Versículos bíblicos populares de YOHANA 1

Compartir

Ne boosi abamwinjisia, nibamusuubilila, yabahelesia obunyali bwokhuba abaana ba Nyasaye.

Mukhuchaaka, Likhuwa yalinjiho, ne Likhuwa oyo yali halala nende Nyasaye, ne Likhuwa oyo yali Nyasaye.

Obulafu obwo bwakhanga mushiilima, ne eshiilima shishinyala okhubwikalila okhwakha tawe.

Likhuwa oyo yekhola omundu ne namenya mwifwe, khwalola oluyalilwe, niyetsulemwo obukoosia nende obwatoto. Oluyali olwo nilwo olwa yanyoola shinga omwana omutelwa wa Samwana, ouli Nyasaye.

Okhubirira muye, Nyasaye yalonga ebindu biosi, ne shibulaho eshindu kata shilala eshilaalongwa okhubirira muye tawe. Likhuwa oyo niye owali eshinoko shiobulamu, mana obulamu obwo nibureelera abandu obulafu.

Inyanga yalondakhwo, Yohana yalola Yesu niyetsanga wa yali, ne naboola ari, “Lole! Ouli shinga eshimeeme shielikondi shia Nyasaye, ourusiaho obwonooni bweshialo ngwoyo!

Likhuwa oyo yalinji mushialo, ne eshialo shialongwa okhubirira muye, nebutswa abeshialo shibamumanya tawe. Yetsa mushialoshie shiene, nebutswa abali abebe beene shibamwinjisia tawe.

Obwo nibwo obwali obulafu obwatoto, obwetsa mushialo nibwashila abandu boosi.

Nyasaye yahaana amalako okhubirira mu Musa, nabwo obukoosia nende obwatoto nabihaana okhubirira mu Yesu Kristo.