Versículos bíblicos populares de Xhun 7

Compartir

Tan jaʼl uvaʼ laʼ qeon in, tul eche ixaon xaomla aʼ laʼ ibʼan vinbʼaʼnil t-taanxelal uvaʼ laʼ aqʼon qʼij isaq uvaʼ yeʼl iyaʼebʼal imotxebʼal. Tan ech uvaʼe tzʼibʼamal ka t-viyolbʼal quBʼaal Tiuxh, —xeʼt Jesuus.

Yaʼne opoon vet viyaʼtebʼal qʼij tiʼ inimal u nimla qʼij u Tetz Talaq Patxh, atz aʼ u qʼije uvaʼ sibʼ talaxeʼ. Tul txakeʼv Jesuus xoʼl inqʼa xaol. Tul taqʼ jaʼ Jesuus tiʼ iqul. Tul ech tal Jesuus s-eche: —¡Jaʼl ex, uvaʼ nik itzaq etziʼ, tul okoq tzaan ex s-viʼ! Tul ¡ukʼavaq u aʼ uvaʼ, in toq aqʼon sete!{*}

Poro aʼ nikich talvat Jesuus tiʼ viTiuxhil Tiuxh uvaʼ laʼich motx ikʼul inqʼa xaol tu taanima, inqʼa laʼich qeon Jesuus. Tan yeʼxnaqich uloq viTiuxhil Tiuxh tiʼ ikʼult inqʼa xaol tu taanima. Tan yeʼxnaqich ikʼuleʼt Jesuus u nimla tatin kʼatz quBʼaal Tiuxh.

Yeʼ laʼ utxhi laʼ etaqʼ kuʼ yol tinuqul s-viʼ tiʼ kam uvaʼ nik etileʼ. Pet aqʼtaq kuʼ yol tinuqul uvaʼ tinuqulxhtuʼ, —xeʼt Jesuus.{*}

Echetz jaʼl uvaʼ, aʼ u titzʼabʼal laʼ toksa tiʼ talt inqʼa yol, tul aʼetz nik itxhoke toksal iqʼij s-junal. Pet ech koq in, tan aʼ nik insaʼeʼ uvaʼ, aʼ vinBʼaal laʼ oksal iqʼij, uvaʼ txhaqon tzaan in. Echetz aʼ vinuqul nik valeʼ, tul yeʼl invaʼq yeʼbʼaʼn nik inbʼaneʼ.

Yaʼne ech tal Jesuus s-eche: —Jankʼalxh inqʼa nik intxhus sexoʼl, tan aʼ vinBʼaale uvaʼ txhaqon tzaan in, nik alon s-ve. Pet jit nikoq kuxh tel tinviʼ.

Tan yeʼxhabʼil nik iyan ivatz sete. Pet koq in, tan nik iyan ivatz inqʼa xaol s-ve, tiʼ uvaʼ nik val inuqul inqʼa ipaʼv s-te kam u kantxhaq nik motx ibʼaneʼ.