Versículos bíblicos populares de Yoana 10

Compartir

Omwifi ataku:ja, tari kare:twa okwiba, no kwita, no kusimagisya. Anye ne:jire korereki babe no buanga, na ka babe nabwo bwafu.

Anye nanye omure:fi we kisi. Omure:fi we kisi ke:tegayo obuanga bwae kurwa jina:ma.

Jina:ma jani ejungwa riraka ryani, nanye nijimenyere, eiene nijindu:ba.

Nanye enijiyana obuanga bunu butakuwao, amwi jitaribura kajanende na kajanende, amwi atariwo unu arijinyugumbura mu kuboko kwani.

Anye nanye omuryango. Omu:nu akengirira mwanye, kakira, kengira, kauruka, kabona obure:bero.

Anye nanye omure:fi we kisi, ka nimenyere ejani, ne jani ji:menyere.

Rata unu ajinae ni mukuru kukira bo:ne, amwi atario unu katura okujinyugumbura mu kuboko kwa Rata. Anye na Rata riri umwi.

Rwa Rata kutyo a:menyere, nanye one kutyo nimumenyere Rata. Nanye nini:tegayo obuanga bwani kurwa jina:ma.

Atariwo unu kabunso:syako nawe nanye omwene:ra enibuso:sya. Ndino buinga bwo kubuso:sya, ka ndino buinga bwo kusuba okubugega. Eciragiro eco naciyabirwe Rata.

Mbe Yesu nababwira rindi ati, Ni cimari cimari enibabwira ati, Nanye omuryango gwa jina:ma.

Unu kare:bera omuyero, atari mure:fi, na jina:ma jitari jae, akarora omusege nigu:ja, kasiga jina:ma, ne:ruka, no musege nigujika:ya, nigujinyaraganya.

Ni cimari cimari, enibabwira ati, Unu atakuitiŋana mu muryango okwingira mwigutu rya jina:ma, nawe ka:sisisya andi, oyo ni mwifi na musa:kusi.