Versículos bíblicos populares de Luk 14

Compartir

“Muih as yang yakat kaiwi yang kauh dalani yatalwas kat papangni, nanangni, yalni, walanibis balna, wirahni ahal dawak yayal balna, dawak witing muihni karak dawakat, yang disaikipil atnin sip awaski.

Dawak angdika muihni witing panan prihni trukwi uskit uiwas kidika laih, yang disaikipil atnin sip awaski.

Kat angdika muihni witing alas nuhni kaldakawa kidika laih, sau yakat kallakna karang; dawak sau yakat kaldakawa muihni kidika laih, nuhni kalyamna karang.

Kaput bahang, manna kaupak angdika muihni di duwa balna kidika bitik dawas laih, sip awaski yang disaikipil atnin.

Manna kaupak as mayakat kilwi talnin pāni as yamnin kulwakat, ¿ais tatuna laih yalahwi kulwi talwas atnin katpah lalah ampus diswarang kidika, kaput karak witing talna atnin sip yamwi yakwarangpa? Wirlawakat, sau paskau rahni balna laihwa dini kidika āwi usnit kat yamwi yakwas dawarangkat, muih tatalwarang kidika bitik laih witing yakat sarahni kalyuyulwarang ki, aput yulwinah: ‘Adika alni laih sarpakwi laihwi yamna, kaunah sip yamwi yakwas dana.’

Wirlawakat, kasnin alasnina as muih balna yakat diama mani kat, muih miniknakunni balna, di sip awas muihni balna, yamni lapapakwas muihni balna dawak miniknapa di tatalwas muihni balna yakat diyultang kat uiwang; dawak man laih alasna awama. Kat witingna laih lauwi manin sip awas bahang, kaunah man laih la kat muihni balna dadauna kidika watwi yaklalauwarang mani kat mamat duma ki.

“Kuma kidika laih yamni ki; kaunah wilamni dis kalwa mani kat, ¿amput watwi dunin yamni karangyah? Yamni awaski sau yakat dawak bubuh mahni kidika yakat bik. Kidika laih dauh ruhmnin dini.”