Versículos bíblicos populares de Эвел 1

Compartir

Заанури гъапну: «Ухьусир, Ухьуз ухшар айи адми апӀидихьа. Адмийи гьюлин балугъариин, завун ничхрариин, мал-къарайиин, вари жилиин ва вари гьяшаратариин агъавал апӀиди». Заанури, Чавсир, адми арайиз хуру, Заанурсир Дугъу арайиз хуру; Жилижви ва дишагьли арайиз хуру.

Заанури, дурар ужувлакк ккаъну, кӀуру: «Артухъ йихьай, артмиш йихьай, жил алабцӀай, думу хиликк ккапӀай. Гьюлин балугъариин, завун ничхрариин ва жилин вари гьяйванатарин зиин агъавал апӀинай».

Сифте Заанури завна жил арайиз хуру.

Жил къайдасузди ва ичӀиди вуйи. КӀан ккадру штарин зиин мучӀушин алийи. Заанурин Рюгь штариин шуйи.

Заанури гъапну: «Гъит, акв ибшри!» Ва акв шулу.

Заанури, Чав арайиз гъабхибдилан ул илбицуру – вари гизаф ужуйи вуйи. Хябяхъ шулу, хъа гвачӀин шулу: йигъ йирхьубпиб.

Заануриз акв кьабул шулу ва думу мучӀушнахьан жара апӀуру.

Заанури гъапи: «Узу учвуз, жилиин алибкьан гьарсаб укӀан тум, ва тум айи гьарсаб гьарин бегьер хурагди тувназа.

Заанури аквназ «йигъ» кӀуру, хъа мучӀушназ – «йишв». Хябяхъ шулу, хъа гвачӀин шулу: му сабпи йигъ вуйи.

Заанури гъапну: «Гъит, штун кьялаъ ижмишин ибшри, ва ижмишну зиин али шид кӀанакк ккайи шидхьан жара апӀри».

Хъа жилин гьяйванатариз, завун ничхрариз ва жан али гьарсаб жилин чӀивишназ Узу укӀан чрушин хурагди тувназа». Ва гьаци шулу.

Заанури гъапну: «Гъит завун ижмишниин акв тувру мутмйир ишри. Дурари йигъна йишв жара апӀиди ва вахтар, йигъар, йисар улупиди.

Дугъу гъапи: «Гъит жили чрушин туври: тум айи укӀар ва бегьер тувру гьубкьу жюрейин гьарар». Ва гьаци гъабхьну.

Заанури ижмишин апӀуру ва зиин али шид кӀанакк ккайи штухьан жара апӀуру. Ва гьаци гъабхьну.

Жили чрушин хуру: тум айи гьубкьу жюрейин укӀар ва бегьер тувру гьубкьу жюрейин гьарар. Заануриз му кьабул шулу.

Заанури завуъ кьюб зурба акв тувру мутмйир арайиз хуру. Дугъу, йигъ тяйин апӀуз, ригъ арайиз хуру, хъа йишв тяйин апӀуз ваз арайиз хуру. Дугъу хядарра арайиз хуру.

Заанури гъапну: «Гъит, завун кӀанакк ккайи шид саб йишваз уч ибшри ва гъит къурамат ккитӀибгъри». Ва гьаци гъабхьну. Заанури, къураматдиз «жил» кӀуру, хъа уч гъаши штариз – «гьюлер». Заануриз му кьабул шулу.

Заанури гьамци кӀури дурар ужувлакк ккаъру: «Артухъ йихьай, артмиш йихьай, гьюлер ацӀай. Хъа ничхрари жил алабцӀри».

Заанури гъапну: «Гъит жили гьубкьу жюрейин чӀивишин хури: мал-къара, гьяшаратар ва гьубкьу жюрейин вягьши гьяйванатар». Ва гьаци шулу.

Заанури гъапну: «Гъит штар чӀивишнари ацӀри. Хъа жилин зиин зав вуйибси ничхрар тӀирхури ишри».

Заанури гьубкьу жюрейин вягьши гьяйванатар, мал-къара ва аьхючӀвеъ гьяшаратар апӀуру. Заануриз му ужуйи рябкъюру.