Versículos bíblicos populares de Sant Jan 12

Compartir

Se quaucun me sièr, que me seguigue; e mounte siéu iéu, aqui tambèn sara moun serviciau. Se quaucun me sièr, moun Paire l'ounourara.

Quau amo sa vido, la perdra, e quau ahis sa vido en aquest mounde, la counservo pèr la vido eternalo.

Veramen, veramen vous lou dise, se lou gran de blad que toumbo en terro noun vèn à mouri, rèsto soulet; mai se mor, cargo abord de fru.

Iéu, la Lumiero, siéu vengu dins lou mounde pèr que tout ome que crèi en iéu noun iste dins la sournuro.

E se quaucun entènd mi paraulo e lis óusservo pas, es pas iéu que lou juge; noun siéu vengu, dóumaci, pèr juja lou mounde, mai pèr sauva lou mounde.

Marìo, elo, prenguè 'no liéuro de perfum de nard, d'acò pur e requist; em'acò n'en vougneguè li pèd de Jèsu, lis eissuguè pièi emé sa cabeladuro; e l'oustau fuguè plen de l'óudour d'aquéu perfum.

Prenguèron de broundo de paumié, e i'anèron à l'endavans, que cridavon: Hosanna! Benesi lou rèi d'Israèl, que vèn au noum dóu Segnour!

Jèsu ié respoundeguè, disènt: Es vengudo l'ouro que dèu, lou Fiéu de l'Ome, èstre glourifica.