Versículos bíblicos populares de San Mateo 13

Compartir

Na bini gosi lo yo' chhia'a rhe'anhe sne'a bene rhenkene xhtidza Diozo na rheajniekene te rdeke to gsecho chhia'a, ka' lo beto'o ki trigo gchhia togayoa, tzona galaj o chirhoa toto' bini.

Na bini gosi ladaj yechi' rhe'anhe sne'a bene rhenkene xhtidza Diozo, na rhebankene ki bikaka tan dia lo yelanaban nan kan ki tan rze'alachhike gatarhe kie'ake tan rzie' ye'a le'ake. Yogote'a ten rchiagui xhtidza Diozo te labi rde lataj gtzake ka' chhiarheke.

Ka bene rhenkene xhtidza Diozo le'an labi rheajniekene, nakake ka' bini gosi lhaneza; na rla'a taxiwe na rheguie'alata xhtidza Diozo nadoza lo laxhdoke

Na bini gosi lo ladaj guiaj rhe'anhe sne'a bene rhenkene xhtidza Diozo te rhebekene nan rzi'ike, na tan biteka napa lhoe, na labi rze'ake tzotzo; kati nia' ki xhtidza Diozo rdeke lo taze'adi o rsakaya'aka bene le'ake, rinajkene.

Lo yelarne'abe'a ki Diozo naka ka' to ta tzawegolha ta nagachi lo yo'. Na to bene bedzelhene, te nagsizi bokachike; rhebeguezene, beyiaje yajye'atie diarha tan dia kie' te beya'awe yo' na.

Na yetroa bexaj lo yo' chhia'a, na be'ana gsecho chhia'a; bala gchhia togayoa toto' bini, yebala gchhia tzona galaj, te yebala gchhia chirhoa.

Wenkalha gderha lataj ye'anika tzaxhen nan xhchhinte'arhe gsecho; na'arhe sela ka bene zajlapake te yezi'ike zalho guixi malha te gogake troa'a weaj, kinda gze'aguike, te dena'a ko'oke sigorha trigo na lo ye'e kia'.