Versículos bíblicos populares de Matiu 7

Compartir

Lenali Hu'mamofitoga nunumu hite kehe ilenogo lepilibe. Lenali sa sa hite lilabe. Lenali kasito inogo Hu'mau kafe sigi lepalalibe.

Bona'i enali Hu'mamofitoga loka hete nunumu nehana. Ai epilata nohibe. Bona'i sa sa hilinauba li huto hulata nohibe. To kasito noina bona'mofihi kasihi hokolo hu etolata nohibe.

Ya hu'ehinagi, bo moneuba kaga'ni kehelito liyafa huloto nemege'i malalinauba ai bo moneuba hetofa ekesa keheliloto efaha me'i ninalo nohi gilata nohina suhi hilibe.

Nanitoga ya suhi hu netalo luto kekesa noyigilata suhi enali fato bonatoga ana suhi hu epolobo. Ya'ma ai Mosehi keya ka'amofihi hapa'a koyapa'i ninamolo to lu yege hose bona'magihi kaga enelepise'na'ani hiti mana'a ni'ibe.

To hetofa hepato buse kapoya ai kitili'i ni'igo ana kapomofihi lili'na'a ule'ale huto lise suhi huto ni'ibe. Ya hu'ehigo mone'isi mone'isi boana'magi ana kapolo sa hite bilata nehabe.

Lenali kitili kapoguti ti hokolo hilo. Fenene huse hepa'i logo kapolo bu'ehina kapoya ai sipi fela kapo hokolo huto bu'ehibe. Ya hu'ehigo yege yege boana'i ana kapogu bilata nehabe.

Ya hu'ehinagi lenali bati menehana bona'magita yagapanatinimagihi hetofana epilata nehinogomo yalo lali kehelilune, Hu'ma Afotinifu kokulumalugu nohinauba lenali nunumu hu emite ya hite hilana bona'i hetofana lepilina'mu yabe.

Lenali bona'i enipakafa hete enele'mo yegelo memalalo. To Hu'mau alihi lenali'i lenele'mo yegelo ana huto memalalibe. To Hu'mau hu'ehilata bameto li moloto kele'mo yegelo malalina'mu yabe. To kaga luto bona'i ya amuya'niloti yabe lilata Hu'mau ana mone'ago kagaloti kele'mo yegelo malalina'mu yabe.

To asaga bona'i enali ka'ni kehelilete ana ka'nimofihi liyafa hite mege'i menemalana bona'iya enali negi bomagi nagami beleto kehelugu nohi gilata nehana suhi lite nehabe.

Kai kogonakamofihi pehena bugu nina hena hibe luto gili gili nohu etane? Kai kubukagu kefa fulupa sipi'a ana huto ko'ehina bu goto li he'miloto hubo. Kefa fulupa fela'a kubukagu ni'ilina li mehe'mise hena hibe luto kogonakamofihi ma luto lu emilata ni'ibe: Nogonao, pehena kubugu ni'ina li he'mi ketaluna bati huto ni'ifihe? Ya luto lilapiye?

Lenali fagalo lu yege hose bomagihi kaba hu bati hilo. Enali sipisipi yagamofihi gufa'a gukete li hekelelete lenalitoga elata nehabe. Ya hi'ahana enali komopa'anigu lopi kala suhi hite nehanago lenali'iya lenehete salu kite nalana'mu yabe. Enali hilana hapa'aniya lenali enogo hokolo hite bu enagalana'mu yabe. Ufehe yafamagi nemuya legeya'a helata menehabe, to nemuya yafamagi ufehe yafamofihi legeya'a holata menehabe.

To bati huto mesebe lele tele huto tilata nohina yafauba legeya'a bati huto sipina holata nohibe, to numutopa loloto sako bako logo huto lilata nohina yafauba legeya'a sibina huto lagaso'asi holata nohibe.

Mesebe lele tele huto bati huto tilata nohina yafauba legeya'a mone sibina huto holata menohibe, to numutopa ito sako bako huto lilata nohina yafauba legeya'a bati huto sipina mone holata menohibe.

To yafa luga'amagi enali nose'na legeya'a meholata nehanaya laga huto logogu gelata nehabe.