Versículos bíblicos populares de Xhun 10

Compartir

Pet u elqʼom, tan ech koq kuxh laʼ tul s-eche. Tan elaqʼ, yatzʼoʼm, yansaʼm laʼ ul ibʼaneʼ. Pet koq in, tan aʼ ulk in tiʼ taqʼax qʼij isaq inqʼa xaol, atz tiʼ ikʼult nimal bʼaʼnil tu qʼij isaq vatz txʼavaʼ, atz uvaʼ yeʼl iyaʼebʼal imotxebʼal qʼij isaq kʼatz quBʼaal Tiuxh laʼ ibʼana.

Echetz aʼ, ine u bʼaʼnla xeen karneʼl, tan toq vaqʼ vibʼ kamoq setiʼ, eche laʼ taqʼt tibʼ u bʼaʼnla xeen karneʼl kamoq tiʼ inqʼa ikarneʼl.

Jatvaʼletz inqʼa niman vetz, inqʼa ech tatin, eche karneʼl, tan ilaqe nik tabʼi in. Tan vootzaqlaqe. Tul txhʼuyel s-viʼ.

Tul laʼ vaqʼ qʼij isaq uvaʼ yeʼl iyaʼebʼal imotxebʼal. Tul yeʼl inpaqul laʼ tzʼeqx ka. Atz yeʼxhabʼil invaʼq laʼ oleʼv tiʼ teesal el t-inqʼabʼ.

Echetz aʼ ine, vipalebʼal ok inqʼa xaol vatz quBʼaal Tiuxh. Jaʼletz uvaʼ laʼ itxhok tok kʼatz quBʼaal Tiuxh, tul laʼ paloʼk, atz kolel veteʼ. Tan ech tatin laʼ ibʼan, eche invaʼq u karneʼl uvaʼ yeʼl ixoʼval tiʼ ipaloʼk, atz tiʼ teluʼl tiʼ ileqt bʼaʼnla kʼoatxh.

Pet aʼ ine, u bʼaʼnla xeen karneʼl, atz vootzaql inqʼa inkarneʼl. Tul tootzaqlat in.

Tan aʼ vinBʼaal qat oksan t-inqʼabʼ. Tan yeʼxhabʼil invaʼq uvaʼ palnaʼql koq tiqleʼm viʼ vinBʼaal. Atz yeʼxhabʼil invaʼq laʼ oleʼv tiʼ teesal el inqʼa niman vetz tiqʼabʼ vinBʼaal. Tan vaʼl kuxh in tuchʼ vinBʼaal, —xeʼt Jesuus.

Echatetz vatine tuchʼ vinBʼaal, tan tootzaql in vinBʼaal. Tul vootzaqlat inpaqte. Tan toq vaqʼ u qʼij insaq tiʼ inqʼa niman vetz, inqʼa eche karneʼl.

Poro yeʼxhabʼil invaʼq laʼ oleʼv tiʼ teesal u qʼij insaq. Pet antxh in toq aqʼon u qʼij insaq. Tan at viqleʼm tiʼ vaqʼt vibʼ kamoq, tul at viqleʼm tiʼ vitzʼeʼv inpaqte. Tan ech uvaʼe alel s-ve taʼn vinBʼaal, —xeʼt Jesuus.

Yaʼne ech vaʼt u yol tal Jesuus s-eche: —Tira toq val sete: Aʼetz ine, vipalebʼal ok inqʼa karneʼl.

Pet koq invaʼq u vinaq uvaʼ aʼl txhoel tiʼ ixeel inqʼa karneʼl, tan laʼ koq el taanima s-tiʼ. Tan jitxh tetz. Oqetz laʼ til u vinaq tul xoʼ, tul laʼ taqʼ ka inqʼa karneʼl. Tul laʼ itzʼeq tibʼ. Yaʼne laʼ pal vet ok xoʼ xoʼl inqʼa karneʼl, tul laʼ itxey vet inqʼa karneʼl. Tul talaq kuxh vet laʼ motx ikʼaq junun inqʼa karneʼl tiʼ itzʼeqt tibʼ.

Tul echat tal Jesuus s-eche: —Pet tira toq val sete: Jaʼl uvaʼ jit aʼ laʼ palkoʼk t-vipalebʼal ok u tatibʼal inqʼa karneʼl, pet aʼl laʼ itxhok tok tinjalite, tul elqʼometze. Atz okebʼen karneʼl kuxhte.