Versículos bíblicos populares de Лука 14

Compartir

– Кен Нан тал ирәд, зуг эк-эцкәсн, гергнәсн, үрдәсн, ахнр-эгчнрәсн, әмн-җирһләсн үлү деер Нанд дурта эс болхла, тер Мини сурһульч болҗ чадшго.

Күн болһн эврәннь кирсән авч йовад Намаг эс даххла, Мини сурһульч болҗ чадшго.

Кен чигн бийән деегшлхлә – дорацулгдх, болв кен чигн бийән дорацулхла – деегшлх.

Цуг эн тадна туст бас ирлцҗәнә. Кемр тадн эн бәәсн зөөрм нанд керго гиҗ эс келхлә, Мини сурһульчнр болҗ чадшгот, – гив.

Кемр тадна негнь гер бәрхәр седхлә, түрүләд тер сууһад тосхлтыг дуусх мөңгнь күрх угаһинь тоолх биший? Кемр оңданар кехлә, тер герин ул тәвәд, герән тосхҗ дуусҗ чадшго болҗ һарх. Энүг үзсн улс терүг наад бәрх. «Эн күн герән экләд тосхҗаһад, дуусҗ чадсн уга», гиҗ тедн келх.

Чи нәәрән кехләрн угатя, эрмдгтә, доһлң болн сохр әмтиг дууд. Тиигхлә чи буйн кишгтә болхич. Тедн чамаг хәрү дуудҗ чадшго, зуг чик седклтә әмтнә әмдрллһнә өдрт чини өгсн юмн чамд хәрү ирх.

– Давсн – сән юмн, зуг кемр давсн эврәннь амтан геехлә, юуһар амтынь орулхмт? Тиим давсн юмнд керго болна, һазр ясруллһнд чигн тер тус болшго. Энүг күн авад хайчкна. Соңсхар седснь соңстн! – гив.