Versículos bíblicos populares de Yowani 4

Compartir

Jyakman so tao si Ama ta do to a amyan so kataotao. Am ori o iyapo na do Seyzi no omoyat do tao a manoyong a omraralay ni Ama ta do to.”

So na ikanoyong sicyaikwaya yanimakaranes. O manoyong a omraralay ni Ama ta do to a tao am oyatan no Seyzi o onowned na omraralay ni Ama ta do to. Ta o akman rana sang a tao am isaray na ni Ama ta do to.

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Maniring o mavakes am, “Mo kahakay, yamarahem o tovong eya a yabo o tatano mo. Makongo ka mangap so to meyyonong a ikavyay a ranom.

Maniring o mavakes jya am, “Ko katenngan na kai no Misayya. No si mai ori am miminen na o vazay a ipanci jyaten.” Maniring si Yeso am, “Yaken o mo ipanci ang. So na ika iya no yamacisirsiring jimo.”

Maniring am, “Citahey kamo o yasa ka tao a yato mimin so mina vazay ko a yapatwawen. Ala Misayya o ito.”