Versículos bíblicos populares de یوحنا ۱۰

Compartir

دوزد نأیه، مگر اَنکی دوزدی بوکونه و بوکوشه و نابودَ کونه. من بموم تا اَشأن زندگی‌یٚ اَبدی پیدا بوکونید و از او زندگی‌یٚ اَبدی به فراوانی بهره ببرید!

«چوپانٚ خُب من ایسم! چوپانٚ خُب خو جانَ گوسفندأنٚ‌ ره نِهه.

می گوسفندأن، می صدایَ گوش کونیدی. من اوشأنَ شنأسم و اوشأن می دونبأل اَییدی.

من اوشأنَ زندگی‌یٚ اَبدی بخشم و یقیناً هرگز هلاکَ نیبیدی و کسی اوشأنَ از می دس نتأنه بدوزده.

من ‹در› ایسم! هر کی از می رأ وارد ببه، نجات پیدا کونه و آزادأنه بودورون اَیه و بیرون شه و چراگاه پیدا کونه.

چوپانٚ خُب من ایسم! من می گوسفندأنَ شنأسم و می گوسفندأن مرَ شنأسیدی.

می پئر کی اوشأنَ مرَ ببخشه، از همه پیله‌تره و هیکس نتأنه اوشأنَ از می پئرٚ دس بدوزأنه. من و پئر ایتأییم.»

هوطو کی پئر مرَ شنأسه، منم پئرَ شنأسم. من می جانَ گوسفندأنٚ‌ره نَهم.

هیکس اونَ از من فینگیره، بلکی من به میلٚ خودم اونَ فدم. اختیارشَ دأرم کی فدم و اختیارشَ دأرم کی اونَ پس فیگیرم. اَ حکمَ از می پئر فیگیفتم.»

پس ایدفعه دیگر اوشأنَ بوگفته: «آمین، آمین، شمرَ گم، من گوسفندأنٚ‌ره ‹در› ایسم!

کارگر چوپانٚ مأنستن نی‌یه و گوسفندأن اونٚ‌شین نی‌ییدی. هر وخت بیدینه گرگ اَمون دره، گوسفندأنَ ولَ کونه و فرار کونه و گرگ گوسفندأنَ حمله کونه و اوشأنَ پراکنده کونه.

«آمین، آمین، شمرَ گم، کسی کی از در، واردٚ طویله‌یٚ گوسفندأن نبه، بلکی از رایٚ دیگر وارد ببه، دوزد و راهزنه.