Versículos bíblicos populares de Matthieu 26

Compartir

Diʼee gá ɨ́ mpʉ̂n. Jɨʼlaa gâ, bɨ̌n ámû jaá bóblɔɔ, bɨ̌n ntɔ̂ʼ duma. Sísǐm mʉ̂r, wé damá gwɨ̂m ésâ bísyɛ́ɛla bimpâ, bipúno bíɛ, byé ɨ́ tyɛʼ.»

Nye ó: «Lémé wâm, wê le ebúʼ, mpʉ̌ sá lɛ́ɛ́, me ópuro e tɨ̂. Diʼee gá wâʼ lɨ́ emo e me. Diʼee gá ɨ́ doho.»

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

Ɨ́ mpʉ bé á be, bé mû lɨ́ ede yɨ́, Yésʉs ntɔ̂ʼ nʉǎ blêr, dwě Nzyɛ̌m nzyǒo, pɛ̂ʼ yé bipêh, dwe ómpʉ́n byǎ. Nye ó: «Nʉaa gâ. Bɨ̌n a dê. Nyʉ̂l nyǎm ó nyɨ̂.»

Píe tɨ̂, nye ntɔ̂ʼ nʉǎ bélé ményoʼ mé rezɛ̂ŋ, dwě Nzyɛ̌m nzyǒo, ntɔ̂ʼ dwe bé yǎ. Nye ó: «Déʼ gâ, bɨ̌n óbɛ̂h!»

Nye nzě gbɔlwa sí, tô nko ómpʉ́n bé, bé á be yɨ́, tó kœb bé ɨ́ bijô. Nye e Pétrus ó: «Nzê yé abána gó lɨ́ edi ɨ́ doho tâŋ ewala egwár e me ɛ̌?

Me lɨ́ elɛ́ɛ bɨ́n ó, me ákǎ báʼǎ de ményoʼ mâ, táare ɨ́ báánâ, tó pyâl ɨ́ jɔʼ mɨ́ná ngá kǎ de gá maá medwân ɨ́ sí mé Sɔ́ŋ wǎm yɨ́.

Jɔʼ yaá ó Pétrus á símsa sá Yésʉs á lɛ́ɛ e né ó: «Njʉ́m kúo dína apǎ kwâʼ, go ókɛ́la mé nzɔʼ lɛ̂l» yɨ́. Nye nzě tô kʉ̌l, ntɔ̂ʼ gɔ́na le ejɨ ɨ́ buo buo.

Gbɔlwaa gá sí. Ncʉ̂ʼ gâ. Jwɛ́ʼɛ́ɛ́ gâ. Mʉr bɛ́má mé nyá ó dí enzě nɨ̌!»

Yésʉs ntɔ̂ʼ lɛ́ɛ e né ó: «Swamaǎ pɛl yô lɨ́ ebɔ́m, ebě, baá bɨ́bɛ̂h dí elwímla le opasoŋ bá, bé ójʉ́ŋɔɔ ntémé ó, le opasoŋ.