeta Waaqa maana kapa'en isheetta ekkaysha?
“Mankisteeta Waaqa, akka pukeessa piisa palayshane'e haddaya a iskatteeta takka qeette ka daamma kara pukeessite'e pahata.”


Sekamma Yesuusi ete Yursaalamipa annooyye, katamadda isho palewwaappanne tarpini ka ittura kollinni. Sitiiyyi nama takka ka isha kaassade ka kide, “Poqallaay, hela orra shakkaytaaw dina?”
Yesuusi ka ishootta oorshe ka kide, “In ishina kiini, xarrase killa'a karan kulla japaada. Orra xarrose karan kulla heennado ilekaada, ma kulla in ettansho. Aappa tika ixa, ka xarra dufada; ishina ka lakoppa qa'attan ka xaroppa kokkoissan, ka ‘Poqallaay! atara ino tura pane!’ kida paayyitan. Isha ka ishina oorsha ka kida, ‘Ayshaayye akka deeten, anti an ishina an upo.’ Ishina ka ishi kiitane, ‘Ha ke ollin damme ka ke olli ikkine, akka mooraddaanno oppa ino kollisse.’
“Isha ka oppa ooraaw ka ishina kida, ‘Aysha akka deeten anti an upooy, ishina ukkuttoowwaay, piisanti ana kapa sekaada’ Akka Aprihaami ka Hisaaqi ka Yayqoopi, isho xuumampaya piisa mankisteeta Waaqati akkitan; ishina xoori laka tulopa katamtan. Ka pora pooytan ka ilkaaw ollin qomtan. Orra lekayta ka qinda piirtotatidela ka a dumaateetati xata ka kammeela isho quta xata, ollopa de'a, ka mankisteeta Waaqatiiyyi ollin takka damta kute'a.
“Semalla a tura kammopa oora, a kamma ka turopa oora.”


Sitiiyyi Feresaata oppaayye orra demo ka Yesuusi kapopa de'e ka ishi kide, “Herodisi ke ikassa faaniiy, piisse oppa alle aane.”
Yesuusi xoori i'ishootta kide, “Aanaka ka'altooseti kida, ‘Awwe ka parri kara'e, orriyyaan sooksha ka paaqolaya dinsha ka kuyyaata sessattatiiyyi kodiyyo dikkisha kiini. a koddito ma, awwe ka parri ka partaani kara'e, Yursaalamipa anta ana parpaaccisni. Xuumampayta, Yursaalami mali pora pilaati toota isha parpaaccisni in kitto.’
“Oo Yursaalami! oo Yursaalami! Ke a xuumampaya lennitto ka a ke karopa erkame dakaan dakkinitto, akkima lukkalitteeta jiwjiwaadi xoollaadi kelopa ollopa oorsannitto mina'e, anti meeqaannen hellaatti iskelopa oorsatta fade. Ke isho samaytaayti xoori ittiitten. Semmalla tikkaassin i'onan umma haka kiitane, ‘A maxxa Poqallaatin deeno, a eeppisamo’ kara'e, ana a akkitan.”

Escucha a Luqaasi 13