Versículos bíblicos populares de Yohanis 1

Compartir

Masi ka sèmi èèna, te ngaa ladhe dhèu sèmi rare aa parcaya Ne, Nèngu hia si hak sèna ka jꞌajꞌi ana-ana Ama Lamatua.

Dhu uru tèka, abhu mema le Lii Holo-Nori Ama Lamatua. Lii Holo-Nori Ama Lamatua neꞌe, nuka Dhèu èci. Dhèu neꞌe bera-bera dènge Ama Lamatua. Aa Nèngu ne, Ama Lamatua kahèi.

Saraa ne, heo madhore maroga; aa maroga bisa boe paꞌabhe Saraa ne. Te Saraa ne heo taruu.

Hèia, ‘Lii Holo-Nori Lamatua’ ne, rara iisi Ne jꞌajꞌi dhèu rai-haha. Nèngu mamuri ètu talora aae èdhi. Èdhi ladhe tèdhi dadedha Na. Dadedha Na sèmi èèna, lula Nèngu ne Ana mesa Ama Lamatua. Nèngu dꞌèi padꞌelo dꞌara hua iia Na mi èdhi, lula dꞌara Na sèmi èèna ka. Aa aaꞌi-aaꞌi dhu Na peka-padhai lula-nèti Ama Lamatua, lèke tareꞌa-reꞌa.

Lamatua pajꞌajꞌi aaꞌi mèu-mèu, pake Lii Holo-Nori Nèngu neꞌe ka. Abhu boe ngaa èci sa dhu jꞌajꞌi, ladhe Dhèu neꞌe tao boe. Nèngu ne, kapua mamuri. De dhèu dhu abhu mamuri dhu lèke, rèngu mamuri nèti Nèngu ka. Nèngu èci èèna ka dènge Saraa dhu pasaraa, sèna ka dhèu dhu mamuri ètu dꞌara Saraa neꞌe, bisa rèdhi dènge mèu.

Asa bèli èèna, Yohanis ladhe nèdhi Yesus kako mai asa nèngu. Hèia na padhai lii, peka na, “Ladhe ku Dhèu nèi! Nèngu èèna ka, Ana Kahibꞌi-kalèbho Ama Lamatua dhu jꞌajꞌi korban, sèna ka saku eele sasala-sasigo dhèu ètu rai-haha ne.

Masi ka Nèngu tao nare aaꞌi mèu-mèu ngaa-ngaa ètu rai-haha ne, te ngaa dhèu ètu rai-haha tadhe boe Ne, lodꞌo Na pea ètu rai-haha ne. Masi ka Nèngu mai pea dènge dhèu unu Na, te ngaa dhèu seꞌe roꞌo boe sèmi rare Ne.

Te Dhèu dhu jꞌajꞌi Saraa tareꞌa-reꞌa èèna, neo mai asa rai-haha ne. Saraa neꞌe ka dhu dꞌelo pamèu-mèu jꞌara-jꞌara hia dhèu aaꞌi-aaꞌi.

Uru-uru sèra, Musa ka dhu papuru Atora Ama Lamatua mi bèi-baki èdhi. Te ngaa lodꞌo limuri ne, Dhèu ne, nuka Yesus Kristus ka dhu padꞌelo dꞌara hua iia Ama Lamatua mi èdhi. Aa aaꞌi-aaꞌi dhu Na lole lula-nèti Ama Lamatua, lèke mola-mola.