Versículos bíblicos populares de Tio 8

Compartir

Tul ech tal Jesuus s-eche: —¡Keʼch nik exoʼveʼ! ¡Yeʼxetz kolxh kʼuqlebʼal ekʼuul s-viʼ tiʼ inkolt ex! —xeʼt Jesuus. Tul txakp vet Jesuus. Tul ibʼekʼ vet Jesuus iyaʼ u aʼ tuchʼ u kaqiqʼ. Tul yekich yaʼ teyut tibʼ u mam aʼ. Atz yekich tzʼinun vet u kaqiqʼ.

Tul ech tal viqʼesal sol s-eche: —Yeʼle, inqʼesal. Tan jit in tij imam Israeel. Jit inkʼulel laʼ bʼen axh tu votzotz. Pet aʼl kuxh aal u yol, tul yek toq ibʼan u vaqʼonvil bʼaʼn.

Tabʼietz vet Jesuus u yol uvaʼ tal viqʼesal sol, tul yekichxh chiibʼ taanima Jesuus tiʼ u kʼuqlebʼal ikʼuul viqʼesal sol. Tul ech tal Jesuus te inqʼa xaol, inqʼa txhʼuyich s-tiʼ, s-eche: —¡Abʼivaq! Toq val sete uvaʼ: Yeʼl invaʼxoʼq tij imam Israeel vila uvaʼ ech kʼuqlebʼal ikʼuul s-viʼ, eche u vinaq uvaʼe. Tul jit tij imam Israeel.

Yaʼne ech tal Jesuus te viqʼesal sol s-eche: —Quxh vet tavotzotz. Tiʼ uvaʼ qat akʼuqbʼa akʼuul s-viʼ, tul toq ibʼaneʼ kam uvaʼ qat aabʼi s-ve, —xeʼt Jesuus. Tul yekich ibʼan vet bʼaʼn u taqʼonvil viqʼesal sol tuulbʼal kuxh uvaʼs talt Jesuus u yol.

Tul tira motx kaj taanima inqʼa nikich itxhus tibʼ kʼatz Jesuus uvaʼs tilt iyaʼ u mam kaqiqʼ jabʼal. Tul ech motx tal vet s-vatzaq s-eche: —¿Kam talax naq u vinaq uvaʼe? Tan ¡tetxhal qat qeex naq taʼn u kaqiqʼ jabʼal, atz taʼn u mam aʼ! —xeʼtaq veteʼ.