Versículos bíblicos populares de Genesis 1

Compartir

Akngey angkek, “Ahern-areny arrpmernetyek rernem anetyek anwantherr-apeny, rernem Atyetyart anetyek kwaty-areny ingkerrenhek, thip ingkerrenhek, atnwenth ingkerrenhek, atnwenth mwerr-rnemek-then, atnwenth ateralth-rnemek, ahernel alheyel-rnem-then.” Akngeyel arrpmernek artwethen arelh-then, ratherr rapeny anetyek.

Akngeyel ahern-areny ilek akngerrirretyek, ahern ingkerrenh-angkwarr, apmer arrpanenhel. “Arrantherr atyetyart anetyek, ahern ingkerrenhek, irrpeng ingkerrenhek, thip ingkerrenhek, atnwenth ingkerrenhek.”

Awank-akerr, Akngeyel alker-then ahern-then arrpmernek.

Kwaty alayelant ahern ingkerrenh artenh. Ingwemerntarl ingkerrenh-angkwarr ayntenh. Akngeyel awer ilkwa tyarlewek. Akngey-kenh Itnweng rtnenh.

Akngey angkek, “Arrtyernerl-aynta!” Rap arrtyernenhey-alhek-anem.

Akngeyel ingkerrenh arek, rarl mwerr-angkwarr arrpmernek.

Akngeyel arek mwerr arrtyernenhey-alhek. Akngeyel ingwethen arltethen amentant-atherr arrpmernek.

Ikwer-penh Akngeyel renh-rnem ilek, “Atha arrenhantherr anthem, amern-rnem-then arwerl ntang-akert-rnem-then, arrantherr arlkwetyek.

Akngeyel itnewek “Arlta.” Kel ra akethirrenhek. Ingwer Akngeyel itnewek “Ingwa.” Arlta arrwekel anyent ikwerel, atwerrpirrenhek. Ingwemernt-anem irrek. Ingwel-anem. Ikwer-they angkep arrpemarl ra akethirrenhey-alhek.

Akngey angkek, alker ampep-warl arrkngert rnkernetyek, kwaty alay amentant-atherriletyek. Kel alakenh-anyem.

Atnwenth ahern-areny-rnem-then, thip alker-areny-rnem-then, ahernel alheyel-rnem-then. Ahern-areny ingkerrenhek, atha amern-rnem-then atherrk-rnem-then anthem.”

Akngey angkek “Ingkenyel arrtyernetyek arltel, ingwel arrtyernetyek alkentel.” Arltethen ingwethen amentant-atherr ra anthek. Ratherr aherrety-then alyangkw-then ament-atherr arrpemarl ra anthek, rernem iterl-arayntetyek ilenger rernem akarrirretyek.

Akngey angkek atherrk-then arwerl amern-akert-then atherrk ntang-akert-rnem-then rnkernetyek. Kel alakenh-anyem.

Kwaty ingwer irrwerl, kwaty ingwer kwaty kweneng.

Arwerl ingwerek-ingwer-then ntang ingwerek-ingwer-then Akngeyel arrpmernek. Akngeyel arek ingkerrenh-angkwarr, rarl mwerr-angkwarr arrpmernek.

Akngeyel arrernek atherrap-antey, ikngwer arrernek ra artewentyel arrtyerney-angker arltel. Akngeyel antyarr akngerr arrernek.

Akngey angkek ahern-then kwaty alay-then amentant atherriletyek, ahern artwerretyirrey-kety. Kel ahern aremirrek. Akngeyel itnewek ahern-then kwaty alay-then. Akngeyel arek rarl mwerr-angkwarr arrpmernek.

Akngeyel renh-rnem ilek, “Akngerram-akngerrirretyek, arlperrtyirremel kwaty alay-angkwarr ingwer-rneman alker-angkwarr ingwer-rneman.”

Akngey angkek, “Ahern ikwer-penh atnwenth ingwerek-ingwer akngerrirretyek, ateralth-rnem-then, mwerr-rnem-then, ahernel alheyel-rnem-then.” Kel alakenh-anyem.

Akngey angkek kwaty alayek, atnwenth ingwerek-ingwer ikwerel anayntetyek. Rap angkek thip ingwerek-ingwer alkerel alhayntetyek.

Akngeyel atnwenth ingwerek-ingwer arrpmernek, atnwenth ateralth ingwerek-ingwer, atnwenth mwerr ingwerek-ingwer, ahernel alheyel ingwerek-ingwer. Akngeyel arek ingkerrenh, rarl ingkerrenh mwerr-angkwarr arrpmernek.