Versículos bíblicos populares de JO:N 3

Compartir

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

Kapila:nc Ru:ncpvncbv Awodcm mo:pvso:pc mclvgto, mo:pvscm aimang cmna ludopcmang cmpige:la mo:pvscm jen Bvkkoki moturdopc cmna:mvn.

Jisubv bvm lubito, “Aro-aroru:pc, ngo nolum lubidung, akoncm anupc otenkuma:-sisscm, bv Ru:ncpvnckc migom doko mo:pvdcm ka:begma:yc.”

Sc:kobv Bvm mc:jvgdonc aimang cmmang; sc:kobv Bvm mc:jvgma:nc kcba:lo aimang cmtoibong, kapila:nc bv Ru:ncpvnckc Awo atcrdok aminno mc:jvgtomang.

Odokkc scmpcna kcbang ba:la lunamdc, jc pva:dc mo:pvso pvkang, odokkc tani:kvdv:dc pva:dcmyam kcmodcm aipc mcngkang, lcga:dc bulu buluk ager gernam kvdv:dc aimangai.

Bv botta bottala gvpa:ru:yc, cmpige:la ngo adji:la gvpa:ru:yc.”

Kapila:nc sc:kobv aima:nc agercm gerycnc pvangcm tayumdag, odokkc pva:do:pc gva:mang, ckvma:mvlo bvk ager gernamkvdv:dc lenabyc.

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

Odokkc Mose:bv yumra:do tabvdcm darsa:to, cdcmv:pc tani:kc Awodcmsin la:sa:ru:pa:yc

Abudc Awodcm aipc mc:dag, odokkc appvng attarcm Bvk alaglo bito.